ကဗျာရွတ်သူများ..

 ကဗျာရွတ်သူများ

သောက်လက်စ လက်ဖက်ရည်ခွက်ကို စားပွဲပေါ်အသာအယာချလိုက်သည်။ ပြီးနောက် သူ့ရှေ့ကလူကို
တစ်ဆက်တည်းပြောလိုက်သည်။

“ဒီလိုနေ့မျိုးပဲဗျ သူ့ကိုကျွန်တော်စတွေ့တာ။ ခုလောက်တော့ဆိုင်ထဲမှာလူမရှိဘူးပေါ့လေ။”

ဘေးနားရှိ ၀ိုင်းတစ်ဝိုင်းမှ ရယ်သံတစ်ချို့ ဖိတ်လျှံလွင့်စင်လာသည်။ သူက စီးကရက်အစီခံကို မီးခြစ်ကိုယ်နဲ့ တတောက်တောက်ခေါက်ရင်း စကားကိုဆက်လိုက်သည်။

“အဲဒီညက နတ်သမီးက ဘီလူးနက္ခတ်နဲ့ ၀င်လာခဲ့တာ။ ဒီစားပွဲမှာပဲ ပန်းတစ်ပွင့်ကြွေကျခဲ့ တာပေါ့။ အဲဒီနတ်သမီးကပြောခဲ့တယ်။ လောကကြီးက ကျဉ်းကျဉ်းလေးပါတဲ့။ မရှာဘဲနဲ့တောင် တွေ့တတ်လွန်းလို့တဲ့။ ပန်းတစ်ပွင့်ရဲ့အလှအပကြောင့်ရော ၊ ဘာမှန်းမသိတဲ့အကြောင်း အရာတွေကို ရုတ်တရက် သိလိုက်ရခြင်းကြောင့်ပါ ကျွန်တော် ဆွံ့အနေခဲ့မိတယ်။ ပြီးတော့ နတ်သမီးက ကဗျာတစ်ပုဒ် ရွတ်ပြသွားတယ်။”

“အားလုံး…အားလုံးအတွက်
ငါမင်းကိုကျေးဇူးတင်ခဲ့ပါတယ်
ခပ်ခါးခါးမျက်ရည်တွေရယ်
အဆိပ်ပြွမ်းတဲ့အနမ်းတချို့နဲ့အတူ
တိတ်ဆိတ်ပြင်းထန်တဲ့ နာကျင်မှုတွေအတွက်
တစ်လျှောက်လုံး မင်းလှည့်စားခဲ့တာတွေအတွက်
ကျေးဇူးပါပဲ……....။”
(Anna)

နှုတ်ခမ်းထက်မှ စီးကရက်တိုကို လွင့်ပစ်လိုက်သည်။ စားပွဲပေါ်မှ အေးစက်နေပြီဖြစ်သော လက်ဖက်ရည်
ကိုတစ်ကျိုက်မျှသောက်လိုက်သည်။ ထိုအခိုက်အတန့်လေးမှာပင် သူ့ရှေ့မှလူ သက်ပြင်းချတာ သုံးခါတိတိရှိပြီဖြစ်ကြောင်း သူသတိထားမိလိုက်သည်။ သူတို့စကားဝိုင်းလေးက ခဏတဖြုတ်တော့ တိတ်ဆိတ်သွားသည်။ အတန်ကြာမှ သူ့ရှေ့မှလူက စကားစသည်။

“ဖြစ်နိုင်ရင် ဒီအကြောင်းကိုပြန်မပြောချင်ဘူးဗျာ။ ဒါပေမယ့် မျိုသိပ်ထားဖို့ကလည်း အချိန်မရွေး
ပေါက်ကွဲနိုင်တဲ့ ဗုံးတစ်လုံးကို ရင်ဘတ်ထဲထည့်ထားရသလိုပဲ။ ပင်ပန်းလွန်းတယ်ဗျ။
တကယ်တော့ အဲဒီညက ဓားတစ်လက်ရဲ့ကျိန်စာတွေ ဖြိုးဖြိုးဖျောက်ဖျောက် ရွာသွန်းတဲ့ ညပါပဲလေ။ သူ့ကိုစတွေ့တွေ့ချင်းပဲ ဓားတစ်လက်ရဲ့ အေးစက်မှုနဲ့ တည်ငြိမ်မှုတွေ ဖြာထွက် နေတာ သတိထာမိခဲ့တယ်။ သူကပြောတယ်“ ဒီမှာမိတ်ဆွေ ကျွန်တော်က နဂါးမှန်းသိအောင်
အမောက်ကြီးတထောင်ထောင်နဲ့ မနေတတ်ဘူးဗျ။ ဒါပေမယ့် လိုအပ်လာရင်လဲ မျက်စောင်းထိုး
ဖို့ ၀န်မလေးတတ်ဘူး။ ထားလိုက်ပါတော့လေ။ ပြီးတာတွေလဲ ပြီးသွားပါပြီ။ ဒါပေမယ့် ကဗျာတစ် ပုဒ်လောက်ရွတ်ပြချင်တယ်။ အဲဒီကဗျာဆုံးသွားရင်တော့ ခင်ဗျားကျွန်တော့ကို နားလည်သွား မှာပါ ”

အတောင်ပါတာချင်းအတူတူ
ပျံမရတာက ငါ့ညံ့ဖျင်းမှုတဲ့လား
ကျားသနားမှ နွားချမ်းသာရမယ်ဆိုရင်တော့
စားသာစားလိုက်ပါတော့ကွယ်...
ငါက..သနားစဖွယ်မဟုတ်ပေဘူး
တွေးမိတိုင်းရင်နာတယ်ပြောရင်
မတွေးဘဲနေပါလားလို့ ပြောကြလိမ့်ဦးမယ်..
မင်းတို့ပဲ….နေကြည့်
ဂျစ်ပစီတစ်ယောက်ရဲ့ရင်ခုန်သံဟာ
နည်းနည်းတော့ အရိုင်းဆန်လိမ့်မယ်
ဘ၀တစ်လျှောက်လုံး
သွားတွေက အောက်နှုတ်ခမ်းတွေကို
လွတ်ခဲ့ရတယ်လို့မှမရှိပဲ..
မြင်းကောင်းတောင် ခွာလိပ်သေးတာပဲ
ငါကနဂိုကတည်းကအကျိုး
ရနိုးနိုးနဲ့ ပျိုးမိသူ……...

“ကျေးဇူးပဲဗျာ။ ဟန်ဆောင်ပြီးတော့ ၀မ်းသာပါတယ်လို့မပြောနိုင်ပေမယ့်ပေါ့လေ။ သူ့ကို ကောင်းကောင်း စောင့်ရှောက်လိုက်ပါလို့လဲ မပြောတော့ပါဘူး။ ခင်ဗျားကို ကျွန်တော်ယုံတယ်။”

စကားဆုံးသွားတော့ သူ့ရှေ့ကလူက သက်ပြင်းတစ်ချက်ကို ခပ်လေးလေးချသည်။ ထို့နောက် ဆက်ပြောသည်။

“ပြောရင်ယုံမလား တော့မသိဘူး။ ခင်ဗျားလိုပဲ ကျွန်တော်လည်း သူ့ကိုမသိဘူး။ သူဘာတွေပြော သွားမှန်းလည်း ကျွန်တော် မသိဘူးဗျ။ ဒီလိုနဲ့ပဲ ကျွန်တော်လည်းဒီဇာတ်လမ်းထဲ ပါလာခဲ့တာ။ ကဲ..ကျွန်တော့်တာဝန်လည်းပြီးပြီ။ ခွင့်ပြုပါဦး။”

သူ့ရှေ့ကလူထွက်သွားသည်ကို သူငေးကြည့်နေမိသည်။ တကယ်တော့ အဲဒီလူစောင့်နေသူမှာ သူမဟုတ်သလို သူစောင့်နေသူမှာလည်းထိုလူမဟုတ်ပေ။သူ့ရင်ထဲမှာတော့ ရှင်းမပြတတ်သော ပုစ္ဆာတွေ
တသီကြီးကျန်ခဲ့သည်။ ထိုစဉ် သူမျှော်လင့်နေသော အသံကိုကြားလိုက်ရသည်။

“မောင်…စောင့်ရတာကြာလို့ပျင်းနေပြီလား”
“ဟင့်အင်း.. မပျင်းပါဘူး”
“ဒါနဲ့ တို့မရောက်ခင် မောင်နဲ့အတူထိုင်နေတာ ဘယ်သူလဲဟင်”
“အမှန်အတိုင်းပြောရင် ကိုယ်လည်းအဲဒါပဲ သိချင်နေတာ”
“မောင့်ဟာက ဘယ့်နှယ်ကြီးလဲ”
“ထားလိုက်ပါကွာ။ လာခဏလောက်ထိုင်ဦး။ ကဗျာတစ်ပုဒ်ရွတ်ပြစရာရှိတယ်။”

“ဘ၀မှာ…
မျက်နှာချင်းဆိုင်ရလွန်းတော့လည်း
လူချင်းမှားပြီး
နှုတ်ဆက်မိတာတွေများလွန်းတယ်။
ကောင်မလေးရေ...
“မင်္ဂလာပါ”
မင်းကိုငါ လူမှားခဲ့ပါသလား” 

Notes; မနှစ်က ဘလော့စရေးကာစက တင်ခဲ့တဲ့ပို့စ်ပါ။ ဘယ်သူမှမဖတ်ရသေးဘူးထင်လို့ ပြန်တင်လိုက်တာ။ ဆားချက်တာလည်းပါပါတယ်။ ဖိုရမ်တစ်ခုမှာလည်း တင်ခဲ့ဖူးပါတယ်။ အမှန်အတိုင်းပြောရရင် ဒီဝတ္ထုတိုလေးက ဆရာတာရာမင်းဝေရဲ့ “စကားခုနစ်ကြိမ်ကြာပြီးတဲ့နောက်”ဆိုတဲ့ ၀တ္ထုလေးရဲ့ အရိပ်အငွေ့မကင်းပါဘူး..။ ဒီရက်ပိုင်းဆုံးဖြတ်ရခက်တဲ့ ကိစ္စတစ်ခုနဲ့ ကြုံနေရတယ်။ ဘာမှ လုပ်ချင်ကိုင်ချင်စိတ် မရှိဘူးဖြစ်နေတယ်။ တချို့ကိစ္စတွေမှာ ခါတော်မှီယုတ္တိဗေဒတွေနဲ့ နှစ်သိမ့်ဆုတွေဟာ အခြေအနေကို ပိုမိုဆိုးရွားစေရုံထက်မပိုဘူးလို့ပြောလို့ရပါတယ်။ စိတ်ညစ်လွန်းလို့ တစ်ခါမှာ အသုံးမချခဲ့ဖူးတဲ့ တားရော့ကိုသုံးမိတယ်။ The Wheel of Foturne တဲ့ ..။ တချို့တွေရဲ့ အတ္တတွေဟာ သိပ်ကြောက်စရာကောင်းပါတယ်။ ကိုယ့်ကိုယ်ကိုပဲ အပြစ်တင်ရမလား..? ကံကြမ္မာကိုပဲ အပြစ်တင်ရမလား မဆုံးဖြတ်တတ်တော့ဘူး..။ ကိုယ်ကိုယ်တိုင်ကြိုးစားမေ့ဖျောက်ထားတဲ့ အမှန်တရားကို မျက်ဝါးထင်ထင် ပြန်မြင်ရတဲ့အခါ.. နာကျင်မှုက နှစ်ဖက်သွားနဲ့...။ ကိုယ်ကိုယ်တိုင်က ခံစားလွန်းတာလည်း ပါကောင်းပါမယ်။ တခါတလေတော့လည်း လောကကြီးကို ဆိုးဆိုးဝါးဝါး အရွဲ့တိုက်ချင်တယ်။ ကိုယ့်အတ္တတစ်ခုထဲနဲ့ပဲ ရှေ့ဆက်လျှောက်ချင်မိတယ်... ဘယ်သူသေသေပေါ့.. 

ပျော်ရွှင်ပါစေ

ဝေလင်း
update: စောန ဆိုတဲ့အသုံးကိုမှားသုံးမိလို့ ကိုလူထွေးက ပြင်ပေးသွားပါတယ်။ ကျေးဇူးတင်ပါတယ်အစ်ကို။  အဲဒီအသုံးကို ရှောင်ပြီးသုံးလိုက်ပါတယ်။ နောက်ဆို သိပ်မရင်းနှီးတဲ့ အသုံးတွေကို သေချာလေ့လာပြီးမှဖြစ်ဖြစ်၊ ရှောင်ပြီးဖြစ်ဖြစ်သုံးပါ့မယ်။မှားနေတာတွေ့ရင် လုံးဝအားမနာပါနဲ့။ ပိုးစိုးပက်စက်ဝေဖန်နိုင်ပါတယ်။ အမှားကိုသာထောက်ပြမယ်ဆို ဆဲသွားရင်တောင် ကျေးဇူးတင်မှာပါ။

မျက်ရည်

                                

ချိုမြမည်ထင်သော မေတ္တာတရားက ခါးသက်သွားခဲ့တာကို အလန့်တကြားကြည့်မိ....

သေခြင်းတရား ပျံသန်းလာနေတာကို မျက်နှာချင်းဆိုင်ကြည့်နေရသလိုမျိုး...

အရာအားလုံးရပ်တန့်။ ကိုယ်ဖန်တီးမိတဲ့ နာကျင်မှုက ကိုယ့်ကိုအနိုင်ယူသွားတဲ့အခါ၊ တောက်ပမှုထဲ တစ်ကိုယ်လုံး ပြိုဆင်းသွားလေရဲ့...

ရှုံးနိမ့်ပါများလာတော့ ငိုကြွေးဖို့တောင် မတတ်နိုင်တော့...

တားဆီးထားသော စည်းများ... ကာရံထားသော မျက်နှာဖုံးများ...

အမှန်တရားသည် အမြဲတမ်း မချိုမြိန်ခဲ့ပါ..။ အထူးသဖြင့် ခံစားချက်နှင့်ယှဉ်သောအခါ အမှန်တရားသည် ခါးပါသည်။

အချစ်က ပေးဆပ်ခြင်းလို့ဆိုရလောက်အောင်လည်း ရုပ်ရှင်မဆန်ခဲ့ပါ....။

သူမခိုကိုးရာသည် ကျွန်တော့်ရင်ခွင်မဟုတ်ခဲ့သည့်တိုင်... သူမအားကိုးတကြီး ကိုင်ဆွဲရာလက်သည် ကျွန်တော့်လက် မဟုတ်ခဲ့သည့်တိုင် ခွင့်လွတ်နိုင်ခဲ့ခြင်းသည် သဘောထားကြီးလွန်းခြင်း မဟုတ်တာ သေချာပါသည်။ (စိတ်သက်သာရာ သက်သာကြောင်း ကြံဖန်ဖြေသိမ့်တတ်တာလည်း ပါမည်။) ဘယ်လိုပင်ပြုံးပြုံး နှလုံးသားကတော့ နာကျင်ရသည်သာ...။ 

အချစ်က အဆိပ်သီးဆိုသည့်တိုင် ချက်ချင်းမသေနိုင်သောကြောင့် ဆက်လက်စားသုံးမိတာ ဖြစ်ကောင်းဖြစ်ပါလိမ့်မည်။ 

ဖြစ်နိုင်လျှင် ထိုအရာကို အချစ်ဟုခေါင်းစဉ်မတပ်ချင်ပါ။ အချစ်သည် ကမ္ဘာပေါ်ရှိ ခံစားချက်များ အားလုံးအနက် သံသယဖြစ်ဖွယ် အကောင်းဆုံးစာရင်းမှာ ပါဝင်ပါသည်။

တစ်ခါတစ်လေ အတွေးများသည် မိမိကိုယ်ကို သတ်သေရာ ဓါးတစ်လက်၊ ကြိုးတစ်ချောင်း ဒါမှမဟုတ်  အဆိပ်တစ်ခွက် ဖြစ်နေနိုင်ပါသည်။ လူသားတစ်ယောက်၏ အသိဥာဏ်ပညာသည် အချို့သော ခံစားချက်များမှ ရုန်းထွက်နိုင်ရန် လုံလုံလောက်လောက် မသန်မာခဲ့ပါ။ (ဒါမှမဟုတ် ကယ်တင်ရန်)

မည်သူတစ်ဦးတစ်ယောက်အတွက်မှ ကောင်းကျိုးပေးမည်မဟုတ်သော အသိတချို့အတွက်မူ “မောဟ” ကို ကျွန်တော် လှိုက်လှိုက်လှဲလှဲ တောင့်တပါသည်။

ကျွန်ုပ်တို့၏ သာယာလှပသော ညချမ်းတချို့အတွက်တော့ အိပ်မက်တချို့ကို မေ့ပစ်ကောင်း မေ့ပစ်ရပါလိမ့်မည်။ (အထူးသဖြင့်....)

ဖြစ်နိုင်မည်ဆိုလျှင် ကမ္ဘာဦးလူသားတစ်ယောက်ရဲ့ နေ့စဉ်ဘ၀မှာ အချစ်က ဘယ်လိုအခန်းကဏ္ဍက ပါဝင်ခဲ့သလဲ သိချင်ပါသေးသည်။ 

နောင်တလွယ်လွယ်၇တတ်ပြီး မျက်ရည်လွယ်လွယ်ကျတတ်သောသူများကို ကျွန်တော်ကြောက်ပါသည်။ လွယ်လွယ်ရတတ်သောအရာများသည် လွယ်လွယ်နှင့်ပင် ကွယ်ပျောက်သွားပါလိမ့်မည်။

အထူးသဖြင့် သူမ၏မျက်ရည်များတွင် ခံစားချက် ဘယ်နှစ်ရာခိုင်နှုန်းပါမှန်း ကျွန်တော်မခန့်မှန်းတတ်ခဲ့ပါ။ 

သို့သော် ထိုမျက်ရည်စက်များ၏ နာကျင်စေနိုင်စွမ်းကိုတော့ နှလုံးသားနှင့်ရင်း၍ ကျွန်တော် လက်ခံရပါလိမ့်မည်။ 

အဖြေသိပြီးသားမေးခွန်းများနှင့် အဖြေမရှိသော မေးခွန်းများကို သူမက မေးလာသောအခါ သူမ မျက်လုံးတွေကို ကျွန်တော်စေ့စေ့ မကြည့်ရဲခဲ့ပါ။ 

သူမ၏လက်ချောင်းများသည် ကျွန်တော့်အတွက် ကဗျာတစ်ပုဒ် ဖြစ်ခဲ့ဖူးသည်ဆိုပါလျှင် သူမ၏မျက်ရည်များသည် ကျွန်တော်အတွက် ကျိန်စာတချို့ ဖြစ်ပါလိမ့်မည်။ 

မသိသင့်တာကို သိမိသည့်အတွက် သို့မဟုတ် သိရန်ကြိုးစားမိခြင်းအတွက် ကျွန်တော်တို့နှစ်ယောက် ရရှိတာက နာကျင်မှုသာ ဖြစ်ခဲ့ပါသည်။ 

တချို့သော မေးခွန်းများအတွက် အဖြေမလိုအပ်ပါ....

note; ပျော်ရွှင် တည်ငြိမ်ခဲ့ပြီထင်ခဲ့ပေမယ့် အဲလောက်ကံမကောင်းခဲ့ဘူးဆို၇မယ်။ ဒီအက်ဆေးကို ကျွန်တော့်ဘ၀မှာ စိတ်အရှုပ်ရဆုံးညနေခင်းတစ်ခုမှာရေးပါတယ်။ ကိုယ်တိုင်မယုံကြည်တာအတွက် ဒီလောက်ထိ ခံစားရလိမ့်မယ်လို့ မထင်ခဲ့ဖူးပါဘူး။ လုပ်နေကျ အားလုံးပျက်စီးကုန်ပါတယ်။ တချို့လူတွေရဲ့ မသိဆိုးရွားနိုင်မှုနဲ့ တချို့ရဲ့ ပါးနပ်မှုတွေကြောင့်ပဲ ဆိုကြပါစို့.....။ ခုချိန်မှာတော့ ရေတံခွန်အောက်ဝင်လည်း အပိုပဲဆိုတာလို ဖြစ်နေတယ်....( ဓါတ်ပုံကို Google ကယူပါတယ်..)

ပျော်ရွှင်ပါစေ..

ဝေလင်း

                 

နောက်ကြည့်မှန်..

နောက်ကြည့်မှန်

အတိတ်တွေကျစ်လျစ်လာတဲ့အခါမှာ

သမိုင်းတွေဖြစ်ဖြစ်လာခဲ့တယ်။

(တချိန်က)

မင်းရှေ့ကပန်းတိုင်က

ခု မင်းနောက်က သမိုင်း

နောက်ကြည့်မှန်ထဲမှာ မရိုင်းဖို့လိုတယ်..။

တချို့တွေကနီးလာ

တချို့တွေကဝေးလာ

မှုန်ဝါးပြီးပျောက်

ထင်ရှားပြီးရောက်လာကြ။

ငါတို့အတွက်

ရှေ့ကိုလှုံခြုံဖို့လိုသလို

နောက်ကို ယုံကြည်ရဖို့လည်းလိုတယ်။

ကိုယ်ကိုယ်တိုင်မကြည့်ရဲတဲ့ မျက်နှာ

နောက်ကြည့်မှန်ထဲပါမလာဖို့ ကြိုးစားကြမယ်။   ။

Note; မနေ့က စာရေးရင်း သိချင်တာလေးတွေရှိလို့ မနှစ်က သင်တဲ့ စာရွက်စာတမ်းတွေ ပြန်ရှာကြည့်ရင်း ဒီကဗျာလေးကို ပြန်တွေ့ပါတယ်။ (ကို)မင်းကိုနိုင်ရဲ့ နောက်ကြည့်မှန်ကို မဖတ်မိခင် နာမည်အရင်ကြားပြီး နာမည်လေးကိုပဲ တွေးပြီး ရေးထားမိတာပါ။ သိပ်အဓိပ္ပာယ်ပြည့်ဝတဲ့ စာလုံးလေးလို့ တွေးမိပါတယ်။ ရေးမိတုန်းက ကိုယ့်ဟာနဲ့ကို မကြိုက်တော့လို့ ချောင်ထိုးထားတာ ခုပြန်တွေ့တော့ နှမြောတာနဲ့ ပြန်တင်ဖြစ်တာပါ။ ခေါင်းစဉ်ကလွဲပြီး ဒီကဗျာဟာ (ကို)မင်းကိုနိုင်ရဲ့ နောက်ကြည့်မှန်နဲ့ ဘာမှတော့ ဆိုင်မှာမဟုတ်ပါဘူး။ ခေါင်းစဉ်လေးသက်သက်ကိုပဲ တွေးပြီးရေးထားတာမို့ပါ။ ဘာပဲပြောပြော ခေါင်းစဉ်လေးအတွက် (ကို)မင်းကိုနိုင်ကို ကျေးဇူးတင်မိပါတယ်။ ဒီခေါင်းစဉ်လေးကပဲ ကျွန်တော့်ကို အတွေးတချို့ပေးပါတယ်။ နောင်တစ်ချိန် နောက်ကြည့်မှန်ထဲ ကိုယ်ပြန်ကြည့်လို့ မြင်ရမယ့် ကိုယ့်မျက်နှာဟာ ကိုယ်ကိုယ်တိုင်ကြည့်ဝံ့ဖို့တော့ လိုပါလိမ့်မယ်။

ပျော်ရွှင်ပါစေ

ဝေလင်း

ရှင်သန်ခြင်းရဲ့ အနားစွန်း

ရှင်သန်ခြင်းရဲ့ အနားစွန်း

ဆောင်းဦးရာသီရဲ့ အေးမြတဲ့လေက ပါးနှစ်ဖက်ကို တသုန်သုန်ရိုက်ခတ်နေရဲ့..။ ကျွန်မခန္ဓာကိုယ်တစ်ခုလုံး ထွင်းဖောက်သွားမတတ်အအေးဓါတ်က စိမ့်ဝင်လာတယ်။

ကျွန်မသွားတော့သွားနေပါရဲ့.. ဘယ်ကိုတဲ့လဲ..? ဘာမှတော့လည်း မထူးပါဘူးလေ…။

လမ်းမပေါ်မှာတော့ ကားတွေက တစီးပြီးတစ်စီး..၊ အနီရောင်၊ အမည်းရောင်၊ အဖြူရောင်၊ နောက်တစ်ခါ အနီရောင်။ ကားပေါ်က လူတွေက တစ်ယောက်နဲ့ တစ်ယောက် ဆဲဆိုရေရွတ်ပြီး ကိုယ်လိုရာရောက်ဖို့ပဲ စိတ်စောနေကြရဲ့…။ ကားလမ်းကျပ်ချိန်၊ လမ်းပိတ်ချိန်ပေပဲ။

လူတွေ… ဘယ်လောက်တောင် များလိုက်ပါသလဲ..? ဘာကြောင့်များပြေးလွား အလျင်လိုနေကြပါလိမ့်..? အဲဒီလူတွေဟာ ဘာအတွက်များရှင်သန်နေကြတာတဲ့လဲ..? လူ့လောကကြီးဆိုတာက တံလျပ်သာသာ..။ လူတွေရဲ့ အသိအမြင်မှောက်မှားမှုကြောင့် သာယာသယောင်၊ လှပသယောင်…

ဟင့်အင်း… အဲဒါလည်းလူတွေမှမဟုတ်တာပဲလေ.. မီးခိုးရောင် ဒြပ်ထုကြီး*သာပဲကို..။

မုန်းတယ်…!

မုန်းတယ်.. ဒါဖြင့်ဘယ်သူကိုတဲ့လဲ…? ကိုယ့်ကိုယ်ကို..၊ လူတွေကို၊ လောကကြီးကို..။ အို.. အားလုံးကိုပဲ။ အထူးသဖြင့်တော့ ကိုယ့်ကိုယ်ကိုပေါ့။

စိတ်ကူးတွေကကော ဘာလိုအဲ့လောက်များရတာတဲ့လဲ..? အဲ့လောက်ရှုပ်ထွေးနေရတာတဲ့လဲ..? ဖြစ်နိုင်ရင် အားလုံးကိုမေ့ပစ်ချင်၊ ထွက်ပြေးလိုက်ချင်မိတော့ရဲ့..။

တံတား…

အောက်ကို ငုံ့ကြည့်လိုက်တော့ ခဲမနေသေးတဲ့ ရေတွေက တသွင်သွင်စီးဆင်းနေရဲ့…။ အရှိန်ပြင်းပြင်းနဲ့ စီးဆင်းလာတဲ့ရေတွေဟာ တံတားအောက်ခြေ အုတ်ခုံနဲ့ ရိုက်ခတ်ပြီး အစိတ်စိတ် ကွဲကြေသွားကြတယ်။ တဖွားဖွား လွှင့်ထွက်သွားတဲ့ ရေမှုန်လေးတွေကို ကြည့်ပြီး “ ငါ့ဘ၀ကော ဘာထူးလို့လဲ” လို့တွေးမိတယ်။ အချစ် အမုန်းနဲ့ နာကျဉ်းလူမဆန်မှုတွေက ကျွန်မဘ၀ကို ရိုက်ခွဲခဲ့တာပေါ့…။

နာကျင်မှု၊ ရိုင်းစိုင်းခက်ထန်မှုနဲ့ မျှော်လင့်ချက်မဲ့မှုတွေအားလုံး ရောယှက်သွားတယ်။

အသာအယာပဲ တံတားအစွန်းပေါ် တက်ရပ်လိုက်တယ်။ ခြေတစ်လှမ်းပါပဲ.. ပြီးတာနဲ့ ဘာမှထပ်ဖြစ်စရာ မလိုလောက်အောင် အားလုံးပြီးဆုံးသွားပြီ…။ အဲဒီအချိန်ဆိုရင်တော့ ခုခံစားနေရတဲ့ ခံစားချက်တွေက နည်းနည်းများ လွယ်ကူသွားလေမလား..?

“ငါဆိုတာမှ မရှိတော့တာ”

………. ………….. ……

……………………………..

…. …. ….. …. ….. ….. …..

ဖျတ်ခနဲ မျက်လုံးအစုံကို ဖွင့်ကြည့်လိုက်တယ်။ ချက်ချင်းပဲ နားလည်လိုက်မိရဲ့ တစ်ခုခုတော့ ပြောင်းလဲနေပြီလို့ပေါ့။ ကိုယ့်ကိုယ်ကို နားစွင့်ကြည့်မိတယ်။ အသည်းနှလုံးဆီက တခွပ်ခွပ်ကွဲအက်သံနဲ့ ခုတ်ဖြတ်ဖျက်ဆီးခံထားရတဲ့ စိတ်ဝိညာဉ်ဆီက ညည်းငြူသံကို မကြားရတော့ဘူး..။ အဲဒီမှာနားလည်လိုက်မိတယ် ကျွန်မခန္ဓာကိုယ်ထဲမှာ ဘာမှမရှိတော့ဘူးဆိုတာကိုပေါ့..။

ကျွန်မကိုယ်ထဲမှာ …… ဗလာ ။

 Anna ရဲ့ Грань ကို ဘာသာပြန်ပါသည်။

* မီးခိုးရောင် ဒြပ်ထုဆိုတာက သူတို့ ယဉ်ကျေးမှုနဲ့ ဆိုင်ပါတယ်။ မီးခိုးရောင်ဆိုတာကို အစစ်အမှန်မဟုတ်တာ။ ထင်မြင်ချက်သက်သက်ဖြစ်တာမျိုးတွေမှာ သုံးလေ့ရှိပါတယ်။

Note; ကိုယ်တိုင်ရေးကို လက်စမသတ်နိုင်သေးလို့ ဘာသာပြန်ထားပြီးသားတင်လိုက်ပါတယ်။ ဒီပို့စ်ကို အစောကြီးကတည်းက တင်ဖို့ပြင်ထားတာပါ။ တချို့စာလုံးလေးတွေမှာ အခက်အခဲတွေ့နေလို့ လက်စမသတ်နိုင်ဘူးဖြစ်နေတာပါ။ နောက် ဆရာမကိုမေး တော့မှ သိရပါတယ်။ စာလုံးအဓိပ္ပာယ်ကို သိပေမယ့် ဘာကိုဆိုလိုမှန်း သိဖို့ခက်တာမျိုးပေါ့။ ကျွန်တော်တို့ မြန်မာစကားမှဆို ဂျှာအေးကို သူ့အမေရိုက်တာတို့၊ မုန့်လုံးစက္ကူကပ်တာတို့လိုပေါ့။ ကျွန်တော်တို့အားလုံးကဘာကို ဆိုလိုချင်တယ်ဆိုတာ နားလည်ပေမယ့် မြန်မာစာ သင်နေတဲ့ နိုင်ငံခြားသားဆို တော်တော် ဒုက္ခရောက်တဲ့ စာလုံးတွေပေါ့။ ဒီပို့စ်လေးကို ဘာသာပြန်တော့လည်း အဲဒီအသုံးအနှုန်းမျိုးတွေတော်တော် တွေ့ရပါတယ်။တော်တော် ခက်ခဲတဲ့ ပို့စ်တစ်ခုဖြစ်လို့ ဘာသာပြန်တဲ့ အရေးအသားဟာ တော်တော် ညံ့ဖျင်းနိုင်ပါတယ်။  ဒီပို့စ်အတွက် ကူညီတဲ့ ဆရာမနဲ့ စာရေးမကျဲဖို့ တိုက်တွန်းတဲံ အစ်မချစ်ကြည်အေးကို ကျေးဇူးတင်ပါတယ်။ အမှန်တိုင်းပြောရရင်တော့ လူက ဘာမှလုပ်ချင်စိတ်မရှိတာပါ။ ဆရာမပြောတာကတော့ ဒီရာသီဆိုဒီလိုပဲ ဆိုပဲ။ နွေဦးဝင်ကာစဖြစ်လို့ ရာသီဥတုကတော့ သိပ်သာယာပါတယ်။ ဒါကြောင့်လည်း ဖြစ်နိုင်ပါတယ်...

 ပျော်ရွှင်ပါစေ

 ဝေလင်း

ခေါင်းထဲက အရှုပ်တွေ

အတွေးဆိုတာနဲ့ ငယ်ငယ်တုန်းကတည်းက ကြားဖူးခဲ့တဲ့ ဒေးကားရဲ့ I think therefore i am. ဆိုတာလေးကို ပြေးသတိရမိပါတယ်။ (ဒေးကားရဲ့ ပန်းသီးလေးတစ်လုံးဆိုပါတော့)နောက် အဲဒါနဲ့ တစ်ဆက်တည်း သတိရမိတာက ပန်းပုဆရာ ရိုဒင်ရဲ့ Thinker ဆိုတဲ့ ပန်းပုရုပ်ပါ။ ဘာလို့မှန်းတော့ မပြောတတ်ပေမယ့် သိပ်ကြိုက်ပါတယ်။ ဆယ်တန်းတုန်းက အဆောင်မှူးမသိအောင် သူ့စာအုပ်စင်ကနေ “လူ့အတွေးအမြင်ကို ပြောင်းလဲစေခဲ့သော စာအုပ်များ”ဆိုတဲ့ ( နာမည် အတိအကျမမှတ်မိတော့ပါဘူး၊ ထင်တာပဲ။ စာအုပ်ဖတ်ပြီးရင် နာမည် တော်တော် မေ့တတ် မှားတတ်တာ အားနည်းချက်တစ်ခုလိုဖြစ်နေတာ။) လက်တစ်ဝါးလောက် ရှိမယ့် စာအုပ်လေး ဖတ်ဖူးပါတယ်။ လူမှန်ရင် အတွေးတွေနဲ့ မကင်းကြဘူးထင်ပါတယ်။ အတွေးတွေကပဲ လူကို ပဲ့ပြင်ထိန်းကျောင်းသွားတယ် ထင်ပါတယ်။ လူမှန်ရင်လည်း ကိုယ်တိုင် သိသိနဲ့ပဲဖြစ်ဖြစ် မသိမသာပဲဖြစ်ဖြစ် ကိုယ်ပိုင် အတွေးအမြင်တစ်ခုတော့ ရှိကြတာချည်းပဲ။ ဒါပေမယ့် တစ်ခါတစ်လေ ကိုယ့်အတွေးအမြင်ကိုယ် ဖမ်းမမိတာမျိုး ဖြစ်တတ်ပါတယ်။ ကျွန်တော့်အနေနဲ့ပေါ့လေ။ အထူးသဖြင့် ဒီနှစ်ထဲမှာ စိတ်တော်တော် အပြောင်းအလဲများပါတယ်။ အသက်ကြီးလာလို့လည်း ဖြစ်နိုင်ပါတယ်။ တွေးမိတာတွေ အကုန်ရေးရရင်တော့ ကျွန်တော့်ကို ရူးတယ် ထင်ပါလိမ့်မယ်။ 

နှလုံးသားဓါတ်ခံမတူတဲ့အခါ သိပ်ခက်ပါတယ်။ ကိုယ့်ကိုယ်ကို ဆုံးမရတာ ပိုခက်သလိုပဲ။ တစ်ခါတစ်လေတော့လည်း မျက်နှာဖုံးအမျိုးမျိုး၊ ရောင်စုံမျက်မှန်အမျိုးမျိုးနဲ့ လူအမျိုးမျိုးကြားမှာ အပိုးကျိုးကျိုးနေရတာ သိပ်အချိုးမပြေချင်ပါဘူး။ မတော်တဲ့ ဖိနပ်ကိုစွပ်ကြည့်လိုက် ချွပ်ကြည့်လိုက်...။ တကယ်တော့ ကိုယ့်ဒုက္ခကိုယ် ရှာတာပါ။ 

ဘယ်မှာလည်းတော့ မသိတော့ဘူး။ “ကိုယ့်အတွေးနဲ့ကိုယ် စိတ်ညစ်လို့ရမှတော့ ကိုယ့်အတွေးနဲ့ကိုယ် ပျော်လိုက်ပါ”ဆိုတာလေး ဖတ်ဖူးပါတယ်။ အတွေးတွေကို ထိန်းချုပ်ဖို့ အဲ့လောက် မလွယ်ဘူးထင်ပါတယ်။ ပေးဆပ်မှုဆိုတာ လူတိုင်းအတွက် မလိုအပ်ဘူးဆိုတာလေး , လေးလေးနက်နက် တွေးမိပါတယ်။ မလိုအပ်သူအတွက် ပေးဆပ်မိတဲ့အခါ ကိုယ်ပဲ နာကျင်ရပါတယ်။ ခုချိန်မှာတော့ လောကလမ်းကို လျှောက်ဖို့ ခံယူချက်တစ်ချို့ ရှိနေပါတယ်။ ဘယ်လောက်ထိ မှတ်ကျောက်တင် ခံနိုင်မလဲ သိချင်ပါတယ်။ အချိန်က စကားပြောသွားမယ်လို့ ယုံကြည်ပါတယ်။

တစ်ခါတစ်လေ ဘယ်လောက်ပဲ နာကျင်စေဦးတော့ ကိုယ့်ကိုယ်လိမ်လည်မှုဟာ အမှန်တကယ် လိုအပ်ပါတယ်။ တချို့ကိစ္စတွေမှာ သိတာထက် မသိတာက ပိုကောင်းပါတယ်။ လုပ်မိလို့ရတဲ့ နောင်တနဲ့ မလုပ်မိလို့ ရတဲ့ နောင်တ ဘယ်ဟာက ပိုဆိုးလဲဆိုတာလည်း သိချင်ပါသေးတယ်။ အမှန်အတိုင်းပြောရရင်တော့ နောင်တကို မုန်းပါတယ်။ အမှန်နဲ့ အမှားကြား အဲဒီနောင်တဆိုတဲ့ ကောင်က ၀င်ဝင်ရှုပ်နေတယ်လို့မြင်ပါတယ်။ ကိုယ်မှန်တယ် ထင်လို့ လုပ်ခဲ့တဲ့ ကိစ္စတွေမှာ နောင်တမရချင်ပါဘူး။ လိုလည်း မလိုအပ်ဘူးလို့ထင်ပါတယ်။ မှားမှန်းသိပြီး အမှန်ပြန်ရောက်ဖို့ ကိစ္စမှာ နောင်တမပါပဲနဲ့လည်း ကိစ္စပြတ်နိုင်ပါတယ်။ ဒီနေရာမှာ လွတ်လပ်စွာ သဘောကွဲလွဲနိုင်ပါတယ်။

တွေဝေတတ်ခြင်း....

တွေဝေတတ်တာ မကောင်းဘူးဆိုပေမယ့် တချို့ကိစ္စတွေမှာတော့ တွေဝေမိတာကို ကိုယ့်ကိုယ်ကို ကျေးဇူးတင်မိပါတယ်။ တချို့ကိစ္စတွေအတွက် တစ်သက်လုံးတွေဝေနေချင်ပါတယ်။ တချို့ပေါ့လေ....

ပကတိတန်ဖိုး၊ လောကတန်ဖိုး၊ ပတ်ဝန်းကျင်တန်ဖိုး၊ နောက်ဆုံးကိုယ်ပိုင်တန်ဖိုး.. 

ဒီတန်ဖိုးတွေအားလုံးထဲက ဘယ်ဟာကို ဦးစားပေးရမလဲ ခုထိမဝေခွဲနိုင်သေးဘူး။ လောကတန်ဖိုးနဲ့ ပတ်ဝန်းကျင်တန်ဖိုးတွေကို သိပ်ဂရုမစိုက်ချင်ပေမယ့် ရောက်တဲ့ ကွေ့မှာ တွေ့တဲ့ တက်နဲ့လှော်နေရဆဲပါ။ 

သဘာဝလွန်စွမ်းအင်တွေ သိပ်လိုချင်တဲ့ ဆရာမနဲ့ စကားပြောဖြစ်တဲ့အခါတိုင်း ငြင်းဖြစ်ပါတယ်။ ပျံသန်းနိုင်ဖို့၊ အတိတ်၊အနာဂတ်ကို သိဖို့ လိုအပ်တယ်လို့ ကျွန်တော်က မထင်ပါဘူး။ လူသားတစ်ယောက်အတွက် လူတစ်ယောက်ဖြစ်ဖို့အခြေခံလိုအပ်ချက်တွေ ပြည့်စုံရင် လုံလောက်ပြီလို့ ကျွန်တော်က ခံယူပါတယ်။ တစ်ခါတစ်လေတော့လည်း ဘာသာစကားအခက်အခဲကြားမှာ ပြောရတာ သိပ်လက်ပေါက်ကပ်ပါတယ်။ ဆယ်တန်းတုန်းက Eco မှာသင်ရတဲ့ လူတွေရဲ့ လိုအပ်ချက်နဲ့ လိုအင်ဆန္ဒအကြောင်း ပြန်သတိရမိတယ်။ လိုအပ်ချက်က အကန့်အသတ်ရှိပေမယ့်။ လိုအင်ဆန္ဒတွေက အကန့်အသတ်မရှိနိုင်တာကို။ လူတွေဟာ သစ်ပင်ပေါ်မှာ အေးအေးဆေးဆေး မနေချင်ပဲ လမ်းဆင်းလျှောက်တဲ့ ပရိုင်းမိတ်က ဆင်းသက်လာလို့လား မသိပါဘူး။ ကိုယ်လုပ်နိုင်တာထက် ပိုပိုပြီး လိုချင်တတ်ကြသလိုပဲ။ 

နောက်တစ်ခုက အချစ်ရဲ့တန်ဖိုးဟာ ထင်သလောက် မခမ်းနားဘူးလို့ ကျကျနန ခံယူမိပါတယ်။ ဘ၀တစ်ခုလုံးနဲ့ ယှဉ်လိုက်ရင် အချစ်ဆိုတာ သိပ်သေးငယ်သလိုပါပဲ။ ယောက်ျားနဲ့ မိန်းမရဲ့ ဖိုမအချစ်ကို ဆိုလိုပါတယ်။ ဘာမှမဟုတ်တဲ့ ဟိုမုန်းပြောင်းလဲမှုတစ်ခု လောက်ထိ ထင်မြင်နေမိတယ်။ နောင်တချိန်မှာ ပြောင်းလဲကောင်း ပြောင်းလဲနိုင်ပေမယ့် ခုလောလောဆယ်ထိတော့ ဒီလိုပဲ မြင်ပါတယ်။ သိပ်ချစ်တယ်လို့ တစ်စုံတစ်ယောက်က တစ်စုံတစ်ယောက်ကို ပြောတာကြားရရင် သိပ်ရယ်ချင်နေလို့ ရုပ်ရှင်ရုံ၊ ပန်းခြံနဲ့ စင်တာတွေ၊ ကော်ဖီဆိုင်တွေ သိပ်မသွားပါဘူး။

Note: မဆုံးနိုင်တဲ့အတွေးတွေအတွက် ရေးရမယ်တဲ့။ ဘယ်လိုရေးရမယ်မှန်းတကယ်မသိပါဘူး။ နောက်ဆိုစာမေးပွဲပိုနီးတော့မှမို့ နောက်မှရေးမယ်ဆိုလည်း ရေးဖြစ်မှာမဟုတ်ပါဘူး။ရေးမိတာတွေက ဗုံးဗောလအောနဲ့ ခပ်ပွပွဖြစ်ကောင်းဖြစ်နေပါလိမ့်မယ်။ သေချာတာကတော့ လက်ရှိတွေးနေမိတာတွေပါပဲ။ တစ်ပုဒ်လုံးဆုံးအောင် ဖတ်တဲ့လူတွေကို ကံစမ်းမဲပေးမယ်ဆိုပြီး စည်းရုံးရင်ကောင်းမလားတွေးမိပါတယ်။ ကိုယ်ရေးတဲ့ ပို့စ်အကြောင်း ကိုယ်ရိပ်မိလို့ပါ။ ဖတ်ပြီး စိတ်ထဲ ရှုပ်ထွေးသွားရင်တော့ ကျွန်တော်တွေးနေတာတချို့ကို ဖမ်းဆုပ်မိတယ် ဆိုရမလား။ အဲဒီလူတွေကို ဆုတွေဘာတွေပေးချင်ပါတယ်။ သေသေချာချာပြောချင်တာက ဒီပို့စ်ဟာ ကိုယ်ရေးကိုယ်တာ ပို့စ်တစ်ခုဖြစ်တယ်ဆိုတာပါပဲ။ (လိုရင်းရောက်မရောက်တော့ မသိဘူး အစ်မချစ်ကြည်ရေ.. ရေးတော့ရေးလိုက်ပြီ.။) ကိုဏီလင်းညိုကိုတော့ ခဏစောင့်ပါဥင်္ီးလို့ တောင်းပန်ပါတယ်...

ပျော်ရွှင်ပါစေ

ဝေလင်း

တံခါးခေါက်ခံရတဲ့ညနေ..

တံခါးခေါက်ခံရတဲ့ညနေ

 တည်ငြိမ်ပါတယ်ဆိုတဲ့ရေပြင်ဟာ

လေတစ်ချက်အဝေ့မှတင်

လှုပ်ရှားသွားရတယ်..။

ချစ်သူ့အသံအကြား

ငိုကြွေးသွားတဲ့လူငယ်...

ကိုယ့်ကိုယ်ကို လိမ်လည်ထားရတဲ့ကြား

မေ့ထားတဲ့ အမှန်တရားက

ခဏခဏ လူလုံးလာမပြစေချင်ဘူး။

တွေ့ဆုံကြုံကွဲကံကြမ္မာမှာ

တွေ့ဆုံပြီး ကြုံရတာကို ဖယ်ထားချင်တယ်။

အမှန်အတိုင်းပြောရရင် ဒီကဗျာဟာ မျက်ရည်တစ်စက်ဖြစ်တယ်..။

                                                                                ဝေလင်း

Note:

ဒီအတောအတွင်း ရခဲ့တဲ့ ဒဏ်ရာတစ်ချက်ပါ။ မျက်ရည်တစ်စက်ဆိုလည်း မမှားပါဘူး။ ဘာတွေနဲ့ရှုပ်လို့ ရှုပ်နေမှန်းမသိလို့ ကိုယ့်အိမ်ကိုတောင် မရောက်ဖြစ်တဲ့ အတွက် မောင်နှမတွေဆီလိုက်မလည်ဖြစ်တာ တောင်းပန်ပါတယ်။ တင်ဖို့ပြင်ထားတာလေးတွေ ရှိပေမယ့် လက်စမသတ်နိုင်သေးတာရော... လောလောလတ်လတ် ဒီကဗျာလေးကို တင်ချင်မိတာကြောင့်ရော ကဗျာပဲ တင်လိုက်ပါတယ်။ စာမေးပွဲရာသီထဲလည်း ပြန်ဝင်လာပြီ ဖြစ်လို့ သိပ်ရောက်ဖြစ်နိုင်ဦးမှာမဟုတ်ပါဘူး။ ( အစ်မချစ်ကြည်အေးကိုလည်း တောင်းပန်ပါတယ်။ tag ပို့စ်အတွက် ခဏစောင့်ပေးပါဦးလို့.. )

မိုးစက်တို့နှင့်….

တိုက်ခန်းတွင်းတိတ်ဆိတ်မှုကို နှိုးစက်သံတစ်ခုက ဖြိုခွဲပစ်လိုက်သည်။ စောင်အောက်က လက်တစ်ဖက် ထွက်လာပြီး အဲဒီအသံကို ရပ်တန့်ဖို့ကြိုးစားလိုက်သည်။ အသံက တိတ်ဆိတ်တဲ့ ညအလယ်မှာ ပိုပိုပြီး ကျယ်လောင်လာသည်။ အဲဒီအသံက နှိုးစက်သံမဟုတ်ဘဲ ဖုန်းမြည်သံဖြစ်နေတာ သူမ သိသွားသည်။ အလျင်အမြန်ပဲ ဘီရိုပုလေးထဲက ဖုန်းကို လိုက်ရှာလိုက်သည်။

-          ဟယ်လို! - အိပ်ချင်မူးတူးအသံဖြင့် ခပ်တိုးတိုး ထူးလိုက်သည်။

-          ဟယ်လို၊ နေကောင်းလား..?

သူမနှုတ်ဆိတ်နေမိသည်။

-          ရုတ်တရက်ကြီး ကိုယ်မင့်အသံကို ကြားချင်လာလို့ ဖုန်းဆက်လိုက်တာ။ မင့်အသံနားထောင်ရတာ ခုမှ အိပ်ရာက နိုးသလိုပဲ။ sorry နော်.. စိတ်မဆိုးပါနဲ့။

-          ဒါပဲလား..? ရှင်ပြောချင်တာ..

-          အပြင်မှာမိုးတွေရွာနေတယ်…

-          ဒါပဲပေါ့.ဟုတ်လား…

တစ်ဖက်က ခဏငြိမ်သွားပြီး….

-          အင်း…ဟုတ်တယ်။

-          ဒါဆိုလည်း ဒါပဲလေ..။ ခွင့်လွတ်ပါ။ နောက်တစ်ခါ ညအချိန်မတော် အဲ့လိုဆန္ဒမျိုး မပေါ်အောင် အသံသွင်းပြီးပို့ပေးလိုက်မယ် ဟုတ်ပြီလား..။

ပြောပြီးတာနဲ့ သူမဖုန်းကို ချပစ်လိုက်သည်။ နောက် ခေါင်းအုံးပေါ် မှီချလိုက်သည်။ သို့သော် သူမအိပ်မပျော်တော့…။ ဘာကြောင့်များ သူဖုန်းဆက်တာပါလိမ့်..? နှလုံးသွေးတို့ကို လည်ပတ်စေသော နှလုံးသားက သူ့တာဝန်သူထမ်းဆောင်ရုံမဟုတ်ပဲ နှလုံးခုန်သံနှင့်အတူ အတိတ်က အကြောင်းအရာတွေကို ပြန်ပြီး သယ်ဆောင်လာသည်။ ဒုတ်..တိတ်ဆိတ်သွားသည်။ ဒုတ်..ဒုတ်…

ဟင့်အင်း သယ်မလာပါနဲ့ ..။ ကြေကွဲဖွယ် အတိတ်တွေကို ဘယ်သူကများနှစ်ချိုက်နိုင်မှာတဲ့လဲ..? ၀င်လာတဲ့ခံစားချက်တချို့ကို မောင်းထုတ်ရင်း မီးဖိုခန်းဆီသို့ တရွေ့ရွေ့ လှမ်းလာမိသည်။ လက်ဖက်စိမ်းရည် တစ်ခွက်လောက် တည်သောက်ရန် စိတ်ကူးနှင့်ဖြစ်သည်။ ခုချိန်မှာ သူမစိတ်ကို သက်သာစေဖို့ တစ်ခုခုတော့ လုပ်မှဖြစ်မည်လေ။ လက်ဖက်စိမ်းရည်လေးကတော့ သူမကို နှစ်သိမ့်ပေးနိုင်ကောင်းပါရဲ့ ဟု တွေးမိသည်။ ရေနွေးအိုးကို ပလပ်ထိုးပြီး ရေနွေးအဆူကို စောင့်နေမိသည်။

သူမရဲ့ အကြည့်တို့က မထင်မှတ်ပဲ ပြတင်းပေါက်ပေါ်ရောက်သွားသည်။ မိုး….

မိုးစက်လေးတွေက ပြတင်းမှန်ကို တဖြောက်ဖြောက် ကျရောက်ရင်း ရေစီးကြောင်းလေးတွေအဖြစ် ပြေးဆင်းသွားကြသည်။ ပြတင်းမှန်လေးကို လက်ဖြင့် အသာအယာ စမ်းသပ်ရင်း တီးတိုးဆိုမိသည်။

-          စကားပြောရအောင် မိုးစက်လေးတို့ရယ်…

မိုးစက်လေးတွေ ပြတင်းမှန်ကို လာမှန်တဲ့ အသံက ရင်းနှီးပြီးသား ခံစားချက်တချို့ကို သယ်ဆောင်လာသည်။

မိုးတွေရွာတဲ့အခါတိုင်း နှစ်တွေဘယ်လောက်ကြာကြာ၊ မိုင်တွေဘယ်လောက်ဝေးဝေး သူ့အကြောင်းက ခေါင်းထဲရောက်လာသည်။ ဒါပေမယ့် အဲဒါတွေက ဘ၀တစ်ခုခြားခဲ့ပြီလို့ ထင်၇လောက်အောင် ကြာခဲ့ပြီလို့ ထင်မိသည်။ သူမရဲ့ အသည်းနှလုံးလိုပဲ အေးစက်နေတဲ့ ပြတင်းမှန်ကို ခပ်တင်းတင်းဖိပွတ်ရင်း သတိရခြင်းတွေကို ဖျက်ပစ်ဖို့ ကြိုးစားနေမိသည်။

ရေနွေးဆူလာပြီ… ဒါပေမယ့် သူမကတော့ ပြတင်းမှန်နဲ့ မိုးစက်တွေကို ဖြတ်ပြီး အဝေးကို ငေးနေမိတုန်းပဲ။ တကယ်လို့ ပြတင်းမှန်ကသာ ကာမထားခဲ့ဘူးဆိုရင် ပြတင်းမှန်ပေါ်က မိုးစက်လေးတွေနဲ့ သူမပါးပြင်ပေါ်က မျက်ရည်စက်လေးတွေဟာ တစ်သားတည်းဖြစ်နေမှာအမှန်ပဲ… နောက်ဆုံးတော့ ပြတင်းပေါက်နားကနေ သူမခွာလာခဲ့သည်။ ရေနွေးအိုးခလုတ်ကို ပိတ်ပြီး အခန်းထဲဝင်လိုက်သည်။ ပြီးတော့ ဖုန်းကို ကောက်ကိုင်ပြီး နောက်ဆုံးအ၀င် call ကို ရွေးကာ call ဆိုတဲ့ ခလုတ်လေးကို နှိပ်လိုက်သည်။ ရှောင်တိမ်းလို့ မရတဲ့ ခံစားချက်ကို လက်ခံလိုက်တာပဲ ကောင်းပါလိမ့်မည်။  “တူ…” ဆိုတဲ့ ဖုန်းဝင်သွားတဲ့ အသံလေးကို ငြိမ်ပြီး နားထောင်နေမိသည်။ နောက်တစ်ချက် “တူ….” နောက်

သုံး…

လေး….

-          ဟယ်လို..! - ပြန်ဖြေလိုက်တဲ့ ယောက်ျားသံတစ်သံကို ကြားရသည်။

-          ရှင်သိလား.. အပြင်မှာ မိုးတွေရွာနေတယ်..

-          ကိုယ်မင်းမရှိရင် မနေတတ်ဘူး…

-          ကျွန်မအတွက်လည်း ရှင်နဲ့ မိုးပေါ့…

-          မိုးစက်လေးတွေနဲ့….
                                                          Розум Аня ၏ Дожь и мы ကို ပြန်ဆိုပါတယ်။
 
Note; စာတွေလိုက်ဖတ်မိတဲ့အထဲက သဘောကျတာလေးတွေ ဘာသာပြန်ဖြစ်ပါတယ်။ ကိုယ့်ကိုယ်ကိုတော့ အားမရသေးပါဘူး..။ ခုတင်လိုက်တဲ့ ပို့စ်ဆိုလည်း မူရင်းစာရေးသူက တော်တော်လှလှပပ ရေးထားတာပါ။ ကိုယ့်လက်ထဲရောက်မှ ပျက်စီးသွားတာ ၀မ်းနည်းပါတယ်။

ဖြတ်သန်းသွားလာခွင့်မပြု..

ကြယ်တွေ ငါ့အိမ်ခေါင်မိုးပေါ်လာလာကြွေတိုင်း ငါအိပ်မက်ဆန်းတွေမက်တာ မဆန်းပါဘူး။ ဒီနှစ်လည်း တံခါးဖွင့်ရုံနဲ့ နှင်းတွေ အိမ်ထဲဝင်လာပြန်ပြီ။ ဒီနေ့ဟာ တနင်္ဂနွေနေ့တွေထဲက တနင်္ဂနွေနေ့တစ်နေ့၊ မေ့လို့မရ မုန်းလို့မရခဲ့တာတွေက ဘယ်သူတွေလဲ၊ ဘာတွေလဲ…?

ခါးသီးနာကျင်မှုနဲ့သာ ခရီးသွားခဲ့ရသူ လူငယ်တစ်ယောက် သူ့သမိုင်းသူခွဲစိတ်မိတိုင်း မငိုမိအောင် ထိန်းချုပ်ရင်းက အလိုလို စီးကျလာတဲ့မျက်ရည်များ… ဘယ်သူများသနားမလဲကွယ်။ မလိုအပ်သူတစ်ယောက်အတွက် ပေးဆပ်မိတဲ့အခါ တန်ဖိုးတွေ ပျက်ပြယ်သွားရတယ်။ တစ်ပွင့်တည်းပွင့်မယ့်ပန်းကိုမှ ထိကပါးရိကပါး လောင်းရိပ်က မကြာခဏ လာကျရတယ်။ အလင်းရောင်ကို အသည်းနှလုံးနဲ့ မကိုင်မိသမျှ ရေတွေ နောက်နေရဦးမှာ။ အိုကွယ်… အပြင်းထန်ဆုံးဝေဒနာတွေနဲ့ သူ့ချစ်ခြင်းဟာ ဗုံးအကျဲခံခဲ့ရ။ မေးမိတယ် “ သေခြင်းကို ရှူရှိုက်တဲ့နံရံပေါ် ငါ့ကိုဘယ်သူရေးဆွဲသလဲ..?” အုံ့ပုန်းချစ်သီချင်းကို မဆိုချင်ပဲဆိုရတာ ရွှေရည်စိမ်ထားတဲ့ လက်ပစ်ဗုံးကို ကိုက်မျိုထားရသလိုပါပဲ။

“အလိုမပြည့်ခြင်းဖြင့် ဘ၀ကို ဖက်တွယ်ထားရဲသူများအား သူရဲကောင်းဟုခေါ်ဆိုပါဘိ” ဤသို့ဆိုသော် သူ့အား သူရဲကောင်းဟုခေါ်ပါ။ အချစ်ဆိုတာ နေနဲ့လမှာ ပန်းဘာသာနဲ့ ရေးထိုးထားတဲ့ အလျှို့ဝှက်ဆုံး အက္ခရာတစ်လုံးပါပဲ။ ဒီကောင်သာ မိုက်ကန်းရဲတင်း မမြင်မချင်း ဖတ်ချင်ခဲ့မိတယ်။ ချစ်တတ်လာတဲ့အခါ ဗန်ဂိုးနားရွက် ဖြတ်မှမဟုတ်ဘူး အားလုံးအရူးပဲဖြစ်ပါတယ်။ ဖရိုဖရဲဖြစ်မှုမှာ အလှတရားရှာတွေ့နိုင်မလား သို့မဟုတ် ဂီတမှာ အသံရှိရဲ့လား။ “ဘ၀မှာလေပြေကိုချည်း မျှော်လင့်စရာမလိုဘူး၊ မုန်တိုင်းမှာလည်း အောက်စီဂျင်ပါတယ်”တဲ့။ ဒါဆိုအချစ်ကရော မုန်တိုင်းကပေးတဲ့ အောက်စီဂျင်လား…? တစ်ခါတစ်လေ သက်ပြင်းတွေနဲ့ အမှောင်ကျသွားတဲ့ ပတ်ဝန်းကျင်လေထုထဲမှာ မျှော်လင့်ချက်တွေ ပျောက်ရှတတ်တာ အဆန်းတော့ မဟုတ်ပါဘူး။ ရေကန်က အသင့်ဖြစ်နေပြီလေ.. ကြာတွေက မပွင့်သေးတာပါ။

တကယ်တော့ ငါက ရနံ့ငတ်လို့ ပန်းခင်းထဲလဲသေနေတဲ့ ဓါးပေါ့။ ရနံ့ဝင်နေတဲ့ အဖျားငွေ့ငွေ့တွေက ငါ့တံခါးပေါက်ကို တဒေါက်ဒေါက်ခေါက်လို့။ ဘာကြောင့်များ အထီးကျန်ပြိုကွဲ ဆွေးမြေ့နေရပါလိမ့်..? လိုအပ်တာထက် ပိုမိုရိုးသားခဲ့လို့များလား…? ဖြစ်နိုင်ရင် ငါ့အသက်ကြိုးမျှင်တွေကို ရက်စက်စွာ ဖြတ်ခုတ်ကြိုးလုပ် သူ့ကိုယ်ရည်သွေးသီချင်းတစ်ပုဒ်ကို တီးခတ်ပေးချင်ခဲ့တာ..။ ဖြစ်ချင်တော့ တစ်နေ့ချင်း နောက်ကျလာလိုက်တာ ရောက်ဖို့နောက်ကျနေတဲ့ တနင်္ဂနွေတွေ.. ဘယ်သူကရော တနင်္ဂနွေနဲ့တိုင်းပြီး ၀တ်ရည်တစ်ကိုင်း ချိုးပေးဦးမှာလဲ…။ ဆွဲဖွင့်ခွင့်မရတဲ့ ရင်ခွင်ထဲက စကားလုံးများစွာ၊ ရေးခွင့်မရခဲ့သော ပန်းပုရပိုက်များစွာ.. ကြယ်ကြွေလင်္ကာပေါင်းများစွာ… “ကြယ်တွေစုံတဲ့ည” ဗန်ဂိုးမှမဆွဲရသေးတာ ပန်းအိုးထဲက နေကြာတွေလည်း မပွင့်သေးဘူးပေါ့။ ဖြစ်ချင်တော့ လမ်းသွယ်လေးရဲ့ အဆုံးမှာ ရွာရှိမနေ။ ငါ့ရဲ့ ကမ္ဘာဦးကျမ်းထဲက နံရိုးလေးရေ.. ဘယ်လိုများစီးဆင်းနေလဲ။ သံယောဇဉ်ဆိုတာ အရောဝင်ဖို့မကောင်းတဲ့ ခွေးကလေးပါပဲလေ…။ နာတတ်ရင်တော့ နာပေါ့။ စိတ်ကူးတွေနှေးကွေးလာသရွေ့ ဤခရီးဝေး.. ဝေး…။ ဒါပေမယ့်ကွယ် အဝေးကြီးကို ရွေ့လျားချင်မှတော့ လမ်းတို့ရဲ့ အလျားကိုလည်း ရင်ဆိုင်ရဲရမှာပေါ့။

ချစ်ခြင်းကို အသက်သွင်းဖို့ကြိုးစားတဲ့အခါ ရှင်သန်ခြင်းတွေအားလုံး နောက်ကျကုန်တယ်။ ဆုံတွေ့ခွင့်ရတဲ့ အချိန်လေးတွေကို မကုန်ဆုံးတော့မယ့်ပုံစံမျိုးနဲ့ သိမ်းဆည်းဖက်တွယ် နေရော လရော ကွယ်တယ်။ သူ့နာကျင်မှုအတွက် စောင့်စည်းထိန်းချုပ်ရင်း ကိုယ့်နာကျင်မှု ဖြစ်မှန်းမသိ ဖြစ်ခဲ့။ လေပြေလေညှင်းကို ဓါးအိမ်ထဲက ထုတ်ဖို့ အားအင်ကျန်သေးရဲ့လား မသေချာ.. အချစ်ရေ တံခါးဖွင့်ပါဦးကွယ်။ ညနေခင်းကတောင် ငွေ့ရည်ဖွဲ့နေပြီ… ဒီကကောင်မှာသာ ပူလောင်မှုတွေနဲ့ ရင်ဆိုင်အငွေ့ပျံတက် ရွာရန်ရာနှုန်းက တိမ်အသင့်တင့် ဖြစ်ထွန်းမည်တဲ့။ တချို့ကတော့ နှစ်သိမ့်ကြတယ် “နှင်းဆီတွေမှ မဖူးပွင့်တော့ပဲ၊ မေ့ထားလိုက်ပါတော့ ကလေးရယ်” တဲ့။ ကျွန်တော်က ပန်းကိုချစ်ခဲ့တာမှမဟုတ်တာ ပန်းပျိုးသူ ဥယျာဉ်မှူးကို ချစ်ခဲ့တာပါ။ ဘယ်ဘုရားကမှ မမြင်ခဲ့ဘူးဆိုရင်လည်း ရှိစေတော့။ မျှော်လင့်ထားတာတွေ ပျက်စီးလွယ်တဲ့ဘ၀မှာ မပျော်ရွှင်မှုကို ဘယ်ဖုန်းနံပါတ်ဆက်ပြီး တိုင်ရမှာတဲ့လဲ…? မမြင်ဘူးလား… စည်းဘောင်နဲ့.. အကန့်အသတ်နဲ့… အကာအရံနဲ့… ပိုင်နက်ကို မျက်စပစ်တာလည်း ပြစ်မှုတစ်ခုကို မသမာမှုနဲ့ကျူးလွန်နေတာပဲ။ ဟူး…….။

ဝမ်းနည်းခြင်းက မျက်ဝန်းပြာလဲ့ စမ်းချောင်းကလေး…..

အလွမ်းက ကိုယ့်အရိုးနဲ့ ကိုယ်ပြန်ထိုးနေတဲ့ ဒဏ်ရာတွေရဲ့ ခြေအစုံ…

မေ့ချင်ယောင်ဆောင်ထားတဲ့ နေ့ညတွေမှာ တကယ်တော့ ဆောင်းဆိုတာလည်း ငါ့အတွက်တော့ ကန္တာရထဲက နွေတစ်ခုလိုပါပဲ…။ ငါ့နှလုံးသားတစ်ပြသာသာမှာ နင့်လည်တိုင်လေးတစ်ပြန်စာ၊ မြန်ချင်မြန် နှေးချင်နှေး သံသရာတစ်ကွေ့မှာ ထိရှခွင့်ကိုမျှော် ငါ့ဂီတနဲ့ငါပျော်ခဲ့ရ…။ တစ်ခါတစ်လေတော့လည်း မြစ်ဘေးက သစ်ပင်လို သူများတွေစီးဆင်းနေတာကိုပဲ ငေးကြည့်ချင်နေရဲ့…..။

ကြာ….လိုက်….တာ… အလင်းတွေ အသက်ရှူနေလိုက်ပုံက (ဒါနဲ့ပဲ) သူမရဲ့အပြုံးကို မြင်ရဖို့ နောက်ကျခဲ့ပြန်ရော…..။

Note: ကဗျာတွေဖတ်ရင်း မွှေရင်းနောက်ရင်း မောင်ချောနွယ်၊ မိုဃ်းဇော်၊ ခိုင်မြဲကျော်စွာ၊ ဖော်ဝေး၊ စံငြိမ်းဦး၊ မောင်ယုပိုင်၊ မောင်သိမ်းဇော်၊ ငုအိမ်ထက်မြက်၊ ပိုင်စိုးဝေ၊ မင်းထက်မောင်၊ တိုးနှောင်မိုး၊ အောင်ချိမ့်၊ ခ၇မ်းပြာထက်ကလူ၊ နွယ်စိမ်းဝေ၊ ဆောင်းယွန်းလ၊ သုခမိန်လှိုင်၊ ဥတ္တရာအောင်၊ တာရာမင်းဝေ၊ မနော်ဟရီ၊ Zephyr ၊ ဟိန်းမြတ်ဇော်၊ မင်းခိုက်စိုးစံ တို့ရဲ့ကဗျာတွေကို စကားပြေ Collage တစ်ပုဒ်ရေးမိပါတယ်။ ကိုယ့်ကဗျာထဲက စာသားတွေလည်း ပါပါတယ်။ စရေးတာကတော့ ကြာနေပါပြီ။ အပြီးမသတ်နိုင်ဘူးဖြစ်နေတာ။ တစ်စုံတစ်ခုသော ခံစားချက်ကို ရည်ညွှန်းပြချင်တာပါ။ လောလောလတ်လတ်ခံစားနေရတဲ့ ဒဏ်ရာလေးတစ်ခုပေါ့။ ကိုယ့်ညံ့ဖျင်းမှုကြောင့် မပေါ်လွင်ဘူးဆိုလည်း ၀မ်းနည်းမိမှာပါပဲ။ ကိုယ်တိုင်ပြန်ဖတ်ကြည့်တော့လည်း ရည်ညွန်းချင်တာ မပေါ်လွင်သလိုပါပဲ။ေ၀၀ါးနေတယ်။ မူရင်းခံစားချက်ကိုက ခပ်ဝါးဝါးမို့လည်း ဖြစ်နိုင်ပါတယ်။ တချို့ကဗျာစာသားတွေကို ယူသုံးတဲ့အခါမှာလည်း မူရင်းစာရေးသူကို အားနာမိပါတယ်။ သိပ်လှပတဲ့ တွေးလုံးလေးတွေ ကိုယ့်လက်ထဲမှာပျက်သွားလို့။ ဘာပဲပြောပြော ဒီ collage လေးကိုရေးမိတဲ့အတွက် ကျေနပ်ပါတယ်။ Online မရောက်ဖြစ်တဲ့ရက်တွေမှာ ကိုယ့်ကိုယ်ကိုယ် တတ်နိုင်သမျှ စိတ်ချမ်းသာအောင် နေဖြစ်နေပါတယ်။ ဘာသာစကားကိုလည်း ပိုလေ့လာဖြစ်တယ်။ ကာတွန်းကားကြည့်လိုက် ကလေးစာလေးတွေဖတ်လိုက်၊ လည်လိုက်ပတ်လိုက်နဲ့ ကလေးပြန်လုပ်နေမိတယ်။ တတ်နိုင်သမျှပေါ့ပေါ့ပါးပါး နေချင်နေပါတယ်။

ကျေးဇူးတင်ပါတယ်

ဝေလင်း

ငိုချင်ရက်လက်တို့ (သို့) ကိုယ့်ပေါင်ကိုယ် လှန်ထောင်းခြင်း

“ငိုချင်ရက် လက်တို့” ဆိုတာရှိတယ်ဗျ။ မနေ့က အစ်မအဖြူရောင်ရဲ့ blog ကိုရောက်သွားတော့ “အချစ်ဆိုသည်မှာ….” တဲ့။ အချစ်ဆိုတာဘာလဲ?  အဟဲ… ပြောချင်နေတာကြာပြီ။ ပြောစရာအကွက်ရှာမတွေ့သေးလို့..။ အစ်မအဖြူရောင်ကတော့ tag တာမဟုတ်ပါဘူး..။ ကောမန့်ထဲမှာပဲ ဖြေခိုင်းတာလေ..ဒါပေမယ့် သိတယ်မဟုတ်လား ဒီကောင်က ဆားကျင်းလိုက်ရှာနေတဲ့သူဆိုတော့ ဒီအခွင့်အရေးမျိုး ဘယ်လက်လွတ်ခံလိမ့်မလဲ..။ အချစ်ဆိုတာ…..ဟီး ပြောရမှာရှက်တော့ရှက်သားဗျ။ ချစ်တာလားဘာလားတော့ မသိဘူးပေါ့လေ။ သူစိမ်းမိန်းကလေးတစ်ယောက်ကို “ချစ်တယ်” လို့  ပထမဆုံးပြောဖူးတာ ၄တန်းကျောင်းသားဘ၀မှာဗျ (စောလှချည်လားပြောနဲ့နော် ဒါတောင် ၂ တန်းတုန်းက “နင့်အမေကို ယောက္ခမတော်ချင်တယ်”ဆိုတာကို စာရင်းထဲမထည့်သေးဘူး) ၂ တန်းကတည်းက အဲဒီကောင်မလေးကိုပဲ ကလေးချစ်ဆိုဆို၊ ဘာဆိုဆို ချစ်ခဲ့တာ..။ ၄တန်းရောက်တော့လည်း သူ့ကိုပဲ သူ့ကိုပဲ ရည်းစားစကားပြောခဲ့တာ။ ခုပြန်တွေးကြည့်တော့ ဘာလို့ပြောမိမှန်း၊ ဘယ်လိုပြောမိမှန်းတောင် သေချာမမှတ်မိတော့ဘူး။ သူ့ကိုတောင် ခုနေပြန်ပြောရင် မှတ်မိချင်မှ မှတ်မိမှာ။ ၄တန်းပြီးတော့ ကျွန်တော်တို့ သူငယ်ချင်းတတွေ အထက်တန်းကျောင်းကို ပြောင်းပြီး ၅ တန်းတက်ရတယ်။ စိတ်ကစားဖို့ စိတ်ဝင်စားကာစ အချိန်မှာ ဘာလဲတော့ သိဘူးပေါ့လေ။ ထားပါတော့ အဲဒီတုန်းက အချစ်လို့ ပဲခေါင်းစဉ်တပ်ခဲ့တာဆိုတော့ ခုလည်း အချစ်လို့ပဲ ဆိုကြပါစို့..။ ဒီနေရာမှာ တစ်ခုဖြတ်ပြောချင်တာက ကျွန်တော်က သုံးတန်းလောက်ကတည်းက “ပြန်/ဆက်” လို့ခေါ်တဲ့ ပြန်ကြားရေးနဲ့ ပြည်သူဆက်ဆ်ံရေးက ဖွင့်ထားတဲ့ စာကြည့်တိုက်မှာ စာတွေနင်းကန်ဖတ်နေပါပြီ…ဟီး ပုံပြင်တွေပြောပါတယ်။ နောက်ကိုယ့်ဆိုင်လည်းရှိတော့ ကာတွန်းတွေ၊ ရုပ်ပြတွေ ဘာတွေလည်း ဖတ်ပါတယ်။ အဓိက ပြောချင်တာကတော့ ကျွန်တော် ငါးတန်းအရွယ်မှာ ၀တ္ထုတွေကောင်းကောင်းဖတ်နေပြီ၊ စွဲလည်း စွဲနေပြီလို့ပြောရမယ်။ ကျောင်းမှာလည်း စာသင်ချိန်မှာ လစ်ရင် လစ်သလို ခိုးဖတ်ပါတယ်။ မှတ်မှတ်ရရ စာမေးပွဲခန်းထဲတောင် ခိုးဖတ်ဖူးသေး…။ အဲဒီလိုမျိုး တာရာမင်းဝေ၊ မင်းလူ၊ မောင်လှမျိုး၊ လွန်းထားထား၊ တက္ကသိုလ်ဘုန်းနိုင်၊ မင်းခိုက်စိုးစံ၊ အစုံပါပဲလေ ၀တ္ထုတွေ နင်းကန်ဖတ်ပြီး စိတ်ကူးတွေဇွတ်ယဉ်၊ ခပ်တည်တည်နဲ့ “အချစ်”ဆိုပြီး ခေါင်းစဉ်တပ် အဲဒီကောင်မလေးကို ကျကျနန ချစ်ဖို့ ပြင်ပါတယ်။ ဒါပေမယ့် ဘယ်လိုပဲ ခပ်တည်တည်ကြီး လုပ်လုပ် ကလေးလုပ်တာဆိုတော့ သိတယ်မဟုတ်လား… မုန့်ဝယ်ကျွေးတယ်၊ ဘောပင်တို့ ခဲတံတို့ လက်ဆောင်ပေးတယ်၊ အံမယ် ဆိုင်မှာ သူစာအုပ်လာငှားလို့ကတော့ ပိုက်ဆံကိုမယူဘူး… အဲ့လိုချစ်တာ။ နောက်ကျောင်းခန်းထဲကို မှန်တစ်ချပ်ထည့်သွားတာမှတ်မိသေးတယ်။ မှန်ကို စာရေးခုံပေါ် ထောင်ပြီး ညာဘက်မှာရှိတဲ့ မိန်းကလေး Roll ထဲက သူ့ပုံလေးကို ခိုးခိုးကြည့်ရတာ..။ အဲဒီတုန်းကတော့ ကိုယ့်ကိုယ်ကို ရိုမက်တစ်တယ်ဆန်တဲ့ ငါဘာလားပေါ့.. ခုချိန်ပြန်ကြည့်တော့ တော်တော်ပေါတဲ့ ငါပါလားဖြစ်သွားတယ်။ တခါတလေတော့လည်း အချစ်ဆိုတာ ပေါတောတောကြီးပါပဲဗျာ…။ နောက် ၆ တန်းနှစ်ရောက်တော့ စာမေးပွဲနောက်ဆုံးနေ့မှာ သူက ပြောတယ်။ ငါတဲ့ ရန်ကုန်ကို ပြောင်းရတော့မယ်တယ်တဲ့။ အဟဲ…အသည်းကွဲခန်းပေါ့ဗျာ… ကဗျာတော့ မဆန်ဘူးပေါ့လေ.. ကျောင်းပိတ်ခါနီး နွေရာသီကြီးမှာ ကွင်းခေါင်ခေါင်မှာ ပြောတာလေ.. ခက်ဘူးလားဗျာ။ မောင်သိန်းဇော်ရဲ့ အပူသည်ကဗျာထဲက လိုတကယ်ဖြစ်သွားတာ။ ရေတံခွန်အောက်ဝင်လည်း အပိုပဲ… ဘာညာပေါ့။ အဲဒီညနေမှာပဲ ဘူတာတွေဘာတွေလိုက်ပို့လိုက်သေးတယ်။ နောက်မိုးကလည်း ချုပ်လာရော “အင်း…ကျောင်းဆင်းပြီးကတည်းက အိမ်ပြန်မရောက်သေးတာ မိုးချုပ်တဲ့အထိ၊ ရထားထွက်တဲ့အထိဆို ငါတော့ ဆူခံထိတော့မယ်ပေါ့.. နေကလည်း နေချင်သေးတယ်။ ရထားပေါ်တက်သွားတာလေးကြည့် ရထားထွက်သွားတော့ လက်ပြပြီး ငိုကျန်ခဲ့…အဲလိုလေး စိတ်ကူးယဉ်ပြီး ၀တ္ထုထဲက ဇာတ်လိုက်လိုလေး လုပ်လိုက်ချင်သေးတာ။ ဒါပေမယ့် အဆူခံရမယ့်ကိန်းမြင်တော့ နောက်တစ်နည်း ပြောင်းလိုက်တယ်..။ မဖြစ်ဘူးပေါ့.. သူထွက်သွားတာကို ကြည့်ဖို့ ငါ့နှလုံးသားက မခံနိုင်ဘူး၊ လက်ပြနှုတ်ဆက်ဖို့ ငါ့မှာ အင်အားမရှိဘူးပေါ့ .. Never say Goodbye တွေဘာတွေ တွေးပစ်တာ..။ အဲ့ဒီတုန်းကတော့ ဟုတ်လှချည်လားပေ့ါ။ ခုနေပြန်စဉ်းစားတော့ ဆူခံရမှာစိုးလို့ ဖြစ်နေတာကိုး….။ သူ့ဆီကို စာတွေရေး…ဖုန်းတွေဆက် (ဖုန်းနံပါတ်ရဖို့တောင် သူငယ်ချင်းတွေကို ၀က်သားဒုတ်ထိုး လိုက်ကျွေးရသေး..ဟေးဟေးး) စာပို့ရင်လည်း ရလာတဲ့ ဖြတ်ပိုင်းလေးတွေကို သိမ်းထား..။ သူ့မွေးနေ့ဆိုလည်း လက်ဆောင်တွေပို့၊ နောက်သူ့လက်ရေးလေးတွေတွေ့ရင် သိမ်းထား။ မှတ်မှတ်ရရ သမ္ဗန္ဓအကြောင်း ရေးထားတဲ့ စာရွက်လေး ကျွန်တော့်ဆီမှာရှိတယ်။ နောက်ပြောဖို့မေ့သွားလို့ သူသွားကာနီး ဓါတ်ပုံလေးတစ်ပုံပေးသွားသေးတယ်။ ညညဆို ဓါတ်ပုံလေးကြည့်ပြီးငို… (ဟီး..ပြောရင်းရှက်လာပြီ) နောက်တော်တော် ရူးတာပြောဦးမယ်။ မနက်မနက်ဆို နှင်းဆီပန်းတွေ ဆယ်ပွင့် အပွင့်နှစ်ဆယ်လောက်ဝယ်ပြီး ချောင်းရေထဲမှာ သွားသွားမျှောတာ.. ရင်ထဲက အချစ်စကား ချစ်သူကြားပါစေ..ဘာညာပေါ့..။ တစ်နေ့ကျတော့ အဖေက အလုပ်ကိစ္စနဲ့ ရန်ကုန်သွားဖို့ပေါ်လာပါရော…။ ရန်ကုန်ဆိုတော့ ငါလိုက်သွားရင်တော့ သူနဲ့တွေ့ရမှာပဲပေါ့။ အဖေ့ကို ပူဆာတယ်။ ကျွန်တော်လည်းလိုက်မယ်ဆိုပြီးတော့။ အဖေက မခေါ်ဘူး။ အဲဒါနဲ့ အစာငတ်ခံဆန္ဒပြတယ်… ( ဘယ်က ဘယ်လို စိတ်ကူးရတယ်တော့ မဆိုနိုင်ဘူး..) အစာငတ်ခံဆန္ဒပြတာ အောင်မြင်လား မအောင်မြင်ဘူးလားဆိုတော့ နှစ်နပ်လောက်ပဲ အငတ်ခံလိုက်ရသေးတယ်။ ရိုက်ခံထိပြီး အဖေနဲ့ အမေက အတင်းချုပ်ပြီး ထမင်းခွံ့ကျွေးလိုက်တယ်။ ပြီးရော..မလိုက်လိုက်ရဘူး။ ရန်ကုန်ရောက်တော့လည်း တွေ့မှာကျလို့….. ရူးပုံများပြောပါတယ်။ အော်..ဒီလိုနဲ့ ဆယ်တန်းရောက်လာတော့ ကဗျာတွေဘာတွေရေးလာတယ်။ သူ့အတွက်လေ…။ နေဦး အဲလိုတွေလုပ်နေလို့ အတိအလင်းကြီး ကြိုက်နေတယ်မထင်နဲ့နော်.. ၄တန်းနှစ်တုန်းက ပြောပြီးနောက်ပိုင်း သူ့ကို ရည်းစားစကားကို မပြောရဲဘူး..။ သူငယ်ချင်းချစ်သူဆိုတော့ သူစိတ်ဆိုးပြီး သူငယ်ချင်းလိုတောင် ဆက်မခေါ်တော့မှာ စိုးတာနဲ့ နည်းနည်းလေးတောင် မပြောရဲဘူး…။ ဆယ်တန်းဖြေပြီးတော့ ရန်ကုန်ကို သွားလည်ပါတယ်။ အဲဒီတော့ တွေ့တာပေါ့။ မတွေ့ပဲလည်း မနေဘူးလည်း သူ့အိမ်ကိုသွားတာကိုး…။ တွေ့တော့လည်း ဘာမှမပြောရဲပါဘူးဗျာ.. “မင်းနဲ့ ငါ့ရဲ့ကြား အုံ့ပုန်းအချစ်တွေ…” ဘာညာပေါ့။ ဒါပေမယ့် ပိုချစ်လာသလိုပဲ ငယ်တုန်းကထက်ကို။ ငယ်တုန်းက သူ့ကို အရမ်းလှတယ်ထင်တာ.. ကြီးမှပြန်တွေ့တော့ အဲလောက်မဟုတ်ဘူးဗျ။ ဒါပေမယ့် သိတယ်မဟုတ်လား။ အချစ်စစ်ဆိုတာ လှတာမလှတာနဲ့ မဆိုင်ဘူး၊ ကိုယ့်ချစ်သူသာ အလှဆုံး ဆိုပြီး ကိုယ့်မျက်စိကိုယ် ဇွတ်အတင်းကြီး လိမ်ခိုင်းထားလိုက်တာပေါ့..။ တကယ်က ဘာသိတာမှတ်လို့ အချစ်စစ်တွေ ဘာတွေ..။ နောက် ကျောင်းအတွက် ၀င်ခွင့်လာဖြေသေးတယ်။ အဲဒီမှာ သူငယ်ချင်းတွေနဲ့ ဘီယာသောက်ကြရင်းနဲ့ သူတို့တတွေက သူ့ရည်းစားကိုယ့်ရည်းစား ဖုန်းဆက်ကြရော.. ကိုယ့်ကို ၀မ်းနည်းတာကော၊ မူးနေတာကောပေါင်းပြီး သူ့ဆီကို ဖုန်းခေါ်ပြီး “နင့်ကိုငါချစ်တယ်” လို့ ပြောလိုက်တာ။ ဖုန်းတစ်ခါတည်း ချသွားတယ်..ဟီး။ အဲဒီစကားပြောလည်း ပြောပြီးရော အမူးလည်း ပြောရောပဲ။ အမူးလည်း ပြေရော နောင်တရတော့တာပဲ။ သွားပြီ.. ငါတော့မှားပြီ ဆိုပြီးတော့။ နောက်မန္တလေးပြန်ရောက် သူငယ်ချင်းတွေက အဲ့လောက်ဖြစ်ပျက်မနေနဲ့ ဘာညာ အားပေးကြပါတယ်။ နောက်ကျွန်တော်က ဖုန်းမဆက်ရဲဘူးဆိုတော့ သူတို့ပဲ ခေါ်ပြီး ၀ိုင်းပြောပေးကြတာ..။ ဒါပေမယ့် ချစ်တဲ့ ကြိုက်တဲ့ အကြောင်း နည်းနည်းလေးတောင် စကားအစမခံဘူးဗျ။ ဖုန်းချပစ်လိုက်မယ်ချည်းပဲ ခြိမ်းခြောက်နေတာ…။ နောက်ကျောင်းတက်ရတော့လည်း သူ့ဆီဖုန်းဆက်တုန်း မွေးနေ့မှာ လက်ဆောင်တွေပေးတုန်း။ ကျောင်းမှာ သုံးလလောက် ကျောင်းတွင်းအောင်းရစဉ်က သူ့အတွက် ကဗျာရှည်ကြီး တစ်ပုဒ်ရေးဖြစ်တယ်။ ဆရာတာရာမင်းဝေရဲ့ မီးတောက်ရစ်သမ်ကို အားကျပြီးရေးတာ။ အဲဒါကြီးကို ကွန်ပျူတာစာစီ၊ ကဗျာစာအုပ်လုပ်ခိုင်းပြီး သူ့ဆီပို့လိုက်တယ်။ ပရိသတ်တုန့်ပြန်ချက်က လန်းတယ်။ ငါက အဲ့ဒါမျိုးတွေမဖတ်တတ်ဘူးတဲ့…။ ပိုးစိုးပက်စက် အောင်မြင်တဲ့ ကဗျာစာအုပ်လေးပေါ့။ နောက်ဒီရောက်လာတော့လည်း သူ့ဆီကို ဖုန်းတွေဆက်တယ်။ စာတွေရေးတယ်။ ဒါပေမယ့် ဇာတ်က ဇာတ်မျှောကြီး ဖြစ်သွားရော…။ ခုထိတော့လည်း သူ့ကို ချစ်နေတုန်းပဲ။ ဒါပေမယ့် အသက်လေးက နည်းနည်းရလာ လို့လားတော့ မသိဘူး ငယ်ငယ်တုန်းကလောက် မရူးသွပ်တော့သလိုပဲ။ အချစ်အပေါ်တောင် အယုံအကြည်နည်းလာတယ်။ “အလျားအနံမရှိပေမယ့်၊ အသွားအပြန်ရှိတယ်” ဆိုတာတွေလည်း မယုံချင်တော့ဘူး။ ငယ်ငယ်က အရမ်းရူးသွပ်ခဲ့လို့များ၊ အရမ်းခံစားခဲ့လို့များ ခုငြီးငွေ့သွားတာလား.. ဘယ်သူနဲ့ ဘယ်သူကတော့ ဘယ်လောက်ချစ်ကြတာဆိုတာမျိုးတွေ ကြားလာ၊တွေ့လာရင်လည်း အလကားပါကွာဆိုတဲ့ အတွေးမျုိး ၀င်လာမိတယ်။

တကယ်တော့ အချစ်ဆိုတာကြီးက ဘာကြီးမှန်းကိုမသိပါဘူးဗျာ..။ ချစ်သူများနေ့အမှတ်တရအဖြစ် အချစ်ကို အယုံအကြည်မရှိကြောင်း အဆိုတင်သွင်းရတာ သိပ်တော့ အထာမကျသလိုပဲ..ဒါပေမယ့် ဒီလိုပဲ ရှိပါစေတော့..။ ကျွန်တော်ကတော့ မယုံတော့ဘူး…။

၁၂ ရက်နေ့အတွက် ၁၃ ရက် ဖေဖော်ဝါရီ..

တစ်ချိန်ကပေါ့ ၁၃ရက် ဖေဖော်ဝါရီ မှာ ကလေးတစ်ယောက်ကို မွေးဖွားခဲ့တယ်။ သူ့မိဘတွေကတော့ ရှေ့နေဦးဖာနဲ့ ဒေါ်စုဆိုပဲ။ အဲဒီတုန်းကတော့ သူတို့တွေ ပျော်ရွှင်ခဲ့ကြမှာ၊ သူတို့အတွက် ပျော်ရွှင်မှုတွေ ဆောင်ကျဉ်းလာတဲ့ သားလေးလို့လည်း ထင်မှတ်ခဲ့ကြမှာ..တကယ်လည်း သူတို့အတွက် ပျော်ရွှင်မှုတွေ ဆောင်ယူလာခဲ့တာကိုး....တကယ်တော့ သူတို့ရဲ့ သားလေးဟာ သူတို့ရဲ့ ပျော်ရွှင်မှုတင်သာမကပဲ မြန်မာတစ်နိုင်ငံလုံးရဲ့ အနာဂတ်အလင်းရောင်နဲ့ မြန်မာပြည်သူ၊ ပြည်သားတွေရဲ့ ပျော်ရွှင်မှုကိုပါ သယ်ဆောင်လာလိမ့်မယ်လို့တော့ အဲဒီအချိန်က ဘယ်သူမှမသိခဲ့ကြဘူးလေ။ ငယ်စဉ်ကတည်းက သူ့ရဲ့ ရိုးသားမှုက မောင်နှမတွေကြား စံပြဖြစ်ခဲ့တယ်။ နောင်တချိန် တက္ကသိုလ်ကောင်းသားဘ၀ ရောက်လာတော့လည်း ကျောင်းသားခေါင်းဆောင် တစ်ယောက်အနေနဲ့ မြန်မာနိုင်ငံရဲ့ အနာဂတ်ထဲကို တိုးဝင်လာခဲ့တယ်။ နောက်တော့ ကျောင်းကထွက် နိုင်ငံရေးလောကထဲ ၀င်လာခဲ့တယ်။ ( အင်္ဂလိပ်အစိုးရက ငါ့ထမင်းအိုး ဒုတ်နဲ့လာထိုးနေတာမှမဟုတ်တာ ဆိုတဲ့အတွေးမျိုး မရှိခဲ့ပဲ ကိုယ့်ထမင်းအိုးတစ်အိုး ဆန်ပြည့်ဖို့ထက် မြန်မာတစ်ပြည်လုံးက ထမင်းအိုးတွေ ဆန်ပြည့်စေဖို့ စိုးရိမ်ပူပန်ခဲ့တာလေ..) မြန်မာတွေရဲ့ သခင်အောင်ဆန်းက ဂုတ်သွေးစုပ်အမြတ်ထုတ်နေသူတွေအတွက် သူပုန်အောင်ဆန်းတဲ့လေ....။ ဂျူး စာပေဟောပြောပွဲတုန်းက ပြောခဲ့သလို တိုင်းပြည်အုပ်ချုပ်မင်းလုပ်တဲ့သူက မကောင်းတဲ့အခါ၊ သူပုန်က ဇာတ်လိုက် တဲ့၊ သူရဲကောင်းတဲ့။ တကယ်ပါ သူက ကျွန်တော်တို့အတွက် ဇာတ်လိုက်ပဲ၊ သူရဲကောင်းပဲ။ ကျွန်တော်တို့အတွက်မှမဟုတ်ပါဘူးလေ မြန်မာနိုင်ငံကြီးတစ်ခုလုံးအတွက် သူက ဇာတ်လိုက်ပါ။ ဇာတ်လိုက်ပေမယ့် သူက ပွဲတိုင်းအနိုင်ရတဲ့ ဇာတ်လိုက်တော့ မဟုတ်ခဲ့ရဘူး။ လွတ်လပ်ရေးကြိုးပမ်းမှု တလျှောက်လုံးမှာ ဒဏ်ရာဒဏ်ချက်တွေ အမျိုးမျိုးကြား အတွန်းတွန်းအတိုက်တိုက် အထိထိအခိုက်အခိုက်ပေါ့။ နောက်တော့ သူ့ရဲ့ ကြ်ိုးပမ်းမှုက အလင်းရောင်လေးတစ်ခု ထွန်းလင်းလာခဲ့တယ်။ ဒီလိုနေ့မှာပေါ့ စည်းလုံးညီညွတ်မှုရဲ့ သက်သေ ပင်လုံစာချုပ်ကို ချုပ်နိုင်ခဲ့တယ်။ အိုကွယ် သူ့လောက်ပျော်တဲ့သူ ရှိပါတော့မလား...။ သူ့ချစ်တဲ့ပြည်ထောင်စုကြီးတစ်ခုလုံးက တစ်စိတ်တစ်ဝှမ်းတည်း လွတ်လပ်ရေးကို လိုချင်ကြပြီတဲ့လေ...။တိုင်းရင်းသား  ညီနောင်တွေ ချစ်ကြည်ကြတယ်တဲ့လေ..။ ဒါပေမယ့်ကွယ် လူဆိုတာ ကိုယ်စိုက်တဲ့ကောက်ပင် ကိုယ်ရိပ်သိမ်းရမယ် ဆိုပေမယ့် သူစိုက်တဲ့ ကောက်ပင်တွေအတွက် ကောက်သစ်စားပွဲတော် သူဝင်ပျော်ခွင့်မရခဲ့ဘူး...။ သူစိုက်ခဲ့တဲ့ကောက်ပင်တွေကြောင့် တစ်ပြည်လုံး စားသောက်ခဲ့ကြရပေမယ့် သူမြင်တွေ့ခွင့်တောင် မရခဲ့ဘူး။ တစ်ခါတစ်လေတော့လည်း စဉ်းစားမိတယ်။ ကျွန်တော်တို့ မြန်မာပြည်ကြီးက သူ့ဆီက အယူပဲရှိခဲ့ပြီး အပေးမရှိခဲ့တာ တရားမှတရားပါရဲ့လား...လို့။ မတန်လိုက်တာ ဗိုလ်ချုပ်ရယ်.....လို့ ညည်းချင်မိတယ်။ ဒါပေမယ့် သူကတော့ ဒီလိုတွေးမယ်မဟုတ်ဘူး။ တမလွန်ဆိုတာရှိလို့ မြင်နိုင်စွမ်းများရှိခဲ့ရင် ပြည်သူတွေပျော်တာမြင်ပြီး သူပျော်နေမှာ...သူလွတ်လပ်ဖို့ထက်၊ ပြည်သူတွေလွတ်လပ်ဖို့ ကြိုးစားခဲ့တာဖြစ်လို့ ပြည်သူတွေလွတ်လပ်တာမြင်ရင် သူပျော်မှာသေချာတာပေါ့။ သူ့အတွက် သူမွေးတဲ့ နေ့ကိုလည်း အထိမ်းအမှတ် မလုပ်ပေးကြဘူး၊ သူမွေးတဲ့မြို့ကိုလည်း ဘာမှမလုပ်ပေးခဲ့ကြဘူး။ သူ့ရုပ်ထုဆိုတာ မြန်မာနိုင်ငံမှာ လက်ချိုးရေလို့ရတယ်။ ကလေးတွေဆို သူ့အကြောင်း ကဗျာလေးတစ်ပုဒ်ပဲ သိကြရတယ်။ ဒါပေမယ့်...ဒါပေမယ့် အားလုံးရင်ထဲက အချစ်စိတ်ကတော့ မပြောင်းမလဲ ကိန်းဝပ်သွားခဲ့ပြီလေ.. တို့ချစ်တဲ့ ဗိုလ်ချုပ်ဆိုတာကတော့ ဘယ်တော့မှာ ပြောင်းလဲမှာမဟုတ်တော့ဘူးလေ.. သူလုပ်ခဲ့တာအားလုံးအတွက် ပြည်သူတွေရဲ့ မေတ္တာက အားလုံးသော အထိမ်းအမှတ်တွေအားလုံးထက် သာလွန်တာ အသေအချာပေါ့။ မိဘတွေကနေသားသမီးတွေကို၊ အစ်ကို၊အစ်မတွေကနေ မောင်တွေ ညီမတွေဆီကို ပျံ့ဝင်သွားခဲ့ပြီလေ....ကမ္ဘာတည်သရွေ့ပေါ့....

တစ်ခုပဲ သူက ပြည်သူတွေအားလုံးလွတ်လပ်အောင်လုပ်ပေးခဲ့ပေမယ့် သူလွတ်လပ်စေခဲ့တဲ့ မြန်မာပြည်ထဲမှာ သူ့........................................ အဲဒါလေးတစ်ခုပဲ သူစိတ်မကောင်းဖြစ်ချင်လည်း ဖြစ်လိမ့်မယ် ဒါပေမယ့် သူချစ်တဲ့ မြန်မာပြည်သူတွေပြည်သားတွေအပေါ်တော့ သူမေတ္တာပျက်မှာ မဟုတ်ပါဘူးလေ....