Tuesday, November 30, 2010

အနမ်း...

- သိပ်မကြာခင်မှာပဲ နေ၀င်တော့မှာမို့နဲ့ တူပါရဲ့ ကောင်းကင်ကြီးက နှုတ်ဆက်နေလိုက်တာ တိမ်လေးတွေတောင် လောင်ကျွမ်းတောက်ပလို့ မကြာခင် ခွဲခွာရတော့မှာ ၀မ်းနည်းနေသလား... ဒါမှမဟုတ် လေလေးတစ်ချက်နှစ်ချက် အဝှေ့မှာ ထထခုန်ကြတဲ့ သစ်ရွက်ကြွေလေးတွေရဲ့ ဘ၀ကိုပဲ မရှုရက်လေသလား.. သူတို့ဘယ်လိုများ ဖြေသိမ့်ကြပါသလဲ...။
- သစ်ရွက်ကြွေလေးတွေဆီနည်းနည်း၊ အဖျားဝါပြီး ငိုက်စိုက်ကျနေတဲ့ မြက်ပင်လေးတွေဆီနည်းနည်း၊ နွေရာသီကနေထွက်ပြေးလာတဲ့ လေပြေလေးတွေဆီ နည်းနည်း၊ မကြာခင်ပျောက်ကွယ်တော့မယ့် နေ၀န်းလေးဆီ နည်းနည်း ခံစားချက်လေးတွေ မျှပေးမိတာ ပတ်ဝန်းကျင်တစ်ခုလုံးတောင်လေးလံလို့..။
- နွေရာသီကုန်ဆုံးသွားပြီ..။
- ဆောင်းအိပ်မက်တွေဟာ နွေရာသီမှာလည်း မက်တတ်တယ်ဆိုတာ နွေရာသီကုန်ဆုံးချိန်အိပ်မက်က လန့်နိုးမှ သိလိုက်ရတဲ့အခါ ပြန်မရနိုင်တော့မှန်း သိတဲ့အသိတွေနဲ့အတူ နှမျှောတသ ဆုံးရှုံးခြင်းကို ခံစားလိုက်ရတယ်။ 
- တဖြည်းဖြည်းမှောင်လာလိုက်တာ ပတ်ဝန်းကျင်ကလား စိတ်ကလားတောင် မဝေခွဲနိုင်တဲ့ အဖြစ်မျိုး ကြုံတွေ့လာရတဲ့အခါ သေချာနေတဲ့ သံသယတွေကိုတောင်မှ သံသယလေးဝင်ပြီး အကောင်းဆုံးကို မျှော်လင့်နေမိသေးတာဟာ ရူးသွပ်မှုဆိုရင်တောင် ကျွန်တော်ကိုယ့်ကိုယ်ကို အပြစ်မတင်ရက်ဘူး..။
- နှုတ်ခမ်းနှစ်ခုထိတွေ့မှု၊ ၀င်သက်ထွက်သက်အပေးအယူမျှမှု.. ဘယ်တုန်းကမှ တို့အနမ်းတွေ အဲလောက် မရှည်လျားခဲ့ဖူးဘူး။ အခုတော့ နေရောင်အောက်က ရေခဲတုံးတစ်တုံးလို တဖြည်းဖြည်း ပါးလျပျောက်ကွယ်သွားသလိုမျိုး တစ်ယောက်ကို တစ်ယောက် ဆုံးရှုံးရင်းနမ်းခဲ့ကြတာ `နောက်ဆုံး´ဆိုတဲ့ အသိနဲ့တဲ့လား။ တစ်ယောက်ကိုတစ်ယောက် ခပ်တင်းတင်း ပွေးဖက်ထားခဲ့ကြတဲ့ လက်တွေဟာ ထာဝရ လက်မလွတ်လိုက်ရခင် နောက်ဆုံးအင်အားတဲ့လား...။
- အနမ်း။ ပါးပြင်၊ အပေါ်နှုတ်ခမ်း၊ အောက်နှုတ်ခမ်း၊ နားရွက်ကလေးတွေ နောက်ပြီးတော့ လည်တိုင် အားလုံးကို ဆုံးရှုံးမှုနဲ့ မွတ်သိပ်စွာနမ်းခဲ့တာ။ အဲဒီအနမ်းဟာ နှုတ်ဆက်အနမ်းမဟုတ်ပေမယ့် သေချာနေပြီဖြစ်တဲ့ ဆုံးရှုံးမှုတွေနဲ့ နောက်ဆုံးအနမ်းပါ။
- အနမ်းတွေဟာ ဘယ်တော့မှ လေထဲပျောက်ကွယ်မသွားဘူး...။
- တိမ်အတုတွေကြောင့် နှလုံးသားနှစ်ခု ဖျားနာသွားတာဟာ ဘယ်သူ့အပြစ်ကြောင့်လဲ ဆိုတဲ့ မေးခွန်းကို မေးဖို့ အဖြေကို နားထောင်နိုင်စွမ်းမရှိတာနဲ့ပဲ သက်ပြင်းသုံးကြိမ်ချခဲ့မိတယ်..။
- ရှုံးနိမ့်ခြင်းနဲ့ ဆုံးရှုံးခြင်းဟာ သနပ်ခါးလိမ်း ပန်းပန်ပြီး ဇာတ်စင်ရှေ့ထွက်လာတဲ့အခါ ကံတရားဆိုတဲ့ ဇာတ်ဆရာက ကန့်လန့်ကာ ထောင့်ကွယ်ကနေ ပြုံးပြီးကြည့်တယ်။
- လေထုထဲမှာ ရနံ့တွေ ပါလာတတ်လွန်းလို့ အသက်ရှူဖို့တောင် ကြောက်လန့်မိ။ ခြောက်သွေ့တဲ့လေထုကို ရှူရှိုက်မိတိုင်း အနမ်းတွေနဲ့ စိုစွတ်နေတဲ့ လေထုကို လွမ်းမိတယ်။
- ပိုင်ဆိုင်ခွင့် မရှိတော့တဲ့ အနမ်းကို အခါအခွင့်ကြုံတိုင်း လွမ်းဆွတ်မိတာ ကိုယ့်ကိုယ်ကို နှိပ်စက်ရာများ ကျလေမလား..?
- အနမ်းနှစ်ခုကြား အများကြီးခြားနားသွားတာကို မနမ်းခင်အခိုက်အတန့်နဲ့ နမ်းပြီးအခိုက်အတန့် နှလုံးသာကို ယှဉ်ကြည့်တော့ သိပ်သိသာလာတာဟာ မနမ်းခင်ရှင်သန်နေခဲ့တဲ့ နှလုံးသားဟာ နမ်းပြီးတဲ့အချိန်မှာ သေဆုံးသွားတာကို တွေ့မြင်ရလို့ဖြစ်တယ်။
-  နွေးထွေးတယ်၊ စိုစွတ်တယ်၊ နူးညံ့တယ်၊ တလပ်လပ်နဲ့ ရင်ထဲက ဖိုတယ်၊ ချိုမြိန်တယ်၊ နှလုံးခုန်မြန်လာတယ်။ ဟိုးအတွင်းထဲ.. အတွင်းထဲအထိ....
- နှုတ်ခမ်းနှစ်ခုရဲ့ ထိတွေ့မှုအောက်မှာ အတ္တတွေပြိုကျ၊ သူလည်းမရှိငါလည်းမရှိ ဖြစ်တည်မှုအသစ်၊ သူမဟာ ငါ့ရဲ့ ဒုတိယတစ်ဝက်ဖြစ်တယ် လို့ ......။
- ဒီစာမှာ အနမ်းကလွဲပြီး ဘာမှမပါဘူး..။

notes; လွန်ခဲ့တဲ့ သုံးလလောက်က ရေးခဲ့တဲ့ အက်ဆေးလေးပါ။ အခုအချိန်မှာ ပြန်ဖတ်ကြည့်တော့ ရယ်ချင်သလိုပဲ....။ အားလုံးဟာ အချိန်နဲ့လိုက်ပြီး ပြောင်းလဲကုန်တာပါပဲ...။


Saturday, November 27, 2010

ချစ်သူသို့..

`မင်္ဂလာပါ´

ဒါပါပဲကွယ်။ ငါပြောခွင့်ရှိတာ ဒီတစ်ခွန်းသာပါ

`အဆင်ပြေရဲ့လား´တဲ့

ရက်ရက်စက်စက် ထိုးခုတ်သတ်ဖြတ်ပြီးကာမှ `နာသွားသေးလား´လို့

မေးချင်သေးတာတဲ့လား။

ငါ့ကို မချစ်လို့ ရပါရဲ့၊ မုန်းလို့ရပါရဲ့၊

သနားခွင့်တော့ မင့်မှာ မရှိပေဘူး

ဒါတွေအားလုံး ကြိုသိခဲ့ရင်..

ငါပြင်ဆင်ချိန်ရခဲ့မှာပဲ။

ခုတော့ သတ်မှာကိုပဲ နာကျင်မှာစိုးလို့

ဓါးကိုဖြည်းဖြည်းချင်း ထိုးသွင်းခဲ့တာပါတဲ့

မြတ်နိုးဖွယ်မဟာ ဂရုဏာတော်ပါပဲကွယ်....။
                                                         (ဝေလင်း)
         

Wednesday, November 10, 2010

အိမ်အပြန်လမ်းက ပန်းပုဝါ



 အိမ်အပြန်လမ်းက ပန်းပုဝါ


         

       ဖလော်ရီဒါက ကမ်းခြေကို သွားကြမယ့်အဖွဲ့ဖြစ်သည်။ ယောက်ျားလေး သုံးယောက်၊ မိန်းကလေးသုံးယောက် ဖြူလွလွသောင်ပြင်နဲ့ နွေးထွေးတဲ့ နေရောင်ခြည်၊ ရေပြာပြာပင်လယ်နဲ့ လတ်ဆတ်တဲ့ လေကိုတွေးပြီးပျော်မြူးနေကြသည်။ တစ်ယောက်နဲ့တစ်ယောက်လည်း ချစ်ချစ်ခင်ခင်၊ ပျော်ပျော်ရွှင်ရွှင် စနောက်ပြီး လိုက်ပါလာကြသည်။ ပတ်ဝန်းကျင်တစ်ခုလုံးကိုလည်း အပြုံးပန်းတွေပေးလို့။ ကားပေါ်မှာ ပါလာတဲ့ အခြားခရီးသည်တွေကိုလည်း သူတို့လိုပင် ပျော်ရွှင်စေချင်ကြသည်။


         သူတို့နားက ခုံမှာတော့ ခပ်ငယ်ငယ်လူရွယ်တစ်ယောက်လိုက်ပါလာသည်။ တစ်ချက်ချက် ပေါက်ကွဲထွက်လာတဲ့ ရယ်သံတွေ၊ လူငယ်တွေရဲ့ ပျော်ရွှင်မှုလှိုင်းက သူ့မျက်နှာက မှိုင်တွေငေးမောတဲ့ အမူအရာကို ပျောက်ကွယ်သွားအောင် မရိုက်ခတ်နိုင်သည့်အလား မှိုင်တွေပြီးလိုက်ပါလာသည်။ ခုံပေါ်မှာ ခပ်ကျုံ့ကျုံ့ထိုင်နေတဲ့ပုံက စိတ်နဲ့လူနဲ့ မကပ်သလိုလို။


         လူငယ်တွေအဖွဲ့ထဲက မိန်းကလေးတစ်ယောက်က အဲဒီလူရွယ်နားသွားထိုင်သည်။ အဲဒီမိန်းကလေးကြောင့် ထိုလူငယ်ရဲ့နာမည်ဟာ ဗင်ဂိုး ဆိုတာနဲ့ နယူးယောက်ထောင်မှာ လေးနှစ်ပြစ်ဒဏ်ခံပြီး ပြန်လာတဲ့လူဆိုတာ သိကြရသည်။ အဲလို သိရတော့ ခရီးသွားတွေ ပိုအံ့ဩကြရသည်။ ထောင်ကလွတ်လာပြီး အိမ်ပြန်မယ့်သူက ပျော်ရွှင်မနေဘဲ ဘာလို့များမှိုင်တွေနေရပါလိမ့်ပေါ့…။


         “ရှင့်မှာ အိမ်ထောင်ရှိသလား..?” မိန်းကလေးက မေးလိုက်သည်။


ထိုရိုးစင်းသောမေးခွန်းနောက်မှာ ခပ်ဆန်းဆန်း အဖြေက လိုက်လာသည်။


         “မသိပါဘူးဗျာ..”


အဲဒီအဖြေကိုကြားတော့ မိန်းကလေးက တအံ့တဩနဲ့ ထပ်မေးသည်။


         “မသိဘူး ဟုတ်လား..?”


         “ကျွန်တော်ထောင်ထဲဝင်ရတော့မယ်ဆိုတော့ ကျွန်တော့်မိန်းမဆီ စာတစ်စောင် ရေးခဲ့တယ်။ အဲဒီစာထဲမှာ ကျွန်တော်ဟာ ထောင်ထဲမှာ အချိန်အကြာကြီးနေရမှာမို့လို့ တကယ်လို့များ သူ့အနေနဲ့ စောင့်ရမှာ ခက်ခဲတယ်ဆိုရင် ၊ တကယ်လို့များ ကလေးတွေက သူတို့အဖေအကြောင်း မေးကြရင်၊ အဲလိုဖြစ်လာလို့ သူမနာကျင်ရတယ်ဆိုရင် ၊ ခြုံပြောရရင်တော့ သူမအတွက် ရပ်တည်ဖို့ ခက်ခဲလာခဲ့ရင် ကျွန်တော့်ကို မေ့ပစ်လိုက်ပါ။ နောက်အိမ်ထောင်ပြုချင်လည်း ပြုပါ။ ကျွန်တော်နားလည်နိုင်ပါတယ်။ ပြီးတော့ နောက်အိမ်ထောင်ပြုမယ်ဆိုလည်း ကျွန်တော့်ကို အကြောင်းကြားနေဖို့မလိုပါဘူးလို့ ရေးလိုက်တယ်။”


         “ဆိုလိုတာက အခုရှင်ပြန်သွားရင် အိမ်မှာ ရှင့်ကို ဘာက စောင့်ကြိုနေမယ်ဆိုတာ မသိဘူးပေါ့.. ဟုတ်လား..?”


         “ဟုတ်တယ်..” တုန်ရင်မှုကို ဖုံးကွယ်ထားတဲ့ အသံနဲ့ ဗင်ဂိုးက ဖြေသည်။


         “ပြီးခဲ့တဲ့ တစ်ပတ်လောက်က ထောင်ထဲမှာ အနေအထိုင်ကောင်းမွန်လို့ဆိုပြီး ကျွန်တော့်ကို လွတ်ရက်ထက် စောလွတ်မယ်ဆိုတဲ့ သတင်းကြားတော့ ကျွန်တော်သူ့ဆီကို နောက်ထပ် စာတစ်စောင် ထပ်ရေးလိုက်တယ်။ ကျွန်တော်တို့မြို့နားရောက်ရင် သတိထားကြည့်ကြပေါ့။ လမ်းဘေးနားမှာ ၀က်သစ်ချပင်ကြီး တစ်ပင်ရှိတယ်။ တကယ်လို့ သူ့အနေနဲ့ ကျွန်တော့်ကို လိုအပ်သေးရင်၊ ကျွန်တော့်ကို စောင့်နေသေးတယ်ဆိုရင် အဲဒီဝက်သစ်ချပင်ကြီးမှာ အ၀ါရောင်ပုဝါလေး ချိတ်ထားပေးပါ။ အဲလိုချိတ်ထားခဲ့ရင် ကျွန်တော်ကားပေါ်က ဆင်းပြီးအိမ်ကို ပြန်လာခဲ့မယ်။ တကယ်လို့ သူမအနေနဲ့ ကျွန်တော့်ကို မတွေ့ချင်တော့ဘူးဆိုရင် ဘာမှမလုပ်ထားပါနဲ့တော့။ ကျွန်တော်ဘတ်(စ်)ကားပေါ်ကနေပဲ မြို့ကို ဖြတ်ကျော်သွားပါတော့မယ်လို့ စာထဲထည့်ရေးလိုက်တယ်…။”


မြို့ကိုရောက်ဖို့က ဘယ်လောက်မှမလိုတော့ပေ။ ကားပေါ်က လူငယ်တွေအားလုံး မြို့ရှိရာဘက်သို့ အလုအယက်ပင် ၀င်ထိုင်ကြကာ လမ်းတလျှောက်က မိုင်တိုင်တွေကို ကြည့်ပြီး ရေတွက်လာကြသည်။ ဗင်ဂိုးကတော့ ရလဒ်ကို မကြည့်ရဲ၍ထင့် ခြေကုန်လက်ပန်းကျစွာ မျက်လုံးမှိတ်ထားသည်။


၁၀ကီလိုသာ ကျန်တော့သည်။ နောက်၅ကီလိုမီတာ… ပြီးတော့ ရုတ်တရက် ကားပေါ်က ခရီးသည်တွေအားလုံး ကိုယ့်နေရာကနေ ထခုန်ကုန်ကြသည်။ ၀မ်းမြောက်ဝမ်းသာ အော်ဟစ်ကခုန်ကြသည်။


         ဗင်ဂိုးထပြီး ပြတင်းပေါက်ကနေ လှမ်းကြည့်တော့ ၀က်သစ်ချပင်တစ်ပင်လုံးက ရှိသမျှ အကိုင်းတွေမှာ အ၀ါရောင်ပုဝါလေးတွေနှင့် ပြည့်နှက်နေသည်။ လေနှင့်အတူ တလူလူလွင့်ပြီး အိမ်ပြန်လာတဲ့ လူတစ်ယောက်ကို ကြိုဆိုနှုတ်ဆက်နေကြလေသည်။


                                                                     Борис Ганого Ожидание ကိုပြန်ဆိုသည်။
note; ၈ရက်နေ့က ဘလော့ဂ်လေး တစ်နှစ်ပြည့်ခဲ့ပါတယ်။ အစ်မချစ်ကြည်က စာရေးကျဲလို့ စာမှန်မှန်ရေးဖို့ တိုက်တွန်းခဲ့ပါတယ်။ အမှန်တကယ်လည်း တော်တော်ကျဲခဲ့ပါတယ်။ လူက စာရေးရမှာ ပျင်နေတာလည်းပါပါတယ်။ စာရေးဖို့တွေးရတာကို မပျင်းပါဘူး။ အဲဒါကို ချရေးလိုက်ရမှာလည်းအဲလောက်ထိ မပျင်းသေးဘူး။ ဒါတောင် တော်တော်ပျင်းပါတယ်။ အဲဒီရေးပြီးသားကို ကီးဘုတ်နဲ့ ပြန်ရိုက်ရမယ်ဆိုရင်တော့ တော်တော် စိတ်ညစ်သွားပါတယ်။ အခုပို့စ်လေးဆိုရင်လည်း ဖတ်ထားတာကြာပါပြီး စရေးတာလည်း ကြာပါပြီ။ ပျင်းပျင်းနဲ့ အဆုံးမသတ်ဘဲ ဖြစ်နေတာ။ ဒီနေ့တော့ အစ်မချစ်ကြည်ရဲ့ သတိပေးစကားကြောင့် ရေးဖြစ်သွားပါတယ်။
ဒီဇာတ်လမ်းလေးက မထင်မှတ်ပဲ ဖတ်မိပြီး မထင်မှတ်ပဲ ကြိုက်သွားမိတဲ့ ၀တ္ထုတိုလေးပါ။ ကျွန်တော်တို့ မြန်မာစကားမှာရှိပါတယ်။ အပျော်ဆုံးနေ့သုံးနေ့ဆိုတာ။ ဒီဇာတ်လမ်းထဲက ဗင်ဂိုးဆိုတဲ့ လူမှာတော့ ထောင်ကထွက်လာတာတောင် မပျော်နိုင်ဘဲ....





        



Monday, November 8, 2010

ဒဏ်ရာပြတိုက်


         Воэможно ты в этом мире всего лишь человек, но для кого-то ты весь мир!

            ဒီက ကျွန်တော့်ဆရာမရဲ့ ဘလော့မှာ အဲလိုလေးရေးထားတာ တွေ့ဖူးပါတယ်။ အဓိပ္ပာယ်ကတော့ ဒီကမ္ဘာကြီးမှာ မင်းဟာ သာမန်လူတစ်ယောက်ပဲ ဖြစ်ချင်ဖြစ်လိမ့်မယ်၊ ဒါပေမယ့် တစုံတယောက်သော သူအတွက်ကတော့ မင်းဟာ ကမ္ဘာကြီးတစ်ခုပဲ တဲ့။ ဘာသာပြန်လိုက်တော့ သိပ်ပြီးမလှတော့ပါဘူး။ ထားပါတော့ ပြောချင်တာကတော့ ဒဏ်ရာပြတိုက်လေးဟာ blog လောကကြီးထဲမှာတော့ သာမန်blog လေးပါ။ သာမန်တောင် လူသိပ်မသိတဲ့ သာမန်blog လေးပါ။ ဒါပေမယ့် ကျွန်တော်ဆိုတဲ့ ဝေလင်းအတွက်တော့ သူက တစုံတခုသော အတိုင်းအတာအထိ အဓိပ္ပာယ်ရှိပါတယ်။
              ဒီနေ့ပဲ blog လေးတစ်နှစ်ပြည့်ပါတယ်။ ဘာမှတော့ ထူးထူးခြားခြားရယ်လို့တော့ မဟုတ်ပါဘူး။ စကားစမြည်လေးပြောချင်လို့ပါ။ 
                 ကိုယ်ရေးခဲ့တာတွေ ကိုယ်ပြန်ကြည့်ကြည့်တော့ ကဗျာက အများဆုံးဖြစ်နေပါတယ်။ ပို့စ်ပေါင်း ၇၈ ခုမှာ ၂၁ ခုက ကဗျာပါ။ တစ်ခုခုက စိတ်ကိ ထိခိုက်မိလာရင် ကဗျာအဖြစ်ပဲ ပုံပြောင်းပြောင်းပစ်တတ်တဲ့ အကျင့်ကြောင့်လည်း ဖြစ်နိုင်ပါတယ်။ ဘာသာပြန်ထားတာတွေကိုတော့ တစ်ခုတလေက လွဲရင် ပြန်ဖျက်ပစ်ချင်မိပါတယ်။ အချိန်ကုန်ခံရိုက်ထား ရေးထားတာလေးကို နှမြောပြီးတော့တာ မဖျက်မိတာပါ။ 
ကဗျာကိုလည်း အားမရပါဘူး။ သိပ်ကြီး ပုဂ္ဂလိက ဆန်လွန်းတယ်လို့ ထင်မိလို့ပါ။ ခက်တာက ကိုယ်လုပ်ထားတဲ့ blog လေးကိုက ကိုယ့်ရဲ့ ကိုယ်ရေးကိုတာ ဆန်ဆန်လေး ဖြစ်နေတော့လည်း အထဲမှာပါတဲ့ အကြောင်းအရာတွေက ကိုယ်ရေးကိုယ်တာဆန်တာ သိပ်တော့မဆန်းပါဘူး။ ပေးထားတဲ့ blog နာမည်ကိုက ဒဏ်ရာပြတိုက် ပါတဲ့။ ကိုယ့်ကို ထိခိုက်မိလာတဲ့ ဒဏ်ရာလေးတွေကို စုစည်းပြဖို့ ရည်ရွယ်ခဲ့တာပါ။ ဒီနာမည်ကိုလည်း ပန်းချီပြခန်းတစ်ခုရဲ့ နာမည်လို့ ထင်ပါတယ်။ ဘယ်စာအုပ်ထဲမှာ ဖတ်မိတယ်တော့ မပြောပြတတ်ပါဘူး။ ငယ်ငယ်က ဖတ်ထားမိတာပါ။ ခုလို blog မှာ မရေးခင်က ရေးချင်တာလေးတွေ ရှိလာရင် ဗလာစာအုပ်ထဲမှာ ချရေးတတ်တဲ့ အကျင့်ရှိပါတယ်။ အဲဒီစာအုပ်လေးတွေကို ဒဏ်ရာပြတိုက်လို့ နာမည်ပေးထားပါတယ်။ ခုထိလည်း ဗလာစာအုပ်တွေအများကြီးပါပဲ။ ရေးဖြစ်နေတုန်းပဲ။ blog ပေါ်မတင်ဖြစ်တဲ့အကြောင်းအရာတွေ၊ တင်မရတဲ့ အကြောင်းအရာတွေ၊ စိတ်ရှုပ်တိုင်း စိတ်ရူးပေါ်က်ရာရေးထားတာတွေနဲ့ပါ။ 
                  အခု blog ပေါ်တင်ထားတဲ့ ဟာတွေကလည်း ၉၀ ရာခိုင်နှုန်းလောက်က ဗလာစာအုပ်ကနေ အသွင်ပြောင်းလာတာပါ။ ကိုယ်ကိုယ်တိုင်ကလည်း လက်နဲ့ရေးရတာကို ကီးဘုတ်နဲ့ရေးရတာထက် ပိုပြီး ခုံမင်ပါတယ်။
                   ဘလော့ဂ်လေး တစ်နှစ်ပြည့်လာတဲ့ သက်တမ်းမှာ ကိုယ့်ဘက်က ဘာမှပေးနိုင်ခဲ့တယ်ဆိုတာ မရှိခဲ့ပေမယ့် ရခဲ့တာတွေကတော့ တော်တော်များများရှိခဲ့ပါတယ်။ အထူးသဖြင့်တော့ blogger မောင်နှမတွေရဲ့ ခင်မင်နွေးထွေးတဲ့ မေတ္တာပါပဲ..။
ဘလော့ဂ်လေးတစ်နှစ်ပြည့်သွားပေမယ့် ဘာမှထူးထူးခြားခြား ပြောင်းလဲမသွားသလိုပါပဲ။ ကောမန့်လေးတွေ ရလာရင် ပျော်တတ်တုန်း၊ စီဗုံးမှာ အော်သွားရင် ပျော်တတ်တုန်းပါ။ စီဗုံးမှာလည်း ခြောက်ကပ်ကပ်၊ ကောမန့်မှာကလည်း တစ္ဆေခြောက်မှာတောင် ကြောက်ရတဲ့ အဖြစ်မျိုးဆိုရင်တော့ စိတ်ညစ်တတ်တုန်းပါ။ အဲဒီခံစားချက်တွေကတော့ လွန်ခဲ့တဲ့ တစ်နှစ်ကနဲ့ ခုနဲ့ ဘာမှမထူးခြားပါဘူး။
          ကြံဖန်ပြီးပြောရမယ်ဆိုရင်တော့ ဘလော့ဂ်ပေါ်အရောက်ကျဲတာ၊ ပို့စ်အတင်နည်းတာကိုပဲ ပြောရမယ်နဲ့တူပါတယ်။ ၂၀၀၉ခုနှစ်တုန်းက နိုဝင်ဘာ၊ ဒီဇင်ဘာနှစ်လနဲ့တင် ၄၅ ပို့စ်ရှိခဲ့ပေမယ့် ၂၀၁၀မှာတော့ နိုဝင်ဘာထိမှ ၃၃ ပုဒ်ပဲ တင်ဖြစ်ခဲ့ပါတယ်။ အဲဒါဟာ မနှစ်တုန်းကထက် စာတွေပိုများလာတာကို အကြောင်းပြရမလား၊ ကိုယ့်ဟာကို အပြင်မှာ သောင်းကျန်းနေတာတွေကိုပဲ အကြောင်းပြရမလားမသိပါဘူး။ သေချာတာကတော့ အလုပ်တွေရှုပ်နေတာပါပဲ။
             သေချာတာကတော့ စိတ်ကူးပေါက်ရင်ပေါက်သလို ရေးသွားဦးမှာပါပဲ။
             ဒဏ်ရာပြတိုက်မှာလည်း ဒဏ်ရာလေးတွေ အသစ်သစ်တိုးလာဦးမှာပါပဲ။
အားလုံးပဲပျော်ရွှင်ပါစေ
ဝေလင်း

Saturday, November 6, 2010

အမြွှာနှစ်ကောင်ရဲ့ စကားပြော...


တခါက မိခင်တစ်ယောက်ရဲ့ ၀မ်းထဲမှာ အမြွှာညီအစ်ကို နှစ်ယောက် ရှိခဲ့တယ်။ အဲဒီနှစ်ယောက်ထဲက တစ်ယောက်က သူ့ရဲ့အတွေးကို တခြားတစ်ယောက်ကို ပြောပြတယ်…။

“မင်းသိလား.. ငါတော့ မွေးဖွားခြင်းဆိုတာ ပြီးရင် သိပ်လှပကောင်းမွန်ပြီး အံ့ဩစရာ အတိပြီးတဲ့ ဘ၀ရှိလိမ့်မယ်လို့ ထင်တာပဲ”

အဲဒီစကားကိုကြားတော့ နောက်တစ်ယောက်က မထိန်းနိုင်မသိမ်းနိုင်ပဲ သူ့ရဲ့ သွားတောင်မပေါက်သးတဲ့ အပြုံးနဲ့ တုန့်ပြန်တယ်။

အဲဒါ တကယ့်ဟာသပဲ ဘာတဲ့ မွေးဖွားပြီးနောက်ဘ၀ဟုတ်လား? ပထမတစ်ယောက်ရဲ့ အမြင်ကို ခပ်ပြတ်ပြတ်ပဲ တုန့်ပြန်လိုက်တယ်။

ဘယ်လိုများလဲ မင့်အမြင်က။ ဘယ်လိုပုံစံမျိုး ဖြစ်နိုင်မလဲ။ အဲဒီမင်းပြောတဲ့ ဘ၀ဆိုတာက။

ဘယ်လိုလဲတော့ အတိအကျမသိဘူးလေ။ ငါ့အထင်တော့ ကမ္ဘာပေါ်မှာ ပိုပြီးလင်းလိမ့်မယ်။ ငါတစ်ခါ အဲဒီအလင်းရောင်ကို အိပ်မက်ထဲမှာ မြင်ခဲ့ဖူးတယ်။ အသေအချာတော့ မပြောနိုင်ဘူး ဘယ်လိုဖြစ်မယ်ဆိုတာ။ ဒါပေမယ့် ငါတို့တတွေ ကိုယ့်ခြေထောက်နဲ့ကိုယ် သွားနိုင်မယ်။ ပြီးတော့ တကယ့် အံ့ဖွယ်သရဲပဲ။ ဖြစ်နိုင်တာက ငါတို့တတွေ ပါးစပ်နဲ့လည်း စားနိုင်မယ်ထင်တာပဲ။

အရေးမပါတာတွေကွာ။ မင်းပြောတာတွေက ဘယ်လိုမှမဖြစ်နိုင်တာပဲ။ ငါတို့ အသက်ဖြစ်တဲ့ ချက်ကြိုးက တိုတိုလေးဟာကို လမ်းလျှောက်သွားဖို့ဆိုတာ တွေးကြည့်ဖို့တောင် တော်တော်ခက်တယ်။ မဖြစ်နိုင်ပါဘူးကွာ။ ငါတို့တွေ ကိုယ့်ခြေထောက်နဲ့ ကိုယ်သွားဖို့ဆိုတာ ဘယ်လိုမှ မဖြစ်နိုင်ဘူး။ ပြီးတော့ မွေးဖွားပြီးနောက်ပိုင်းလည်း ဘယ်သူမှပြန်လာတာမတွေ့ရဘူး။ ကြားလည်းမကြားဖူးဘူး။ မင်းခေါင်းထဲမှာ ဘယ်လိုအတွေးအခေါ်တွေ ရောက်နေတာလဲ။ ကိုယ့်ကိုယ်ကိုယ် လှည့်စားမနေပါနဲ့။ မွေးဖွားပြီးသွားရင် အားလုံးပြီးဆုံးသွားပြီ။ မွေးဖွားပြီးနောက်ဆိုတာ ဘာမှမရှိတော့ဘူး။ ကိုယ့်တို့ ဘ၀ဆိုတာ အမှောင်ထုထဲမှာ ဒုက္ခခံနေရတာသက်သက်ပဲ။

ပထမ တစ်ယောက်ကကျေနပ်မသွားဘူး။ သူ့အတွေးတွေကို ထပ်ပြောပြန်တယ်။

“ငါ့အထင်တော့ ငါတို့ တစ်ချိန်မဟုတ် တချိန်တော့ အမေဆိုတာကို မြင်ခွင့်ရနိုင်တယ်ထင်တာပဲ။ ပြီးတော့ ငါတို့ဒီဘ၀မှာနေရတာဟာ အချိန်အတိုင်းအတာတစ်ခုအထိပဲနေမှာ၊ မွေးဖွားပြီးနောက် ငါတို့ရဲ့ ဘ၀အသစ်အတွက် အဆင်သင့်ဖြစ်ဖို့ ဒီမှာ ခဏနေနေကြရတာပဲထင်တယ်။”

ဒုတိယတစ်ယောက်က ခေါင်းကို ဖြည်းဖြည်းခြင်းခါတယ်။

“အမေကို ယုံတယ်! အဲဒါကတော့ အတွေးအခေါ် အစွန်းရောက်သွားပြီ။ တကယ်လို့ သူ့ကို မမြင်ရရင် သူမရှိလို့ပဲပေါ့။ ကိုယ်ဥာဏ်ကျယ်ရယ် ပြောစမ်းပါဦး အမေဆိုတာရှိရင် ဘယ်မှာလဲ? ပြစမ်းပါ။”

“ဘယ်လိုများပြောပြရမလဲတောင် မသိတော့ဘူး။ ဒါပေမယ့် ငါ့နှလုံးသားက ခံစားလို့ရတယ်။ သူ့ရဲ့ အကြင်နာ မေတ္တာ၊ ဂရုစိုက်စောင့်ရှောက်မှုတွေ၊ ပြီးတော့ ညညဆို ပတ်ဝန်းကင်တစ်ခုလုံးတိတ်ဆိတ်နေတဲ့အခါ သူက ငါတို့ရဲ့ ကမ္ဘာကို ပွတ်ပြီး တိတ်တိတ်လေး သီချင်းဆိုတာတွေ။ တကယ့် ငြိမ်းချမ်းမှုပဲ၊ ၀မ်းမြောက်ကြည်နူးမှုပဲ။ သူကိုယ်တိုင် တို့ကမ္ဘာထဲကို ရောက်လာသလိုခံစားရတယ်။ အတိအကျမပြောနိုင်ပေမယ့် ငါယုံတယ်။ သူမတကယ်ရှိတယ်ဆိုတာကိုပေါ့….”
ဒီအကြောင်းအရာကတော့ ဖလော်ဆော်ဖီချိန်မှာ ဆရာမပြောပြခဲ့တာလေးပါ။ ဖတ်ပြခဲ့တာဆိုရင် ပိုမှန်ပါတယ်။ သူ့ဆီမှာ တင်ထားတာလေးကို ကူးပြီး ဘာသာပြန်ထားတာပါ။ သူကလည်းပြောပါတယ်။ သူကလည်း တခြားတနေရာမှာ ဖတ်ရတာတဲ့။ အဲဒါကြောင့် မူရင်း ဘယ်သူ့ဆီက ဘာသာပြန်တယ်ဆိုတာကိုတော့ မဖော်ပြတော့ပါဘူး။ (မသိလို့ပါ။) သေချာတာကတော့ ကိုယ်တိုင်ရေးတာမဟုတ်ပါဘူး။ ဒီပို့စ်လေးအတွက်တင်မဟုတ်ပါဘူး..။ ဆရာမလမ်းညွှန်ပေးလို့ ဖတ်ဖြစ်ခဲ့တဲ့ ဖတ်သင့်ဖတ်ထိုက်တဲ့ စာအုပ်တွေအတွက်ပါ ကျေးဇူးတင်မိပါတယ်။ ပို့စ်လေးရဲ့ ဆိုလိုရင်းက ဘာသာရေးနည်းနည်းနွယ်ပေမယ့် တင်ပြပုံနဲ့ အတွေးလေးကို ကြိုက်လို့ ဘာသာပြန်ပြီး တင်ဖြစ်သွားတာပါ...။

Thursday, November 4, 2010

အနီးဆုံးအကွာအဝေး

   
အနီးဆုံးအကွာအဝေး
သူငယ်ချင်းနာမည်တတ်ထားတဲ့ ငါ့သံယောဇဉ်က
ဘယ်လောက်ဖြူစင်ခဲ့ပါသလဲ
အလဲလဲ အပြိုပြို မျက်ဝန်းတွေက
ယုံကြည်ဖို့မကောင်းခဲ့တာတော့လည်း အမှန်ပဲ
ကောင်မလေးရေ..
နင်နေမကောင်းဘူးဆိုရင်
ငါတကယ်စိတ်ပူတာပါ
မဖြစ်သင့်တဲ့ ချစ်ခွင့်ကို
ကမ်းလင့်လာတဲ့ထိ မျှော်လင့်လို့ရမလား
ငါတိတ်တိတ်လေး သေဆုံးချင်လို့ပါ။
ငါဟာအခြားတစ်ယောက်ပါ
ငါ့မှာနင်ပဲရှိရဲ့
နင်က အခြားတစ်ယောက်ပါ
နင့်မှာ သူပဲရှိခဲ့
ဒါပေမယ့် ငါမြတ်နိုးသွားတယ်..။

မတက်ဖြစ်တာတောင် တော်တော်ကြာသွားပါတယ်။ စာတောင်လိုက်မဖတ်ဖြစ်ပါဘူး။ မဖတ်ဖြစ်ဘူးဆိုတာက အပြင်မှာတော့ ဖတ်ဖြစ်ပါတယ်။ အိမ်ကပို့လိုက်တဲ့ စာအုပ်တွေရော..။ ကိုယ့်ဟာကိုယ်ဝယ်ထားတဲ့ စာအုပ်တွေပါ မူးနောက်နေအောင်ဖတ်ပါတယ်။ ပြီးတော့ စိတ်ဓါတ်လည်းကျနေပါတယ်။ ပိုးစိုးပက်စက်ကို ကျနေတာပါ။ ဖြေချင်နေတဲ့ စာမေးပွဲတစ်ခုအတွက် ဆရာရှာမရလို့ပါ။ တော်တော်စိတ်ပျက်ပါတယ်။ ကူညီပေးနိုင်တဲ့ သူကလည်း အလုပ်ကနေပြောင်းသွားပါတယ်။ စိတ်ကိုယ်ဒုံးဒုံးချပြီး ဖြစ်ချင်ရာဖြစ်ဆိုပြီး နေရပါတယ်။ စိတ်ညစ်တာကတော့ တော်တော် ညစ်တာပါ။ နောက် ပြောချင်တာ တစ်ခုက ခုလာမည့် ၈ ရက်နေ့ဆို ဘလော့ဂ်လေးတစ်နှစ်ပြည့်ပါတယ်။ ကိုယ်ကိုတိုင် ဘာလုပ်ဖြစ်မယ်လည်း မတွေးရသေးပါဘူး။ ဘာမှလည်း ထူးထူးခြားခြားလုပ်ဖို့ စိတ်ကူးမထားပါဘူး။ စိတ်ကူးချင်စိတ်လည်း ခုချိန်မှာ မရှိပါဘူး..။ လိမ်ဖယ်လိမ်ဖယ်နဲ့ တစ်နှစ်ပြည့်တော့မှာမို့ ပျော်တော့ပျော်ပါတယ်။
အားလုံးပျော်ရွှင်ပါစေ..
ဝေလင်း..။

Sunday, October 3, 2010

အိုစင်(Осень)


                                           အိုစင်(Осень)

                                    နတ်သမီးရေ...

                                    နင့်ဝတ်ရုံဖျားကနေ ရွှေရောင်တွေ တဖွားဖွားလွင့်ခတ်

                                    နင်ဝင်လာပုံက သပ်ရပ်လွန်းတယ်..။

                                    ၀တ်ရုံတစ်ခုလုံး ရွှဲရွှဲစိုနေတဲ့ မျက်ရည်တွေက

                                    ဘယ်နားကဝေဒနာကြောင့်လဲ...။

                                    ရွှေရောင်ဆံပင်နဲ့ နက်မှောင်တဲ့ အသားအရေ

                                    ဟော..

                                    သစ်ရွက်တွေကြွေပြန်ပြီ

                                    ရွှေရောင်လွှမ်းတဲ့ အခန်း

                                   နင်ကိုယ်တိုင်က ပန်းဖြစ်တယ်....။
                                                                 
Note; ဆောင်းဦးရာသီအကြောင်းရေးချင်မိတာကြာပြီ...။ အခုမှပဲရေးဖြစ်တော့တယ်..။ သိပ်လှတယ်..။ သိပ်ချစ်တယ်..။ မေပယ်ရွက်လေးတွေရဲ့အလှကိုတောင် ပေါ်အောင်မစပ်နိုင်လို့ အားမရဘူး...။ အိုစင် ဆိုတာကတော့ ဒီကဘာသာစကားနဲ့ ဆောင်းဦးလို့ ဆိုလိုတာပါ။

Sunday, September 19, 2010

နူးညံ့မှု


နူးညံ့မှု(ချစ်မေတ္တာ)


၂၅ စက်တင်ဘာ ၁၈၉၃

    ချစ်ရတဲ့လူဝီ!
          ဒီလိုနဲ့ တို့နှစ်ယောက် နောက်ထပ်ဘယ်တော့မှ ပြန်မတွေ့နိုင်တာ သေချာသွားခဲ့ပြီနော်။ တို့လိုပဲ မာကျောဖို့ သတိရစေချင်တယ်။ နင့်အနေနဲ့ မခွဲခွာချင်တာ။ တို့နှစ်ယောက် အတူနေရဖို့ဆို ဘာမဆို သဘောတူဖို့ အဆင်သင့်ရှိတာ သိပါတယ်။ ဒါပေမယ့် နင့်ဘ၀သစ်ကို ပြန်စနိုင်ဖို့ တို့တတွေ ခွဲခွာမှ ဖြစ်မယ်လေ။ နင့်ကိုရော ကိုယ့်ကိုယ်ကိုပါ ဆန့်ကျင်ပြီးဆုံးဖြတ်ရတာ တကယ်မလွယ်ပါဘူးလူဝီ။ တို့နှစ်ယောက်လုံးအတွက် တကယ်ပဲ ခက်ပါတယ်။ နင်ဘယ်လောက်ပဲ ငိုငို၊ ခေါင်းအုံးထဲ မျက်နှာဝှက်ထားရာကနေ ထပြီး ဘယ်လောက်ပဲ ၀မ်းနည်းစရာကောင်းပြီး အသနားခံတဲ့အကြည့်နဲ့ ကြည့်ကြည့် တို့မလုပ်နိုင်ဘူးကွယ်။ ဘယ်လောက်တောင် ပူဆွေးဝမ်းနည်းနေလိုက်တဲ့ မျက်နှာလဲကွယ်…။ ညမှောင်ရိပ် လွှမ်းလာလို့ နင့်မျက်နှာကို တို့မမြင်ရတော့ပေမယ့် ခံစားလို့ရတယ် ကောင်လေးရယ်။ နင့်မျက်ရည်တွေက တို့လက်ပေါ် စီးဆင်းသွားကြတယ်လေ….။
          ခုတို့နှစ်ယောက်လုံး ရက်ရက်စက်စက်ပဲ နာကျင်နေကြရပြီ။ တို့အတွက်တော့ ဒါတွေအားလုံးဟာ ခြောက်ခြားဖွယ်ရာ အိပ်မက်ဆိုးတစ်ခုလိုပါပဲ။ ပထမတစ်ရက်တော့ ယုံနိုင်ဖို့တောင် ခက်ခဲလိမ့်ဦးမယ်။ နောက်တစ်လနှစ်လလောက်ထိတော့ နှစ်ယောက်လုံးနာကျင်ကြရလိမ့်ဦးမယ်။ အဲဒါပြီးရင်တော့ နလံထူနိုင်ကောင်းပါရဲ့…။
          အဲဒီအချိန်ကျမှပဲ တို့နင့်ဆီ စာပြန်ရေးတော့မယ်။ နင့်ဆီကို မကြာခဏ စာရေးဖို့ တို့နှစ်ယောက် ဆုံးဖြတ်ခဲ့ကြတယ် မဟုတ်လား။ ပြီတော့ တို့လိပ်စာကို နင်မသိစေဖို့၊ သိအောင်လည်း မကြိုးစားဖို့နဲ့ တို့ရဲ့စာတွေက တို့နှစ်ယောက်ကို ဆက်သွယ်ထားတဲ့ တစ်ခုတည်းသော ကြိုးလေးတစ်ချောင်းဖြစ်ဖို့လည်း ဆုံးဖြတ်ခဲ့ကြတယ်နော်။
          နင့်ကို နောက်ဆုံးအနေနဲ့ နမ်းလိုက်ပါရဲ့။ လုံးဝအပြစ်ကင်းစင်ပြီး တိတ်ဆိတ်တဲ့ အနမ်းနဲ့ နူးညံ့စွာ နမ်းလိုက်ပါရဲ့ကွယ်။ တို့နှစ်ယောက်ကြားမှာ ကြီးမားတဲ့ အကွာအဝေးက ခြားနားတော့မယ် မဟုတ်လား….!

----------------------------------------------

၂၅ စက်တင်ဘာ ၁၈၉၄
     
       ချစ်ရတဲ့ လူဝီ!
          ကတိပေးထားတဲ့အတိုင်း တို့နင့်ဆီ ပြန်ပြီးစာရေးလိုက်ပြီနော်။ အခုဆို တို့တွေ ခွဲခွာခဲ့တာ တစ်နှစ်တောင်ပြည့်ခဲ့ပြီ်။ နင် တို့ကို မမေ့သေးဘူးဆိုတာ သိပါတယ်။ တို့နှစ်ယောက်ကြားက ဆက်သွယ်မှုလေးကလည်း ခုချိန်ထိရှိနေတုန်းပဲ။ နင့်အကြောင်းတွေးမိတဲ့ အခါတိုင်း နင့်ရဲ့နာကျင်မှုကို ခံစားမိတာချည်းပါပဲ။
          ကုန်လွန်ခဲ့တဲ့ ၁၂ လလုံးလုံး ၀မ်းနည်းကြေကွဲဖွယ်ရာတွေ မြူလိုဆိုင်းပြီး ကိုယ့်အလုပ်နဲ့ကိုယ် နေခဲ့ကြတယ်။ ဟော… အခုတော့လည်း မြူတွေထွက်ခွာသွားကြပြီ။ တနည်းပြောရရင် အသေးအဖွဲလေးတွေ ဖြစ်သွားပြီ။ တဖြည်းဖြည်းနဲ့ လုံးဝမှုန်ဝါး ပျောက်ကွယ်သွားကြပြီ။ အမှန်ပြောရရင် မှတ်ဥာဏ်ထဲမှာတော့ ကျန်ရစ်နေသေးတာပေါ့။ အကြောင်းတိုက်ဆိုင်ရင်တော့ သတိရမိတာပေါ့လေ။
          တို့ဘယ်လိုပဲ ကြိုးစားကြည့်ပေမယ့် နင့်ကို ပထမဆုံးအကြိမ်တွေ့တုန်းက နင့်မျက်နှာကို မမှတ်မိတော့တာ အမှန်ပဲ လူဝီ။
          နင်လည်း ပထမဆုံးအကြိမ် တို့နဲ့တွေ့တုန်းက တို့ရဲ့အကြည့်ကို မှတ်မိရဲ့လားလို့ စမ်းကြည့်ပါလား။ အဲဒါဆိုရင် လောကကြီးမှာ ဘာမှမတည်မြဲပဲ ကြွေလွှင့် ပျောက်ကွယ်သွားတတ်စမြဲဆိုတာ နားလည်လာလိမ့်မယ်။
          သိပ်မကြာသေးခင်ကပဲ တို့နှစ်နှစ်ခြိုက်ခြိုက် ပြုံးမိတယ်။ ဘယ်သူ့ကိုလဲ…? ဘာကိုလဲ..? ။ ဘယ်သူ့ကိုမှလည်း မဟုတ်ဘူး။ ဘာကိုမှလည်းမဟုတ်ဘူး။ လမ်းလျှောက်ရင်း လမ်းတစ်ဖက်တစ်ချက် သစ်ပင်တွေကြားက နေရောင်ခြည်တန်းလေးတွေ ဖြာကျနေတာကို ကြည့်ရင်း မရည်ရွယ်ပါပဲ ပြုံးဖြစ်သွားတာ။
          တို့အရင်ကလည်း ပြုံးဖို့ ကြိုးစားခဲ့ဖူးတယ်။ အစကတော့ ပြန်ပြုံးတတ်အောင်သင်ဖို့ မဖြစ်နိုင်တော့ဘူးလို့တောင် ထင်မိတယ်။  အားလုံးက ဒီလိုပါပဲ။ နင့်ကို ပြောချင်တာကတော့ နာကျင်မှုဆိုတာကို ဆန့်ကျင်ပြီး တစ်ကြိမ်တစ်ခါ တို့ပြုံးခဲ့တယ်။ ပြီးတော့ နင့်ကိုလည်း ခဏတိုင်းလိုလို ပြုံးစေချင်တယ်။ ရိုးရိုးလေးပါ။ ရာသီဥတုကောင်းလို့ပဲ ဖြစ်ဖြစ်၊ တစ်ခုခုကို သတိရမိလို့ပဲ ဖြစ်ဖြစ် ၀မ်းမြောက်ဝမ်းသာ ရှိစမ်းပါကွယ်။ နင့်ရှေ့တည့်တည့်မှာ နင့်ရဲ့အနာဂတ်က စောင့်ကြိုနေတယ်လေ။ ကဲပါလေ…. ခေါင်းကို မော့ပြီး ပြုံးကြည့်လိုက်စမ်းပါ…..။   

 -------------------------------------------------------
၁၇ ဒီဇင်ဘာ ၁၈၉၉
ဟော… နောက်တစ်ကြိမ် စာရေးဖြစ်ပြန်ပြီ ချစ်ရတဲ့ လူဝီရေ။
တို့ဟာ အိမ်မက်တစ်ခုလိုပဲနော်။ မဟုတ်ဘူးလားလူဝီ..? ပေါ်ချင်တဲ့အချိန်မှ ပေါ်လာတတ်တယ်နော်။ ဒါပေမယ့် အမြဲလိုလို လိုအပ်တဲ့ အချိန်မှာပေါ့။ အထူးသဖြင့် ပတ်ဝန်းကျင်မှာ မှောင်မိုက်ပြီး ဟာလာဟင်းလင်း ဖြစ်နေတယ်လို့ နင်ခံစားနေချိန်မျိုးတွေမှာပေါ့။ တို့ရောက်လာတတ်တယ်။ ပြီးတော့ ထွက်သွားပြန်တယ်။ အနီးတကာ့အနီးဆုံးမှာပေမယ့် နင် ထိတွေ့လို့လည်း မရပြန်ဘူး။
တို့အနေနဲ့တော့ ကိုယ့်ကိုယ်ကို ကံဆိုးလိုက်တာလို့ မခံစားရဘူး ကောင်လေးရေ။ တို့ဆီကို ရွှင်လန်းတက်ကြွမှုတွေဟာ အမြဲရောက်ရောက်လာတတ်တယ်။ ဘာဖြစ်လို့လဲဆိုတော့ နေ့တိုင်းလိုလို နံနက်ခင်းကိုတော့ လင်းခွင့်ပေးရတာပဲမဟုတ်လား။ ရာသီစက်ဝိုင်းဆိုတာကလည်း ပုံမှန်လည်ပတ်နေမြဲပဲမဟုတ်လား။ နေရောင်က နူးနူးညံ့ညံ့လေးတောက်ပလို့။ နေ့လည်ခင်း အလင်းရောင်လည်း ခါတိုင်းလိုပဲ နှစ်လိုဖွယ်ကောင်းနေရဲ့။
သိပ်မကြာသေးခင်ကဆိုရင် တို့ ကတောင်ကမိသေးတယ်ထင်တာပဲ။ ခဏတိုင်းလိုလို အားရပါးရ ရယ်မောမိတယ်။ အစကတော့ ရယ်ချင်ရုံ ရယ်စရာကောင်းရုံသက်သက်ပဲ။ ခုတော့ ဘယ်နှစ်ကြိမ်ရယ်လို့ရယ်မိမှန်းတောင် မသိတော့ဘူး။
မနေ့က လျှောက်လည်ဖြစ်တယ်။ နေ၀င်တရောရီ အချိန်လေးမှာ လူတွေ ပြည့်ကျပ်နေလိုက်တာလူဝီရယ်..။ အရောင်အသွေး အစုံအလင်နဲ့ လှပနေလိုက်တာ ပန်းခင်းကြီးနဲ့တောင်  တူနေသေးတော့ရဲ့။ အဲဒီလို ပျော်ရွှင်ကြည်နူးနေတဲ့ လူတွေအလယ်ရောက်သွားတော့ ကိုယ်ပါရောယောင်ပြီး ပျော်ရွှင်လာမိတယ်။
အဲဒီအကြောင်းတွေ ပြောချင်လို့ ဒီစာကို တို့ရေးလိုက်တာ။ နောက်ပြီး ယုံကြည်မှုတစ်ခု၊ နင့်ကို မျှော်လင့်ချက်မဲ့စွာချစ်တယ်ဆိုတဲ့ ယုံကြည်မှု အဲဒီယုံကြည်မှုကို ပိုမိုခိုင်မှာလာစေချင်တဲ့အကြောင်း ပြောချင်တာရောပေါ့။ တို့တွေဘယ်လောက်ပဲ စဉ်းစားကြည့်ခဲ့ကြပေမယ့် “အချစ်”ဆိုတာကို သိပ်ကောင်းကောင်းနားမလည်ခဲ့ကြဘူးနော်…။ ဒါပေမယ့် ဆုတောင်းကြရအောင် တို့နှစ်ယောက်ရဲ့ နှလုံးသားတစ်ခုလုံးက အချစ်ဆိုတာကို နှစ်နှစ်ကာကာ ယုံကြည်လာစေဖို့ပေါ့။
 ----------------------------------------------------------------

၆ ဇူလိုင် ၁၉၀၄

နှစ်တွေကုန်လွန်သွားလိုက်တာ ၁၁ နှစ်တောင် ရှိခဲ့ပြီနော်လူဝီ။ ဒီအတော အတွင်း တို့အဝေးကြီးကို ထွက်သွားခဲ့တယ်။ ခုပြန်လာခဲ့တယ်။ နောက်ထပ်သိပ်မကြာခင်မှာပဲ နောက်ခရီးတစ်ခုအတွက် ပြင်ဆင်ရတော့မယ်။
သေချာတာကတော့ နင့်မှာ ကိုယ့်အိမ်ကိုယ့်ယာနဲ့။ လူဝီရေ.. အချစ်ရေ၊ အခုဆို နင်ဟာ လုံးဝရင့်ကျက်နေလောက်ရောပေါ့နော်။ ပြီးတော့ နင့်အတွက် အဓိပ္ပာယ်အများကြီးရှိတဲ့ မိသားစုနဲ့ အတည်တကျ ဖြစ်နေလောက်ရောပေါ့။
နောက်နင်ကိုယ်တိုင်ရော ဘယ်လိုပုံစံမျိုးဖြစ်နေမလဲ မြင်ယောင်ကြည့်မိတယ်။ စိုစိုပြည်ပြည် ပြည့်ပြည့် ဖောင်းဖောင်းနဲ့၊ ပခုံးတွေကလည်း ပိုပြီး ကျယ်လာ၊ ပြီးတော့ ဆံပင်ဖြူတချို့တ၀က်လည်း ပေါက်လောက်ရောပေါ့။ နောက်ပြီး ဟိုးအရင်ကလိုပဲ နင့်မျက်နှာ ရွှင်ရွှင်ကြည်ကြည်မှာ ပြုံးများပြုံးလိုက်ရင် နှုတ်ခမ်းနှစ်ခုက ခပ်တင်းတင်းစေ့လို့။ သတိရမိပါသေးရဲ့ လူဝီရယ်….။
တို့ကရော…? တို့ပြောတောင် မပြောပြချင်ဘူးကွယ်။ တို့ဘယ်လောက်ထိ အိုမင်းသွားပြီဆိုတာကိုလေ။ အိမင်းနေတဲ့ မိန်းမကြီးတစ်ယောက် ဖြစ်သွားခဲ့ပြီ။ ပြီးတော့ မိန်းမတွေက ယောက်ျားတွေထက် ပိုပြီ ရုပ်ကျလွယ်တယ်လေ။ ခုနေများ တို့ နင့်အနားမှာ ရှိနေခဲ့ရင် နင့်အမေလို့ထင်ရမှာ အမှန်ပဲ။ မျက်နှာပေါ်က အရေးအကြောင်းတွေ နင့်ကိုကြည့်တဲ့ အကြည့်တွေကအစပေါ့။
တွေ့ပြီလား တို့တွေ ခွဲခွာခဲ့ကြတာ ဘယ်လောက်မှန်လဲဆိုတာကို..။ တို့တွေခွဲခွာခဲ့တာ တကယ့်အချိန်ကောင်းပါပဲကွယ်။ အခုတို့နှစ်ယောက်ရဲ့ နာကျင်မှုတွေ ကုန်လွန်သွားခဲ့ပြီ။ တည်ငြိမ်ခဲ့ကြပြီ။ စာအိတ်ပေါ်က တို့လက်ရေးကိုတွေ့တဲ့အခါ အရင်ကလိုမဟုတ်တော့ပဲ နင့်အတွက် ပျော်ရွှင်စရာလေး ဖြစ်ချင်ဖြစ်နေတော့မှာပါ။

 ---------------------------------------------------------------------------------------------
၂၅ စက်တင်ဘာ ၁၈၉၃

ချစ်ရတဲ့လူဝီ…!
အခုဆို တို့တွေခွဲခွာခဲ့တာ နှစ်ပေါင်း၂၀တောင် ရှိခဲ့ပြီ။
အဲ့လိုပဲ တို့မရှိပဲ နင် နှစ်ပေါင်း၂၀တောင် ရှင်သန်နေနိုင်ခဲ့ပြီ အချစ်ရေ..။ တကယ်လို့ နင်မသေသေးဘူးဆိုရင် နင်ဒီစာကို ဖတ်ရမှာပါ။ နှစ်ပေါင်းများစွာ မပျက်မကွက် ပို့ပေးနေကျ လူတွေက ဒီစာကို အရင်က စာတွေလိုပဲ နင့်ဆီအရောက်ပို့ပေးကြလိမ့်မယ်။ တစ်ခုပဲ ခွင့်လွတ်ပေးပါ။ တို့နှစ်ယောက် လမ်းခွဲပြီးနောက်တစ်နေ့မှာပဲ ကိုယ့်ကိုယ်ကို အဆုံးစီရင်ခဲ့တဲ့ အတွက်ပေါ့။ တို့မတတ်နိုင်ဘူးအချစ်ရယ်။ နင်မရှိပဲ ရှင်သန်နေထိုင်ဖို့ ဘ၀နေနည်း တို့မသင်ကြား မတတ်မြောက်သေးဘူးကွယ်။
မနေ့ကပဲ တို့နှစ်ယောက် ခွဲခွာခဲ့ကြတယ်။ တို့ပထမဆုံး ပို့လိုက်တဲ့ စာက ရက်စွဲကို သေချာပြန်ကြည့်ကြည့်ပါ။ နင်အဲဒါကို သတိထားမိမှာ မဟုတ်ပါဘူး။ အဲဒီနေ့ ညနေက တို့နှစ်ယောက် တို့တတွေရဲ့ အခန်းလေးထဲမှာ အတူတကွ ရှိခဲ့ကြတာပေါ့။ နင်ကတော့ ခေါင်းအုံးထဲ ခေါင်းထိုးပြီး ကယ်သူမဲ့တဲ့ ကြောက်စရာသောကတွေနဲ့ ကလေးလေးလိုပဲ ငိုကြွေးနေခဲ့တယ်လေ။ အဲဒီညနေက ပြတင်းပေါက်တစ်ခြမ်း ဖွင့်ထားပေမယ့် တို့လက်ပေါ်စီးကျလာတဲ့ မက်ရည်တွေကိုတော့ မမြင်ရလောက်အောင် မှောင်နေခဲ့တယ်။ နင်က နာကျင်ဝမ်းနည်းမှုကြောင့် ငိုကြွေးနေခဲ့ပေမယ့် တို့ကတော့ ရှိသမျှအင်အားနဲ့ ချုပ်တည်းပြီး ကြိတ်မှိတ် နှုတ်ဆိတ်နေခဲ့တယ်။ ဒီနေ့ တို့အခန်းထောင့်လေးမှာထိုင်ပြီး အချိန်တွေခြားပြီး နင်ဖတ်ရမယ့် စာလေးစောင်ကို ရေးခဲ့တယ်။ အခုဒီစာကို အဆုံးသတ်ပြီးတဲ့ အချိန်မှာတော့ ငါ့ရဲ့ ဘ၀အဆုံးသတ်ပေါ့။
ဒီနေ့ညနေ တို့ရဲ့စာတွေကို နင့်ဆီနေ့စွဲအတိုင်း ပို့ဖို့ရယ်၊ နင်ငါ့ကို ရှာဖွေမတွေ့နိုင်ဖို့ရယ် လုပ်ထားခဲ့ရဦးမယ်။
ပြီးရင်တော့ ဒီဘ၀ကြီးကနေ တို့ထွက်ခွာသွားတော့မယ်အချစ်ရယ်။ အဲဒီ စက်ဆုပ်ထိတ်လန့်ဖွယ် အကြောင်းကိုတော့ ဘာအကြောင်းနဲ့မှ နင့်ကို အသေးစိတ်ပြောမပြတော့ဘူး လူဝီ။ အဲဒါတွေက နင့်ကို ပိုပြီးနာကျင်စေရုံထက် ဘာမှအသုံးမ၀င်လို့ပဲ။
အရေးကြီးတာက နင့်စိတ်မှာ ဒါဏ်ရာမရစေဖို့ သိမ်သိမ်မွေ့မွေ့နဲ့ ဂရုတစိုက် လုပ်ဖို့ပဲ။ တို့ဖြစ်ချင်တာက နင့်ကို စိုးရိမ်ပူပန်နိုင်ဖို့ သေဆုံးသွားပြီးနောက်မှာတောင် နင့်အတွက် တို့ရှင်သန်နေဖို့ပဲ။ တို့နင့်ဆီ မကြာခဏဆိုသလို ရောက်ရောက်လာရမယ်။ ဒါပေမယ့် နင့်မှတ်ဥာဏ်ထဲကနေ တို့တဖြည်းဖြည်း ပျောက်ကွယ်သွားစေဖို့ ခဏတိုင်းလည်း မဖြစ်ရဘူး။ နင်မနာကျင်စေဖို့ သိပ်ခြားလို့လည်း မဖြစ်သေးဘူး။ အမှန်တရားကို နင်သိမယ့်အချိန်ဟာ ဒီလောက်ထိ နှစ်တွေ ကုန်လွန်သွားပြီးမှပဲ ဖြစ်ရမယ်။ (အချိန်ဆိုတာ အကောင်းဆုံး သမားတော်ပဲ မဟုတ်လား) တို့ရဲ့ သေဆုံးခြင်းက နင့်အတွက် အရမ်းကြီး အဓိပ္ပာယ်မရှိတော့မယ့်အချိန်၊ သိပ်မခက်ခဲတော့မယ့် အချိန်ပေါ့။
လူဝီ။ အချစ်ရေ ဒီနေ့တို့နှစ် နောက်ဆုံးအကြိမ် စကားပြောကြတာဟာ သိပ်နိမိတ်မကောင်းသလိုပဲကွယ်။
တို့နှစ်ယောက်ပြောကြတာဟာ လုံးဝမကြားရသလောက်တိုးတယ်။ တစ်ယောက်နဲ့ တစ်ယောက် သိပ်ကိုပဲ ဝေးကွာနေသလို။ တို့ဟာ နင့်အတွက်ပဲ တည်ရှိတာ။ နင်ကတော့ တို့ကို မေ့သွားခဲ့ပြီ။ “အခုအချိန်” ဆိုတဲ့ စကားလုံးလေးဟာ အဲဒီစာလုံးလေးကို ရေးလိုက်တဲ့သူနဲ့ အဲဒီစာလုံးလေးကို ဖတ်ပြီး နှုတ်ဖျားကနေ ခပ်ဖွဖွ ရွတ်နေတဲ့လူကြားမှာ အများကြီး ခြားနားသွားခဲ့ပြီ။
အခုအချိန်မှာ ကြီးမားတဲ့ အချိန်အတိုင်းအတာတစ်ခုကို လွန်မြောက်သွားခဲ့ပြီ။ အဓိပ္ပာယ်မရှိတဲ့ အရာတွေလို့ ထင်မယ်ဆို ထင်လို့ရနေပြီဖြစ်တဲ့ အချိန်ပေါ့။ အခု အရင်ကလိုပဲ နင့်ကို နမ်းလိုက်ပါရဲ့။
ပြီးတော့…….
ဒါပါပဲကွယ်။ ဘာဖြစ်လို့လဲဆိုတော့ ပိုပြီးဝမ်းနည်းမိမှာ ကြောက်လို့။ နောက်ပြီး အချစ်က သိပ်နက်ရှိုင်းတဲ့အခါ၊ နှုးညံ့မှု(ချစ်မေတ္တာ)က အကန့်အသတ် မရှိတဲ့အခါ ရှောင်တိမ်းလို့မရတဲ့ တို့ရဲ့ ရူးသွပ်တဲ့ အိပ်မက်တွေကို ၀န်ခံမိမှာစိုးလို့……….။
                                          ပြင်သစ်စာရေးဆရာ ဟင်နရီ ဘားဗျူစ့် ၏ “နူးညံ့မှု” ကို ပြန်ဆိုပါသည်။
                                          from russian language Нежность by Анри Барбюс.

note; ဒီစာကို ဘာသာပြန်ပြီးတာ ကြာပါပြီ။ လွန်ခဲ့တဲ့ လေးငါးခြောက်လလောက် ကတည်းကပါ။ အဓိကကတော့ ခေါင်းစဉ်ကြောင့် မတင်ဖြစ်ပဲ ဖြစ်နေတာ။ ခေါင်းစဉ်က မူရင်းပြင်သစ်ဘာသာစကားမှာကော ရုရှားဘာသာစကားမှာပါ တော်တော်လှပြီး အဓိပ္ပာယ်ပြည့်ဝတဲ့ စာလုံးဖြစ်နေပါတယ်။ မြန်မာလို ဘာသာပြန်မယ်ဆိုရင် နူးညံ့မှုလို့ ခပ်လွယ်လွယ်ရပေမယ့် တကယ်ဆိုလိုတဲ့ အဓိပ္ပာယ်ကိုတော့ ဘယ်လိုမှမရပါဘူး။ ကျွန်တော့်ရဲ့ မြန်မာစာညံ့ဖျင်းမှုလည်း ဖြစ်နိုင်ပါတယ်။ ဒါကြောင့် ဒီတိုင်းပဲ ခေါင်းစဉ်တတ်လိုက်ပါတယ်။ ပြီးတော့ အစက အပိုင်းခွဲပြီးတင်မလို့ပါပဲ။ နောက်တော့ တစ်စုတည်း ဖြစ်စေချင်တာနဲ့ ပေါင်းတင်လိုက်ပါတယ်။ တော်တော် ရှည်သွားမှာဖြစ်တဲ့အတွက် ဒီအထိရောက်အောင် ဖတ်လာခဲ့ရင်တော့ ကျေးဇူးအရမ်းတင်မိမှာပါ။
ပျော်ရွှင်ပါစေ...
ဝေလင်း

Sunday, September 12, 2010

ဇာတ်သိမ်း



ဇာတ်သိမ်း
လက်ကလေးတွေ ပြေလျော့သွားတာဟာ
လက်ချင်းတွဲခဲ့တာလောက် မလှပပေမယ့်
သိပ်တော့လည်း အကျည်းမတန်ခဲ့
အဲဒီအတွက် ကံကြမ္မာကို ကျေးဇူးတင်တယ်….။
တောင်နဲ့မြောက်မဟုတ်ပါဘူး
ဘေးချင်းယှဉ်ရက်လေး ဝေးခဲ့ကြတာ
ပြန်တွေးမိရင် ဆွေးစရာတော့ ကောင်းသား..။
တစ်နွေပါပဲ…
အိမ်မက်ထဲက လက်ကလေးတွေ
ကိုယ့်ကို မချစ်ခဲ့တာ သိလိုက်ရတဲ့အချိန်မှာ
ဆောင်းဝင်သွားပြီ
ဒီအချိန်ရောက်မှ
အေးခဲနေတဲ့ နှလုံးသား ဘယ်တရားနဲ့ နွေးရမလဲ…။
ကမ္ဘာကြီးတစ်ခုလုံး ဗြောင်းဆန်သွားတာမဟုတ်ပါဘူး
နှလုံးသားလေးတစ်ခုပဲ ထက်အောက်ပြောင်းပြန်လှန်သွားတာ
ဒါပေမယ့်
ဒီကောင်မှာတော့ မချိအောင် ခံလိုက်ရတယ်…။
အမုန်းမဟုတ်ပါဘူး မချစ်ခဲ့ရုံပါ
ဒါပေမယ့်
အသည်းကွဲဖို့တော့ လုံလောက်ခဲ့တယ်…။
ကောင်မလေးရေ…!
ဆောင်းအေးအေးမှာ မီးလင်းဖိုလေးနဲ့ မင်းနွေးဖို့ပဲ ဆန္ဒပြုပါရဲ့ကွယ်……။

notes; မရောက်ဖြစ်တာကြာသွားတယ်။ ဘာကြောင့်ပဲ ဖြစ်ဖြစ် ဘလော့ဂ်ကိုတော့ မမေ့ပါဘူး။ ရေးထားတာတွေ အများကြီးပေမယ့် ကဗျာလေးကနေပဲ စတင်လိုက်ပါတယ်။ ငါပြန်လာပြီ၊ မင်းတို့ရှေ့မှာ ရောက်နေပြီတွေ ဘာတွေတော့ မအော်တော့ပါဘူး။ ဘယ်အချိန်ပြန်ပျောက်သွားဦးမလဲ ကိုယ့်ဖာသာ ပြန်မသိလို့။ ပြီးရင်တော့ ဘာသာပြန်တစ်ခု နဲ့ အက်ဆေးတစ်ပုဒ်တင်ဖို့  ရှိပါတယ်။ အခြေအနေလည်း ပေးမယ်ဆိုရင်ပေါ့လေ..။ အဲဒါလေးတွေကတော့ ခွင့်မဲ့ပျက်ကွက်စဉ်အတွင်း ရေးမိတာလေးတွေပါ။ အကြွေးဆပ်တဲ့ သဘောလည်း ပါပါတယ်။ 
ပျော်ရွှင်ပါစေ....
ဝေလင်း

Friday, July 30, 2010

၃၆၅(သို့) white angel


၃၆၅

ပြက္ခဒိန်လေးတွေ
တစ်ရက်ပြီးတစ်ရက် ပြေးထွက်သွားလိုက်တာ..
၃၆၅ ပါတဲ့..

ခြေလှမ်းတွေ တရွေ့ရွေ့...
ခု....
နတ်သမီးလေး တစ်နှစ်ပြည့်သွားပြီ...။
 
အစ်မအဖြူရောင်ရဲ့ blog တစ်နှစ်ပြည့်ပါတယ်တဲ့။ တစ်ပတ်ကျော်ကျော်လောက်ကတည်းက သူ့ဘလော့မှာ ကြော်ငြာထားတယ်။အစ်မရဲ့ blog ဆိုတော့ ကဗျာတစ်ပုဒ်လောက် ရေးပေးမယ်ဆိုပြီး စိတ်ကူးမိပါတယ်။ ခက်တာက အဲလိုတမင်တကာ ကြံရွယ်အားထုတ်ပြီး ကဗျာ မရေးတတ်တာပါ။ ဘယ်လိုရေးလို့ရေးရမယ်ကို မသိဘူး။ ဒီလိုနဲ့ တစ်ပါတ်နီးပါးကြာသွားပါတယ်။ ကဗျာလည်းရတော့ ရလာပါတယ်။ ကိုယ့်ဟာနဲ့ကိုယ်တောင် သိပ်မကြိုက်လို့ ပို့တောင် မပို့တော့ဘူးလို့ တွေးတာပဲ။ ဒါပေမယ့် ပို့ဖြစ်လိုက်ပါတယ်။ (အစ်မရေ အစ်မကို ချစ်လို့ ပို့လိုက်တာနော်၊ ကဗျာကို မကောင်းဘူးပြောရင် စိတ်ဆိုးမှာ :) ) အဲဒီလို ပို့ပြီးတဲ့ထိ ကိုယ့်ဘလော့ဂ်မှာ တင်ဖို့ စိတ်ကူးမရှိသေးပါဘူး။ မနေ့ကမှာ အစ်မရဲ့ သိုင်းလောက စိန်ခေါ်သံ ဖိတ်စာ( ဘလော့ဂါတွေကို စုရုံးဖိတ်ကြားပြီး သိုင်းပြိုင်ပွဲ လုပ်မယ်ဆိုလား :) )ကို ဖတ်ပြီး စိတ်ကူးပေါ်လာလို့ ဒီပို့စ်ကို တင်ဖြစ်သွားတာပါ။ (အစ်မရေ မိုးအလင်း ဘလော့ဂင်းရင်း ရေးတာနော်၊ အိပ်တောင် အိပ်ရသေးဘူး။ ကိုးနာရီထိုးရင်လည်း စာမေးပွဲ သွားဖြေရဦးမှာ။)ကဗျာကတော့ မြင်တဲ့ အတိုင်း ခပ်တိုတိုပါပဲ။ ဒါတောင် မနည်း ဖြစ်ညစ်ရေးရတာ။ သူ့ရဲ့ သိုင်းပြိုင်ပွဲကို စိတ်ဝင်စားရင်တော့ http://seaandangel.blogspot.com/ အဲဒီကိုသာ သွားပြီး ၀င်ယောက် ယှဉ်ပြိုင်လို့ ရတယ်ဆိုလား။ ပြီးတော့ အစ်မအဖြူရောင်က ဘာပွဲလုပ်လုပ် အကျွေးအမွေးပါတတ်တယ်ဗျ။ ၀ါသနာပါတယ်ဆိုရင် ....... ;) ပျော်လို့နောက်တာနော် အစ်မ။ စိတ်မဆိုးနဲ့။ ဘလော့ဂ်လေး မွေးနေ့မှာ ပျော်ရွှင်စေဖို့ဆုတောင်းပါတယ်။။
                                                                                                   ဝေလင်း

Monday, July 19, 2010

လှပသော နိဒါန်း(သို့) အသည်းကွဲခြင်း


လှပသော နိဒါန်း(သို့) အသည်းကွဲခြင်း

တယုတယထားသော အသည်းတစ်ခု ကွဲအက်သွားခြင်းက မျှော်လင့်ထားသလောက် ကဗျာမဆန်ပေ။ နှာခေါင်းရှုံ့ချင်စရာကောင်းသော နောင်တတချို့၊ ပျင်းရိညည်းငွေ့ဖွယ် အတ္တတချို့၊ ပြာဖြစ်သွားသော စီးကရက်တချို့၊ လှောင်ပြောင်ရယ်မောသံတချို့၊ မုန်းချင်စရာကောင်းသော ကရုဏာတချို့၊ မပိမရိ ယုတ္တိဗေဒ အခင်းအကျင်းတချို့၊ နာကျင်မှုဟု ထင်မှတ်ရသော အရာတချို့၊ လန့်နိုးလာသော အိပ်မက်တချို့နှင့် ပျက်စီးသွားသော မျှော်လင့်ချက်တချို့၊ ပြန်လည်တည်ဆောက်၍ မရတော့သော ဆက်ဆံရေးတချို့၊ တချို့သော တချို့ပေါင်းများစွာဖြင့် ပေကျံနေသော အသည်းကွဲဇာတ်လမ်းသည်.......

 တစ်ခါက “မင်္ဂလာပါ” ဆိုသော စကားတစ်ခွန်းကြားတွင် နှစ်လုံးသားနှစ်ခု တရွေ့ရွေ့ ဝေးကွာသွားသည်။ ဘာမှမဖြစ်ခဲ့သလို အပြုံးများကြားတွင် ဟန်ဆောင်ကောင်းကောင်းဖြင့် ကွဲနေခဲ့သော အသည်းတစ်စုံ၊ တစ်ယောက်ကို တစ်ယောက် နားလည်ခဲ့ကြပြီ ယုံကြည်ခဲ့ပြီးမှ ကိုယ့်ကို(လုံးဝ) နားမလည်တာကို နာနာကျည်းကျည်း သိခွင့်ရချိန်၊ အင်ဖနတီထိသွားဖို့ ယှဉ်တွဲခဲ့ကြသော မျဉ်းပြိုင်နှစ်ကြောင်းမှ တစ်ကြောင်းက ဂငယ်ကွေ့ ကွေ့သွားချိန်၊ အားလုံး... အားလုံး ပြီးဆုံးသွားချိန်မှာ အံ့အားသင့်ဖို့ပင် လက်ကျန်အင်အား မကျန်ရစ်ခဲ့.........။

အချစ်ဝင်လျှင် အပြစ်မမြင်ဟု ဆိုပါက အသည်းခွဲခံသောအခါ အပြစ်မြင်လာခြင်းသည် “မချစ်”ဟု အဓိပ္ပာယ် သက်ရောက်သည်။ မချစ်လျှင် အသည်းကွဲပါဦးမည်လားဟူသော အမေးနောက်မှ အသည်းမကွဲလျှင် အပြစ်မမြင်မိ၊ အပြစ်မ၀င်လျှင် ချစ်ဆဲ ဟူသော မုန့်လုံးစက္ကူကပ် ယုတ္တိဗေဒများ ဆက်မလာခင် ဇာတ်လမ်းကို တစ်ခန်းရပ်လိုက်ရသည်။

ကိုယ့်ကိုယ်ကို စနစ်တကျလိမ်လည်ပြီး ပျော်ရွှင်နေရာမှ သူ့ကိုတွေ့လိုက်တိုင်း အရောင်ပြောင်းပြောင်း သွားတတ်သော မျက်လုံးနှင့် နာကျင်လာတတ်သော နှလုံးသားတို့ကို တောင်စွယ်ပို့ချင်သည်။ ဖုန်းနံပါတ်နှင့် email account ကို Delete လုပ်ပြီးသည့်တိုင် နှလုံးသား၌ uninstall tools ပါမလာ။ နာစရာတွေအများကြီးထဲမှ လွမ်းစရာကိုပဲ ရွေးရွေးမြင်တတ်ခြင်းနှင့် မလှတာတွေအများကြီးထဲမှ လှတာကိုပဲ ရွေးရွေးမြင်တတ်ခြင်းသည် ကိုယ့်လည်ပင်းကိုယ် စွပ်သော ကြိုးကွင်းများသာ ဖြစ်သည်။ မွေးကတည်းက နှလုံးသားမှာ “ချစ်တတ်ခြင်းသည် နှလုံးသားကို ဆိုးရွားစွာ ထိခိုက်စေနိုင်ပါသည်”ဟူသော စာတမ်းကို ထည့်မပေးလိုက်သော ဘုရားသခင်ကို ကျကျနနကျိန်ဆဲရလျှင် ကျေနပ်စရာကောင်းလေမည်လား...?
ဘုရားသခင်သည် အသည်းမကွဲဖူးသောကြောင့် အချစ်၏အန္တရာယ်ကို မသိခြင်းလည်း ဖြစ်နိုင်သည်။ တစ်ခါမှ အသည်းမကွဲဖူးသောကြောင့် ဘုရားသခင်သည် ကျွန်တော်တို့ကို ကိုယ်ချင်းစာနိုင်မည် မဟုတ်ပေ။ တစ်ခါလောက်များ ဘုရားသခင်နှင့် စကားပြောခွင့် ရလျှင် သူသိပ်ကံကောင်းတဲ့ အကြောင်း ပြောပြချင်ပါသည်။
အချစ်က ကောင်းမွန်သော Game တစ်ခုဆိုလျှင် အသည်းကွဲခြင်းက ပိုမိုလှပသော Game ခုသာ ဖြစ်သည်။ ပိုပြီးလှပသော ပိုပြီးကြေးကြီးသော၊ ပို၍ အန္တရာယ်များသော၊ ပိုပြီးမာယာများသော Game တစ်ခုသာ ဖြစ်သည်။ အသည်းကွဲခြင်းသည် အဆုံးသတ်သွားခြင်းမဟုတ်ပဲ ခမ်းနားသော နိဒါန်းတစ်ခုသာ....

တကယ်တော့ အသည်းကွဲခြင်းသည်-
မကြည့်ဖြစ်သော ဘဲလေးကပွဲတစ်ပွဲလည်း ဖြစ်နိုင်သည်။
မပေးဖြစ်သော ပန်းစည်းတစ်စည်းလည်း ဖြစ်နိုင်သည်။
မငိုကြွေးလိုက်ရသော မျက်ရည်တစ်ချို့လည်း ဖြစ်နိုင်သည်။
အနည်းဆုံးတော့ ဘလော့ဂ်ပေါ်က ပို့စ်တစ်ခု ဖြစ်နိုင်ပေသည်...။

ဝေလင်း



 




သတို့သမီး(ဇာတ်သိမ်း)


သတို့သမီး(ဇာတ်သိမ်း)


ဆောင်ဦးရာသီ ကုန်ဆုံးပြီး ဆောင်းက တဖြည်းဖြည်း ပီပြင်လာသည်။ နာဂျာအိမ်ကို အရမ်းလွမ်းနေမိသည်။ 
နေ့တိုင်းလိုလို အမေ့အကြောင်း၊ အဘွားအကြောင်း၊ စာရှာအကြောင်း တွေးနေမိသည်။ အိမ်ကပို့လိုက်တဲ့ 
စာတွေမှာ ကောင်းကောင်းမွန်မွန်ပဲမို့ သူမလုပ်ခဲ့တာတွေကို ခွင့်လွတ်လိုက်ကြပြီ ၊ မေ့ပစ်လိုက်ကြပြီ ထင်မိသည်။ မေလထဲ စာမေးပွဲတွေပြီးတော့ သူမ ပျော်ရွှင်စွာပဲ အိမ်ကို ပြန်ခဲ့သည်။ လမ်းမှာ မော်စကိုကို ၀င်ပြီး စာရှာနဲ့ ၀င်တွေ့သည်။ စာရှာကတော့ မနှစ်နွေတုန်းကလိုပင် အပြောင်းအလဲ မရှိ။ မုတ်ဆိတ်မွေး၊ ပါးပြိုင်းမွေး၊ ဆံပင်ဘုတ်သိုက်၊ ပတ္တူသားဝတ်စုံ၊ အားလုံးအရင်ကလိုပင်။ ဒါပေမယ့် ပုံစံကတော့ ပိုပြီး ချိနဲ့လာ၊ ပိုပြီး ပိန်လာ၊ ပိုပြီးအိုစာလာသည်။ ကျန်းမာရေးကလည်း ပိုဆိုးလာပုံပင်။ ချောင်းကလည်း အချိန်ပြည့် တဟွတ်ဟွတ်ဆိုးနေသည်။
“ဘုရားရေ.. နာဂျာရောက်လာတယ်” တွေ့တွေ့ချင်းပဲ ၀မ်းသာအားရလှမ်းနှုတ်ဆက်သည်။
ဆေးလိပ်မီးခိုးတွေ၊ ဆေးမှင်နံ့တွေ မွန်ထူနေတဲ့ ပုံနှိပ်တိုင်မှာ ခဏထိုင်ပြီး စာရှာ့အခန်းဆီ သွားကြသည်။ အခန်းထဲ ၀င်လိုက်သည်နှင့် ကြမ်းပြင်ပေါ်က ဆေးလိပ်တိုတွေ၊ နေရာအနှံ့က တံတွေးကွက်တွေ၊ စက္ကူစုတ်တွေကြားထဲက ပန်းကန်အကွဲတွေ၊ ပြီးတော့ စားပွဲနဲ့ ကြမ်းပြင်ပေါ်က ယင်ကောင်အသေတွေက ဆီးကြိုနေကြသည်။ စာရှာတစ်ယောက် သူ့ဘ၀ကြီးကို ပစ်စလက်ခတ် ထားတာ မြင်သာလွန်းနေသည်။ တယောက်ယောက်က ကောင်းကောင်းမွန်မွန်နေဖို့ပြောလည်း သူကတော့ ရယ်မောနေရုံအပြင် ဘာမှတုန့်ပြန် ပြောင်းလဲလာမှာ မဟုတ်ပေ။
“ရတယ်စာရှာ.. ရတယ် ဘာမှမဖြစ်ဘူး၊ အဆင်ပြေပါတယ်” နာဂျာက ပြာပြာသလဲပင် ပြောလိုက်သည်။
“ဆောင်းဦးတုန်းက အမေ ပီတာစဘက်ကို လာသေးတယ် စာရှာ။ အဘွားစာရှာကလည်း စိတ်မဆိုးတော့ဘူးလို့ ပြောတယ်။”
စာရှာက သူမကို ပြုံးပြီး ကြည့်နေသည်။ နောက် ချောင်းတဟွတ်ဟွတ်ဆိုးပြန်သည်။ နာဂျာသူ့ကို ကြည့်ပြီး 
အရမ်းနေမကောင်း ဖြစ်နေလား မဖြစ်ဘူးလား မသိနိုင်အောင် ဖြစ်မိသည်။
“စာရှာ ရှင်အရမ်းများ နေမကောင်း ဖြစ်နေလား”
“ရပါတယ်။ ဘာမှမဖြစ်ပါဘူး။ နည်းနည်းပါ။”
“ဘုရားရေ… နည်းနည်းပါ ဟုတ်လား။ ဘာလို့ ဆေးမကုတာလဲ။ ဘာလို့ ကိုယ့်ကျန်းမာရေးကိုယ် 
ဂရုမစိုက်တာလည်း စာရှာရယ်..”
နာဂျာ စိုးရိမ်ပူပန်စွာပြောပြီး မျက်ရည်တို့ စီးကျလာမိသည်။ ပြီးတော့ ဘာကြောင့်မှန်းမသိ အန်ဒရိန်ကို 
မြင်ယောင်မိသည်။ အိမ်အသစ်ကို သွားသတိရမိသည်။ အတိတ်ကအရာတွေက စိတ်ထဲမှာ 
တစ်ခုချင်းပေါ်လာကြသည်။ သိပ်ကြာခဲ့ပြီလို့ ထင်နေမိတဲ့ အ၇ာတွေပေါ့။
 “စာရှာ ရှင်အရမ်းဖျားနေတယ်။ ရှင့်ကို အခုလိုတွေ့ရတော့ ကျွန်မ ဘာလုပ်ရမှန်းမသိအောင် ဖြစ်မိတယ်။ ကျွန်မမှာ တာဝန်ရှိတာပေါ့။ ရှင်ဒီလောက်တောင် ကျွန်မအပေါ် ကောင်းခဲ့တာ။ အမှန်အတိုင်း ပြောရရင် ရှင်က ကျွန်မနဲ့ အနီးကပ်ဆုံး အရင်းနှီးဆုံး၊ ကျွန်မကို နားအလည်ဆုံးပဲ စာရှာ။
စကားပြောပြီးကြတော့ စာရှာက သူမကို ဘူတာသို့လိုက်ပို့သည်။ ရထားထွက်တဲ့ထိ လက်ပြနှုတ်ဆက်ပြီး 
ကျန်ခဲ့သည်။ သူ့မျက်နှာမှာ ပြုံးနေပေမယ့် အားနည်းနေတဲ့ သူ့ခြေထောက်တွေက အရမ်း နေမကောင်းဖြစ်နေတာ မြင်သာနေသည်။
မွန်းလွဲပိုင်းလောက်မှာ နာဂျာ မြို့ကို ပြန်ရောက်သည်။ ဘူတာကနေ အိမ်ကို ပြန်သည့်လမ်းသည် 
ရှည်လျားလွန်းလှသည်ဟု တွေးမိသည်။ အိမ်ကိုရောက်တော့ အဘွားမာဖာက သူမကို ဖက်ပြီး ငိုသည်။ 
အဘွားမာဖာသည် ပိုပြီး အိုစာလာ၊ ကြည့်ရဆိုးလာသည်။ နာဂျာ့ကို ကျွတ်ထွက်သွားတော့မတတ်ဖက်ပြီး 
ပုခုံးပေါ်ခေါင်းတင်ကာ အတန်ကြာသည်ထိ ငိုသည်။ ညီးနာတစ်ယောက်လည်း ပိုပြီး အသက်ကြီးလာသည်။ 
မျက်နှာချောင်၊ မျက်တွင်းချိုင့်နှင့် ပိုပြီး ကြည့်ရဆိုးလာသည်။ ဒါပေမယ့် သူမလက်က စိန်တွေကတော့ 
တလက်လက်ပြောင်နေဆဲ။
“သမီးရယ်.. သမီးလေးရယ်..”
အဘွားနှင့် အမေနှစ်ယောက်လုံးပင် ဘာမှမပြောပဲ ထိုင်ငိုနေကြသည်။ သူတို့ကို ကြည့်ရသည်မှာ ပြန်မရနိုင်တော့တဲ့ အတိတ်ကအရာတွေကြောင့် ၀မ်းနည်းနေကြသည့်ပုံ။ သူတို့၏ သမီး နာဂျာသည် မင်္ဂလာဆောင်ခါနီး ထွက်ပြေးသွားသော သတို့သမီးဖြစ်သည်။ တနည်းအားဖြင့် သူတို့ အဖွဲ့အစည်း၊ သူတို့ အသိုင်းအ၀ိုင်းမှ ထွက်ပြေးသွားခြင်း ဖြစ်သည်။ ဒီမြို့ဒီအဖွဲ့အစည်း၌ သူမသည် အများနှင့် မသက်ဆိုင်သောသူ ဖြစ်သည်။ 
သစ္စာဖောက်တစ်ယောက် ဖြစ်သွားခဲ့ပြီ။ ထိုအရာသည် ပြန်လည် ပြင်ဆင်၍ မရတော့ သူတို့တန်ဖိုးထားသော အသိုင်းအ၀ိုင်း၌ သူတို့တန်ဖိုးထားသော သမီးသည် တန်ဖိုးမရှိတော့ပေ။
နာဂျာအပေါ်ထပ်က သူမအခန်းကို တက်လာခဲ့သည်။ နှစ်ပေါင်းများစွာ ရင်းနှီးခဲ့ရသော သူမ၏ အိပ်ရာလေးကို ကြည့်သည်။ နောက်လိုက်ကာအဖြူ ခပ်ရိုးရိုးတပ်ထားသည့် ပြတင်းကိုကြည့်သည်။ နောက်ပြတင်းပေါက်ကနေ နေရောင်ဖြာကျနေသည့် ပန်းခြံထဲကိုကြည့်သည်။ စားပွဲကိုလက်နှင့် အသာအယာပွတ်သပ်ကြည့်သည်။ စားပွဲရှေ့မှာ ၀င်ထိုင်ပြီး တွေးသည်။ ညနေစာစားသည်။ မလိုင်များများနှင့် လက်ဖက်ရည် ကောင်းကောင်း တစ်ခွက်သောက်သည်။ သို့သော် ဘာလိုနေသလိုလို။ အခန်းတစ်ခုလုံး ဟာလာဟင်းလင်း ဖြစ်နေသလို၊ ခံစားနေရသည်။ နောက်အိပ်ရာပေါ်မှာလှဲပြီး မျက်စိမှိတ် အိပ်ဖို့ကြိုးစားမိသည်။ သို့သော် ဘာကြောင့်မှန်းမသိ နွေးထွေးနူးညံ့သော အိပ်ရာပေါ်အိပ်နေရာတာ ရယ်စရာကောင်းသလို ဖြစ်နေသည်။ အခန်းထဲကို ညီးနာဝင်လာသည်။ ထိုင်ပြီး အပြစ်တင်သည့်အကြည့်၊ ကြောက်ရွံ့သည့် အကြည့်တို့ဖြင့် ကြည့်သည်။
 “ဘယ်လိုလဲနာဂျာ” သူမက ခဏနားပြီး ဆက်ပြောသည်။
“ညည်းကျေနပ်တယ်ပေါ့၊ သိပ်ကျေနပ်တယ်ပေါ့”
“ကျေနပ်တယ်မေမေ” နာဂျာက ဆက်ပြောသည်။
“သမီးကို မေမေ ဘယ်လိုမြင်လဲ။ မေမေသိလား သမီးဒဿနသင်တယ်။ အရာရာကိုတွေးတယ်။ ဒဿအမြင်နဲ့ ကြည့်တယ်။ သမီးအတွက် အရာတော်တော်များများဟာ ရှင်းရှင်း လင်းလင်း ဖြစ်လာတယ်။ အဲဒီအတွက် သမီးကျေနပ်တယ်။ ဘ၀ဆိုတာ သုံးမြောင့်ဖန်တုံးကို ဖြတ်လာတဲ့ အလင်းတန်းလိုပဲ…..
“သမီးကိုပြောပါမေမေ။ အခုအဘွားရဲ့ ကျန်းမာရေးက ဘယ်လိုလဲ..။”
“ဘာမှ မဖြစ်ဘူးလို့ ပြောရမလားပဲ။ နင် စာရှာနဲ့ထွက်သွားပြီး နင့်ဆီက ကြေးနန်းရတယ်။ အဲဒီကြေးနန်းစာဖတ်ပြီး မူးလဲတယ်။ သုံးရက်လုံးလုံး အိပ်ရာထဲ မလှုပ်မယှက်လဲနေတယ်။ နောက် ဘုရားရှိခိုးလိုက်၊ ငိုလိုက်နဲ့ ခုတော့ ဘာမှမဖြစ်တော့ဘူးလို့ ဆိုရမှာပဲ..”
 “ဘ၀ဆိုတာ သုံးမြောင့်ဖန်တုံးကို ဖြတ်လာတဲ့ အလင်းတန်းလိုပဲ ရောင်စဉ်ခုနစ်ခု တစ်ခုချင်းခွဲဖြာသွားသလိုမျိုး ဘ၀မှာလည်း အခြင်းအရာတစ်ခုချင်း၊ ဘာသာရပ်တစ်ခုချင်းစီကို သီးခြားစီ သင်ယူလေ့လာရမယ်။”
အမေထွက်သွားခါနီး ဘာတွေပြောသွားမှန်း နာဂျာမကြားလိုက်တော့။ မကြာခင်မှာပဲ သူမအိပ်ပျော်သွားသည်။
မေလကုန်ပြီး ဇွန်လထဲရောက်လာသည်။ နာဂျာလည်း တဖြည်းဖြည်း အိမ်မှာအသားကျလာသည်။ 
အဘွားမာဖာတစ်ယောက် ရေနွေးတစ်အိုးနဲ့ အလုပ်တွေ ရှုပ်နေတာ၊ ညီးနာက ညနေတိုင်း သူမအတွေးတွေ 
လာလာပြောတာ၊ ဒါမှမဟုတ် အဘွားကို ပြုစုနေတာတွေက နာဂျာ့အတွက် တွေ့နေမြင်နေကျ မြင်ကွင်းတွေ 
ဖြစ်လာသည်။အိမ်မှာလည်း ယင်တွေက တဖြည်းဖြည်း များလာသည်။ အခန်းမျက်နှာကျက်တွေမှာ၊ မီးဖိုခန်းနဲ့ ဧည့်ခန်းတွေမှာ …။ တဖြည်းဖြည်း ပိုဆိုးလာသလို ထင်ရသည်။ အမေနှင့် အဘွားမာဖာတို့က အပြင်လည်း မထွက်ကြ။ မတော်တဆ အန်ဒရိန်တို့ သားအဖနှင့် ဆုံမှာကြောက်ကြသည်။ နာဂျာကတော့ ပန်းခြံထဲ ထွက်သည်။ လမ်းပေါ်ထွက်သည်။ မြို့ထဲသွားသည်။ လျှောက်ကြည့်သည်။ မြို့လေးကား ဘာမှ အသစ်အဆန်းပြောင်းလဲမှုမရှိ။ တဖြည်းဖြည်း အိုမင်း ပျက်စီးနေသည်။ လတ်ဆတ်နုပျိုမှုတို့ကို မတွေ့ရ။ ကိုယ့်ဘ၀အသစ်ကို ခပ်မြန်မြန်လေး ရှင်းရှင်းလင်းလင်း မြင်လာနိုင်ရင်တော့ ထိုအရာတွေကို ဟားတိုက်ရယ်မောနိုင်လေမည်လားမသိပေ။ သေချာတာကတော့ လွတ်လပ်ပေါ့ပါး ပျော်ရွှင်ရမှာ အမှန်ပင်။  မြေအောက်ထပ်က ညစ်ပတ်စုတ်ပြည်သည့် အခန်းထဲမှာ အိမ်ဖော်လေးယောက် စုပြုံအိပ်ရသည့် အဘွားမာဖာ၏ အိမ်ကြီးကို ပြန်ပြင်ဆောက်မည့် အချိန်၊ အိမ်ကြီး၏ စုတ်ပြတ်ဆိုးဝါးမှုတွေ အရိပ်ငွေ့လေးတောင် မကျန်တော့ပဲ လှပခမ်းနားလာမယ့်အချိန် ရှိလာပါဦးမည်လားမသိ။ အခုတော့ သူမပန်းခြံထဲ လမ်းဆင်းလျှောက်တဲ့အချိန် ခြံစည်းရိုးကို ခေါက်ပြီး “သတို့သမီး၊ သတို့သမီး”ဟု အော်ဟစ် နောက်ပြောင်တတ်သော ကလေးတွေကြောင့်သာ နာဂျာတစ်ယောက် ပျော်ရွှင်နေရသည်။
 စာရှာ့ဆီက စာတွေရောက်လာတတ်သည်။ သူ့ရဲ့ဘော်လ်ဂါ ခရီးစဉ်က သူ့ကို ခပ်ပြင်းပြင်း ရိုက်ချလိုက်သည်။ သူဆေးရုံတက်ရသည်။ အသံပျောက်သွားပြီး ဆေးရုံပေါ်မှာ နှစ်ပတ်လောက် လှဲနေရသည်။ သူသည့်ထက် ပိုခံနိုင်တော့မှာမဟုတ်တာ သူမနားလည်လိုက်သည်။ ဒီသတင်းကြားရတာ သူမ စိတ်မကောင်းဖြစ်မိပေမယ့် မပူပန်မိတော့။ သူမရှင်သန်ချင်သေးသည်။ ပီတာစဘက် ရွှေမြို့တော်ကို ပြန်သွားချင်သေးသည်။ 
စာရှာသယ်ဆောင်လာခဲ့သော သူမဘ၀ကို ပြန်ရောက်ချင်သည်။သူမတစ်ညလုံး အိပ်မပျော်။ မနက်လင်းတော့ ပြတင်းပေါက်နားထိုင်ပြီး နားစွင့်နေမိသည်။ အောက်ထပ်မှ အဘွားမာဖာ၏ စိုးရိမ်တကြီး မေးမြန်းနေသံ ကြားရသည်။ ပြီးတော့ တယောက်ယောက် ငိုသည့်အသံ ကြားရသည်။ နာဂျာအောက်ထပ်ဆင်းလာတော့ အဘွားက ထောင့်တစ်ထောင့်မှာ ဘုရားရှိခိုးနေသည်။ သူမမျက်နှာက ငိုထားမှန်း သိသာသည်။ စားပွဲပေါ်မှာတော့ ကြေးနန်းတစ်စောင်ကို ဖွင့်လျက်သားတွေ့ရသည်။ မနေ့မနက်က စာရှာ အဆုတ်ရောဂါနှင့် ဆုံးသွားကြောင်း ပို့လိုက်သည့် ကြေးနန်းစာဖြစ်သည်။
 အဘွားနဲ့ အမေက ဘုရားကြောင်းသွားပြီး စာရှာအတွက် သရဏဂုံတင်ကြသည်။ နာဂျာ အခန်းထဲမှာ 
ခေါက်တုန့်ခေါက်ပြန်လျှောက်ရင်းတွေးနေမိသည်။ နောက်ဆုံး သူမသဘောပေါက်လာသည်။ စာရှာဖြစ်စေချင်ခဲ့သည့် ဘ၀ကို သူမပြန်သွားဖို့ ဆုံးဖြတ်လိုက်သည်။ သူမသည် ဤနေရာ ဤ အသိုင်းအ၀ိုင်း၌ လူပိုသက်သက်သာ ဖြစ်သည်။ သူမ၏ဘ၀သည် ဒီမှာမရှိ။ အထီးကျန်ဖြစ်နေသည်။ မသက်ဆိုင်သူဖြစ်နေသည်။ ဤအသိုင်းအ၀ိုင်းမှလည်း သူမအနေနှင့် ဘာမှမလိုအပ်၊ ဤနေရာသည် သူမနေရာမဟုတ်ပေ။ အရင်က ခံစားချက်များအားလုံးသည် မီးလောင်ပြီးနောက် လေထပျြောက်ကွယ်သွားသေ ပြာမှုန်များလိုပင် ပျောက်ကွယ်သွားကြသည်။
စာရှာ့အခန်းထဲ ၀င်ကြည့်မိသည်။ “နေရစ်ခဲ့တော့ စာရှာရေ”လို့ တီးတိုးနှုတ်ဆက်မိသည်။ သူမရှေ့မှာတော့ 
အစိမ်းသက်သက် ဖြစ်နေတဲ့ လျှို့ဝှက်ချက်တွေပြည့်နေတဲ့ ဘ၀အသစ်က ရေးဆွဲပြီးသားလို မြင်နေရသည်။ သူမကို ဆွဲဆောင်နေသည်။ နောက် ကိုယ့်အခန်းကိုယ်ပြန်ပြီး နှစ်နျစ်ခြိုက်ခြိုက် အိပ်လိုက်သည်။ 
နောက်တစ်နေ့မနက်မှာတော့ ပျော်ရွှင်စွာပင် သူမစိတ်ကူးခဲ့သည့်အတိုင်း မြို့လေးကို ထာဝရလက်ပြနှုတ်ဆက်ပြီး ထွက်သွားပေတော့မည်..
                                                                     ချက်ကော့ဗ်၏ သတို့သမီးကို ပြန်ဆိုသည်။
                                                                         Невеста  А . П .Чехова

 notes; ဘလော့ဂ်လေးကို မရောက်ဖြစ်တာ ဘယ်လောက် ကြာသွားမှန်းမသိအောင် ပစ်ထားခဲ့မိတယ်။ ခဏခဏ ရေးမယ်ရေးမယ်နဲ့ စိတ်ကူးမိခဲ့ပေမယ့် တကယ့်တကယ်ကျ မလုပ်ဖြစ်ပြန်ဘူး။ ခုတော့ ဖြစ်ညစ်ပြီး ကျန်နေတဲ့ အကြွေးကို ချေလိုက်ပါတယ်။ ဘာသာပြန်ပြီးတာကတော့ တော်တော် ကြာနေပါပြီ။ အွန်လိုင်းပေါ် မရောက်ဖြစ်တာကော ရေးတုန်းက လက်နဲ့ရေးထားတာမို့လို့ ကွန်ပျူတာနဲ့ ပြန်ရိုက်ရမှာ ပျင်းနေတာနဲ့ကောကြောင့် မတင်ဖြစ်ရာကနေ ခုတင်ဖြစ်သွားတော့ တော်တော်လေး စိတ်လက်ပေါ့ပါးသွားပါတယ်။ မရှိတုန်း ခြံဝကနေ လာလာအော်တဲ့ အစ်ကိုအစ်မတွေ၊ ခြံထဲထိဝင်ပြီး အော်ဟစ်သွားတဲ့ အစ်ကိုအစ်မတွေနဲ့ အိမ်ရှင်များ ပြန်လာပလား ခြံရှေ့ကနေ ဖြစ်ဖြစ်ကြည့်သွားကြတဲ့ အစ်ကိုအစ်မတွေအားလုံးကို ကျေးဇူးလည်းတင်၊ အားလည်းနာ၊ တောင်းလည်း တောင်းပန်ပါတယ်....
ပျော်ရွှင်ပါစေ...
ဝေလင်း