Friday, May 21, 2010

သတို့သမီး(အပိုင်း ၅)

                       
သတို့သမီး(အပိုင်း ၅)

      မြင်းရထားက ဆင်ဝင်အောက်ဆိုက်လာသည်။ နာဂျာ လောင်းကုတ်ခပ်ပါးပါးတစ်ထည် ထပ်ဝတ်၊ ဦးထုပ်ဆောင်းပြီး အပေါ်သို့ တက်လာခဲ့သည်။ သူ့အမေနှင့် သူ့အသုံးအဆောင်များကို နောက်တစ်ကြိမ်လောက်ဖြစ်ဖြစ် ကြည့်သွားချင်သေးသည်။ အခန်းထဲရောက်တော့ ခုတင်ဘေးမှခဏရပ်ပြီး ငေးနေမိသည်။ အခန်းလေးရဲ့ နွေးထွေးတဲ့ အငွေ့အသက်က လာရိုက်ခတ်သည်။ 
ထို့နောက် မေမေ့ အခန်းဆီ တိတ်တဆိတ် သွားခဲ့သည်။ ညီးနာကား အိပ်ပျော်နေသည်။ အတန်ကြာရပ်ကြည့်ပြီး အောက်ကို ဆင်းလာခဲ့သည်။ အပြင်မှာတော့ မိုးက သည်းသည်းမည်းမည်း ရွာနေသည်။ မြင်းရထားမှာ အမိုးပါသော်လည်း တစ်ခုလုံး ရွှဲရွှဲစိုနေသည်။

“သူနဲ့အတူလိုက်မရူးစမ်းပါနဲ့ နာဂျာရယ်” အစေခံတွေက မြင်းရထားပေါ် အထုပ်အပိုးတွေ တင်နေစဉ် အဘွားမာဖာက ပြောလိုက်ခြင်းဖြစ်သည်။
“ပြီးတော့ ဒီလို ရာသီဥတုကြီးမှာ...။ အိမ်မှာပဲ နေစမ်းပါအေ..။ မိုးထဲရေထဲ.. ဘယ့်နှယ်ကွယ်”

နာဂျာတစ်ခုခု ပြန်ပြောချင်ပေမယ့် ဘာပြောရမှန်းမသိပေ။
စာရှာက နာဂျာ့ဘေးနားဝင်ထိုင်ပြီး နာဂျာ့ခြေထောက်များကို သက္ကလပ်စောင် ပါးပါး ခြုံပေးသည်။

“ခလုတ်မထိ ဆူးမငြိပါစေနဲ့ကွယ်..။ ဘုရားသခင် စောင့်ရှောက်ပါစေ” အဘွားမာဖာက အိမ်ပေါက်ဝမှ လှမ်းအော်သည်။
“ပြီးတော့ စာရှာ၊ နင်မော်စကိုရောက်ရင် ငါ့ဆီစာရေးလှည့်”
“အင်းပါအဘွားရဲ့.. သွားပြီနော်..။ ကိုယ့်ကိုယ်ကိုလည်း ဂရုစိုက်”

           နာဂျာ ရုတ်တရက် ငိုချလိုက်သည်။ မေ့မေ့ကို သွားကြည့်စဉ်က၊ အဘွားကို နှုတ်ဆက်စဉ်က အထိ သူ့ကိုယ်သူမယုံနိုင်သေး။ ခုတော့ သေချာပေါက် ထွက်လာခဲ့ရပြီ။ နေရစ်ခဲ့တော့ မြို့လေးရေ...
ရုတ်တရက် အားလုံးကို သတိရလာမိသည်။ အန်ဒရိန်နှင့် သူ့အဖေ၊ သူတို့နှစ်ယော်အတွက် အိမ်အသစ်၊ ခမ်းနားတဲ့ ပန်းအိုးပုံပန်းချီကား...။ ဒါပေမယ့် အဲဒါတွေအားလုံးက သူမကို မတုန်လှုပ်စေတော့..။ အားလုံးက တဖြည်းဖြည်း နောက်မှာမှုန်ဝါးကျန်ရစ်ခဲ့ပြီ။ ရထားထဲရောက်ပြီး ရထားထွက်တာနဲ့ တစ်ပြိုင်နက် အားလုံးက အတိတ်...။ အ၇င် ဥခွံလေးကနေ ပိုမိုကြီးမားကျယ်ဝန်းတဲ့ ကမ္ဘာ ဖြစ်လာခဲ့ပြီ။ ကျယ်ပြန့်တဲ့အနာဂတ်..။ လွတ်လပ်တဲ့ အနာဂတ်၊ ဒီနေ့ထိ မမြင်နိုင်ခဲ့တာတွေ၊ စိန်ခေါ်မှုအသစ်တွေနဲ့ အနာဂတ်။
မိုးရေစက်တို့က ရထားပြတင်းမှန်ကို လာရိုက်ခတ်နေသည်။ ရထားလမ်းဝဲယာမှာက အစိမ်းရောင်လွင်ပြင် အတိပြီးနေသည်။ တရိပ်ရိပ်ဖြတ်သွားတဲ့ ကြေးနန်းတိုင်တွေ၊ ကြိုးတန်းပေါ်နားနေတဲ့ ငှက်ကလေးတွေကို ကြည့်ရင်း.. ၊ သန့်ရှင်းလတ်ဆတ်တဲ့လေကို ရှူရင်း သူမပျော်ရွှင်လာမိသည်။ သူမသဘောပေါက်လာမိသည်။ ဤခရီးသည် ကိုယ့်ဆုံးဖြတ်ချက်နှင့်ကိုယ် ၊ ကိုယ့်ရွေးချယ်မှုနှင့်ကိုယ် လျှောက်လှမ်းခဲ့သည့် ခရီးဖြစ်သည်။ ထိုသို့တွေးမိရင်း သူမရယ်မိသည်။ တစ်ပြိုင်တည်းမှာပင် ငိုမိပြန်သည်။ ထို့နောက် လက်ဖြင့် ကြက်ခြေခတ်ပြီး ဆုတောင်းသည်။
“ဘာမှမဖြစ်ပါဘူးနော်” စာရှာက သူမကို ကြည့်ပြီး လှမ်းမေးသည်။ ထို့နောက်သူ့ဟာသူပင် ပြုံးပြီး -
“ဘာမှမဖြစ်ပါဘူးလေ..” ဟုပြောလိုက်သည်။
                                                                     ချက်ကော့ဗ်၏ သတို့သမီးကို ပြန်ဆိုသည်။
                                                                         Невеста  А . П .Чехова

Notes; ဒီတစ်ပိုင်းကတော့ တိုလည်းတိုတာမို့ မြန်မြန်ပဲပြန်ပြီးသွားပါတယ်..။ 
   

Wednesday, May 19, 2010

သတို့သမီး (အပိုင်း ၄)

                          
သတို့သမီး (အပိုင်း ၄)

လေက ပြတင်းပေါက်နှင့် အမိုးများသို့ တသုန်သုန်တိုက်ခတ်နေသည်။ လေတိုးသံ တဟူးဟူးနှင့်အတူ မီးဖိုထဲမှ ၀မ်းနည်းဖွယ်တေးသီချင်းသံက တိတ်တဆိတ်ပျံ့လွင့်နေသည်။ အချိန်က ညတစ်နာရီခန့်။ အိမ်ကလူတွေအကုန် အိပ်ရာဝင်သွားကြပြီဖြစ်သော်လည်း ဘယ်သူမှမအိပ်ကြသေး။ အောက်ထပ်မှ တယောထိုးနေသည့်အသံကို နာဂျာကြားနေရသည်။ ရုတ်တရက် ပြတင်းပေါက်မှ တရုတ်ကပ် ပြုတ်ကျသံထွက်လာသည်။ ခဏနေတော့ ည၀တ်အင်္ကျီနှင့် ညီးနာ ဖယောင်းတိုင်ကိုင်ပြီး ရောက်လာသည်။

“ဘာပြုတ်ကျတာလဲ နာဂျာ?” ညီးနာက မေးသည်။

မုန်တိုင်းထန်နေသည့်ညမှာ ကြောက်ရွံ့မှုဖုံးနေသည့် အပြုံးသဲ့သဲ့နဲ့ ကျစ်ဆံမြီးတစ်ချောင်းတည်း ကျစ်ထားတဲ့ မေမေ့ပုံစံက အရပ်ပုပုနှင့် အိုမင်းသည့်ဟန်ပေါက်နေသည်။ သိပ်မကြာခင်က သူ့အမေဟာ သာမန်မိန်းမတွေထက် ထူးခြားတယ်ဆိုပြီး ဂုဏ်ယူဝင့်ကြွားစွာပြောခဲ့တာကို နာဂျာသတိရမိသည်။ ဒါပေမယ့် အခုတော့ အဲဒီစာလုံးတွေက မမှတ်မိနိုင်လောက်အောင်ကို အသုံးမကျသည့် ဦးနှောက်ထဲမှ ထွက်ခွာသွားကြပြီ ဖြစ်၏။
           မီးဖိုခန်းထဲက သီချင်းသံက  တဖြည်းဖြည်းကျယ်လာသည်။ “အို...ဘုရားသခင်” ဆိုသည့် စာသားကိုပင် ကြားနေရသည်။ နာဂျာတစ်ယောက် အိပ်ရာပေါ်တွင် ထိုင်နေရာမှ ရုတ်တရက် ဆံပင်တွေကို ခပ်တင်းတင်းဆွဲပြီး ရှိုက်ငိုလိုက်သည်။
“မေမေ၊ မေမေ... တကယ်လို့များ သမီးဘာတွေဖြစ်နေတယ်ဆိုတာ သိရင်..!
တောင်းပန်ပါတယ်မေမေ။ သမီးကို ခွင့်ပြုပါ။ သမီးကို ထွက်သွားခွင့်ပြုပါ။”
“ထွက်သွားမယ်! ဘယ်ကိုလဲ..?” ညီးနာက အိပ်ရာပေါ်ဝင်ထိုင်ပြီး နားမလည်နိုင်စွာမေးသည်။ 
“ဘယ်ကိုထွက်သွားမလို့လဲ..?”

နာဂျာအချိန်အတန်ကြာအောင် ငိုရှိုက်ကာ စကားတစ်ခွန်းမှ ပြန်မပြောနိုင်ပေ။

“သမီးဒီမြို့ကနေ ထွက်သွားပါရစေ” နောက်ဆုံးမှာ နာဂျာက ပြောလိုက်သည်။ 
“သမီး မင်္ဂလာလည်း မဆောင်တော့ဘူး။ သမီးသူ့ကိုလည်း မချစ်ဘူးမေမေ။ ပြီးတော့ သူ့အကြောင်း ပြောတောင် မပြောနိုင်ဘူး”
“မဖြစ်ဘူးသမီး၊ မဖြစ်ဘူး။ စိတ်အေးအေး ထားစမ်းပါသမီးရယ်။ လောလောဆယ် သမီးစိတ်မကောင်း ဖြစ်နေတုန်းမို့ပါ။ ဘာမှမဖြစ်ပါဘူး။ ဒီလိုပဲ ဖြစ်တတ်ပါတယ်။ သမီးအန်ဒရိန်နဲ့ ရန်ဖြစ်ထားတယ်နဲ့တူတယ်။ ပျော်စေပျက်စေ ကျီစယ်တယ်ပဲ သဘောထားပေါ့ကွယ်” ညီးနာက ခပ်သွက်သွက် ၀င်ပြောသည်။
“ကောင်းပြီလေ မေမေ၊ ထွက်သွားပေးပါ... ကျေးဇူးပြုပြီး ထွက်သွားပေးပါ မေမေ” နာဂျာ ရိုက်ကြီးတငင် ငိုမိသည်။
“ဟုတ်ပါပြီ ဒါပေမယ့် ညည်းက အခု ကလေးပေါက်စ မဟုတ်တော့ဘူး။ မနက်ဖြန် သဘက်ခါဘဲ လက်ထပ်ရတော့မယ် သတို့သမီး ဖြစ်နေပြီ။ လောကစက်ဝိုင်းကြီးက အမြဲလည်ပတ်နေတာ။ ဘယ်လောက်ပဲ ဂရုမစိုက်ဘဲ အမေနဲ့ အဘွားကို ဒုက္ခပေးပေး ညည်းမှာလည်း ညည်းလို ခေါင်းမှာတဲ့ သမီးမျိုးပဲလာမှာပဲ..”
“ဘုရား ဘုရား၊  သမီးကို ဘယ်လို ပြောလိုက်ကြတာလဲ မေမေ။ သမီးကို အဲလောက်တောင် နာနာကြည်းကြည်း ပြောတယ်ဟုတ်လား။ ဘာဖြစ်လို့လဲ မေမေ”
ညီးနာ တစ်ခုခုပြန်ပြောချင်ပေမယ့် ဘာမှပြောမထွက်ပဲ အခန်းထဲကနေ ငိုပြီးထွက်သွား၏။ မီးဖိုထဲမှ သီချင်းသံက ထပ်ထွက်လာပြန်သည်။  အခန်းပတ်ပတ်လည်မှ ရုတ်တရက် ကြောက်စရာပဲ ကောင်းလာသယောင်။ နာဂျာ အိပ်ရာပေါ်ကထပြီး သူ့အမေဆီသို့ ခပ်မြန်မြန် သွားသည်။ အခန်းထဲ ရောက်တော့ အပြာရောင်စောင်ခြုံအောက်မှမေမေကို  စာအုပ်တစ်အုပ်ကိုင်လျက်နှင့် တွေ့ရသည်။
“မေမေ... သမီးတစ်ခုလောက် ပြောပါရစေ၊ သမီးတောင်းပန်ပါတယ်.. သမီးပြောတာကို တစ်ချက်လေး အာရုံစိုက်ပြီး နားထောင်ပေးပါ။ သမီးတို့ရဲ့ သေးငယ် ကျဉ်းမြောင်းတဲ့ အမြင်တွေက သမီးတို့ ဘ၀တွေကို ဘယ်လောက်တောင် ခေါင်းမဖော်နိုင်အောင် လုပ်ထားမှာလဲ မေမေ။ ခုသမီး မျက်လုံးတွေကို သမီးရဲရဲ ဖွင့်လိုက်ပြီ။ အားလုံးကိုလဲ မြင်ပြီ။ အမေ့ရဲ့ အန်ဒရိန်က ဘယ်လို လူမျိုးလဲ? သူ့မှာ ဘာအရည်အချင်းရှိလဲ မေမေ! အဲဒီလူက ငတုံး။” 

ညီးနာ ဆတ်ကနဲ ထထိုင်လိုက်သည်။

“ညည်းနဲ့ ညည်းအဘွားက ငါ့ကို အမျိုးမျိုး နှိပ်စက်နေကြတာပဲ! ညီးနာငိုရင်း ဆက်ပြောသည်။
“ငါအသက်ဆက်ရှင်ပါရစေဦး။ လူလောကကြီးထဲမှာ နေပါရစေဦး။ ငါ့ကို လွတ်လွတ်လပ်လပ်ပေးနေကြပါဦး။
ငါအများကြီး ငယ်ပါသေးတယ်။ ညည်းတို့က ငါ့ကို မြန်မြန်အိုပြီးသေအောင် နှိပ်စက်နေကြတာ!” ညီးနာက သူ့ရင်ဘတ်ကို ထုထုပြီးပြောသည်။ 
           ထိုသို့ ပြောပြီး စောင့်ခြုံထဲ ၀င်ကာခွေခွေလေး ပြန်လဲသွားသည်။ ခပ်သေးသေး ညီးနာပုံစံက သနားစရာ ကောင်းသည်ဟုထင်ရသည်။ နာဂျာ အခန်းထဲ ပြန်လာပြီး ည၀တ်အင်္ကျီကိုလဲကာ မနက်မိုးလင်းမည်ကို ထိုင်စောင့်နေလိုက်သည်။
           မနက်ရောက်တော့ အဘွားမာဖာက သူ့ခြံထဲကို ကြည့်ကာ ၀မ်းနည်းနေသည်။ လေပြင်းက ပန်းသီးတွေ အားလုံးကို ရိုက်ချသွားသည်။ ဆီးပင်တွေမှာလည်း တစ်ပင်မှာ အကောင်းတိုင်းမကျန် ကျိုးကုန်သည်။ ရာသီဥတုကလည်း စိတ်မချမ်းမြေ့ဖွယ် မုန်တိုင်းရောင်။ မီးဖိုထားပေမယ့် အိမ်ထဲမှာ အအေးဓာတ်က စိမ့်နေသည်။ မိုးစက်တွေကလည်း ပြတင်းမှန်ကို တဖြောက်ဖြောက် ရိုက်ခတ်နေသည်။ မနက်စောစော လက်ဖက်ရည်သောက်အပြီး နာဂျာ စာရှာဆီထွက်လာခဲ့သည်။ သူ့ဆီရောက်တော့ စကားတစ်လုံးမှ မပြောပဲ ခုံပေါ်မှာ ဒူးတုပ်ထိုင်ပြီး မျက်နှာကို လက်ဝါးနှင့် အုပ်ထားလိုက်မိသည်။

“ဘာလဲ!” စာရှာက မေးသည်။
“မတတ်နိုင်တော့ဘူး...။ ဒီဘ၀ကြီးမှာ ကျွန်မအရင်က ဘယ်လို နေနိုင်ခဲ့လဲ တကယ်နားမလည်နိုင်ဘူး။ အိမ်ထောင်ပြုရမှာလဲ မုန်းတယ်။ ကိုယ့်ကိုကိုယ်လည်း မုန်းတယ်။ အဓိပ္ပါယ်မရှိတဲ့ ပျင်းရိညည်းငွေ့ဖွယ် ဒီဘ၀ကြီးကိုလဲ ရွံတယ်။”

         စာရှာတစ်ယောက် ယောင်နနဖြစ်နေသည်။ နာဂျာတစ်ယောက် ဘာဖြစ်မှန်းမသိသေးပေ။

“ အဲဒါ ဘာမှမဖြစ်ပါဘူး။ ကောင်းတောင်ကောင်းသေးတယ်။” စာရှာက ပြောသည်။
“ဒီဘ၀ကြီးက ကျွန်မကို ညည်းငွေ့စေတယ်” နာဂျာက ဆက်ပြောသည်။ 
“ကျွန်မ ဒီမှာ ဒီတစ်ရက်က နောက်ဆုံးပဲ။ မနက်ဖြန် ဒီကနေ ထွက်သွားတော့မယ်။ ကျေးဇူးပြုပြီး ကျွန်မကို ရှင်နဲ့ ခေါ်သွားပါလား..”
          စာရှာတစ်ယောက် အတန်ကြသည်ထိ သူမကို အံ့ဩတကြီး ကြည့်နေမိသည်။ နောက်သူ သဘောပေါက်သွားသည်။ သူပျော်နေပုံက ကလေးလေးတစ်ယောက်လိုပင်။ လက်ကို တဖျတ်ဖျတ်လှုပ်ရမ်းကာ ရှူးဖိနပ်ခွာကို တခွပ်ခွပ် ဆောင့်နေသည့်ပုံသဏ္ဌာန်က ၀မ်းသာလွန်းလို့ ထကတော့မည့်ပုံ။

“ကောင်းလိုက်တာ!” သူက လက်နှစ်ဖက်ကို ခပ်သွက်သွက် ပွတ်ရင်းပြောသည်။
“ဘုရားရေ.. အဲဒါဘယ်လောက်များကောင်းလိုက်သလဲ!”

နာဂျာက သူ့ကို မျက်တောင်တစ်ချက်မခတ်ပဲ ကြီးမားဝိုင်းစက်ပြီး ချစ်မြတ်နိုးစွာကြည့်နေမိသည်။ သူတို့ကြားမှာ ဘာစည်းမှမရှိတော့သလို၊ သူတစ်ခုခုပြောတော့မည်ဟုလည်း ထင်မိသည်။ စာရှာကတော့ ဘာမှမပြောပေမယ့် အရင်က သူမမသိခဲ့တာတွေကို ပြောပြသည်ထက် ကျယ်ဝန်းစွာ သဘောပေါက်လာမိသည်။ သူ့ကို ကြည့်ပြီး အရာရာကို ရင်ဆိုင်ဖို့ အသင့်ဖြစ်လာသည်။ သေခြင်းတရားကိုပင် ရင်ဆိုင်နိုင်မည်ဟု ထင်လာမိသည်။

“မနက်ဖြန် ကျွန်တော်လည်းသွားမယ်။” သူက ခဏတွေးပြီး ဆက်ပြောသည်။ 
“ပြီးရင် နာဂျာက ကျွန်တော့်ကို ဘူတာလိုက်ပို့။ နာဂျာ့ အထုပ်အပိုးတွေကို ကျွန်တော့်သရေသေတ္တာနဲ့ ထည့်လာခဲ့မယ်။ လက်မှတ်လည်း ကျွန်တော်ယူလာခဲ့မယ်။ သုံးကြိမ်မြောက်ခေါင်းလောင်းခေါက်ရင်သာ ရထားတွဲဆီရောက်အောင်လာခဲ့။ ပထမဆုံး မော်စကိုကို သွားကြမယ်။ အဲဒီကနေမှ နာဂျာက ပီတာစဘက်ကို ဆက်သွားပေါ့။ ပတ်စပို့စ်တော့ ရှိတယ်မဟုတ်လား?”
“အင်း.. ရှိတယ်။”
“ကျွန်တော့်ဘက်ကတော့ အာမခံဝံ့ပါရဲ့။ နာဂျာ့ဘက်ကသာ စိတ်မကောင်းဖြစ်တာတို့၊ နောင်တရတာတို့ မဖြစ်ပါစေနဲ့။ သွားဖြစ်အောင်သွားပြီး ပညာသင်ပါ။ အဲဒီလမ်းကြောင်းပေါ်မှာ ကံကောင်းခြင်းတွေက စောင့်ကြိုနေပါလိမ့်မယ်။ နောင်တစ်ချိန် ဘ၀ကြီးကို နောင်ပြန်လှည့်ကြည့်တဲ့အခါ အားလုံးပြောင်းလဲနေတာ တွေ့ရလိမ့်မယ်။ အဓိကက ဘ၀ကြီးကို ပြောင်းလဲပစ်ဖို့၊ ကျန်တာဘာမှ မလိုအပ်ဘူး။ ကဲ.. ဒါဖြင့် မနက်ဖြန် သေချာပြီလို့ သတ်မှတ်လိုက်ပြီနော်..”
“အို...သေချာတာပေါ့”
             နာဂျာ အရမ်းစိတ်ပူနေသည်ဟု ကိုယ့်ကိုယ်ကို ထင်မိသည်။ သူ့စိတ်ထဲမှာ တစ်ခါမှ အဲလောက်ထိ မလေးလံဖူးပေ။ ခုလို တစ်ယောက်တည်း ခရီးထွက်ဖို့ထိ ဆုံးဖြတ်နိုင်အောင် ခက်ခဲ စိတ်ဒုက္ခရောက်စွာ ကြိုးစားခဲ့ရသည်။ ထို့နောက် နာဂျာအခန်းပြန်ရောက်အောင်ပင် အနိုင်နိုင်တက်ခဲ့ရသည်။ အခန်းထဲ ပြန်ရောက်သည်နှင့် တပြိုင်နက် အိပ်ရာပေါ်ပစ်လှဲပြီး ချက်ချင်းပင် နှစ်နှစ်ခြိုက်ခြိုက် အိပ်ပျော်သွားသည်။ 
ငိုထားတဲ့ သူ့မျက်နှာမှာတော့ လွတ်လပ်သော အပြုံးလေးက ပွင့်လန်းလျက်.................။

                                                                         ချက်ကော့ဗ်၏ သတို့သမီးကို ပြန်ဆိုသည်။
                                                                         Невеста  А . П .Чехова

Notes; ဒီပို့စ်ဘာသာ ပြန်တဲ့ အချိန်အတောအတွင်းမှာ မျက်ရိုးမတရားကိုက်ပါတယ်။ စာဖတ်ရင်လည်း တစ်နာရီလောက်ထက် ပိုမဖတ်နိုင်ပါဘူး။ ဖတ်လိုက်ရင် ခေါင်းတွေပါ ကိုက်လာပါတယ်။ အဲဒီအတွက် စိတ်ညစ်ပါတယ်။ ( ခုတစ်ပိုင်းကိုတောင် သူငယ်ချင်းတစ်ယောက်က တ၀က်လောက် ကူရိုက်ပေးရတယ်) နောက် ၀တ္ထုတိုပေါင်းချုပ်တစ်အုပ် အစ်မတစ်ယောက်က ကောင်းတယ်ပြောလို့ တနေ့က ၀ယ်လာပါတယ်။ ကောင်းတာလေးတွေ့ရင်တော့ တင်ပါဦးမယ်။ ခုလို အခန်းဆက်တော့ ဒီတစ်ခုပြီးရင် ထပ်တင်ဖို့ မစဉ်းစားတော့ပါဘူး။ တော်တော် မှတ်သွားပါပြီ...။ နောင်တတွေလည်း အလိပ်လိုက်ရနေပါတယ်။ နောက်နှစ်ပိုင်းပဲ ကျန်တော့လို့ ၀မ်းသာပါတယ်။ မျက်ရိုးကိုက်နေပေမယ့် စာအုပ်တွေပို့ပေးတဲ့ အဖေနဲ့ အမေကို ကျေးဇူးတင်ပါတယ်။ မနက်ဖြန်လည်း စာအုပ်တစ်အုပ်ထပ်ရောက်ပါဦးမယ်။ မိဘတွေကို ဒုက္ခပေးရတာ အားနာပေမယ့် စာဖတ်ချင်တော့လည်း မတတ်နိုင်ပါဘူး။ အမှန်အတိုင်းဝန်ခံရရင်တော့ စိတ်နည်းနည်း ညစ်နေပါတယ်။

ပျော်ရွှင်ပါစေ..
ဝေလင်း

Friday, May 14, 2010

သတို့သမီး (အပိုင်း ၃)

                     
သတို့သမီး (အပိုင်း ၃)

               ဇွန်လအလယ်ထဲရောက်တော့ စာရှာတစ်ယောက် မော်စကိုကို သတိရလာသည်။ ပြန်လည်း ပြန်ချင်လာသည်။ 

“ကျွန်တော်တော့ ဒီမြို့မှာ ဆက်ပြီးမနေနိုင်တော့ဘူး” သူက မှုန်တေတေနှင့် ပြောသည်။
“ရေပေးစနစ်မရှိ၊ မိလ္လာစနစ်ကမကောင်း! ပြီးတော့ ဇီဇာခပ်ကြောင်ကြောင် ကျွန်တော်နဲ့ ညစ်ပတ်တဲ့ မီးဖိုချောင်နဲ့ ဘယ်လိုမှမဖြစ်ပါဘူး”
“နင်ဟာတော်တော် ခြေထောက်မှာ ဗွေပါတဲ့ ကောင်ပဲ စာရှာ။ ရှေ့လ ၇ ရက်နေ့ကျ မင်္ဂလာပွဲရှိတာကော သတိရလား” အဘွားမာဖာက ပြောသည်။
“စိတ်မပါတော့ဘူး”
“ဟဲ့ အစကပြောတော့ စက်တင်ဘာထိတောင် နေမယ်ဆို”
“ဟုတ်တယ်။ ဒါပေမယ့် အခုမနေချင်တော့ဘူး။ အလုပ်လုပ်ဖို့ရှိသေးတယ်”
                
             နွေရာသီက မှုန်မှိုင်း စိုထိုင်းနေသည်။ သစ်ပင်တွေကလည်း စိုစွတ်စွတ်၊ စိုက်ခင်းထဲ ဆင်းရမှာကလည်း စိုစွတ်စွတ်နှင့် စိတ်ပျက်ညစ်ငြူးဖွယ်။ အခန်းထဲနေပြန်တော့ အပေါ်ကကော အောက်ကပါ ဘာသံတွေမှန်းမသိ။ အပ်ချုပ်စက်က အသံတွေ၊ မီးဖိုချောင်က အသံတွေနှင့် စာရှာတစ်ယောက် နေမထိထိုင်မသာ ဖြစ်နေသည်။ အခန်းထဲမှာထိုင်ပြီး ဘယ်လောက်စိတ်ဆိုးဆိုး ဇူလိုင် ၁ ရက်ထက် စောပြီး မပြန်ဖို့ ကတိပေးထားမိသဖြင့် ဘာမှမတတ်နိုင်ပေ။
               အချိန်တွေက လျင်မြန်စွာပင် ကုန်လွန်သွားသည်။ စိန့်ပီတာပွဲတော်နေ့ နေ့လည်ပိုင်း နေ့လည်စာ စားအပြီးမှာ အန်ဒရိန်နှင့်နာဂျာသည် ငှားထားသည့်အိမ်ကို သွားကြည့်ရန် မော်စကိုလမ်းသို့ ထွက်လာခဲ့ကြသည်။ အိမ်ကနှစ်ထပ်အိမ် ဖြစ်သော်လည်း လောလောဆယ်အထိတော့ အပေါ်ထပ်တစ်ထပ်ပဲ ပြင်ဆင်လို့ ပြီးသေး၏။  ဧည့်ခန်းကြမ်းပြင်က ပါကေးခင်းထားသဖြင့် တဖိတ်ဖိတ်လက်နေသည်။ ဩစတြေးလျဖြစ်ထိုင်ခုံတွေ၊ ပြီးတော့ စန္ဒရား၊ တယောတင်သည့် စင် အစစအရာရာ ခမ်းနားလှပလို့ နေသည်။ သုတ်ထားသေ ဆေးနံ့တို့ ပင်မပျောက်ချင်သေး။ နံရံပေါ်မှာ ရွှေဘောင်ကွပ်ထားသည့် ပန်းချီကားတစ်ချပ်ကို ချိတ်ဆွဲထားသည်။ ပန်းချီကားက ဘောင်အလွတ်တစ်ခုနဲ့ လက်နဲ့ထိန်းထားတဲ့ ခရမ်းရင့်ရောင် ပန်းအိုးပုံကို ရေးဆွဲထားခြင်းဖြစ်သည်။

“ရင်သပ်ရှုမောဖွယ်ရာပဲ” အန်ဒရိန်က ပြောလိုက်သည်။
“ပန်းချီဆ၇ာ ရှိရှမာချက်စကီးရဲ့ လက်ရာပေါ့”

နောက်ဆက်တီစားပွဲဝိုင်းနှင့် အပြာရောင်နုရောင် ဆိုဖာခုံများ။ အနီးရှိ စားပွဲခပ်သေးသေးပေါ်မှာတော့ ဘုန်းတော်ကြီးအဆောင်အယောင် အပြည့်နှင့် ဖာသာအန်ဒရိန်၏ ဓါတ်ပုံကို တင်ထားသည်။ ပြီးတော့ ထမင်းစားခန်း၊ ပြီးတော့ အိပ်ခန်း။ အိပ်ခန်းက အနည်းငယ် အမှောင်ရိပ်သန်းနေပြီး အိပ်ရာနှစ်ခုပါသည်။ ပြည့်စုံတဲ့ အိပ်ခန်းဟု သတ်မှတ်ရမည်ပင်။ အန်ဒရိန်သည် အိမ်တွင်းလှည့်ပတ်ကြည့်နေစဉ်အတောအတွင်း နာဂျာ့ခါးကို တလျှောက်လုံးဖက်ထား၏။ နာဂျာသည် အမှားတစ်ခုကို ညံ့ဖျင်းစွာကျူးလွန်မိနေသလို  ခံစားနေရသည်။ မြင်တွေ့နေရသော အဆောင်ဆောင် အခန်းခန်းတွေကိုလည်း ကြည့်ရင်းကြည့်ရင်း မုန်းတီးလာမိသည်။  သူအန်ဒရိန်ကိုမချစ်တော့တာ၊ ဒါမှမဟုတ် ဘယ်တုန်းကမှ မချစ်ခဲ့တာ သူမကိုယ် သူမသိလာသည်။ ဒါပေမယ့် အဲဒါက်ို ဘယ်လိုပြောရမှာလဲ၊ ဘယ်သူ့ကို ပြောရမှာလဲ၊ ဘာအတွက်လဲ ဆိုတာတွေတစ်ခုမှ နားမလည်ပေ။ နားလည်းမလည်တတ်။ အဲဒီအကြောင်းတွေကိုလည်း နေ့တိုင်း ညတိုင်းလိုလို တွေးမိသည်။ နူးညံ့စွာ၊ သိမ်မွေ့စွာ၊ ဒါမှမဟုတ် ပျော်ရွှင်စွာ၊ မြတ်နိုးစွာ ဖက်ထားသော အန်ဒရိန်၏ လက်တို့ကို အေးစက်မာကြောသည့် သံပတ်သဖွယ် ထင်လာပြီး မုန်းတီးလာသည်။ သည်းမခံနိုင်အောင် ဖြစ်လာမိသည်။ မိနစ်တိုင်းတွင် အန်ဒရိန့်အနီးမှ ပြေးထွက်ပြီး အားရပါးရ ငိုချပစ်လိုက်ချင်သည်။ 
အန်ဒရိန်က သူမကို ရေချိုးခန်းဆီသို့ ဆက်၍ခေါ်သွားသည်။ ရေချိုးခန်းနံရံတွင် ရေပိုက်ခေါင်းတစ်ခု ရှိနေသည်။

“ဘယ်လိုလဲ..?” အန်ဒရိန်ကမေးလိုက်သည်။
“အဲဒီပိုက်က အပေါ်ထပ် မျက်နှာကျက်ပေါ်မှာ တင်ထားတဲ့ ရေလှောင်ကန်က လာတာလေ။ ပုံးတစ်ရာလောက်ဆန့်တယ်။ ကိုယ်တို့နှစ်ယောက် ဒီမှာရေအတွက်တော့ ပူစရာမလိုတော့ဘူး”

ထို့နောက်နှစ်ယောက်သား အောက်ထပ်သို့ ဆင်းလာပြီး မြင်းရထားဖြင့် ပြန်ခဲ့ကြသည်။ အပြန်လမ်းကား ဖုန်တလုံးလုံးနှင့် စိတ်ပျက်ဖွယ် ကောင်းလှသည်။ ကောင်းကင်မှ တိမ်ညိုတိမ်မည်း တချို့ရှိနေသဖြင့် မိုးရွာမည်ဟုလည်း ထင်ရသည်။

“မအေးဘူးလား နာဂျာ” အန်ဒရိန်က ဖုန်များကြောင့် မျက်စိကို ခပ်မှေးမှေးထားရင်း မေးသည်။

သူမဘာမှမပြောဘဲ နှုတ်ဆိတ်နေမိသည်။

“မနေ့က ကိုယ်ဘာအလုပ်မှမလုပ်တာနဲ့ ပတ်သက်ပြီး စာရှာကိုယ့်ကို အပြစ်တင်တာ မှတ်မိလားနာဂျာ” သူကထပ်ပြောပြန်သည်။ နောက်ခဏနားပြီး

“ဟုတ်တယ် သူမှန်တယ်၊ အမြဲလည်း မှန်နေမှာပဲ! ကိုယ်ဘာအလုပ်မှမလုပ်ဘူး ပြီးတော့ ဘာမှလည်း မလုပ်နိုင်ဘူး။ ဘာကြောင့်များလည်း အချစ်ရယ်? ကိုယ့်ပခုံးပေါ်မှာ ရာထူးတစ်ခုခုတင်ဖို့၊ တာဝန်တစ်ခုခု ထမ်းဆောင်ဖို့ တွေးတောင်မတွေးမိတာ ဘာကြောင့်တဲ့လဲ။ ရှေ့နေအနေနဲ့ပဲ ဖြစ်ဖြစ်၊ လက်တင်စကားဆရာအနေနဲ့ပဲ ဖြစ်ဖြစ် ကိုယ့်ကိုယ်ကို မြင်ကြည့်လို့မရတာ ဘာကြောင့်လဲ။ အမိရုရှားနိုင်ငံတော်င်္ကြီးရေ... အသုံးမ၀င်တဲ့လူပိုတွေ ဘယ်လောက်များ မင်းသယ်လာခဲ့ ပြီတဲ့လဲ။ မင့်မှာ ငါ့လို လူညံ့လူဖျင်းတွေ ဘယ်လောက်တောင် များနေပြီလဲ! ”

သူအနေနှင့် ဘာအလုပ်မှမလုပ်ခဲ့ပေမယ့် အချိန်တန်ရင် ဖြစ်သွားလိမ့်မည်ဟု ခပ်လွယ်လွယ် ကောက်ချက်ဆွဲထားခဲ့သည်။
သူကဆက်ပြောသည်။

“ကိုယ်တို့လက်ထပ်ပြီးသွားရင် ရွာလေးတစ်ခုခုမှာသွားနေပြီး အဲဒီမှာပဲ အလုပ်လုပ်ကြရအောင် အချစ်ရယ်။ ချောင်းနားမြောင်းနားနီးတဲ့ မြေလေးတစ်ကွက်လောက်ဝယ်ပြီး အခင်းလေးတစ်ခုစိုက်ကြမယ်။ အတူ အလုပ်လုပ်ကြမယ်။ ကိုယ်တို့ဘ၀ကို အတူတည်ဆောက်ကြမယ်။ ဘယ်လောက်များ ကောင်းလိုက်မလဲကွယ်! ”

အန်ဒရိန်က သူ့ဦးထုပ်ကို ချွတ်လိုက်သည်။ သူ့ဆံပင်တွေက လေထဲတဖျပ်ဖျပ်လွင့်နေသည်။ 
နာဂျာကတော့ သူပြောတာ နားထောင်ရင်း “ဘုရားရေ.. အိမ်ကိုသာ မြန်မြန်ရောက်ပါတော့!” ဟု တွေးနေမိသည်။ အိမ်ရောက်ခါနီးရောက်တော့ ဖာသာအန်ဒရိန်နှင့်တွေ့သည်။

“ဟော..ဟိုမှာ အဖေ...” အန်ဒရိန်က ၀မ်းသာအားရပြောရင်း ဦးထုပ်ကို မြှောက်ရမ်းပြီး နှုတ်ဆက်လိုက်သည်။
“ကိုယ်ကိုယ့်အဖေကို သိပ်ချစ်တယ်။ ကြင်နာတတ်တဲ့လူကောင်းတစ်ယောက်လေ သူက” အန်ဒရိန်ကပြောပြီး ရထားကို ရထားထိန်းလက်သို့ လွဲလိုက်သည်။
နာဂျာကတော့ စိတ်ရောက်ကိုယ်ပါနောက်ကျိရှုပ်ထွေးစွာ အိမ်ထဲဝင်လာခဲ့သည်။ ဒီညနေလည်း သူတို့တတွေကို ဧည့်ခံရပေဦးတော့မည်။ ပြုံးပြရမည်၊ တယောထိုးတာကို နားထောင်ရမည်၊ မင်္ဂလာပွဲအကြောင်းပဲ ပြောပြောနေတဲ့ အဓိပ္ပာယ်မရှိတဲ့ စကားတွေကို သည်းခံ နားထောင်ရပေဦးတော့မည်ဟု တွေးမိသည်။
သူ့ရဲ့ကောက်ကျစ်တဲ့ အပြုံးနှင့်အတူ ဖာသာအန်ဒရိန်ဝင်လာသည်။ ထို့နောက်တစ်ဆက်ထဲပင်

“ခင်ဗျားကို ကျန်းကျန်းမာမာနဲ့တွေ့ရတာ ကျေနပ်ဝမ်းမြောက်ပါပေ့ဗျာ”ဟု သူက အဘွားမာဖာကို နှုတ်ဆက်သည်။ ဒါပေမယ့် သူအတည်ပြောနေတာလား နောက်နေတာလားဆိုတာတော့ နားလည်ရခက်လှသည်....။
                                                                     
                                                                         ချက်ကော့ဗ်၏ သတို့သမီးကို ပြန်ဆိုသည်။
                                                                         Невеста  А . П .Чехова
                
Notes; ခုဒီတတိယပိုင်းကို တင်ဖို့ ခါတိုင်းပို့စ်တွေထက်ပိုကြာသွားပါတယ်။ အဓိက အကြောင်းအရင်းကတော့ အိမ်ကပို့လိုက်တဲ့ စာအုပ်တွေရောက်လာတာပါ။ စိတ်အလိုအရဆို စာလေးဖတ်ပြီး နှပ်နေချင်တာပါ :)  လာဖတ်ပေးတဲ့သူတွေကိုလည်း အားနာတာ တစ်ကြောင်း၊ နောက်တစ်ခုက တာဝန်ကြီးတစ်ခုလို ဖြစ်နေတော့ မြန်မြန်ဖြတ်ချင်နေတာက တစ်ကြောင်း ဖျစ်ညစ်ပြီး ပြန်ဖြစ်အောင်ကြိုးစားပါတယ်။ စာအုပ်တွေကိုတော့ ထမင်းစားတဲ့အချိန်နဲ့ မနက်ခင်း ကျောင်းမတက်ရခင်အချိန်လေးမှာဖတ်ပါတယ်။ နောက်အကြောင်းတစ်ခုကတော့ ကျောင်းဖွင့်ရက်ဖြစ်နေတာပါ။ ကျောင်းဖွင့်ရက် ဖြစ်နေတဲ့အတွက် တစ်နေကုန် အားတဲ့အချိန်က နည်းနေပါတယ်။ များသောအားဖြင့် အိမ်စာက ပြတ်တယ်လို့ မရှိပါဘူး။ ဒါကြောင့်လည်း ဒီအပိုင်းက အရင်ဟာတွေလောက်တောင် မရှည်ပဲ ကြာနေတာပါ။ နဂိုကတည်းက စာရေးပျင်းပြီး စာပဲဖတ်ချင်တဲ့သူမို့ စာအုပ်တွေရောက်လာတော့ ဘာမှမလုပ်ချင်ပဲ စာပဲဖတ်ချင်နေပါတယ်။ အမှန်တကယ်က ဒီဘာသာပြန်ပြီးမှရောက်လာသင့်တာ။ ပြီးတော့ ဒီအပိုင်းကို ဘာသာပြန်တော့ ကိုယ်မသိတဲ့ စာလုံးတစ်လုံးတွေ့ပါတယ်။ အဘိဓါန်ထဲမှာလည်း ရှာမတွေ့ပါဘူး။ ဒါနဲ့ ရင်းနှီးတဲ့ သူငယ်ချင်းတွေကို မေးတော့ သူတို့လည်း မသိပါဘူး။ ဒါနဲ့ ရင်းနှီးတဲ့ ဆရာမတစ်ယောက်ကို သွားမေးပါတယ်။ အဟဲ.. သူလည်းမသိဘူးတဲ့။ ကောင်းရောနော်..။ ဒါနဲ့ စာကြည့်တိုက်သွားပြီး အဘိဓာန်တစ်ခု ထပ်သွားရှာတော့ စာကြည့်တိုက်မှူးက သိပြီး ရှင်းပြလိုက်ပါတယ်။ နောက် ကျွန်တော်အဲဒါကို ဘာသာပြန်နေတယ်ဆိုတာကိုလည်း သိရော ကျွန်တော့်ကို ဆူပါတယ် (သူကလည်း သွားပါများတော့ ရင်းလည်း ရင်းနှီးနေလို့ပါ) ဘာလို့ ဒီလောက်ခက်တာကို ဘာသာပြန်လဲပေါ့။ ကျွန်တော်လည်း သွားလေးဖြဲပြပြီး စပ်ဖြဲဖြဲနဲ့ ပြန်လာခဲ့ပါတယ်။ ဘယ်လိုပဲ ဖြစ်ဖြစ် ဆုံးခန်းတိုင်အောင်တော့ ပြန်သွားမှာပါ။ အားလုံးကို ကျေးဇူးတင်ပါတယ်။
ပျော်ရွှင်ပါစေ..
ဝေလင်း

Monday, May 10, 2010

သတို့သမီး(အပိုင်း ၂ )

                   
သတို့သမီး (အပိုင်း ၂)
        
              နာဂျာအိပ်ရာကနိုးလာတဲ့အချိန်မှာ မနက်၂နာရီပဲ ရှိသေးပေမယ့် နွေဦးရာသီမို့ ရောင်နီအနည်းငယ် ပျို့နေပြီ ဖြစ်သည်။ အဝေးတစ်နေရာဆီက ကင်းသမားရဲ့ တုန်းမောင်းခေါက်သံ သဲ့သဲ့ကို ကြားရသည်။ အိပ်ချင်စိတ်မရှိ။ အိပ်ရာက နူးညံ့သော်လည်း တစ်ခုခုအဆင်မပြေသလို။ နာဂျာအိပ်ရာပေါ်မှာထိုင်ပြီး တောင်တွေးမြောက်တွေး တွေးနေမိသည်။ မေလရဲ့ညတိုင်းလိုလို သူမဒီလိုပဲ ဖြစ်ကျော်ခဲ့ရသည်။ အတွေးတွေကလည်း ထုံးစံအတိုင်း အပြောင်းအလဲမရှိ။ အန်ဒရိန်က သူမကို ဘယ်လိုစပြီးချည်းကပ်ခဲ့တာ၊ ဘယ်လို လက်ထပ်ခွင့်တောင်းခဲ့တာ။ တဖြည်းဖြည်း သူ့ကို ကြင်းနာတတ်သူ၊ လူတော်တစ်ယောက်အဖြစ် ထင်မြင်လာပြီး သူ့အချစ်ကို လက်ခံခဲ့တာ။ ဒါပေမယ့် ဘာလို့ အခုလို မင်္ဂလာပွဲကျင်းပဖို့ တစ်လတောင် မလိုတော့တဲ့အချိန်ရောက်မှ အဓိပ္ပာမဖွင့်ဆိုတတ်တဲ့ လေးပင်ခက်ခဲမှုတွေ စောင့်မျှော်နေသလိုမျိုး စိုးရိမ်ပူပန်မှု ကြောက်ရွံ့မှုတွေ ခံစားလာရမှန်း သူမ မတွေးတတ်တော့ပေ။

“တောက်-တောက်.... တောက်-တောက်..” ပျင်းရိဖွယ်ကောင်းသော ကင်းတုံးမောင်းသံ။

“တောက်-တောက်...”

              ပန်းခြံထဲကို မြင်နေရတဲ့ ပြတင်းပေါက်အို၊ ပြီးတော့ ထူထပ်စွာပေါက်ရောက်နေတဲ့ ခြုံတွေနဲ့ သန်စွမ်းလှတဲ့ နှင်းပန်းပင်တွေက အအေးဒဏ်အောက်မှာ ငိုက်မြည်းနေကြသည်။ ဖြူဖွေးထူထပ်တဲ့ မြူတွေက နှင်းပန်းပင်တွေကို ဖုံးအုပ်ချင်နေသည်။ ခပ်လှမ်းလှမ်းဆီမှ သစ်ပင်ပေါ်မှာတော့ တော်ကျီးကန်း တစ်ကောင်က ကွဲရှရှ အော်မြည်နေသည်။

“ဘုရားရေ.. ...ဘာကများ ငါ့စိတ်တွေကို ရှုပ်ထွေးလေးလံစေတာတဲ့လဲ”

မင်္ဂလာဆောင်ခါနီး သတို့သမီးတိုင်း ဒီလိုဖြစ်တတ်ကြတာလဲ ဖြစ်နိုင်တာပဲလေ။ ဘယ်သူသိမှာတဲ့လဲ!
ဒါမှမဟုတ် စာရှာရဲ့ ပယောဂကြောင့်လား..? ဒါပေမယ့် စာရှာက ခုမှဒီစကားတွေပြောတာမှမဟုတ်တာ။ နှစ်တိုင်းလိုလို အဲလို နားမလည်နိုင်တဲ့ အထူးအဆန်းတွေကို အပ်ကြောင်းထပ်အောင် ပြောနေကျပဲ။ ဒါပေမယ့် စာရှာက ဘာလို့ ခေါင်းထဲက ထွက်မသွားတာတဲ့လဲ...? ဘာကြောင့်လဲ..?
              ကင်းတုန်းမောင်းသံ ထပ်ထွက်မလာသည်ပင် အတော်ကြာသွား၏။ ပြတင်းပေါက်အောက်ဘက် ပန်းခြံဆီမှ ငှက်ကလေးများ၏ ဆူညံညံအသံတွေကို စတင်ကြားနေရပြီဖြစ်သည်။ မြူလည်းကွဲသွားပြီ ဖြစ်သဖြင့် အရပ်မျက်နှာပတ်ပတ်လည်သည် နွေဦးအလင်းရောင်နှင့် ထွန်းလင်းတောက်ပနေ၏။ မကြာခင်မှာပဲ ပန်းခြံတစ်ခုလုံး နေရောင်ခြည်၏ နွေးထွေးမှုဖြင့် ပြန်လည်အသက်ဝင်လာတော့မည် ဖြစ်သည်။ သစ်ရွက်ဖျား၌ တွဲခိုနေကြသော နှင်းရည်စက်လေးများကလည်း စိန်ပွင့်လေးများသဖွယ် တလက်လက် တောက်ပနေကြသည်။ ပြုပြုပြင်ပြင် မရှိတာကြာပြီဖြစ်တဲ့ သည်ပန်းခြံသည်ပင်လျှင် နံနက်ခင်း၌ သားနားနုပျိုနေသလို ဖြစ်နေ၏။ 
                အဘွားမာဖာ အိပ်ရာက နိုးလာတာ၊ စာရှာ ချောင်းတဟွပ်ဟွပ် ဆိုးနေတာ၊ ရေနွေးအိုးဆူနေတာ၊ အိမ်ဖော်တွေ အလုပ်စလုပ်နေကြတာ အားလုံးကို ကြားနေရသည်။ အချိန်ကုန်တာ ကြာလွန်းသလိုပင်။ နာဂျာ အိပ်ရာမှထပြီး ပန်းခြံထဲ အချိန်ကြာမြင့်စွာ လည်ပတ်နေသည့်တိုင် မနက်ခင်းက မကုန်နိုင်ပဲ ရှည်လျားလွန်းနေသည်။
                ငိုထားတဲ့မျက်နှာနဲ့ နာဂျာ့အမေ ညီးနာကို ဓါတ်ဆားရည်တစ်ခွက်နှင့်အတူ တွေ့ရသည်။ သူမသည် နက်နက်ရှုပ်ထွေးသည့် အတွေးတွေကို စာတွေအများကြီးဖတ်ပြီး ပိတ်ဆို့ဖို့ ကြိုးစားနေသည်ဟု နာဂျာထင်မိသည်။ ဒါကလည်း နာဂျာ့အတွေးသက်သက်သာ။ နာဂျာ အမေ့နားသွားပြီး အမေ့ကို နမ်းလိုက်သည်။ 

“ဘာလို့ ငိုထားတာလဲ မေမေ?” နာဂျာက မေးလိုက်သည်။

“မနေ့ညက အမေ အဘိုးအိုတစ်ယောက်နဲ့ သူ့သမီးအကြောင်း စာတစ်ပုဒ်ဖတ်တယ်။ အဘိုးအို အလုပ်လုပ်တဲ့ဆီက အထက်အရာရှိက အဘိုးအိုရဲ့ သမီးကို ကြိုက်နေတာပေါ့။ အဆုံးထိတော့ မဖတ်ရသေးပါဘူး။ ဒါပေမယ့် အဲဒီထဲက တစ်နေရာက မျက်ရည်ကို ဘယ်လိုမှမထိန်းနိုင်ဘူး။” ညီးနာက လက်ထဲက ဓါတ်ဆားရည်ကို တစ်ကြိုက်မျှသောက်ပြီး ဆက်ပြောသည်။ 

“ခုမနက်လည်း အဲဒီအကြောင်းကို သတိရပြီး ငိုထားတာ”
 “သမီးကတော့ နေ့ခင်းနေ့လည်ဆို နေလို့ထိုင်လို့ကောင်းပေမယ့် ညညကျ အိပ်လို့မပျော်ဘူးအမေ။ ဘာဖြစ်လို့လဲ မသိဘူး”

“မသိပါဘူးသမီးရယ်။ အမေကတော့ ညညအိပ်မပျော်ရင် မျက်စိကို တင်းနေအောင်မှိတ်ပြီး အန်နာကာရန်ညီးနာရဲ့ ပုံကို စိတ်ထဲမှာ ပုံဖော်ကြည့်တာပဲ။ သူဘယ်လိုလမ်းလျှောက်တယ်၊ စကားပြောရင်တော့ဖြင့် ဘယ်လို... အဲလိုပေါ့။ အဲဒါမှမဟုတ်လည်း သမိုင်းထဲက ရှေးဟောင်းခေတ်တစ်ခုခုကို ပုံဖော်ကြည့်လိုက်တာပဲ..”

နာဂျာ့အနေနဲ့ သူ့အမေဟာ သူ့ကိုနားမလည်ဘူး။ နားလည်မလည်နိုင်ဘူးလို့ ခံစားလိုက်ရသည်။ အဲဒီခံစားချက်ဟာ သူမဘ၀တစ်လျှောက်လုံးမှာ ပထမဆုံးအကြိမ်အဖြစ် ပေါ်လာတာဖြစ်၏။ ကြောက်လည်းကြောက်ရွံ့မိသည်။ ဖြစ်နိုင်လျှင် သူမအမေရှေ့မှ ချက်ချင်းပင်ပျောက်ကွယ်သွားချင်သည်။ ထို့ကြောင်း သူမအမေရှေ့မှထွက်ကာ သူမအခန်းဆီသို့ ပြန်ခဲ့သည်။ 
                 နေ့လည်နှစ်နာရီတွင် နေ့လည်စာစားကြသည်။ ဗုဒ္ဓဟူးနေ့ဖြစ်၍ အသားမပါပဲ ငါးဟင်းတစ်ခွက် ၊ စွပ်ပြုတ်တစ်ခွက်နှင့် ထမင်းတို့သာပါသည်။ စာရှာသည် အဘွားမာဖာကျေနပ်စေရန် သူ့အတွက်စွပ်ပြုတ်ကိုလည်း ကုန်အောင်သောက်ပြီး ထမင်းကိုလည်း များများစား၏။ ထို့ပြင် စားနေစဉ် အချိန်အတောအတွင်းလည်း တချိန်လုံးလိုလို နောက်ပြောင်နေ၏။ သူ၏ဟာသများမှာ အမှန်ပင် ရယ်စရာကောင်းလှသော်လည်း သူ့ရှည်လျားပြီး ပိန်လီလှသော လက်နှစ်ဖက်ကို မြှောက်လိုက်တိုင်း သူ့ကျန်းမာရေး လုံးဝမကောင်းသည်ကို အားလုံးသတိရကာ မရယ်မိကြတော့။ သေခါနီးဆဲဆဲ လူတစ်ယောက်ရဲ့လက်တွေလို လက်တွေက ဒီလောကကြီးထဲမှာ ဘယ်အချိန်ထိများ ဆုပ်ကိုင်ထားနိုင်မှာတဲ့လဲ.....
                 နေ့လည်စာစားပြီးတော့ အဘွားမာဖာက အခန်းထဲပြန်ပြီး အနားယူသည်။ ညီးနာကလည်း ခဏတစ်ဖြုတ် စန္ဒရားတီးပြီး ထွက်သွားပြန်သည်။

“ဟေ့ နာဂျာ” ထမင်းစားပြီးကာစ ပုံမှန်စကားဝိုင်းလေးကို စာရှာက စလိုက်သည်။

“တကယ်လို့များ ခင်ဗျားကျွန်တော့်ကို နားထောင်မယ်ဆိုရင်...၊ တကယ်လို့ပေါ့လေ..!”

နာဂျာက ရှေးဟောင်းထိုင်ခုံကြီးထဲမှာ သူ့ကိုယ်သူ မြှုပ်နေအောင် ထိုင်ပြီး မျက်လုံးကိုမှိတ်ထားသည်။ စာရှာကတော့ အခန်းထောင့်တစ်ခုကနေတစ်ခုကို တိတ်တဆိတ် ခေါက်တုန့်ခေါက်ပြန်လျှောက်နေသည်။ 

“တကယ်လို့ ခင်ဗျားသာ ပညာသင်ကြားဖို့ ထွက်သွားခဲ့မယ်ဆိုရင်... ပညာရဲ့ အရသာကို ခင်ဗျားသိလာလိမ့်မယ်နာဂျာ။ အတွေးအခေါ်တွေပြောင်းလဲလာလိမ့်မယ်။ လောကကြီးကလည်း အဲလိုလူတွေကိုပဲ လိုအပ်တယ်။ ဒီလိုလူတွေများလေလေ ခင်ဗျားတို့ မြို့ကြီးတစ်ခုလုံးမြေလှန်ပစ်လိုက်သလို ဖြစ်မယ့် ပြောင်းလည်းခြင်းက ပိုပြီး မြန်မြန်ရောက်လာလိမ့်မယ်။ မှော်ပညာနဲ့ ပြောင်းလဲပစ်လိုက်သလိုပေါ့။ လှပကောင်းမွန်တဲ့ အိမ်ကြီးရခိုင်တွေ၊ ထူးခြားလှပတဲ့ ပန်းခြံတွေ၊ သာမန်မဟုတ်တဲ့ ရေပန်းတွေနဲ့ ကောင်းမွန်တဲ့လူတွေ... ဒါပေမယ့် ဒါတွေကအဓိက မကျပါဘူးလေ... အဓိကက လူ့အဖွဲ့အစည်းပေါ်ထားတဲ့ ကျွန်တော်တို့စိတ်။ အဲဒီအချိန်ရောက်ရင် လူတွေရဲ့ ပတ်ဝန်းကျင်အပေါ်၊ လူ့အသိုင်းအ၀ိုင်းအပေါ်၊ လူအဖွဲ့အစည်းအပေါ်ထားတဲ့ စိတ်တွေက ဆိုးသွမ်းမှုဖြစ်လာမှာမဟုတ်ဘူး။ ဘာလို့လဲဆိုတော့ လူတိုင်းက သူတို့ ဘာအတွက် ရှင်သန်နေတယ်ဆိုတာကို ကိုယ်တိုင်သိလာ၊ ယုံကြည်လာလို့ပဲ။ ဘယ်သူတစ်ယောက်ကမှ အမှီအခို အထောက်အပံ့ရှာမနေတော့ပဲ ကိုယ့်အားကိုယ်ကိုးလာလိမ့်မယ်။ တစ်နည်းပြောရရင် လူတွေ ကိုယ့်နှာခေါင်းပေါက်နဲ့ကိုယ် အသက်ရှူပြီး ကိုယ့်ခြေထောက်နဲ့ကိုယ် လမ်းလျှောက်တတ်လာလိမ့်မယ်။ မိန်းကလေးရယ် သွားလိုက်စမ်းပါကွယ်။ အားလုံးမြင်အောင်ပြလိုက်စမ်းပါ။ ရွေ့လျားမှုမရှိ၊ ပြောင်းလည်းမှုမရှိတဲ့ အတုယောင်ဘ၀ကြီးကို မင်းငြီးငွေ့နေပြီဆိုတာ ပြလိုက်စမ်းပါ။ ကိုယ့်ကိုယ်ကိုပဲဖြစ်ဖြစ်ပေါ့။ ”

“မဖြစ်ဘူးစာရှာ။ ကျွန်မက မင်္ဂလာဆောင်ရတော့မှာ”
“ထားလိုက်စမ်းပါ။ ဘယ်သူက လိုအပ်နေလို့လဲ အဲဒါက်ို။”

နှစ်ယောက်သား ပန်းခြံထဲဆင်းပြီး နည်းနည်းဆက်လျှောက်ကြသည်။

“တကယ်လို့ မင်္ဂလာပွဲမှာ ခင်ဗျားမရှိခဲ့ရင်ရော...! မိန်းကလေးရယ် နားလည်စမ်းပါ။ တွေးစမ်းပါ။ ဒီလောက်ညစ်ပတ်ဆိုးဝါးနေတဲ့၊ အချီးနှီး ကုန်ဆုံးနေတဲ့ ခင်ဗျားဘ၀...” စာရှာက ခဏနားပြီး စကားကို ဆက်သည်။

“နားလည်စမ်းပါ။ ခင်ဗျား၊ ခင်ဗျားအမေနဲ့ အဘွားတို့က ဘာမှမလုပ်ကြဘူးဆိုပါတော့ ဒါဆိုရင် ဘယ်သူပဲ ဖြစ်ဖြစ် တစ်ယောက်ယောက်ကတော့ ခင်ဗျားတို့အတွက် အလုပ်လုပ်ပေးနေရမှာပဲ။ ခင်ဗျားတို့က သူတပါးဘ၀ကို ခင်ဗျားတို့အတွက် စတေးထားတာပဲ။ အဲဒါဟာကောင်းတယ်၊ သန့်ရှင်းတယ်တဲ့လား..?”

“အဲဒါအမှန်တွေပါပဲ”လို့နာဂျာပြောချင်ပါသည်။ သူမှနားလည်တယ်ဆိုတာကိုလည်း ပြောပြချင်ပါသည်။ ဒါပေမယ့် သူမမျက်လုံးထက်က မျက်ရည်တွေက ပြောစရာမလိုလောက်အောင် ဖော်ပြနေကြသည်။ သူမတစ်သက်လုံး မြိုသိပ်ထားရတာ၊ ရင်ဘတ်ထဲမှာ တင်းကြပ်နေတာတွေအားလုံး ရုတ်တရက် ထွက်ခွာသွားသလိုမျိုး ရင်ထဲမှာ ပေါ့ပါး ငြိမ်းအေးသွားသည်။
                  အဲဒီညနေမှာ အန်ဒရိန်ရောက်လာပြီး ခါတိုင်းလိုပင် တယောထိုးသည်။ ပုံမှန်အားဖြင့်ဆိုလျှင် သူသည် စကားများများပြောသူမဟုတ်ပေ။ သူတယောထိုးရတာကို နှစ်သက်တာဟာ တယောထိုးတဲ့ အချိန်စကားမပြောပဲ နေလို့ရလို့လည်း ဖြစ်နိုင်သည်။ ည ၁၁နာရီ ထိုးတော့ သူပြန်ဖို့ပြင်သည်။ လောင်းကုတ်ဝတ်ပြီးနောက် နာဂျာ့ကိုဖက်ပြီး မွတ်သိပ်စွာနမ်းသည်။ မျက်နှာ၊ပခုံး၊ ပြီးတော့ လက်တွေကို....။

“ကိုယ့်ရဲ့မိန်းမချောလေးရေ..” သူကတီးတိုးပြောသည်။ “ကိုယ်ဟာ သိပ်ကံကောင်းတဲ့သူပဲကွယ်။ မင့်ကိုချစ်မိတဲ့ အချစ်တွေနဲ့ ရူးသွပ်သွားမလားတောင် ထင်မိတယ်”

        သူမအထင်တော့ အဲဒီစကားတွေကို ဟိုးအရင်ကတည်းက ကြားဖူးသလိုပင်။ တော်တော်ကြာကြာကပင် ကြားဖူးတာ၊ ဒါမှမဟုတ် ၀တ္တုတစ်ပုဒ်ပုဒ်ထဲမှာ ဖတ်ဖူးတာဖြစ်နိုင်သည်။ သေချာတာတစ်ခုကတော့ သိပ်ကို ဟောင်းနွမ်းနေပြီး ဘယ်သူမှမသုံးတော့တာ ဖြစ်သည်။
          ဧည့်ခန်းထဲမှာတော့ စာရှာက ရေနွေးသောက်နေသည်။ ညီးနာကတော့ စဖတ်နေသည်။ မီးအိမ်မှ တဖောက်ဖောက် မြည်သံကလွဲလို့ အားလုံးတိတ်ဆိတ်နေသည်ဟု ထင်၇သည်။ နာဂျာအားလုံးကို နူတ်ဆက်ပြီး  အပေါ်သို့တက်လာခဲ့သည်။ မကြာခင်မှာပင် အိပ်ပျော်သွားပြီး ည ၁နာရီလောက်တွင် ပြန်နိုးလာသည်။ အပြင်မှာကတော့ မနေ့ကလိုပင် အလင်းရောင်အနည်းငယ် ထွက်ပေါ်နေပြီ ဖြစ်သည်။ ပြန်အိပ်၍လည်း မရတော့။ စိတ်ထဲမှာ လေးပင်ကာ ရှုပ်ထွေးနေသည်။ ဒူးနှစ်လုံးပေါ်ခေါင်းတင်ပြီး ထိုင်နေမိသည်။ ပြီးတော့ မင်္ဂလာပွဲအကြောင်း၊ သတို့သားအန်ဒရိန်အကြောင်းတွေ တွေးနေမိသည်။ ဆုံးသွားတဲ့ ခင်ပွန်းသည်ကို သူအမေမချစ်ခဲ့တာကို သတိရမိလာသည်။ သူမသည် ဘာမှမတတ်ပဲ ယောက္ခမဖြစ်သူ အဘွားမာဖာ စိတ်တိုင်းကျနေခဲ့သည်။ နာဂျာ့အနေနဲ့ သူ့အမေကို သာမန်နဲ့မတူပဲ ထူးခြားနေတယ်လို့ ထင်မိတာ ဘာကြောင့်မှန်း ခုထိသဘောမပေါက်နိုင်သေးပေ။

စာရှာလည်း အိပ်နေဟန်မတူ။ သူချောင်းဆိုးနေသည့်အသံတွေကို ကြားနေရသည်။ သူသည် နားလည်ရန်ခက်သည့် လူထူးလူဆန်းတစ်ယောက်ဟု နာဂျာတွေးမိသည်။ သူ့စိတ်ကူးတွေက အဓိပ္ပာယ်မရှိတဲ့ သာယာလှပတဲ့ ပန်းခြံတွေ၊ ထူးခြားလှပတဲ့ ရေပန်းတွေ။ ဒါပေမယ့် အဲဒီအဓိပာယ်မရှိတာတွေရဲ့ ဆွဲဆောင်အားက ထွက်သွားပြီးပညာမသင်ဘူးလို့ သူမအနိုင်နိုင် ဆုံးဖြတ်နေရသည်။ သူပြောတာတွေပြန်တွေးမိလျှင် ရင်ဘတ်တစ်ခုလုံး၊ နှလုံးသားတစ်ခုလုံး အေးစက်မှုတွေ လောင်းချလိုက်သလိုမျိုး ပျော်ရွှင်တက်ကြွမှုတွေက ဖုးလွှမ်းသွားသည်။

“ဒါပေမယ့် မတွေးတာ ပိုကောင်းတယ်.... မတွေးတာ မင့်အတွက် ပိုကောင်းတယ်နာဂျာ” သူမ ကိုယ့်ကိုယ်ကို ခပ်တိုးတိုး ပြောနေမိသည်။

“အဲဒီအကြောင်းတွေ တွေးဖို့မလိုအပ်ဘူး..”

“တောက်-တောက်....” အဝေးတစ်နေရာမှ ကင်းမောင်းသံက ပျံ့လွင့်လာပြန်သည်။

“တောက်-တောက်... တောက်-တောက်..”
                                                                         ချက်ကော့ဗ်၏ သတို့သမီးကို ပြန်ဆိုသည်။
                                                                         Невеста  А . П .Чехова
note; မနေ့က ရုရှားနိုင်ငံရဲ့ ၆၅နှစ်မြောက် victory day ဖြစ်ပါတယ်။ ဒုတိယ ကမ္ဘာစစ်တုန်းက ဂျာမန်တွေစစ်ရှုံးပြီး စစ်ပြီးသွားတဲ့နေ့ပေါ့။ မနက်ထထချင်းတုန်းကတော့ အပြင်လျှောက်သွားပြီး လည်မလို့ ပတ်မလို့ပါပဲ။ ဒါပေမယ့် စစ်သင်္ချိုင်းမှာ ပန်းချပြီး အပြန် မှာတော့ အဲဒီအစီအစဉ်ကို ဖျက်ပစ်လိုက်ပါတယ်။ စစ်သင်္ချိုင်းကနေ ပန်းချပြီးအထွက်မှာ အုတ်ဂူတွေကြားထဲမှာ ငိုနေတဲ့ အဘွားအိုတစ်ယောက်ကို တွေ့မိလို့ပါ။ ပျော်ရွှင်နေကြတဲ့ လူတွေကြားထဲမှာ ငိုနေတာကို မြင်မိပြီး စိတ်က ဘယ်လိုဖြစ်သွားမှန်းကို မသိပါဘူး။ တော်တော်စိတ်မကောင်းဖြစ်မိပါတယ်။ အဲဒီအဖွားအသက်ဟာဆို အလွန်ဆုံးရှိရင် ၇၀ ဖြစ်တဲ့အတွက် စစ်တွင်းတုန်းကဆို လေးငါးနှစ်သမီးထက် ဘယ်လိုမှမပိုနိုင်ပါဘူး။ အဲဒီတော့ ဒီသချိုင်းမှာ သူလာငိုတဲ့ အုတ်ဂူဟာ မိဘတွေဖြစ်ဖို့များပါတယ်။ တကယ်တော့ အဲဒီနေ့ဟာ စစ်ပွဲကြီး ပြီးတဲ့နေ့ဖြစ်လို့ သိပ်ကို ပျော်စရာကောင်းတဲ့နေ့ပါ။ ဒါပေမယ့် အဲဒီအဖွားအတွက်တော့ နှစ်တိုင်း အစားထိုးမရတဲ့ ဆုံးရှုံးမှုကို ပြန်လည်သတိရစရာ ကြေကွဲဖွယ်နေ့တစ်နေ့ ပဲ ဖြစ်ပါတယ်။ လွန်ခဲ့တဲ့ ၆၅နှစ်က ၅နှစ်၆နှစ်အရွယ် ကလေးမလေးဟာ စစ်ပွဲက ပြန်လာသူတွေကြားထဲမှာ သူ့မိဘတွေ ပါမလားလို့ သွားမျှော်နေခဲ့မှာပဲ။ ဒါပေမယ့် ပါမလာတဲ့အခါ အဲဒီနေ့ဟာ သူ့အတွက် ဒီနေ့ထိ ၆၅ နှစ်တိုင်တိုင် ငိုကြွေးဝမ်းနည်း နာကျင်စရာ ဖြစ်သွားခဲ့ရပြီ။ 
အဲဒီအဖွားအို ငိုကြွေးတာကို မြင်မိပြီး ဘယ်လိုမှ ပျော်ပျော်ပါးပါး လျှောက်လည်ဖို့ စိတ်မပါတော့ပါဘူး။ လိပ်ပြာလည်း မသန့်ဘူး။ စစ်ပွဲတစ်ခုရဲ့ အကျိုးဆက်တွေအကြောင်းလည်း တွေးမိတယ်။ စစ်ပွဲတွေကို မုန်းတီးမိပါရဲ့...
နောက်ဒီဝတ္ထုတိုကို ဘာသာပြန်တော့ အပိုင်း၁ မှာ ဒီဝတ္ထုကို ဆုံးအောင် မဖတ်၇သေးဘူးလို့ ပြောခဲ့ပါတယ်။ ဆုံးအောင်တောင် မဖတ်ပဲနဲ့ ဘာသာပြန်တာမရဲတင်းလွန်းဘူးလားလို့ ကိုလူထွေးက ပြောပါတယ်။ ဟုတ်ပါတယ်။ အဲဒီကိစ္စက မဖြစ်သင့်တဲ့ ကိစ္စပါ။ ဖြစ်သင့်တာက ၀တ္ထုတစ်ပုဒ်လုံးကို အစအဆုံးဖတ်၊ ဇာတ်ကောင်းစရိုက်ကို မိအောင်ဖမ်းပြီး ဘာသာပြန်ရမှာပါ။ အထူးသဖြင့် ချက်ကော့ဗ်ရဲ့ ၀တ္ထုတိုတွေက ပိုဆိုးပါတယ်။ သူကိုယ်တိုင်က လူ့စရိုက်အဖွဲ့မှာ နာမည်ကြီးသူဖြစ်လို့ပါ။ ဘာပဲပြောပြောစမိပြီမို့ ဆုံးအောင်တော့ ဆက်ပြန်သွားပါ့မယ်။ သည်းခံပြီး လာဖတ်ဝေဖန်ပေးသူတွေကို ကျေးဇူးတင်ပါတယ်။
ပျော်ရွှင်ပါစေ...
ဝေလင်း

Sunday, May 9, 2010

သတို့သမီး (အပိုင်း၁)

သတို့သမီး(အပိုင်း ၁)
            
             ဆယ်နာရီကျော်ကျော် ညချမ်းအချိန်...။ ပန်းခြံထဲ၌ လရောင်က ထွန်းလင်းတောက်ပနေ၏။ ပန်းခြံအလယ်မှာတော့ အဘွားမာဖာ၏ အိမ်ဖြစ်သည်။ အိမ်ထဲမှ မိန်းမပျိုလေးတစ်ယောက်ထွက်လာသည်။ သူကတော့ အိမ်ကြီးရှင် အဘွားမာဖီ၏မြေး နာဂျာဖြစ်သည်။ အိမ်ထဲမှာ မီးများလင်းထိန်နေအောင် ထွန်းထားသဖြင့် နာဂျာအနေနှင့် အိမ်ထဲမှလူအားလုံးကို လှမ်းမြင်နေရသည်။ အိမ်ထဲမှာတော့ သားမွေးဝတ်ရုံကြီးတဖားဖားနှင့် အဘွားမာဖာ၊ ဘုရားကျောင်းက ဖာသာအန်ဒရိန်ကတော့ နာဂျာ့အမေ ညီးနာ နှင့် စကားပြောနေသည်။ သူတို့နှစ်ယောက်နှင့်မလှမ်းမကမ်း ပြတင်းပေါက်နားမှာရပ်နေတာက ဖာသာအန်ဒရိန်ရဲ့သား အန်ဒရိန်..။
                ပန်းခြံထဲမှာတော့ အိမ်အတွင်းပိုင်းနှင့် ဆန့်ကျင်စွာပင် အရာရာ တိတ်ဆိတ်ငြိမ်သက်နေသည်။ လရောင်အောက်မှာ တချက်တချက် လှုပ်ရှားသွားသော သစ်ပင်တို့၏အရိပ်နှင့် အဝေးဆီမှ.. မြို့ထဲဘက်ဆီမှ.. တချက်တချက်လွင့်ပျံလာတတ်သည့်  ဖားအော်သံသဲ့သဲ့မှလွဲလို့ပေါ့။ သာယာလှပသည့် မေလ၏ ညှို့ငင်မှုတို့က အသက်ပြင်းပြင်းရှူကာ စိတ်ကူးယဉ်ချင်စရာကောင်းလှသည်။ ကောင်းကင်ကြီးအောက် မြို့ပြနှင့်ဝေးရာ ကွင်းပြင်ကျယ်ကြီးသို့ ရောက်သွားသယောင်...၊ တောနက်ထဲက သစ်ပင်အောက်သို့ပဲ ရောက်သွားသယောင်ယောင် နွေဦးခံစားချက်တွေလေ....။ ဘာကြောင့်ရယ်မသိ ငိုချင်သလိုလို ဖြစ်မိသည်ထိ။
            နာဂျာသည် အသက်၂၃နှစ်ပြည့်ပြီးခဲ့ပြီးဖြစ်သည်။ မကြာခင်မှာ လက်ထပ်တော့မည့် အန်ဒရိန်၏ သတို့သမီးလည်း ဖြစ်သည်။ မင်္ဂလာပွဲကို ဇူလိုင် ၇ ရက်နေ့တွင် ကျင်းပရန်ပင် သတ်မှတ်ပြီး ဖြစ်သည်။  သူမအသက် ၁၆နှစ်လောက်ကတည်းက စိတ်ကူးယဉ်မျှော်လင့်ခဲ့တာ ဖြစ်ပေမယ့် တကယ့်တကယ် ဖြစ်လာတော့လည်း သူမှမပျော်မိပေ။ ဘာကြောင့်မှန်းတော့မသိ ဘ၀တစ်ခုလုံး အပြောင်းအလဲမရှိ အဆုံးသတ်သွားတော့မယောင် ထင်နေမိသည်။ 
              အိမ်ထဲကနေ နောက်တစ်ယောက် ထပ်ထွက်လာပြီး အပေါက်ဝ၌ ရပ်နေ၏။ စာရှာလို့ အများက ခပ်လွယ်လွယ် ခေါ်ကြသည့် အလက်ဇန္ဒား ဖြစ်သည်။ လွန်ခဲ့သည့် ဆယ်ရက်ကမှ မော်စကိုက ရောက်လာသူဖြစ်သည်။ သူ့အမေမှာ အဘွားမာဖာ၏ ဆွေမျိုး အနည်းငယ်တော်စပ်သူဖြစ်သဖြင့် သူ့အမေဆုံးသောအခါ အဘွားမာဖာကပင် ခေါ်ယူစောင့်လျှောက်ကာ မော်စကို၌ ကျောင်းထားပေးခဲ့သည်။ လွန်ခဲ့သည့် ၁၅ နှစ်လောက်က ပန်းချီကျောင်းဆင်းခဲ့သော်လည်း ပန်းချီမဆွဲပဲ မော်စကိုရှိ ပုံနှိပ်တိုက်တစ်ခု၌ ၀င်လုပ်နေ၏။ နွေရာသီတိုင်းလိုလို ဒီကို ပြန်လာတတ်ပြီး ပြန်လာတိုင်းလည်း ဖျားလေ့ရှိရာ အဘွားဆီလာရောက်သည်မှာ အနားယူနလန်ထရန်လို ဖြစ်နေသည်။ 
             သူဝတ်ထားသည်မှာ ခပ်စုတ်စုတ် ကုတ်အင်္ကျီနှင့် အောက်ခြေအနားများဖွာနေသော ဘောင်းဘီသာ ဖြစ်သည်။ အတွင်းမှ ရှပ်အင်္ကျီမှာလည်း ခပ်နွမ်းနွမ်း၊ သူ့ပုံစံက ညှဉ်းသိုးသိုးနှင့် မလတ်မဆတ်ပုံ။ လူကပိန်ပိန်၊ မျက်လုံးတွေက ကြီးကြီးနှင့် သူ့တစ်ကိုယ်လုံးမှာ ချီးကျူးစရာဟူ၍ သွယ်သွယ်ရှည်ရှည် လှပတဲ့ လက်ချောင်းလေးတွေသာရှိသည်။ 
ဒီနေရာ ဒီအိမ်သည် သူ့အတွက် ဇာတိချက်မြှုပ်လိုပင် ရင်းနှီးအသားကျနေပြီဖြစ်သည်။ ဒီကလူတွေအတွက်လည်း သူသည် မိသားစုဝင်တစ်ယောက် သဖွယ်။ သူနေသွားတဲ့ အခန်းကိုတောင် “စာရှာရဲ့ အခန်း”တဲ့။
                      အပေါက်ဝမှာ ရပ်နေရာကနေ နာဂျာကို မြင်ပြီး သူမဆီလှမ်းလာသည်။ 
           “ဒီမှာနေလို့ထိုင်လို့ ကောင်းရဲ့ မဟုတ်လား နာဂျာ” စာရှာက စပြောသည်။
          “သေချာတာပေါ့ရှင်။ ဒါနဲ့ရှင်ကကော ဒီမှာ ဆောင်းဦးထိနေမှာလား...?”
     “အင်း...ဟုတ်တယ်၊ ဒီလိုဖန်လာတာကိုး....။ ခင်ဗျားတို့လည်း စက်တင်ဘာလလောက်ထိတော့ ဒီမှာနေကြဦးပေါ့”
                      စာရှာက အကြောင်းမရှိရယ်ရင်း ဘေးမှာဝင်ထိုင်၏။ 
           “ဒီကနေထိုင်ပြီး အမေ့ကို ကြည့်နေတာ။ ဒီကနေကြည့်တော့လည်း အမေကငယ်သေးသလိုပဲရှင့်” နာဂျာက အိမ်ထဲမှာသူ့အမေဆီသို့ငေးရင်းပြောသည်။
            “အမေ့မှာ သွေးအားနည်းရောဂါရှိတာတော့အမှန်ပဲ...” သူမက စကားကို ခဏရပ်လိုက်သည်။ “ဒါပေမယ့် အမေက သာမန်မိန်းမတစ်ယောက်တော့မဟုတ်ဘူး...”
              ဟုတ်တယ် မိန်းမကောင်းတစ်ယောက်ပဲ။ နူးညံ့တယ် ကြင်နာတတ်တယ်။ ဒါပေမယ့် ခင်ဗျားကို ဘယ်လိုပြောရမလဲ..? ဒီနေ့မနက် ကျွန်တော်မီးဖိုခန်းထဲရောက်သွားတော့ အိမ်ဖော်လေးလေးယောက် ကြမ်းပြင်ပေါ်မှာ ဒီတိုင်းအိပ်နေကြတယ်။ အိပ်ရာရယ်လို့မရှိ၊ အိပ်ရာနေရာမှာ နံဟောင်နေတဲ့ အ၀တ်စုတ်လေးခင်းပြီး အိပ်နေကြတာ။ ကြမ်းပိုးတွေ၊ ပိုးဟပ်တွေနဲ့။ လွန်ခဲ့တဲ့ နှစ်ပေါင်း၂၀ ကလိုပဲ ဘာမှ ပြောင်းလဲမသွားဘူး။ အဘွားမာဖာက ဘုရားနဲ့ တရားနဲ့ အဘွားကြီးတဲ့လား၊ ပြီးတော့ ခင်ဗျားအမေ၊ ပြင်သစ်စကားလေးပြောလိုက်၊ ပြဇာတ်လေး ကပွဲလေးသွားလိုက်နဲ့..”
စာရှာစကားပြောတဲ့အခါ သူ့လက်တံရှည်ရှည်တွေကို သူပြောနေတဲ့လူဘက် ဆန့်ပြီး အားရပါးရ ပြောလေ့ရှိသည်။ 
              “အဆင့်အတန်းမြင့်ပါတယ်၊ယဉ်ကျေးပါတယ်ဆိုတဲ့ ဒီအိမ်မှာ ကျွန်တော်ကတော့ ရိုင်းစိုင်းလူမဆန်မှုတွေပဲတွေ့တယ်။ ဘယ်သူများ ဘာလုပ်သလဲ၊။ ခင်ဗျားအမေက တစ်နေကုန်လျှောက်လည်တယ်၊ အဘွားဖြစ်သူကလည်း ဘာမှမလုပ်၊ ခင်ဗျားကလည်း ဘာမှမလုပ်၊ သတို့သားလောင်းဖြစ်တဲ့ အန်ဒရိန်ကလည်း ဘာအလုပ်မှမလုပ်.......”
                       နာဂျာအနေနဲ့ ဒီစကားတွေကို ပြီးခဲ့တဲ့ နှစ်ကလည်း ကြားခဲ့ပြီးပြီ၊ အဲဒီမတိုင်ခင်နှစ်ကလည်း ကြားခဲ့ရသည်။ အဲဒီကတည်းက သူမသိခဲ့သည်။ စာရှာဟာ စကားကို ဆင်ဆင်ခြင်ခြင် ထိန်းထိန်းသိမ်းသိမ်း ပြောနိုင်သူမဟုတ်ဘူးဆိုတာကို။ အရင်ကတော့ ဒီစကားတွေကြားတိုင်း သူမရယ်မောမိသည်။ ခုတော့ဖြင့် ဘာကြောင့်ရယ်မသိ စိတ်ပျက်အားငယ်မိသလိုလို....
                  “စာရှာ! ရှင့်ဓါတ်ပြားဟောင်းကြီးနားထောင်ရတာ ကျွန်မငြီးငွေ့လှပြီရှင့်၊ အသစ်အဆန်းလေးများ မတွေးတတ်တော့ဘူးလား..?” ပြောပြောဆိုဆိုပင် ထိုင်ရာမှထိလိုက်သည်။ သူကပါ ရယ်မောရင်း သူမနှင့်အတူ လိုက်ထသည်။ ပြီးနောက် နှစ်ယောက်အတူ အိမ်ထဲဝင်ခဲ့ကြသည်။ သူမသည် အရပ်မြင့်မြင့် ချောမောကျော့ရှင်းသူဖြစ်သည်။ ဒါပေမယ့် သူနဲ့ တွဲလျှောက်ရင်း သူ့ကို သနားမိသည်။ နောက် ဘာကြောင့်မှန်းမသိ မျက်နှာပူမိသည်။ 
                “ ပြီးတော့ ရှင် အပိုတွေသိပ်ပြောတာပဲ။ ကျွန်မရဲ့ အန်ဒရိန်၊ သူ့အကြောင်းသာပြောတာ ရှင်က သူ့ကိုကော ကောင်းကောင်းသိလို့လား..?”
                “ ကျွန်မရဲ့ အန်ဒရိန်...! ဟုတ်လား၊ သူနဲ့အတူ ဘုရားသခင် ရှိပါစေဗျာ၊ ခင်ဗျားရဲ့ အန်ဒရိန်နဲ့ ပေါ့” သူတို့နှစ်ယောက် အိမ်ထဲရောက်တော့ ညစာထမင်းဝိုင်းက စနေပြီဖြစ်သည်။ ထမင်းဝိုင်းမှတော့ ထုံးစံအတိုင်း မျက်ခုံးထူထူ၊ ပုအိုင့်အိုင့် အဘွားမာဖာရဲ့ သူဒီအိမ်မှာ အကြီးဆုံး ဩဇာအာဏာ အရှိဆုံးဆိုတာကို ပေါ်လွင်စေတဲ့ ဟောင်ဖွာဖွာ စကားသံက ကျယ်လောင်စွာထွက်ပေါ်နေ၏။ သူမသည် ဈေး၌ ဈေးတန်းတစ်ခု၊ တိုင်လုံးကြီးများနှင့် ကြီးမားရှေးဆန်သည့် အိမ်တစ်လုံးနှင့် စိုက်ခင်းများကို ပိုင်ဆိုင်ထားသူဖြစ်သည်။ သို့သော် မနက်တိုင်းဘုရားသခင်ကို တိုင်တည်ပြီး ပျက်စီးဆုံးရှုံးမှုတွေကနေ ကယ်တင်ဖို့ ငိုယိုနေကျပေါ့။ သူ့ချွေးမ၊ နာဂျာ့အမေ ညီးနာကလည်း ဆံပင်ဖြူဖြူတွေကို တင်းနေအောင်ထုံးပြီး လက်ဆယ်ချောင်လုံးမှာလည်း စိန်တွေ တဖျပ်ဖျပ်နဲ့၊ အန်ဒရိန်ရဲ့အဖေ ဖာသာအန်ဒရိန်ကလည်း အိနြေ္ဒအပြည့်နဲ့၊ နောက် နာဂျာ့သတို့သားလောင်းဖြစ်တဲ့ အန်ဒရိန်ကလည်း ဆူဆူဖြိုးဖြိုး ဆံပင်ကောက်ကောက်နဲ့ ပြဇာတ်မင်းသားနဲ့ပဲ တူသေးရဲ့။ သုံးယောက်သား အိပ်မွေ့ချတဲ့အကြောင်းပြောဆိုနေကြသည်။ 
                “နင်လည်း ငါ့ဆီရောက်တာ တစ်ပတ်နဲ့ နလန်ထလာပြီပဲ။” အဘွားမာဖာက စာရှာကို လှမ်းပြောသည်။ “များများစားပေးကောင်လေး..၊ နင့်ကိုယ်နင်ဘာနဲ့ တူနေပြီလည်းကော သိရဲ့လား။” အဘွားမာဖာက သက်ပြင်းကိုချပြီး ဆက်ပြောသည်။ “လူတစ်ကိုယ်လုံးလည်း မျက်လုံးပဲကျန်တော့တယ်။ ကြောက်စရာတောင်ကောင်းနေပြီ၊ ဘယ်လိုများစားသောက်နေတယ် မသိဘူး။”
                  “ဘုရားသခင်ချီးမြှင့်တဲ့ ကြွယ်ဝခြင်းတွေကို ဖြုန်းတီးပြစ်နေတယ် ထင်ပါ့” ဖာသာအန်ဒရိန်က ခပ်ဖြည်းဖြည်း ၀င်ပြောသည်။ မျက်လုံးတွေကတော့ လောင်ရယ်ဟန်စွက်နေ၏
စာရှာက ရုတ်တရက် ဘာမဆိုင်ညာမဆိုင်ထရယ်ပြီး ပါးစပ်ကို လက်သုတ်ပ၀ါနှင့် သုတ်လိုက်သည်။
                  “အိပ်မွေ့ချကုသတာကို အန်တီယုံကြည်လား..?” အန်ဒရိန်က ညီးနာကို လှမ်းမေးသည်။
                 “ယုံတယ်လို့တော့ ခိုင်ခိုင်မာမာ မပြောနိုင်ဘူးကွဲ့..” ညီးနာက မျက်နှာကို တည်ပြီးပြောတယ်။
                 “ဒါပေမယ့် လောကမှာ မင်းတို့ ငါတို့ နားမလည်နိုင်တဲ့ လျှို့ဝှက်ချက်တွေက များသားလားကွယ်.. တစ်ခုထပ်လောင်းပြောချင်တာက ယုံကြည်မှုဆိုတာ လျှို့ဝှက်ချက်တွေရဲ့ အကျဉ်းချုံးသိမှု နယ်ပယ်ပဲကွယ့်...”
အန်ဒရိန်နဲ့ ညီးနာတို့ ခဏတော့ စကားစ ပြတ်သွားကြ၏။ ညီးနာရဲ့ မျက်လုံးတွေမှာ လက်က စိန်တွေရဲ့ တောက်ပမှုနဲ့ အပြိုင် မျက်ရည်စတို့ တွဲခိုလာ၏။
               “အမှန်အတိုင်းပြောရရင် ရှင်တို့တွေနဲ့ ငြင်းရမှာ ကျွန်မမ၀ံ့မရဲ ဖြစ်မိတယ်။ ဒါပေမယ့်  ဘ၀မှာ မဖြေရှင်းနိုင်တဲ့ ပဟေဠိတွေ များလွန်းတယ်ဆိုတာတော့ သဘောတူပါတယ်”

                ညစာစားပြီးကြတဲ့ အခါမှာတော့ အန်ဒရိန်က တယောထိုးသည်။ ညီးနာက စန္ဒရားနှင့် ကူတီးပေး၏။ အန်ဒရိန်သည် လွန်ခဲ့သော ဆယ်နှစ်ကပင် ဘာသာစကားအထူးပြုနှင့် ကျောင်းပြီးခဲ့သော်လည်း ဘယ်မှာမှ အလုပ်မလုပ်ပဲ ဘာသာရေးပွဲများနှင့် အလှူငွေကောက်ခံသည့် ပွဲများတွင် လိုက်လံတီးမှုတ်သည်။ မြို့ထဲမှာတော့ သူကို ဂီတသမားအဖြစ် သတ်မှတ်ကြသည်။ 
                 အန်ဒရိန်“တယောလက်သံကို အားလုံးတိတ်ဆိတ်စွာပင် နားထောင်ကြသည်။ စားပွဲပေါ်၌မူ ရေနွေးအိုးက ခပ်ဖြည်းဖြည်း ဆူနေသည်။ သို့သော် ထိုရေနွေးအိုးမှာလည်း စာရှာတစ်ယောက်တာ သောက်သည်။ မည်သူမျှ မထိကြ။ နောက်ဆုံးအန်ဒရိန်၏ တယောကြိုးပြတ်သွားမှသာ အချင်းချင်း နှုတ်ဆက်၍ လူစုခွဲကြသည်။ နာဂျာလည်း သူမ၏ သတို့သားလောင်းကို နှုတ်ဆက်ပြီး အပေါ်သို့တက်လာခဲ့သည်။ ( အပေါ်ထပ်မှာ သူမနှင့် သူမအမေ နေတာဖြစ်ပြီး အဘွားမာဖာကမူ အောက်ထပ်၌သာနေသည်။ အောက်ထပ်တွင် မီးတွေငြိမ်းကုန်ပြီ ဖြစ်သော်လည်း စာရှာမှာ ရေနွေးသောက်၍ကောင်းဆဲ။ သူအနှစ်သက်ဆုံး မော်စကိုခွက်နှင့် တစ်ခါက်ပြီး တစ်ခွက် အချိန်ကြာမြင့်စွာ သောက်လေ့ရှိသည်။
နာဂျာအ၀တ်အစားလဲ၍ အိပ်ရာဝင်ပြီး တော်တော်ကြာသည့်တိုင် အောက်ထပ်မှ အိမ်ဖော်များ၏ ဆေးကြောသိမ်းဆည်းသံ၊ အဘွားမာဖာ၏ ဒေါသတကြီး အော်ငေါက်သံတို့ကို ကြားနေရသေးသည်။ နောက်ဆုံးမှာတော့ စာရှာ၏ တစ်ချက်တစ်ချက် ချောင်းဆိုးလိုက်သံကိုပင် အခန်းထဲမှ ထွက်လာသည် ထင်ရလောက်အောင် တိတ်ဆိတ်သွားတော့သည်......။
                        
                                                                        ချက်ကော့ဗ်၏ သတို့သမီးကို ပြန်ဆိုသည်။
                                                                         Невеста  А . П .Чехова

Notes; မနေ့က 8.5.2010 မှာ ဘလော့လေး ခြောက်လပြည့်ပါတယ်။ ပထမတုန်းကတော့ မေ့နေတာပါ။ အဲဒီနေ့မတိုင်ခင်မှာ အစ်မချစ်ကြည်နဲ့ စကားပြောဖြစ်ရင်း အစ်မဘလော့ဂ်က ၅ရက်နေ့က ၆လပြည့်တယ်ဆိုတော့ အစ်မချစ်ကြည်နဲ့ ကျွန်တော်နဲ့ ဘလော့ဂ်စရေးတာချင်းသိပ်မကွာတာ သတိရမိပါတယ်။ ပြီးတော့ အစ်မက ကျွန်တော့်ကို စာရေးကျဲလို့ဆိုပြီးဆူပါတယ်။ ကျွန်တော်က စာရိုက်ရမှာပျင်းတယ်ဆိုတော့သူရိုက်ပေးမယ်တဲ့ စာတော့ မဟုတ်ဘူး လူကိုတဲ့...။ (ဝေးနေလို့ပါ နီးများနီးရင် တကယ်ရိုက်မလားမသိဘူး :) ...) ဟုတ်တော့လည်း ဟုတ်ပါတယ်။ ၂၀၀၉ထဲမှာ နိုဝင်ဘာနဲ့ ဒီဇင်ဘာနှစ်လကို ပို့စ်၄၅ခုတင်ခဲ့ပေမယ့် ၂၀၁၀ အခုဧပြီထိ ခုပို့စ်ပါပေါင်းမှ ၂၁ခုပဲ ရေးဖြစ်ခဲ့ပါတယ်။ မနှစ်ကထက် စာရင် စာတွေများလာတာကြောင့်လည်းပါသလို ကိုယ်တိုင်ကလည်း အပျင်းထူလာတာပါပါတယ်။ အများအားဖြင့် စာရေးရင် စာရွက်ပေါ်မှာပဲ ရေးတာများတဲ့အတွက် ဘလော့မှာပြန်တင်ဖို့ဆို ပြန်ရိုက်ရပါတယ်။ ကိုယ်စိတ်ကူးနဲ့ကိုယ် ရေးလိုက်တုန်းက ဘာမှမသိသာပေမယ့် ပြန်ရိုက်ရတဲ့ အခါမှာတော့ တော်တော်ပျင်းစရာကောင်းပါတယ်။ အဲဒါကြောင့်လည်း ရေးပြီးသားတွေ ဖတ်ပြီးသားတွေ ရှိပေမယ့် မတင်ဖြစ်ခဲ့ပါဘူး။ နောက်တစ်ခုကတော့ ဒီနှစ်ထဲ စိတ်အနှောက်အယှက် ဖြစ်စရာတွေ သိပ်ပေါပါတယ်။ ဘာကြောင့်မှန်းမသိပါဘူး ပြဿနာတွေချည်းပဲ တွေ့နေရသလိုပါပဲ။ (ခုတောင် လတ်တလောမှာ တင်ထားသလို ဘာဂလိုညာဂလို ဖြစ်နေသေး :) ) ဒါပေမယ့် ကိုယ့်ကိုယ်ကိုယ်လည်း စာပြန်ရေးဖြစ်အောင် စာဖတ်ဖြစ်အောင် ၆လပြည့်တဲ့နေ့မှာ ပို့စ်တစ်ခု တင်မယ်လို့ ဆုံးဖြတ်ပါတယ်။ ဒါနဲ့ ဘာတင်မလဲစဉ်စားကြည့်ပါတယ်။ ရေးပြီးသားဝတ္ထုတိုလေးတစ်ပုဒ်ရှိပါတယ်။ ဘာသာပြန်ဖို့ ဖတ်ထားပြီးသား အတိုနှစ်ပုဒ်ရှိပါတယ်။ ဒါပေမယ့် စာပုံမှန်ရေးဖြစ်အောင်ဆိုပြီး သင်္ကြန်တုန်းက ၀ယ်ထားတဲ့ ချက်ကော့ဗ်ရဲ့ ၀တ္ထုတို ပေါင်းချုပ်စာအုပ်ထဲက နည်းနည်းရှည်တာလေးကို ခွဲတင်ဖို့ဆုံးဖြတ်လိုက်ပါတယ်။ (အဲဒီစာအုပ်ဝယ်ပြီးမှ ကျောင်းမှာအလုပ်လုပ်တဲ့ အဘွားကြီးတစ်ယောက်က ချက်ကော့ဗ်ရဲ့ ၀တ္ထုတိုတွေကို ၄တွဲတောင်လာပေးပါတယ်။ ပိုလည်းစုံပါတယ်။ သူရေးခဲ့တဲ့ပြဇာတ်တွေပါ ပါပါတယ်၊ :( ) ဒါပေမယ့် ခက်တာက အဲဒီစာအုပ်က ၀ယ်ထားပြီးကတည်းက ဖတ်မကြည့်ရသေးဘူးဖြစ်နေပါတယ်။ မထူးပါဘူး မဖတ်၇သေးတဲ့ စာအုပ်လည်း ဖတ်ဖြစ်တာပေါ့ဆိုပြီး ဘာသာပြန်ဖို့လုပ်ပါတယ်။ ၈ရက်နေ့မနက်မှ ခုတင်တဲ့ဝတ္ထုတို( ၀တ္ထုရှည်လို့ပြောရမလား၊ ၀တ္ထုလတ်လို့ ပြောရမလားမသိဘူး၊) စဖတ်ပါတယ်။သူ့ထဲမှာ ခြောက်ပိုင်းခွဲထားတဲ့ အတွက် ၆ပိုင်းတော့ အနည်းဆုံးခွဲတင်ဖြစ်မယ်ထင်ပါတယ်။ (ဒီကြားထဲ အပျင်းထူလာရင်တော့ တစ်ပိုင်းကို နှစ်ခုခွဲပြီးလည်း တင်ဖြစ်ချင်တင်ဖြစ်မှာ :) ) 
ဆက်ပြောပါမယ်။ ဖြစ်ချင်တော့ ၈ရက်နေ့က စနေနေ့ဆိုပေမယ့် ဒီမှာက စနေပါကျောင်းတက်ရတဲ့ အတွက် မနက်ပိုင်းတစ်ပိုင်းလုံး ကျွန်တော်မအားပါဘူး။ ကျောင်းဆင်းတော့ နေ့လည် ၂နာရီ၊ ထမင်းစားပြီးတော့ ၃နာရီမှာ စဖတ်ပါတယ်။ ဘယ်လောက်မှမကြာလိုက်ပါဘူး သူငယ်ချင်းတစ်ယောက်ရဲ့ မွေးနေ့အတွက် ဈေးလိုက်ဝယ်ပေးဖို့ခေါ်တာနဲ့ ပါသွားပြန်ပါတယ်။ တစ်ညနေခင်းလုံး အပြင်မှာအချိန်တွေကုန်ပြီး ညရောက်တော့လည်း သူ့မွေးနေ့မှာ စားရင်းသောက်ရင်း အချိန်တွေကုန်ပြန်ပါတယ်။ အဲလိုနဲ့ ၈ရက်နေ့မှာ တင်ဖို့မှန်းထားတဲ့ပို့စ်က ၉ရက်နေ့ မနက်၅နာရီလောက်မှပဲ တင်ဖြစ်ပါတော့တယ်။ ဒီပို့စ်တင်ဖြစ်တဲ့အတွက် စာမရေးလို့ရိုက်မယ်ပြောတဲ့ အစ်မကို ကျေးဇူးတင်ပါတယ်။ နောက်တစ်ခုပြောချင်တာက ဒီဝတ္ထုဖတ်ကောင်းခဲ့ရင် (ထင်တော့မထင်ပါဘူး) ချက်ကော့ဗ်ရဲ့ အရည်အချင်းကြောင့်ဖြစ်ပြီး ချာတူးလန်ခဲ့ရင်တော့ ဘာသာပြန်မလိမ်မိုးမလိမ္မာ ကျွန်တော်မျိုးဒီကောင်ပါ။ (ဖြစ်နိုင်ရင်တော့ ဖတ်ကောင်းခဲ့ရင် ဒီကောင်တော်လို့ဖြစ်ပြီး ဖတ်မကောင်းခဲ့ရင် မူရင်းစာရေးသူညံ့တာလို့ ပြောချင်ပါတယ်.. ခက်တာက ကိုယ့်အရည်အချင်းကို သိနေတာပါ)  နောက်တစ်ခုက ၀တ္ထုရဲ့ ဇာတ်သိမ်းကို စုံစမ်းမေးမြန်းခြင်းသည်းခံပါ။ ကျွန်တော်ကိုယ်တိုင်လည်း ခုတင်ထားတဲ့ အပေါ်တစ်ပိုင်းအပြင် ဖတ်မကြည့်၇သေးပါဘူး :) 
ပျော်ရွှင်ပါစေ..
ဝေလင်း

Sunday, May 2, 2010

ကဗျာရွတ်သူများ..

 ကဗျာရွတ်သူများ

သောက်လက်စ လက်ဖက်ရည်ခွက်ကို စားပွဲပေါ်အသာအယာချလိုက်သည်။ ပြီးနောက် သူ့ရှေ့ကလူကို
တစ်ဆက်တည်းပြောလိုက်သည်။

“ဒီလိုနေ့မျိုးပဲဗျ သူ့ကိုကျွန်တော်စတွေ့တာ။ ခုလောက်တော့ဆိုင်ထဲမှာလူမရှိဘူးပေါ့လေ။”

ဘေးနားရှိ ၀ိုင်းတစ်ဝိုင်းမှ ရယ်သံတစ်ချို့ ဖိတ်လျှံလွင့်စင်လာသည်။ သူက စီးကရက်အစီခံကို မီးခြစ်ကိုယ်နဲ့ တတောက်တောက်ခေါက်ရင်း စကားကိုဆက်လိုက်သည်။

“အဲဒီညက နတ်သမီးက ဘီလူးနက္ခတ်နဲ့ ၀င်လာခဲ့တာ။ ဒီစားပွဲမှာပဲ ပန်းတစ်ပွင့်ကြွေကျခဲ့ တာပေါ့။ အဲဒီနတ်သမီးကပြောခဲ့တယ်။ လောကကြီးက ကျဉ်းကျဉ်းလေးပါတဲ့။ မရှာဘဲနဲ့တောင် တွေ့တတ်လွန်းလို့တဲ့။ ပန်းတစ်ပွင့်ရဲ့အလှအပကြောင့်ရော ၊ ဘာမှန်းမသိတဲ့အကြောင်း အရာတွေကို ရုတ်တရက် သိလိုက်ရခြင်းကြောင့်ပါ ကျွန်တော် ဆွံ့အနေခဲ့မိတယ်။ ပြီးတော့ နတ်သမီးက ကဗျာတစ်ပုဒ် ရွတ်ပြသွားတယ်။”

“အားလုံး…အားလုံးအတွက်
ငါမင်းကိုကျေးဇူးတင်ခဲ့ပါတယ်
ခပ်ခါးခါးမျက်ရည်တွေရယ်
အဆိပ်ပြွမ်းတဲ့အနမ်းတချို့နဲ့အတူ
တိတ်ဆိတ်ပြင်းထန်တဲ့ နာကျင်မှုတွေအတွက်
တစ်လျှောက်လုံး မင်းလှည့်စားခဲ့တာတွေအတွက်
ကျေးဇူးပါပဲ……....။”
(Anna)

နှုတ်ခမ်းထက်မှ စီးကရက်တိုကို လွင့်ပစ်လိုက်သည်။ စားပွဲပေါ်မှ အေးစက်နေပြီဖြစ်သော လက်ဖက်ရည်
ကိုတစ်ကျိုက်မျှသောက်လိုက်သည်။ ထိုအခိုက်အတန့်လေးမှာပင် သူ့ရှေ့မှလူ သက်ပြင်းချတာ သုံးခါတိတိရှိပြီဖြစ်ကြောင်း သူသတိထားမိလိုက်သည်။ သူတို့စကားဝိုင်းလေးက ခဏတဖြုတ်တော့ တိတ်ဆိတ်သွားသည်။ အတန်ကြာမှ သူ့ရှေ့မှလူက စကားစသည်။

“ဖြစ်နိုင်ရင် ဒီအကြောင်းကိုပြန်မပြောချင်ဘူးဗျာ။ ဒါပေမယ့် မျိုသိပ်ထားဖို့ကလည်း အချိန်မရွေး
ပေါက်ကွဲနိုင်တဲ့ ဗုံးတစ်လုံးကို ရင်ဘတ်ထဲထည့်ထားရသလိုပဲ။ ပင်ပန်းလွန်းတယ်ဗျ။
တကယ်တော့ အဲဒီညက ဓားတစ်လက်ရဲ့ကျိန်စာတွေ ဖြိုးဖြိုးဖျောက်ဖျောက် ရွာသွန်းတဲ့ ညပါပဲလေ။ သူ့ကိုစတွေ့တွေ့ချင်းပဲ ဓားတစ်လက်ရဲ့ အေးစက်မှုနဲ့ တည်ငြိမ်မှုတွေ ဖြာထွက် နေတာ သတိထာမိခဲ့တယ်။ သူကပြောတယ်“ ဒီမှာမိတ်ဆွေ ကျွန်တော်က နဂါးမှန်းသိအောင်
အမောက်ကြီးတထောင်ထောင်နဲ့ မနေတတ်ဘူးဗျ။ ဒါပေမယ့် လိုအပ်လာရင်လဲ မျက်စောင်းထိုး
ဖို့ ၀န်မလေးတတ်ဘူး။ ထားလိုက်ပါတော့လေ။ ပြီးတာတွေလဲ ပြီးသွားပါပြီ။ ဒါပေမယ့် ကဗျာတစ် ပုဒ်လောက်ရွတ်ပြချင်တယ်။ အဲဒီကဗျာဆုံးသွားရင်တော့ ခင်ဗျားကျွန်တော့ကို နားလည်သွား မှာပါ ”

အတောင်ပါတာချင်းအတူတူ
ပျံမရတာက ငါ့ညံ့ဖျင်းမှုတဲ့လား
ကျားသနားမှ နွားချမ်းသာရမယ်ဆိုရင်တော့
စားသာစားလိုက်ပါတော့ကွယ်...
ငါက..သနားစဖွယ်မဟုတ်ပေဘူး
တွေးမိတိုင်းရင်နာတယ်ပြောရင်
မတွေးဘဲနေပါလားလို့ ပြောကြလိမ့်ဦးမယ်..
မင်းတို့ပဲ….နေကြည့်
ဂျစ်ပစီတစ်ယောက်ရဲ့ရင်ခုန်သံဟာ
နည်းနည်းတော့ အရိုင်းဆန်လိမ့်မယ်
ဘ၀တစ်လျှောက်လုံး
သွားတွေက အောက်နှုတ်ခမ်းတွေကို
လွတ်ခဲ့ရတယ်လို့မှမရှိပဲ..
မြင်းကောင်းတောင် ခွာလိပ်သေးတာပဲ
ငါကနဂိုကတည်းကအကျိုး
ရနိုးနိုးနဲ့ ပျိုးမိသူ……...

“ကျေးဇူးပဲဗျာ။ ဟန်ဆောင်ပြီးတော့ ၀မ်းသာပါတယ်လို့မပြောနိုင်ပေမယ့်ပေါ့လေ။ သူ့ကို ကောင်းကောင်း စောင့်ရှောက်လိုက်ပါလို့လဲ မပြောတော့ပါဘူး။ ခင်ဗျားကို ကျွန်တော်ယုံတယ်။”

စကားဆုံးသွားတော့ သူ့ရှေ့ကလူက သက်ပြင်းတစ်ချက်ကို ခပ်လေးလေးချသည်။ ထို့နောက် ဆက်ပြောသည်။

“ပြောရင်ယုံမလား တော့မသိဘူး။ ခင်ဗျားလိုပဲ ကျွန်တော်လည်း သူ့ကိုမသိဘူး။ သူဘာတွေပြော သွားမှန်းလည်း ကျွန်တော် မသိဘူးဗျ။ ဒီလိုနဲ့ပဲ ကျွန်တော်လည်းဒီဇာတ်လမ်းထဲ ပါလာခဲ့တာ။ ကဲ..ကျွန်တော့်တာဝန်လည်းပြီးပြီ။ ခွင့်ပြုပါဦး။”

သူ့ရှေ့ကလူထွက်သွားသည်ကို သူငေးကြည့်နေမိသည်။ တကယ်တော့ အဲဒီလူစောင့်နေသူမှာ သူမဟုတ်သလို သူစောင့်နေသူမှာလည်းထိုလူမဟုတ်ပေ။သူ့ရင်ထဲမှာတော့ ရှင်းမပြတတ်သော ပုစ္ဆာတွေ
တသီကြီးကျန်ခဲ့သည်။ ထိုစဉ် သူမျှော်လင့်နေသော အသံကိုကြားလိုက်ရသည်။

“မောင်…စောင့်ရတာကြာလို့ပျင်းနေပြီလား”
“ဟင့်အင်း.. မပျင်းပါဘူး”
“ဒါနဲ့ တို့မရောက်ခင် မောင်နဲ့အတူထိုင်နေတာ ဘယ်သူလဲဟင်”
“အမှန်အတိုင်းပြောရင် ကိုယ်လည်းအဲဒါပဲ သိချင်နေတာ”
“မောင့်ဟာက ဘယ့်နှယ်ကြီးလဲ”
“ထားလိုက်ပါကွာ။ လာခဏလောက်ထိုင်ဦး။ ကဗျာတစ်ပုဒ်ရွတ်ပြစရာရှိတယ်။”

“ဘ၀မှာ…
မျက်နှာချင်းဆိုင်ရလွန်းတော့လည်း
လူချင်းမှားပြီး
နှုတ်ဆက်မိတာတွေများလွန်းတယ်။
ကောင်မလေးရေ...
“မင်္ဂလာပါ”
မင်းကိုငါ လူမှားခဲ့ပါသလား” 

Notes; မနှစ်က ဘလော့စရေးကာစက တင်ခဲ့တဲ့ပို့စ်ပါ။ ဘယ်သူမှမဖတ်ရသေးဘူးထင်လို့ ပြန်တင်လိုက်တာ။ ဆားချက်တာလည်းပါပါတယ်။ ဖိုရမ်တစ်ခုမှာလည်း တင်ခဲ့ဖူးပါတယ်။ အမှန်အတိုင်းပြောရရင် ဒီဝတ္ထုတိုလေးက ဆရာတာရာမင်းဝေရဲ့ “စကားခုနစ်ကြိမ်ကြာပြီးတဲ့နောက်”ဆိုတဲ့ ၀တ္ထုလေးရဲ့ အရိပ်အငွေ့မကင်းပါဘူး..။ ဒီရက်ပိုင်းဆုံးဖြတ်ရခက်တဲ့ ကိစ္စတစ်ခုနဲ့ ကြုံနေရတယ်။ ဘာမှ လုပ်ချင်ကိုင်ချင်စိတ် မရှိဘူးဖြစ်နေတယ်။ တချို့ကိစ္စတွေမှာ ခါတော်မှီယုတ္တိဗေဒတွေနဲ့ နှစ်သိမ့်ဆုတွေဟာ အခြေအနေကို ပိုမိုဆိုးရွားစေရုံထက်မပိုဘူးလို့ပြောလို့ရပါတယ်။ စိတ်ညစ်လွန်းလို့ တစ်ခါမှာ အသုံးမချခဲ့ဖူးတဲ့ တားရော့ကိုသုံးမိတယ်။ The Wheel of Foturne တဲ့ ..။ တချို့တွေရဲ့ အတ္တတွေဟာ သိပ်ကြောက်စရာကောင်းပါတယ်။ ကိုယ့်ကိုယ်ကိုပဲ အပြစ်တင်ရမလား..? ကံကြမ္မာကိုပဲ အပြစ်တင်ရမလား မဆုံးဖြတ်တတ်တော့ဘူး..။ ကိုယ်ကိုယ်တိုင်ကြိုးစားမေ့ဖျောက်ထားတဲ့ အမှန်တရားကို မျက်ဝါးထင်ထင် ပြန်မြင်ရတဲ့အခါ.. နာကျင်မှုက နှစ်ဖက်သွားနဲ့...။ ကိုယ်ကိုယ်တိုင်က ခံစားလွန်းတာလည်း ပါကောင်းပါမယ်။ တခါတလေတော့လည်း လောကကြီးကို ဆိုးဆိုးဝါးဝါး အရွဲ့တိုက်ချင်တယ်။ ကိုယ့်အတ္တတစ်ခုထဲနဲ့ပဲ ရှေ့ဆက်လျှောက်ချင်မိတယ်... ဘယ်သူသေသေပေါ့.. 
ပျော်ရွှင်ပါစေ
ဝေလင်း
update: စောန ဆိုတဲ့အသုံးကိုမှားသုံးမိလို့ ကိုလူထွေးက ပြင်ပေးသွားပါတယ်။ ကျေးဇူးတင်ပါတယ်အစ်ကို။  အဲဒီအသုံးကို ရှောင်ပြီးသုံးလိုက်ပါတယ်။ နောက်ဆို သိပ်မရင်းနှီးတဲ့ အသုံးတွေကို သေချာလေ့လာပြီးမှဖြစ်ဖြစ်၊ ရှောင်ပြီးဖြစ်ဖြစ်သုံးပါ့မယ်။မှားနေတာတွေ့ရင် လုံးဝအားမနာပါနဲ့။ ပိုးစိုးပက်စက်ဝေဖန်နိုင်ပါတယ်။ အမှားကိုသာထောက်ပြမယ်ဆို ဆဲသွားရင်တောင် ကျေးဇူးတင်မှာပါ။