ကျွန်တော်တို့ပြောကြည့်ရအောင်......

ကဲကျွန်တော်တို့ ပြောကြည့်ရအောင်….

ဘယ်နေရာမှာများ ဘာနဲ့ကင်းခဲ့ကြလို့လဲ

“သူ”တောင်မလွန်ဆန်နိုင်တဲ့ လောကဓံ

ကျွန်တော်တို့က ထန်းလက်နဲ့ ခံမလို့လား

လောကမှာမြဲတယ်ဆိုတာ “မမြဲဘူး”ပဲရှိတယ်တဲ့

ဟုတ်ကဲ့ပါ။

ဒီနေ့ငိုပေမယ့်

နောက်နေ့ ကျွန်တော်သီချင်းဆိုပါမယ်…

အရှုံးပေးတာမဟုတ်ပေမယ့်

“ကျွန်တော်အောင်မြင်စွာဆုတ်ခွာတယ်”လို့ မသုံးချင်ပါဘူး

အရူးတစ်ယောက်ရဲ့ အိမ်မက်မှာ ရှင်ဘုရင်ဖြစ်ခွင့်ရတာ

ကျွန်တော်ကံထူးတာပေါ့

တကယ်တော့ ကျွန်တော်တို့ ရေတခွက်တောင်

မလိုအပ်ပါဘူး………..

လောကမှာ နောက်ကိုရဲရဲ ပြန်လှည့်ကြည့်ဝံ့သူ

ဘယ်နှစ်ယောက်များရှိပါလဲ

သူများကို ဟားတိုက်ရယ်ဖို့

ကိုယ်တိုင်သွားတိုက်ထားဖို့ လိုအပ်ပါတယ်

သင့်ကိုယ်သင် ပြန်မေးပါ

သူများကိုထိုးဖို့ သင့်မေးရိုးခိုင်ပြီလား…?

မနက်ဖြန်မှာ

ကော်ဖီသောက်ဖို့ ကျွန်တော်စောင့်နေပါ့မယ်

ခင်ဗျားဆက်ဆက်လာမယ်လို့တော့ ကျွန်တော်မမျှော်လင့်ပါဘူး

ဒါပေမယ့် ခုကျွန်တော်စောစောအိပ်ပါပြီ…..

ဒဏ်ရာပြပွဲ……

ဆောင်းပေါ့။ ခပ်ဟောင်းဟောင်းလေ။ ညောင်းညာခြင်းကို ဆန့်ထုတ် အငွေ့ဖြူဖြူတွေ မှုတ်ထုတ်ခဲ့တယ်။ သယ်ဆောင်ဖို့ မလွယ်တဲ့ ပစ္စည်းထဲမှာတော့ အတိတ်မပါဘူး။ မှုန်ဝါးဝါး ပန်းချီကားတစ်ချပ်ကိုမှ နှစ်သက်တယ်ဆိုရင်တော့ အတိတ်တွေကို သတိရတိုင်းထုတ်ကြည့်ပေါ့။ အတိတ်မှာ ရနံ့တချို့ ပါမယ်ဆိုရင် သေချာတယ် ငါ့အတိတ်က ဆိတ်ဖလူးနံ့တွေနဲ့ပြည့်နေမှာ။ ငါရေးခဲ့ဖူးတဲ့ ကဗျာတစ်ပုဒ်ရှိတယ်။ "နေ၀င်ချိန်ထိ ငါ့ရနံ့တွေကို ထုတ်လွှတ်သွားမယ်"လို့ ။ တကယ်တော့ ငါက နေဘယ်တော့မှမထွက်မယ့် အရုဏ် ပါ။ ဘယ်လောက်ကြာအောင် စောင့်စောင့် ရောင်နီကတော့ တောက်မှာမဟုတ်ပေဘူး။ တကယ်တော့ ၁၉ နှစ်ဆိုတာ မိုးလင်းဖို့ မလုံလောက်ပါဘူး။ အလယ်တန်းဘ၀က "အရုဏ်"ဆိုတဲ့ စာစီစာကုံး ခုချိန်မှာ စိတ်ကူးနဲ့တောင် မရေးတတ်တော့ဘူး။ ငါက ရောင်နီငတ်နေတဲ့ကောင်လေ။ ဒါတွေကို တိတ်တိတ်လေး စီးဆင်းနေတဲ့ ဆောင်းနံနက်ခင်းတွေဆီက ရခဲ့တာပေါ့။ မီးခိုးငွေ့တလူလူနဲ့ ဆောင်း ပြောင်းလဲသွားပြီတဲ့။ ခုချိန်မှာတော့ ဖြူဖွေးဖွေးနှင်းတွေနဲ့ ပေကျံ မီးခိုးနံ့တောင် မကျန်တော့ဘူး။ ရေလောင်းလို့ ပေါင်းထရုံပဲရှိမယ့် မျှော်လင့်ချက်၊ အဆိပ်ပင်မဟုတ်ပေမယ့် လောင်း….သင့်သလား။

"လူတွေဟာ အသက်ကြီးလာတာနဲ့အမျှ တာဝန်ဝတ္တရားတွေ၊ လုပ်သင့်လုပ်ထိုက်တာတွေနဲ့ အကျဉ်းကျနေရတယ်၊ ချည်နှောင်ခံနေရတယ်" တဲ့

အဲဒီတုန်းက ငါပြန်ပြောခဲ့ဖူးတယ်….

"လွတ်လပ်တယ်၊ မလွတ်လပ်ဘူးဆိုတာ လူကလုပ်တာပါ။ ကိုယ့်လွတ်လပ်ခွင့်ကို ကိုယ်တိုင်ဖန်တီးနိုင်တယ်" လို့ပေါ့။

ဒါပေမယ့် ခုထိ ကိုယ့်ကိုယ်ကို ပြန်မေးနေမိတုန်းပဲ။ "မင်းတကယ်ယုံရဲ့လား.?" လို့လေ။ အသံမထွက်တဲ့ တယောတစ်လက်၊ ဘယ်လောက်ပဲ ပြည့်ကြပ်နေဦးတော့ ဂီတ ဖြစ်မလာမယ့်သူ။ ဖြစ်သင့်တာနဲ့ ဖြစ်ချင်တာ ယှဉ်လာတိုင်း ဖြစ်ချင်တာတွေ ဖြစ်သွားတတ်တဲ့ ကံကြမ္မာကို ငါမနာကျည်းသင့်ဘူးတဲ့လား…?

ပတ်ဝန်းကျင်ရဲ့ တချို့မသိတတ်မှုတွေက ငါ့ကိုအေးခဲစေခဲ့တာပေါ့။ ပျိုးပင်ငယ်ကို စကားလုံးမုန်တိုင်းတွေ တိုက်တာဟာ သူတို့ ပြောပြောနေတဲ့ လူသားဆန်မှုတွေလား..?

အတိတ်….

ပုခက်လွှဲတဲ့ မျက်ရည်ကို သုတ်ပေးဖို့ လက်လှမ်းမမှီလို့ ငိုကြွေးခဲ့ဖူးတယ်။ တုံးတစ်တုံး မဖို့တောင် မစွမ်းဆောင်နိုင်ခဲ့ဘူး။ ခပ်ထန်ထန် မုန်တိင်းကြားမှာ ငါဟာ "ဆေးမှည့်" ပါ။ မှိုင်းဝလာရင် ပျံတက်သွားမလား၊ ပေါက်ကွဲမလား….။ ဒါကပြဌာန်းချက်သာ။ ကောင်းကင်ကျယ်တယ်ဆိုတာ လူပြောသူပြောသာသာပါ။ ငါ့အတွက် ကောင်းကင်က ကျဉ်းပြီး၊ ပင်လယ်ကကျယ်တယ်။ ကြယ်မလင်းတဲ့ ကောင်းကင်ကျဉ်းမှာ ငါကစာရင်းမ၀င်တဲ့ကောင်။ မရဏဖွားမှာမှ ပြဿဒါးဖြစ်ခဲ့ရ။ ကောင်းကင်နှစ်ခုကြား ဆန္ဒက မလူးသာ မလွန့်သာ။ မြင်းမိုရ်တောင်က ငါ့အတွက် ပိုကြီးခဲ့တယ်။

ဒဏ်ရာဆိုတာကို ပြပွဲတစ်ခုဖြစ်နိုင်လောက်အောင် ခင်းကျင်းမိခဲ့………….

ဒဏ်ရာဟောင်း…

မနေ့က ကျောင်းစာကြည့်တိုက်ကို သွားဖြစ်တယ်။ ဆရာမက အဲဒီမှာ ပွတ်ရ်ှကင်ရဲ့ ကဗျာမှာ အသုံးများတဲ့ စကားလုံးတွေ ချည်းပဲ ရေးထားတဲ့ အဘိဓာန်ရှိတယ်တဲ့။ သွားရှာကြည့်ဆိုတာနဲ့ သွားဖြစ်တာ။ ဟိုရောက်တော့ အဲဒီအဘိဓာန်တော့ မတွေ့ဘူး ပွတ်ရ်ှကင်ရဲ့ ကဗျာစာအုပ်ပဲတွေ့တယ်။ (ကဗျာဆိုတာထက် လင်္ကာလို့ပြောရင် ပိုမှန်မလားတော့ မသိဘူး။) လင်္ကာသွားနဲ့ရေးထားတဲ့ ၀တ္ထုဆိုရမှာပေါ့။ ကျွန်တော်တို့ဆီက ဦးပုညရဲ့ ဆဒ္ဒန်ဆင်မင်းဝတ္ထုတို့၊ ရေသည်ပြဇာတ်တို့လို လင်္ကာသွားနဲ့ရေးထားတာ။ ယုန်ထောင်ကြောင်မိဆိုပေမယ့် မိတဲ့ကြောင်ကလည်း ကြီးတယ်လေ..ဟီး။ ပုံမှန်အရဆိုရင် ကျောင်းစာကြည့်တိုက်က အဲဒီစာအုပ်မျိုးတွေ ထားခဲတယ်။ ဘာသာရပ်ဆိုင်ရာ စာအုပ်တွေလောက်ပဲ ထားတာ။ ဒီတစ်အုပ်ကတော့ ဘယ်လိုရောက်နေလည်း မသိဘူး။ ကျောင်းစာကြည့်တိုက်ဆိုပေမယ့် အမှန်ပြောရရင် ကျွန်တော်တို့ အဆောင်ရဲ့ စာကြည့်တိုက်ပါလေ။ အဲဒါကြောင့်လည်း သေးသေးလေးဖြစ်နေတာ။ ကျောင်းရဲ့ မူရင်းစာကြည့်တိုက်ကြီး ရှိသေးတယ်။ သူကတော့ ပိုစုံတာပေါ့။ နောက်ကျရင်တော့ ဆရာမကို မြို့ထဲက "တက္ကသိုလ်များစာကြည့်တိုက်"ကို လိုက်ပို့ခိုင်းရမယ်။ ဆရာမကတော့ ပြောနေတာကြာပြီ။ ကျွန်တော်က ကိုယ့်အခြေအနေ ကိုယ်သိလို့ ( အဲလောက်မှ မကောင်းသေးတာ ဘာသာစကားက) မပို့ခိုင်းတာ. J

ထားပါတော့လေ။ ဘာတွေလေကြောရှည်နေမိတယ် မသိဘူး။ အဓိက က အဲဒီထဲက ပွတ်ရ်ှကင်ရဲ့ ကဗျာလေး တစ်ပိုင်းတင်မလို့။ ကဲမရှည်တော့ဘူးဗျာ။

Я вас любил: любовь ещё, быть может,

В душе моей угасла не совсем;

Но пусть она вас больше не тревожит;

Я не хочу печалить вас ничем.

Я вас любил безмолвно, безнадежно,

То робостью, то ревностью томим;

Я вас любил так искренно, так нежно,

Как дай вам бог любимой быть другим.

(А.С.Пушкин)

ငါမင်းကိုချစ်ခဲ့တယ်: အချစ်က..ဖြစ်ချင်ဖြစ်နေလိမ့်မယ်

ငါ့နှလုံးသားထဲက လုံးဝပျောက်ကွယ်မသွားတော့တာမျိုးလေ

ဒါပေမယ့်..

မင်းကိုထပ်ပြီး မနာကျင်စေရပါဘူး..

ငါက ဘာအတွက်နဲ့မှ မင်းကို စိတ်ဆင်းရဲစေချင်ခဲ့တာမှမဟုတ်ပဲကွယ်….။

ငါကမင်းကို….

မျှော်လင့်ချက်မဲ့စွာနဲ့ တိတ်တဆိတ် ချစ်ခဲ့တာပါ…

မ၀ံ့ရဲတဲ့စိတ်နဲ့ သ၀န်တိုစိတ်တွေက လောင်မြှိုက်စေတယ်

ငါကတော့မင့်ကို နူးညံ့ရိုးသားစွာ ချစ်ခဲ့တာပါ

ဘုရားသခင်အလိုကျ မင်းအချစ်ဆုံးကတော့ တခြားတစ်ယောက်ဖြစ်ခဲ့တယ်။

(ပွတ်ရ်ှကင်)

ဒဏ်ရာတစ်ချို့ကို သတိရမိလို့ပါ။ ရသမပေါ်ဘူးဆိုရင်တော့ ကျွန်တော့်ရဲ့ ညံ့ဖျင်းမှုပါ။ အမှားရှိရင်လည်းထောက်ပြကြပါ။ ရက်ရက်စက်စက်
ဝေဖန်တာကို ထက်ထက်မြက်မြက်ဖြစ်ဖို့ အခွင့်အရေးလို့ မှတ်ပါ့မယ်။ တကယ်တော့ ကျွန်တော့် ရုရှားစကားအဆင့်အတန်းက မူလတန်းသာသာပဲရှိပါတယ်။ အများကြီးလိုပါသေးတယ်။ ခုဟာက ဖတ်မိရင်း ဒဏ်ရာဟောင်းလေးတွေ ပေါ်လာလို့ တင်ဖြစ်သွားတာပါ။

အလွမ်းပြေ..

ဒီနေ့ အပြင်သွားရင်းနဲ့ ရှားရှားပါးပါး သရက်သီးတွေတွေ့လို့ ၀ယ်လာခဲ့တယ်။ နှစ်လုံးထဲပါ။ မြန်မာငွေနဲ့တွက်ရင်တော့ တစ်လုံးကို ၁၆၀၀ လောက်ကျမယ်နဲ့တူတယ်။ အိမ်မှာ သရက်သီးပေါ်ချိန်ဆို အမုန်းစားနေရတာ။ ဒီရောက်မှပဲ ဒီဈေးပေးပြီး စားရတယ်။ ဒါတောင်ဒီကထွက်တဲ့အသီးမဟုတ်ဘူး။

တခြားနိုင်ငံက ပို့တဲ့အသီးတွေ။ ပြီးတော့ ဈေးကြီးလို့ ကောင်းလားဆိုတော့လည်း အဲလောက်ကြီးကောင်းတာမဟုတ်ဘူး။ ရေနံသီးလိုလို ဘာလိုလိုနဲ့။ ဒါပေမယ့် မစားရတာပဲ နှစ်နှစ်လောက်ရှိပြီဆိုတော့ အလွမ်းပြေပေါ့။ အားလုံးလည်း အလွမ်းပြေပေါ့နော...။ကြည့်ကြပါဦး။ (တကယ်ကတော့ ကြွားတာ..ဟီး)

စောင်းလျားသီးလည်းတွေ့တယ်။ ဒါပေမယ့် မြန်မာငွေနဲ့ တစ်လုံးကို ၃၆၀၀ လောက်ဆိုတော့ မစားတော့ဘူးလို့ ..ဟီး ချွေတာရေးလေ။ ဟုတ်တယ် မြန်မာနိုင်ငံမှာဆို ရောင်းရင် ဘယ်သူမှ သိပ်ဝယ်စားတာမဟုတ်တဲ့ဟာကို

ဒီမှာ သုံးထောင့်ခြောက်ရာဆိုတော့ တော်ပြီ။ တကယ်အံဩတာ။ ဘယ်ကသွင်းလည်းတော့မသိဘူး။ ဒီကတော့ မဟုတ်တာ သေချာတယ်။ ဒီရောက်မှာ ပန်းသီးက ဖောဖောသီသီ စားနေရတယ်။ နွေရာသီဆို ၀ယ်စားစရာတောင်မလိုဘူး။ ဆရာမတွေက သူတို့ အပင်ကရတာတွေကို လာလာပေးနေတာ။ မြန်မာနိုင်ငံမှာတုန်းက ပန်းသီးကို ဈေးကြီးပေးစားရတယ်။ ခုတော့ ပြောင်းပြန်။ စောင်းလျားသီးကို ဒီဈေးမျိုးနဲ့တွေ့ရလိမ့်မယ် မထင်မိဘူး။

ဒီကောင်က မင်းကွတ်သီး။ ဈေးကသိပ်မရှိပါဘူး။ သောင်းခြောက်ထောင်လောက်ပါ။ မြန်မာငွေနဲ့လေ။ ၀ယ်လာတယ်ထင်လို့လား။ ဟင့်အင်း ကိုင်ယုံပဲကိုင်ကြည့်လာတယ်။ ၀ယ်မစားတော့ဘူး။ မြန်မာနိုင်ငံရောက်မှပဲစားတော့မယ်။ ဈေးနှုန်းကို စိတ်နာတယ်။

ချွေတာရေးလေ။ အဲလောက်ထိမချမ်းသာသေးဘူး။ :)

တွေးတတ်ပါ့...

> : လက်ထပ်ခွင့်ပန်ပြီးတဲ့အချိန်-
>
>
> အမျိုးသား- အင်း နောက်ဆုံးတော့လည်း အကြာကြီးစောင့်ရကျိုးနပ်ပါတယ်
> အမျိုးသမီး- ဟင်းနော်....ထားသွားလိုက်ရမလား?
> အမျိုးသား- အမယ်လေး စိတ်ကူးထဲတောင် မထည့်လိုက်ပါနဲ့
> အမျိုးသမီး-- တကယ် ချစ်ရဲ့ လားဟင်?
> အမျိုးသား- ဒါပေါ့ ဒီထက်တောင်ပိုသေးတယ်
> အမျိုးသမီး- ကျွန်မကို အရူးလုပ်မှာလား
> အမျိုးသား- ဘုရားစူးရစေရဲ့  ဒီမေးခွန်းမျိုး မေးတောင်မမေးပါနဲ့လား
> အမျိုးသမီး- ကျွန်မကို နမ်းချင်သလား ဟင်?
> အမျိုးသား- အချိန်မရွေးပဲ
> အမျိုးသမီး- နှိပ် ကော နှိပ်စက်မှာလား?
> အမျိုးသား- မင်းရူးများရူးနေလားကွာ
> အမျိုးသမီး- ကျွန်မ မောင့်ကို စိတ်ချရပါတယ်နော်?
> အမျိုးသား- အင်း
> အမျိုးသမီး- မောင်ရယ်...
>
> လက်ထပ်ပြီးတဲ့အခါ....
> အပေါ်က စကားလေးတွေကို အောက်ကနေသာ ပြန်စဖတ်လိုက်ပါ

သဘောကျလို့တင်လိုက်တာပါ။ ရေးတဲ့လူကတော်တော်ကို တွေးတတ်တဲ့လူပဲ။ အဖွင့်အပိတ်ကို ညီအောင်တွေးတတ်တယ်။ ဘယ်သူရေးမှန်းတော့မသိဘူး။ ဒီလိုပဲလျှောက်ပတ်မွှေရင် တွေ့ထားတာလေ။

We say!

ကျွန်တော်တို့ပြောကြတယ်…. "မင်းရှိနေပေးလို့ကျေးဇူးပါပဲ" တဲ့။ "မင်းကိုချစ်တယ်"လို့ မပြောနိုင်တဲ့အခါမျိုးမှာပေါ့။

ကျွန်တော်တို့ပြောကြတယ်…. "ဘာအတွက်ဆက်လက်ရှင်သန်ရမှာလဲ" တဲ့။ တစ်ယောက်ယောက်ရဲ့

ဖျောင်းဖြမှုကို လိုချင်တဲ့ အခါမျိုးမှာပေါ့။

ကျွန်တော်တို့ပြောကြတယ်…. "အေးလိုက်တာ" တဲ့။ တစ်စုံတစ်ယောက်ရဲ့ ထွေးပိုက်မှုကို လိုချင်တဲ့အခါမှာပေါ့။

ကျွန်တော်တို့ပြောကြတယ်…. "ငါမအားလို့ဖုန်းမကိုင်မိတာ" တဲ့။ အဲဒီဖုန်းသံဟာ

ပျော်ရွှင်ခြင်းတွေ သယ်လာမယ့်ဖုန်းသံ မဟုတ်ဘူးဆိုတာ ၀န်ခံရမှာ မျက်နှာပူတဲ့

အခါမျိုးမှာပေါ့။

ကျွန်တော်တို့ပြောကြတယ်…. "ငါ့ကို ဘယ်သူမှမလိုအပ်ကြဘူး" တဲ့။ တကယ့်တကယ် ဘယ်သူတစ်ဦး တစ်ယောက်ကမှ ငါတို့ကို မလိုအပ်တော့တဲ့ အခါမှာပေါ့။

ကျွန်တော်တို့ပြောကြတယ်…." ငါလုပ်နိုင်ပါတယ်" တဲ့။ အကူအညီတောင်းဖို့ ခက်ခဲနေတဲ့အချိန်မှာပေါ့။

ကျွန်တော်တို့ပြောကြတယ်…. "မင်းဟာငါ့ရဲ့ သူငယ်ချင်းကောင်း တစ်ယောက်ပါ"တဲ့။ အဲဒီစကားပြောတဲ့အခါမှာတော့ "ဒါပေမယ့် သူငယ်ချင်းထက်ပိုလာမှာမဟုတ်ဘူး"ဆိုတာကိုတော့ ပြောဖို့မေ့နေတတ်ကြတယ်။

ကျွန်တော်တို့ပြောကြတယ်…. "အဲဒါက အရေးမကြီးပါဘူး" တဲ့။ အဆင်ပြေနိုင်ဖို့ ရွေးချယ်စရာ မရှိတော့ဘူးဆိုတာ သိလိုက်တဲ့အချိန်မှာပေါ့။

သိပ်ချစ်တယ်...

ကျွန်တော်လည်း ချစ်တာပေါ့

ဒါပေမယ့်..

သူ့ဆန်စား“ရဲ” ရမယ်တဲ့

မရဲသော်လည်းပြေးခဲစေ

မျှော်လင့်ချက်တွေသေခဲ့ပြီ

ကောင်းကင်အသေရဲ့ ကြယ်အသေ

ငါကလူရည်ချွန်နိုင်ပါ့မလား..?

တောင့်တပေမယ့်မရခဲ့တဲ့

ရင်ဘတ်ထဲကကြယ်

နှလုံးသားထောင့်လေးမှာ ပြာဖုံးနေတယ်

ချစ်တာတောင် ရဲရဲမချစ်ရဲနိုင်တဲ့ငါ့ကို ...နားလည်ပါ။

ပြုံးနေပေမယ့်

(ငါလည်း)

အမုန်းမခံချင်ပါဘူး..

စာပန်းချီ....

copy from here.

ငါ့ဘ၀

ဂျစ်ပစီတစ်ယောက်မှာ အိမ်မရှိဘူး

ငါ့အိမ်ကပြန်ရောက်ဖို့ရာ အဝေးမှာ..

နောက်ကိုလှည့်ကြည့်တော့ "အတိတ်"

အနာဂတ်အကြောင်းတွေးတိုင်း အတိတ်ကအနာပေါ်လာတယ်။

အချို့ဒဏ်ရာတွေက ဘယ်တော့မှမကျက်ဘူးကွယ်……

ထိတိုင်းနာတယ်။ ။

လက်မြောက်ပြီးထွက်သွားဖို့အရေး ငါ့လက်တွေလေးခဲ့ဖူးတယ်

ခုချိန်ထိ ငါ့ကိုယ်ငါ အပြစ်တင်မဆုံးရှိဆဲပဲ…..

တကယ်တော့ အံစာတစ်တုံးလို ကျရာပွင့်ပြခဲ့ရတာပဲလေ

စိတ်ညစ်တယ်..

တစ်ခါတစ်လေတော့လည်း ငါစဉ်းစားမိတယ်။ နင့်အချစ်ကို ရဖို့ကြိုးစားနေမိတဲ့ငါဟာ သံလိုက်တစ်ချောင်းရဲ့ တောင်ဝင်ရိုးစွန်းနဲ့ မြောက်ဝင်ရိုးစွန်းကို သပ်သပ်စီခွဲထုတ်ဖို့ ကြိုးစားသူလို ဖြစ်နေပြီလားလို့။ တကယ်တော့လည်း အချစ်ဆိုတာ ဘာမှမဟုတ်ရပါလားကွယ်။ မိန်းမတစ်ယောက်ရဲ့ ရင်ခုန်သံကို ခန့်မှန်းဖို့က အဲလောက်ခက်ခဲမှန်း မသိခဲ့ရပါလား။

တကယ်တော့ ငါက ချစ်နေတာမဟုတ်ဘူး စွဲလမ်းနေတာပါ။ ငါဘာကိုများ စွဲလမ်းနေမိပါလိမ့်?

ကြင်နာတတ်တဲ့ အပြုအမူတွေကိုလား? ဒါမှမဟုတ် ချိုသာတဲ့စကားသံကိုလား? နူးညံ့လှပတဲ့ လက်ချောင်လေးတွေရဲ့ အထိအတွေ့ကိုလား?

ဟင့်အင်း! လို့ ငါငြင်းတယ်။ ငါဘာကိုမှမစွဲလမ်းချင်လို့ပါ။ ဘုရားစူးရစေ့ ငါအိပ်ချင်နေတယ်။ တကယ်တော့ အရာအားလုံး အသစ်ကပြန်စတယ်ဆိုတာ စိတ်ကူးနဲ့တောင် မဖြစ်နိုင်ပါဘူး။

ဘယ်မြစ်ထဲကိုများ မင်းကနှစ်ခါဆင်းချင်သေးတာလဲ?

တကယ်တော့ ငါကရူးမိုက်စွာ အတ္တကြီးချင်တာပဲ။ မလုပ်နဲ့နော်။ မင်းလုပ်သင့်တာတွေ အများကြီးရှိပါသေးတယ်ကွယ်။ လောကကြီးမှာ မေးခွန်းတွေ သိပ်များလွန်းတယ်။

ဘယ်သူများအောင်မှတ်ရခဲ့ကြသလဲ..?

ရှုံးမယ်မှန်းသိရဲ့နဲ့တိုက်ရတာ တစ်ခါတစ်လေတော့လည်း ရင်နာစရာကောင်းတယ်ကွယ်….။ ဘ၀မှာတစ်ချို့တိုက်ပွဲတွေက ရှောင်လွှဲခွင့်မရှိဘူးလေ။ တိုက်ပွဲထဲမှာ အရှုံးကို ရွေးပြီးတိုက်ရတာတွေကိုလည်း ရင်နာနာနဲ့ ကြုံဖူးတယ်။

ကောင်မလေးရေ…

ငါကတော့ နင့်ကိုချစ်မိကတည်းက ရူးသွပ်နေတာဖြစ်ပြီး..

နင်ကတော့ ငါ့ကို ပြန်မချစ်ကတည်းက ရူးသွပ်သွားတာဖြစ်တယ်။

ငါတို့နှစ်ယောက်များ ချစ်သွားကြရင် ဘာများဖြစ်လာမှာပါလိမ့်..?