ဒဏ်ရာပြတိုက်..........

Tuesday, December 15, 2009

သတင်းထူးပါဗျို့......

မကြုံစဖူး မီးပျက်သွားလို့ ဒီနေ့ညတော့ မဂင်းနိုင်တော့ဘူး :(
ဘယ့်နယ် မီးထပျက်ရတယ်လို့ နောက်နေ့မှပဲ အသေးစိတ်ပြောတော့မယ်..
ခုတော့ note book က အားကုန်နေပြီ..
အားလုံးပဲ ခဏတာ့တာ..

Monday, December 14, 2009

လူဆိုးတစ်ယောက်ရဲ့နောင်တများ...

ခုံပေါ်ထိုင်ချင်တဲ့သူဟာ

ခုံကိုနိုင်ဖို့လည်းလိုမယ်

တစ်ခါတစ်လေတော့လည်း

လက်ထဲကငွေကြေး သိပ်လေးတယ်လို့ ခံစားမိတယ်
ကျွန်တော်..ဘယ်လောက်သယ်နိုင်ပြီး

ဘယ်လောက်ချထားခဲ့နိုင်မလဲ

အမေက မီးဖိုချောင်ထဲက ဆန်အိုး

မိုးပြီးကြည့်နေချိန်မှာ

ကျွန်တော်က လက်ဖက်ရည်ဖိုးအတွက် ကြိုးစားနေမိတယ်..

ကျွန်တော်ကလူဆိုးပါ..အမေ

အိမ်ပြန်ရောက်မှ အမေ့ကိုမေးရမယ်

“လမ်းမှတောင်းတဲ့လူလည်းရှိတယ်၊ ပေးတဲ့လူလည်းရှိတယ်

သားဘာကိုရွေးရမလဲ” လို့

ပေလိုလူနဲ့ တူလိုလူကြား

မီးဖုတ်ထားတဲ့ ဓါးတစ်ချောင်းလည်း ဖြစ်ဖူးတယ်...။

လေထုဖိအားနဲ့ ကမ္ဘာ့ဆွဲအားကြားက ကျွန်တော်တို့အတွက်

ဘေးကြပ်နံကြပ်ဆိုတာ

မတ်မတ်ရပ်နိုင်ဖို့ဖြစ်တယ်

သေမယ့်အတူတူတော့

ငတေတစ်ကောင်လောက်မာခွင့်ရမယ်ဆိုလည်း

ကျွန်တော်ကျေနပ်ပါတယ်

(ဖြေသိမ့်မိတယ်)

ကိုယ့်သမိုင်းကိုယ်ရေးတာမှန်ပေမယ့်

နောက်လူတွေ ဘယ်လိုများခိုင်းနှိုင်းကြမှာပါလိမ့်...

တွေးမိပါသေးတယ်..

တကယ်တော့ ငါက

လ,တစ်ခြမ်းပဲမြင်တဲ့သူ...

ဟိုဘက်ကမ်းကမီးမထိန်ဘူးကွယ်....

Sunday, December 13, 2009

ဆင်ခြေဆင်လက်..

ဘာရယ်မဟုတ်ပါဘူး...။ ပျင်းပျင်းရှိတာနဲ့ လျှောက်ကြည့်ရင်း ရုရှားဆိုဒ်တစ်ခုမှာတွေ့တာလေးပြန်တင်ပေးလိုက်တာပါ။ သဘောကျလို့...

“မင်းမဟုတ်တာတွေ မရစ်စမ်းနဲ့ကွာ” အဖေ့အသံ။
“မဟုတ်တာတွေ ! ဟုတ်လား။ မိဆွေဆိုတဲ့ မိန်းမက မဟုတ်တာ ဘာမှမပြောခဲ့ဖူးဘူး။ အိမ်ကမိန်းမဆိုတာ သူများနားနဲ့မဆန့်တော့မှ သဲ့သဲ့လောက်ကြားရတာပါ။ ရှင်နဲ့ အဲဒီကောင်မနဲ့ ဘာတွေဘယ်လို ဖြစ်နေတယ်ဆိုတာ တစ်မြို့လုံး မကြားချင်မှ အဆုံးပဲ။” မျက်ရည်စက်လက်နဲ့ အမေ့အသံလေ။
“မဟုတ်ပါဘူးလို့ ပြောနေကွာ၊ ဒီမိန်းမ” ဖေဖေကတော့ မဟုတ်ဘူးပြောတာပဲ။
မေမေက ကျွန်တော့်ကို ဖက်၍ ငိုရင်းပြောသည်။
“ဒီကလေးတွေသာ မရှိခဲ့ရင်သိပ်ကောင်းမှာပဲ။ ခုတော့ သူတို့လေးတွေမျက်နှာကြောင့် ရှင့်ကို ပေါင်းနေတာ။ နို့မဟုတ်ရင် ကွာပစ်တယ်။”
“မဆွေ..ဘာမှလျှောက်ပြောမနေနဲ့ မင်းနဲ့ ငါနဲ့ ဆတ်ဆော့ခဲ့ကြလို့ ဒီကလေးတွေ ရလာခဲ့ပြီ။ ကွဲမယ်၊ ကွာမယ်ဆိုတဲ့ စကား လာမပြောနဲ့”
ဘယ်မိန်းမကမှ မကွဲချင်မကွာချင်ပါဘူး။ အဲဒီလိုပဲ ဘယ်မိန်းမကမှ ကိုယ့်ယောက်ျား အိမ်ထောင်ရေးဖောက်ပြန်နေတာကို မလိုလားဘူးဆိုတာပဲ”
ဘာတွေလဲဟင်...။ ဖေဖေနဲ့မေမေ ရန်မဖြစ်ကြပါနဲ့လား။ သူကတော့ ဘာမှမသိတော့ဘူး။ ဒါပေမယ့် မေမေငိုတော့ သူလည်း ငိုမိသည်။
“ကဲ..တော်တော့ ဘာမှမပြောနဲ့တော့။ ငါ သားကိုကျောင်းသွားပို့လိုက်ဦးမယ်။ ကလေးစာမေးပွဲဖြေမယ့်နေ့ စိတ်မဆင်းရဲစေချင်ဘူး”
ဟုတ်သားပဲ။ ဖေဖေပြောမှ သူသတိရသည်။ ဒီနေ့ သူတို့ တတိယတန်း စာမေးပွဲနေ့ပဲ။
“လာသား...၊ ကျောင်းသွားမယ်” လို့ပြောပြီး ဖေဖေက အောက်ကိုဆင်းသွားသည်။ ခါတိုင်းလိုများ မေမေက နှုတ်ဆက်အနမ်း နမ်းဦးမလားစောင့် နေမိသေးသည်။ တော်တော်ကြာသည်ထိ မေမေက သူ့ဘက်လှည့်မလာပဲ ငိုလို့သာနေသည်ကိုတွေ့ရတော့ သူအသာဆင်းလာမိသည်။ “မေမေ မေ့နေတာ ထင်ပါရဲ့” မမေ့လည်း မေမေနမ်းချင်တော့မှာ မဟုတ်ပါဘူးလေ။ မနက်က မေမေလိမ်းပေးခဲ့တဲ့ သနပ်ခါးတွေလည်း ငိုရတာနဲ့ ရှိမှမရှိတော့ပဲ။
အောက်ရောက်တော့ ဖေ့ဖေ့ကို စက်ဘီးပေါ်မှာ အသင့်စောင်နေတာ တွေ့ရသည်။ သူတိတ်တိတ်လေးပဲ တက်လိုက်သည်။ ခါတိုင်းလို ဖေဖေ့ခါးကိုလည်း ဖက်မထားမိတော့။ ဖေဖေနဲ့မေမေ ဘာဖြစ်ကြမှန်း သူတကယ် နားမလည်ပါ။ သူသိတာတစ်ခုပဲရှိသည်။ ဖေဖေနဲ့မေမေရန်ဖြစ်ပြီး မေမေငိုတာကိုပဲ သူသိသည်။ ခုလည်းမေမေ ငိုပြီးကျန်ခဲ့မှာပဲဟု တွေးရင်း သူငိုချင်လာပြန်သည်။ သူမျက်တောင်တစ်ချက်ခတ်ပြီး မျက်ရည်စတွေကို သိမ်းလိုက်သည်။ ဖေဖေပြောတော့“ယောက်ျားလေးဆိုတာ မျက်ရည်မကျရဘူးတဲ့” ဘာမှန်းသေချာနားမလည်ပေမယ့် ငိုရင်ဖေဖေမကြိုက်ဘူးလို့ပဲ သူမှတ်ထားသည်။ ခုလည်း သူငိုတာဖေဖေတွေ့သွားမှဖြင့်။ ပြောသာပြောရတာပါလေ။ ဖေဖေကဖြင့်သိမှာမဟုတ်ပါဘူး။ မျက်မှောင်ကြီး ကုတ်ပြီး တစ်လမ်းလုံးဘာတွေတွေးနေမှန်းမသိ။
ဒီလိုနဲ့ ကျောင်းကိုရောက်တော့ သူ့ကိုချပေးပြီး ဖေဖေထွက်သွားသည်။ ဖေဖေထွက်သွားမှ ခါတိုင်းလို မုန့်ဖိုးပေးမသွားတာ သတိရမိသည်။ နေပါစေတော့လေ သူလည်း ဘာမှမစားချင်ပါဘူး။ ပြီးတော့ ကျောင်းကလည်း တက်နေပြီ။ သူအခန်းထဲ ၀င်ထိုင်လိုက်သည်။ ဆရာမက မေးခွန်းစာရွက် လာပေးသည်။ မေးခွန်းစာရွက်ကို ကြည့်ပြီး သူငိုင်နေမိသည်။ ညတုန်းက ကျက်ထားတဲ့စာတွေက တစ်လုံးမှ ခေါင်းထဲပေါ်မလာ။ သူ့ခေါင်းထဲမှာ နောက်ဆုံး ဖေဖေနဲ့မေမေ ရန်ဖြစ်ကြတာပဲ သိသည်။ “ကွာမယ်” တဲ့ ကွာတယ်ဆိုတာ အတူမနေတော့တာလို့တော့ သူသိသည်။ ဒါပေမယ့် ဖေဖေနဲ့ မေမေက ဘာလို့ အတူမနေရမှာလဲ..?
ထိုစဉ် အခန်းစောင့်ဆရာမက အနားရောက်လာသည်။ ကျွန်တော့်ရှေ့မှာရပ်ပြီး “ ဥက္ကာအောင် ကျောင်းကို ဘယ်သူလိုက်ပို့လဲ” ကျွန်တော်နှုတ်ဆိတ်နေမိသည်။ ဆရာမက ဆက်ပြောသည်။

“အဖေလိုက်ပို့တာလား၊ မေမေလေးကော မပါဘူးလား။ နောက်ဆိုရင် ဥက္ကာအောင်တို့က မေမေလေးနဲ့ နေရတော့မယ်။ နင့်ဖေဖေက နင်တို့ထက် ပိုချစ်ရမယ့်သူ တွေ့နေပြီ။ နင့်အဖေက နင့်အမေကို မကြိုက်တော့လို့ အသစ်ရှာတာ”

ထိုသို့ပြောပြီး သူ့စကားသူ သဘောကျကာ ရယ်မောနေပြန်သည်။
ဘာများရယ်စရာ ပါပါသလဲ။ ဖေဖေက မေမေ့ကို မချစ်တော့ဘူးဆိုတာ ရယ်စရာလို့ သူကတော့ဖြင့်မထင်ပါ။ ဖေဖေကမေမေ့ကို ဘာလို့ မချစ်ရမှာလဲ။ “မေမေလေး”တဲ့ သူတစ်ခါမှ မကြားဖူးခဲ့သော အသုံးအနှုန်း။ ဘယ်ကမေမေလေးလဲ မသိဘူး။ သူ့မှာမေမေတစ်ယောက်ပဲရှိသည်။ သူချစ်သောမေမေ၊ သူ့ကိုချစ်သော မေမေ။ ကြီးတာလည်းမရှိဘူး၊ ငယ်တာလည်း မရှိပါဘူး။
လက်ထဲမှ ခဲတံဖြင့် သူ့ရှေ့တဲ့တဲ့မှ ရယ်မေနေသည့် ဆရာမကို မုန်းတီးစွာ ပစ်ပေါက်မိသည်။
“အား....” ဟူသော ဆရာမ အသံကလွဲပြီး စာသင်ခန်းထဲမှာ ဘာတွေဖြစ်ကျန်ခဲ့မှန်း သူမသိတော့။ သူသိတာက သူပြေးနေမိသည်.............................

ဖျတ်ခနဲ ၀င်လာသေ အသိစိတ်နဲ့ အတူ ဒါအိပ်မက်ပဲဆိုတာ သိပြီး သက်ပြင်းချမိပြန်သည်။ သူ့ခန္ဓာကိုယ်မှာတော့ အမှန်တကယ်ပြေးလာရသူလို ချွေးတို့ ရွှဲစိုနေသည်။ ပါးပြင်မှာကလည်း မျက်ရည်စတို့နှင့်။ ငယ်စဉ်ကတည်းက ခြောက်လန့်လာခဲ့သော ထိုအိပ်မက်ကနေ ဘယ်အချိန်မှများ လွတ်မြောက်မှာတဲ့လဲ။ သူမခေါ်ပဲ ရောက်ရောက်လာတတ်သည့် အတိတ်တွေထဲမှာ ထိုအတိတ်ကို သူအမုန်းဆုံးပဲဖြစ်သည်။ ရေအေးအေးတစ်ခွက်သောက်၍ မရတော့တာသိသိကြီးနှင့် မျက်လုံးကို ဇွတ်မှိတ်၍ အိပ်စက်ဖို့ ကြိုးစားမိပြန်သည်။ သူ့ရင်ထဲမှာတော့ ..

“ဖေဖေနဲ့ မေမေရယ် ရန်မဖြစ်ကြပါနဲ့တော့နော်”

ဆိုတဲ့ စကားလေးသံလေးပဲ ပဲ့တင်ထပ်လျက်.....

Wednesday, December 9, 2009

ငါတို့မြေ...

စာမေးပွဲတွေ တစ်ခုပြီးတစ်ခု ဖြေနေရတာ

နောက်ဆုံးသေပစ်လိုက်ဖို့တဲ့လား...

လောကကို မင်းရောက်ရှိကြောင်းပြသဖို့

အမှန်ခြစ်အဲလောက်များများ မလိုပါဘူးကွယ်

အမှန်ခြစ်တွေဘယ်လောက်ရွာရွာ

ငါတို့က ရေများရာ,မှမဟုတ်တာ..

အိပ်မက်ထဲမှာတောင် လှိုင်းပုတ်သံ မကြားချင်သည်အထိ

ငါ့ရင်ခွင်အတိ ကန္တာရနဲ့ ဖြည့်မိတယ်

ဟုတ်တယ်လေ..

ငါတို့ဘ၀မှာ ပိုင်ဆိုင်ခွင့်ရတာ ဒါပဲရှိတာကိုး......။

လောကကြီးရေ !!!!!!!!!!

ကုလားအုပ်တစ်ကောင်အတွက်တော့ ကန္တာရက တိရစ္ဆာန်ရုံထက် ပိုကောင်းပါရဲ့....

Monday, December 7, 2009

ကြိုးပုံပြင်….

"ကျွန်တော်"

အားလုံးထဲက…..

သူမ…

တွေ့ဆုံခြင်း…..

"အချစ်.."

"အဖြူရောင်ချည်နှောင်မှု"

"တုန့်ပြန်မှု”

"ဝေဒနာ"

"အလွမ်း"

"သူ့တောင်းဆိုမှု"

"ကျွန်တော့်ပိုင်ဆိုင်မှု"

"သူ့ရွေးချယ်မှု"

"သံယောဇဉ်"

“ကြိုးကိုင်လက်”

"နေကွယ်ချိန်"

"ဘ၀"

PS. ပုံများကို google မှရယူပါသည်။

Sunday, December 6, 2009

စကားစမြည်...

ကျွန်တော့် blog လေးကို နည်းနည်း ပုံပြောင်းလိုက်ပါတယ်။ အစကblog လေးက အရမ်းကျဉ်းနေတဲ့အတွက် ကိုယ့်blog ကိုယ်ဝင်တိုင်း အသက်ရှူကြပ်သလို ခံစားရလို့ ပြီးတော့ အရမ်းရှုပ်နေပြီး လာဖတ်တဲ့လူတွေလည်း ကျွန်တော့်လိုပဲ ဖြစ်နေမှာစိုးလို့ပါ။ ပြီးတော့ template အဟောင်းတုန်းက page အောက်ခံက အညိုရောင်ဆိုတော့ ပို့စ်အရောင်ခွဲရတာ ခက်ပါတယ်။ အဲဒါကြောင့် ဒီ template မှာတော့ အဖြူရောင်ပဲသုံးထားပါတယ်။ နောက်ပြီးတော့ ခရမ်းရောင်သုံးတာ များသွားပါတယ်။ ဒီရက်ပိုင်း ခရမ်းရောင်ကို ဘာလို့ အရမ်းသဘောကျနေမိလဲတော့ မသိပါဘူး။ အရောင်နဲ့ ပတ်သက်ပြီးရွေးရမယ်ဆို ခရမ်းရောင်ပဲစိတ်ထဲ ပေါ်ပေါ်လာတယ်။ မနေ့တုန်းကတည်းက လုပ်နေတာ လုပ်ပြီး ဘယ်လိုမှတင်မရဘူး။ error ပဲပြပြနေလို့။ ဒီနေ့မနက်မှာမှ တစ်မနက်လုံးအချိန်ပေးပြီး ဟိုပြင်လိုက်၊ ဒီပြင်လိုက် လုပ်လိုက်တာ ကံကောင်းပြီးရသွားပါတယ်။ အဲဒီကြားထဲ ပြောင်းပြီးကာစရှိသေး မန့်လို့လည်းမရဘူး၊ cbox ထဲလည်း ၀င်ရခက်တယ်ဆိုပြီး cbox ထဲမှာလာအော်သွားလို့ လူကိုထူပူသွားတာပဲ။ ခုတော့ အဆင်ပြေပြီထင်တာပါပဲ။ ကျွန်တော်မေးတိုင်း ဒုက္ခပေးတိုင်း ဖြေပေး၊ ကူညီပေးတဲ့ ကျွန်တော့်အစ်ကိုကြီး မောင်နိုင်
ကို ကျေးဇူးတင်ပါတယ်။ ဒီtemplate ပြောင်းဖို့ softwear လည်း connection မကောင်းတဲ့ကြား၊ upload တင်လို့မရတဲ့ကြားက gtalk ကနေ တစ်နာရီကျော်ကြာအောင် သူပဲ ပို့ပေးခဲ့တာပါ။ မနက်ကလည်း မမ၀ါက သူမန့်သွားတဲ့ ကောမန့် တက်မလာသေးဘူးလို့ ပြောလာပါတယ်။ ကျွန်တော့် blog လေးမှာ ကောမန့်ကို ကျွန်တော်တင်မှ တက်လာအောင်လုပ်ထားလို့ပါ။ အဲဒါကိုလည်း မကြာခင် ပြန်ပြင်မှာပါ။ ကောမန့်တွေအားလုံးကို တင်ပေးပါတယ်။ မန့်သွားကြတဲ့ အစ်ကိုတွေ အစ်မတွေကိုလည်း အရမ်းကျေးဇူးတင်ပါတယ်။ blogger စီနီယာကြီးတွေတော့မသိပါဘူး။ ကျွန်တော်ကတော့ တစ်ယောက်ယောက် commet ရေးသွားလို့ mail တက်လာရင် ဘယ်လိုပျော်မှန်းမသိပျော်ပါတယ်။ စီပုံးထဲလည်း တစ်ယောက်မှ မအော်၊ comment လည်းတစ်စောင်မှ ပေါ်မလာဆိုရင်တော့ တော်တော်ကြီးဝမ်းနည်းပါတယ်။ အဲဒီနေ့အတွက်။ blog လေးက ခုမှတစ်လတောင်မပြည့်သေးတဲ့အပြင် ကျွန်တော်ကလည်း နည်းပညာပိုင်း ဘာမှမတတ်တာကြောင့် လိုအပ်ချက်တွေရှိနေဦးမှာပါ။ လိုအပ်ချက်တွေတွေ့လာရင် blogger မောင်နှမတွေအနေနဲ့ မထောက်မညှာ ဝေဖန်နိုင်ပါတယ်။ ဝေလည်း ဝေဖန်စေချင်ပါတယ်။ တဖြည်းဖြည်းနဲ့ ချို့ယွင်းချက်တွေကို တတ်နိုင်သမျှ ပြုပြင်သွားမှာပါ။ ကျွန်တော့်ကို ဒီblog လေးဆက်ရေးဖြစ်စေဖို့ အားပေးစကားပြောခဲ့တဲ့ မမ၀ါ ကိုလည်း ကျေးဇူးတင်ပါတယ်။ကျွန်တော့်ရဲ့ ခနော်နီခနော်နဲ့ အိမ်လေးကို ချို့ယွင်းချက်တွေကို သည်းခံပြီး လာလည်ကြတဲ့သူတွေ၊ အော်သွားတဲ့လူတွေ၊ မန့်သွားတဲ့လူတွေ အားလုံးကို ကျေးဇူးတင်ပါတယ်။ ဒီစာလေးကို ဆုံးအောင်ဖတ်ပေးလို့ ပိုပြီးကျေးဇူးတင်ပါတယ်။
PS. cbox မှာ အော်သွားရင် လင့်လေးချန်သွားပေးပါလို့။ အစ်ကိုတို့၊ အစ်မတို့ အိမ်ကို အလည်လာချင်လို့ပါ။

ပဋိပက္ခ..

ပျံသန်းခွင့်မရှိမယ့် အတူတူတော့
လှောင်ချိုင့်တံခါးကို အသာပိတ်
အိပ်လိုက်တာပဲကောင်းမယ်ထင်ပါရဲ့
တောင်တန်းနဲ့ပင်လယ်
အိပ်မက်ထဲပဲ ထည့်သယ်ကြတာပေါ့
မိုးမလင်းတော့မယ့် မနက်ဖြန်အတွက်တော့
ငါထူးပြီးစိတ်မပူတော့ဘူး….
ရှေ့ကိုပဲလျှောက်လျှောက်၊ နောက်ကိုပဲလျှောက်လျှောက်
နောက်ဆုံးတော့ သန်းခေါင်ပဲ ပြန်ရောက်တာပဲ
တစ်နိုင်သယ်ခွင့်ရမယ်ဆိုရင်တောင်
ငါ့အိပ်မက်ငါမနိုင်တော့ဘူး……
“မင်းတစ်ယောက်ပဲခံစားတတ်မယ်ထင်နေလားတဲ့”
ဟုတ်ကဲ့ အဖေ
လူဆိုတာ ကိုယ့်ဗဟိုနဲ့ကိုယ် ၀ိုင်းနေတဲ့ စက်ဝိုင်းတွေပါအဖေ
ဒါပေမယ့် တစ်ချို့ကတော့ ဗဟိုနှစ်ခုရှိတဲ့ ellipse တွေလည်း ဖြစ်နေနိုင်တယ်
သားကိုလည်း အတ္တလေးနည်းနည်းတော့ ကြီးခွင့်ပေးပေါ့
အဖေ့နေရာ ၀င်မထမ်းနိုင်တောင်
အဖေ့အတွက် “ပခုံးခုဝတ်လေး” ဖြစ်ချင်တာ
သားဆန္ဒပါ……..

Saturday, December 5, 2009

ကူညီကြပါဦး........

စိတ်ညစ်နေတယ်။ ဘာမှလည်း အဆင်မပြေဘူး။ အလုပ်ပိနေတယ်။ အလုပ်ပိတယ်ဆိုတာ စာပိတာပါလေ။ စာမေးပွဲတွေကဖြေရတော့မယ်။ conference အတွက်စာတမ်းကလည်း မရေးရသေးဘူး။ ကိုးကားစရာလိုက်ရှာတော့လည်း ရှာမတွေ့ဘူး။ blogger အစ်ကိုတို့ အစ်မတို့ရေ ကူညီကြပါဦးဗျာ။“ မြန်မာသဒ္ဒါနဲ့ ရုရှားသဒ္ဒါနှိုင်းယှဉ်ချက်”ဆိုပြီး ဆရာမက conference မှာဖတ်ခိုင်းလို့ ၊ အမှန်က ခုဒီဇင်ဘာမှာဖတ်ရမှာ။ ကိုးကားစရာ စာအုပ်စာတမ်းမရှိလို့။ရွှေ့လိုက်ရတယ်။ မြန်မာသဒ္ဒါနဲ့ ပတ်သက်ပြီး ပြန်ဖတ်ဖို့ google ကြီးထဲလိုက်ရှာတာ google လည်းမတတ်နိုင်တော့ဘူး။ ဘာမှထိထိရောက်ရောက် ကိုးကားစရာရှာမတွေ့ဘူး။
စာအုပ်တွေလိုက်ရှာပြန်တော့လည်း မြန်မာသဒ္ဒါပိုင်းကို အားကိုးလောက်ဖွယ်ရာမတွေ့။ ၀ီကီမှာ ၀င်ရှာတော့လည်း မြန်မာသဒ္ဒါအကြောင်းမပါ။ အားတောင်ပျက်တယ်။ ကိုယ့်မြန်မာစကား အဲ့လောက်တောင် ဖြစ်နေပြီလားပေါ့။ တွေ့ပါတယ်။ ၀ိဘတ်ဆိုပြီး ရိုက်ရှာကြည့်သေးတယ်။ တွေ့ပါတယ်။ preposition ဆိုတဲ့ အင်္ဂလိပ်grammer အကြောင်းတွေ။ အင်္ဂလိပ်grammer အကြောင်းတော့ ရေးမယ့်လူရှိပြီး မြန်မာ သဒ္ဒါအကြောင်းကျ ရေးမယ့်လူမရှိဘူးတဲ့လား..? တော်တော်လေးကို စိတ်မကောင်းဖြစ်မိပါတယ်။ တွေ့အောင်မရှာနိုင်တဲ့ ကျွန်တော့်ညံ့ဖျင်းမှုလည်း ဖြစ်နိုင်ပါတယ်။ ဒါပေမယ့် english grammer ဆိုပြီး ရိုက်ရှာကြည့်လိုက်ပါ။ များပြားလိုက်တဲ့ဆိုဒ်တွေ။ မြန်မာစာသည် တို့စာမဟုတ်တော့လို့လား...? သဒ္ဒါမတတ်စာမတတ်ဆိုတဲ့ စကားကိုများ လွင့်ပစ်လိုက်ကြပြီလား..? သဒ္ဒါစာအုပ်လေးတစ်အုပ်တောင်မတွေ့မှတော့ မသိလို့ဖတ်ချင်ရင် ဖတ်စရာမရှိ၊ မရှိတော့ ထင်ရာရေး။ မြန်မာစာမြန်မာစကားရဲ့ရှေ့ခရီးက ဘယ်ကိုပါလဲ..? မြန်မာနိုင်ငံက စာအုပ်ဆိုင်တွေကြည့်လိုက်ရင်လည်း အင်္ဂလိပ်စကားပြော၊ အင်္ဂလိပ် grammer စာအုပ်တွေမှိုလိုပေါက်နေသလောက်၊ မြန်မာစာမြန်မာစကားအတွက် သဒ္ဒါစာအုပ်ကို မတွေ့မိပါဘူး။ ကျောင်းမှာပြဌာန်းတဲ့ မြန်မာသဒ္ဒါစာအုပ်ပဲတွေ့မိပါတယ်။ အင်္ဂလိပ်စာကို သဒ္ဒါမှားမှာတော့ ရှက်ကြတယ်။ မြန်မာစာ သဒ္ဒါမမှန်တာကြတော့ ရှက်ရကောင်းမှန်းမသိပါဘူး။ ဘာဖြစ်လို့များအဲလိုဖြစ်နေရတာလဲဗျာ။ ဒီမှာဆို သူတို့ဘာသာစကား အရမ်းအလေးထားတယ်။ ဘာသာရပ်တွေအားလုံးဟာ သူတို့ဘာသာစကားနဲ့ချည်းပဲ။ သူတို့ဆီမှာကျောင်းတက်ချင်ရင် သူတို့စာအရင်သင်ပေတော့ပဲ။
ခုတော့ ကိုယ့်ဘာသာစကား.......စိတ်ညစ်မိပါရဲ့။
လောလောဆယ်တော့ blogger ညီအစ်ကို မောင်နှမတွေမှာ မြန်မာသဒ္ဒါနဲ့ ပတ်သက်တဲ့ စာအုပ်လေးများရှိရင် ကူညီကြပါဦး။ နောက်ဆုံး ကျောင်းပြဌာန်းစာအုပ်ပဲဖြစ်ဖြစ်ပေါ့။ အရေးကြီးလို့ပါ။

မြန်မာစာအရေးလည်း စိတ်လေးမိပါတယ်ဗျာ....

Friday, December 4, 2009

အရူးစာ.........

လူဆိုတာ ကိုယ့်ငိုသံကိုယ် အကျယ်ဆုံးကြားကြတာချည်းပါ။ ဒါပေမယ့် ငါ့နှလုံးသားက စီးကျလာတာက မင့်မျက်ရည်တွေပါချစ်သူ။ မိုးတွေတဖွဲဖွဲ ရွာနေတာတောင် မင့်ထီးအောက် မခိုဖြစ်ခဲ့ဘူး။ လမ်းချင်းတူတာတောင် တစ်ယောက်တစ်လမ်း။ မင်းက ဦးနှောက်ကို အစာကျွေးပြီး၊ ငါက နှလုံးသားကို မွေးမြူတယ်။ ဘယ်တံခါးကိုပဲဖွင့်ဖွင့် မင့်ကိုတွေ့နေရတော့ ဘယ်အခန်းကိုမှ ငါမ၀င်ဖြစ်တော့ဘူး။ ပြတ်သားတဲ့မိန်းမတွေထဲမှာမှ မင်းက ပိုပြတ်သားတယ်။ ခင်မင်တတ်တဲ့ သူငယ်ချင်းတွေထဲမှာမှ မင်းကပိုပြီးခင်တတ်တယ်။ ကျောခိုင်းထားရင်တောင် တစ်ယောက်ရင်ခုန်သံ တစ်ယောက် ကြားနိုင်ဦးမယ်။ ခုက လက်ချင်းမတွဲပဲ ယှဉ်တွဲလျှောက်နေရတာ။ ငါတို့နည်းနည်းတော့ စိမ်းသွားသလိုပဲ။

သမိုင်းမတင်မီက လူကိုမှ မီးလာပေးတဲ့ နတ်သမီးရေ။ ငါကအမှောင်နဲ့နေသားကျနေပါပြီကွယ်။

ဆောင်းမနက်ခင်းတွေထဲ ငါနှင်းဆီတွေ မျှောခဲ့ဖူးတယ်။ သူတို့တွေလည်း လမ်းမှာ ကြာနေကြတာနေမှာပါ။ တစ်နေ့တော့ မင့်ဆီရောက်လာမှာပေါ့။ သူတို့တွေကိုတွေ့ရင်သာ ဖေးမလိုက်ပါကွယ်။ အဲဒီထဲမှာ လူငယ်တစ်ယောက်ရဲ့ အိပ်မက်တွေပါတယ်။ တစ်နေ့နေ့…တစ်နေ့နေ့ပေါ့……

ငယ်ကတည်းက အပြေးသန်တဲ့မင်းက ခုထိလည်း မရပ်သေးဘူး။ မင်းသိပ်မောနေမှပေါ့။ ပြေးသည်ဖြစ်စေ၊ နှေးသည်ဖြစ်စေ ပန်းတိုင်ကတော့ ရောက်လာမှာပဲကွယ်။ မင့်နဖူးမှာချွေးစို့တာတောင် ငါမမြင်ချင်လို့ပါ။

“စိတ်ဆိုးတယ်”

မင်းနဲ့ ပတ်သက်လာရင် ငါ့မှာ “ဘ၀အဆက်ဆက်”ဆိုတာ မရှိဘူး။ ဒီဘ၀ရဲ့ ထပ်တူညီတဲ့ ဒဏ်ရာတွေ ငါသယ်မသွားချင်လို့။

“ကြိုးစားနော်”

တွေ့ရာခရီးကို တွေ့ရာထီးနဲ့ လျှောက်တတ်တဲ့ငါ့ကို သွားလေရာ ထီးအမြဲပါတဲ့ မင်းက အပြစ်ဆိုချင်လိမ့်မယ်။ ကျေးဇူးပါ။ ငါကမင်းနဲ့ ရင်ခုန်သံချင်းပဲတူချင်တာလေ။ ခံယူချက်နဲ့ ဘ၀အမြင်မှာတော့ နားလည်မှုနဲ့ လွတ်လပ်စွာ သဘောကွဲလွဲခွင့်ပြုပါ ချစ်သူ။

ကျောင်းက ငါထိုင်ခဲ့တဲ့ ခုံလးမှာထိုင်ကြမယ့်သူတွေ မင့်နာမည်လေးကိုတော့ တွေ့ဖူးကြမှာပဲ။

“ဘာလို့နောက်ကလိုက်လာတာလဲ”

ရှေ့ကိုချည်းပဲမလျှောက်ပါနဲ့၊ နောက်ကိုလည်း တစ်ချက်လောက်တော့ မျှော်ကြည့်လှည့်ပါ။ မင့်ခြေရာဘေးမှာငါရေးထားတဲ့ နာမည်လေး ငါရေးခဲ့တဲ့ နာမည်လေး တွေ့ရတာပေါ့။ ငါတို့ကူခဲ့ကြတဲ့ချောင်းလေးတောင် “ကော”နေပြီ။ ငါတို့ကော ဘယ်လောက်တည်မြဲကြမလဲ။ မိုးအကျမှာ ဆိုးပြတတ်တာကလွဲလို့ သူငါတို့အပေါ်တာဝန်ကျေခဲ့ပါတယ်။ ငါတို့ကော ဘယ်သူ့အပေါ် ဘယ်လောက်တာဝန်ကျေခဲ့ပြီလဲ..? ဒါပေမယ့် ငါပြန်ရောက်ရင် သူ့ကျဆုံးခန်းကို မမြင်ချင်ဘူးဟာ။

“ငါသွားတော့မယ်”

ငါခေါင်းညိမ့်ပြခဲ့တယ်။ အေးလေ၊ ခွဲခွာချိန်မှာ ဘယ်စကားက အကောင်းဆုံးဆိုတာ ငါမှမသိတာ။ နောက်ကျရင်တော့ ငါတတ်လာမှာပေါ့။ နောက်ပြီး ကြည်ကြည်စင်စင် မပြုံးနိုင်သရွေ့ မချိပြုံးတော့ ပြုံးမပြချင်တာလည်း ပါမှာပေါ့လေ။

“မွေးနေ့မှာပျော်ရွှင်ပါစေ”

“ဆေးရောင်လှလှခြယ်ကြမယ်”ဆိုတဲ့ စာသားလေးကို ယုံစားလိုက်တာ၊ ငါ့စာအုပ်လေး အစွန်းစွန်းအထင်းထင်းနဲ့။ “သေတစ်နေ့မွေးတစ်နေ့တဲ့” တစ်နေ့ပဲမွေးပြီး တစ်ဘ၀လုံးသေခဲ့ရတဲ့ ငါ့အတွက်တော့ သိပ်မမှန်သလိုပဲ။ လောကကြီးတစ်ခုလုံးက ချွင်းချက်တွေချည်းပဲလားတောင် ထင်မိတယ်။

“ဒါကတော့ နင်ကစိတ်ပျော့တာကိုး”

မင်းနဲ့ပတ်သက်လာရင် အရာရာကို ရိုးသားစွာ ခံယူမိတာ အပြစ်လား။ ထိုးမယ့်ဆင်နောက်တစ်လှမ်းဆုတ်တာ မဟုတ်ပါဘူး။ မင်းဝင်သာရုံလမ်းဖွင့်ပေးတာပါ။

“ဒီအကြောင်းတွေပြောမှာဆိုရင် ငါဖုန်းချလိုက်တော့မယ်”

စိမ်းကားတယ်ဆိုတာ ဘာမှန်းမသိ၊ ဥပေက္ခာဆိုတာ ဘာမှန်းမသိ၊ မင့်အကြည့်တွေကတင် နွေးထွေးမှုကို ဖန်တီးယူတတ်တာ ငါတော်လို့ပေါ့။

“ဒီမှာလာကြည့်လဲ့၊ ခိုလေးတွေ”

ပြတင်းပေါက်လေးတစ်ခုကို ချစ်ဖူးတယ်။

“နင်သိလား၊ ဒိန်ချဉ်ဆိုတာ နွားနို့နဲ့ သံပုရာရေ ရောထားတာမဟုတ်ဘူးဟ၊ ပေါင်းစည်းမှုတိုင်းက ရလဒ်ကောင်းတွေထွက်လာမယ်မထင်နဲ့”

ကောင်းကင်က ကြယ်မရရင်၊ ရေထဲကကြယ်တော့ မလိုချင်တဲ့ ငါ့ရဲ့ခေါင်းမာမှုလည်း ပါတာပေါ့။

“မချစ်ဘူး”

…………………… …………… ……………..။

…..*x*….***

%(…….)…………..။

“ဟင့်အင်း၊ ငါအဲဒါမျိုးတွေမဖတ်တတ်ဘူး”

“နင်ပေးတဲ့ ကဗျာစာအုပ်လေးကို ကျောင်းက သူငယ်ချင်းတွေကို ပေးဖတ်တော့ ကောင်းတယ်တဲ့”

“နိုးပြီလား၊ ငါသွားတော့မယ်နော်”

“ဒါမျိုးတွေ ငါစိတ်မ၀င်စားချင်သေးဘူးဟာ”

နေတစ်လှည့်၊ လတစ်ခါနဲ့ ငါဘ၀မှာ ထွန်းချင်တိုင်းထွန်း၊ သာချင်တိုင်းသာ။ နင့်စိတ်သံကို ငါမဖတ်တတ်တော့တာ ကြာပါပြီ။ မင်းနဲ့ ပတ်သက်ရင် ရောင့်ရောင့်ရဲရဲ တွေးတတ်လာလို့တော့လားမသိဘူး၊ ငါနည်းနည်း သက်သာလာပြီ။ ဆေးတော့မှန်မှန်မသောက်ဖြစ်ဘူး။ ငါအရူးပဲခံလိုက်တော့မယ်။ ငါ့ကိုတွေ့တော့ နင်နှာခေါင်းရှုံမှာတော့မဟုတ်ပါဘူးလေ။ နင်က မပြည့်ဝတဲ့မိန်းကလေးမှမဟုတ်တာ။ ဒါပေမယ့် သူငယ်ချင်းတစ်ယောက်အနေနဲ့တော့ ဂရုဏာမျက်ဝန်းတွေ သယ်မလာနဲ့။ ငါ့ချစ်သူက မိုးပေါ်မှာ။ ဟိုး…ထောင့်မှာတွေ့လား သောကြာကြယ်၊ သူကအဲဒီမှာနေတာ။ ညညကျ သောကြာကြယ်က,တဲ့ရထားနဲ့ ငါ့ရင်ခွင်ထဲဆင်းလာမှာ…။ ပြန်ခါနီး ကတိတောင်းရင် -

“ မိုးပဲစွေစွေ၊ နှင်းပဲကြွေကြွေ၊ နွေပဲရောက်ရောက်

နင့်မေတ္တာကို ငါမျှော်လင့်သွားမှာပါ

အမှားပြင်ဆင်ချက်ထည့်မရတဲ့

ဘ၀သတင်းစာမှာ

ငါ့နာရေးကြေညာပါသည်အထိပေါ့…” လို့ ကဗျာလေးတစ်ပုဒ်ရွတ်ပြရဦးမယ်။

ကဲပြောရတာမောပြီ ပြန်တော့ဗျာ။ ခဏနေသူလာတော့မှာ..။

“ပျော်အောင်နေနော်၊ ကျန်းမာရေးဂရုစိုက်”

အာဗျာ ပြန်ပါတော့ဆိုနေမှ။

“ငါ့ကိုခွင့်လွတ်ပါဟာ….”

ပြန်တော့!!!!!