Sunday, November 29, 2009

ဒဏ်ရာဟောင်း…

မနေ့က ကျောင်းစာကြည့်တိုက်ကို သွားဖြစ်တယ်။ ဆရာမက အဲဒီမှာ ပွတ်ရ်ှကင်ရဲ့ ကဗျာမှာ အသုံးများတဲ့ စကားလုံးတွေ ချည်းပဲ ရေးထားတဲ့ အဘိဓာန်ရှိတယ်တဲ့။ သွားရှာကြည့်ဆိုတာနဲ့ သွားဖြစ်တာ။ ဟိုရောက်တော့ အဲဒီအဘိဓာန်တော့ မတွေ့ဘူး ပွတ်ရ်ှကင်ရဲ့ ကဗျာစာအုပ်ပဲတွေ့တယ်။ (ကဗျာဆိုတာထက် လင်္ကာလို့ပြောရင် ပိုမှန်မလားတော့ မသိဘူး။) လင်္ကာသွားနဲ့ရေးထားတဲ့ ၀တ္ထုဆိုရမှာပေါ့။ ကျွန်တော်တို့ဆီက ဦးပုညရဲ့ ဆဒ္ဒန်ဆင်မင်းဝတ္ထုတို့၊ ရေသည်ပြဇာတ်တို့လို လင်္ကာသွားနဲ့ရေးထားတာ။ ယုန်ထောင်ကြောင်မိဆိုပေမယ့် မိတဲ့ကြောင်ကလည်း ကြီးတယ်လေ..ဟီး။ ပုံမှန်အရဆိုရင် ကျောင်းစာကြည့်တိုက်က အဲဒီစာအုပ်မျိုးတွေ ထားခဲတယ်။ ဘာသာရပ်ဆိုင်ရာ စာအုပ်တွေလောက်ပဲ ထားတာ။ ဒီတစ်အုပ်ကတော့ ဘယ်လိုရောက်နေလည်း မသိဘူး။ ကျောင်းစာကြည့်တိုက်ဆိုပေမယ့် အမှန်ပြောရရင် ကျွန်တော်တို့ အဆောင်ရဲ့ စာကြည့်တိုက်ပါလေ။ အဲဒါကြောင့်လည်း သေးသေးလေးဖြစ်နေတာ။ ကျောင်းရဲ့ မူရင်းစာကြည့်တိုက်ကြီး ရှိသေးတယ်။ သူကတော့ ပိုစုံတာပေါ့။ နောက်ကျရင်တော့ ဆရာမကို မြို့ထဲက "တက္ကသိုလ်များစာကြည့်တိုက်"ကို လိုက်ပို့ခိုင်းရမယ်။ ဆရာမကတော့ ပြောနေတာကြာပြီ။ ကျွန်တော်က ကိုယ့်အခြေအနေ ကိုယ်သိလို့ ( အဲလောက်မှ မကောင်းသေးတာ ဘာသာစကားက) မပို့ခိုင်းတာ. J

ထားပါတော့လေ။ ဘာတွေလေကြောရှည်နေမိတယ် မသိဘူး။ အဓိက က အဲဒီထဲက ပွတ်ရ်ှကင်ရဲ့ ကဗျာလေး တစ်ပိုင်းတင်မလို့။ ကဲမရှည်တော့ဘူးဗျာ။

Я вас любил: любовь ещё, быть может,

В душе моей угасла не совсем;

Но пусть она вас больше не тревожит;

Я не хочу печалить вас ничем.

Я вас любил безмолвно, безнадежно,

То робостью, то ревностью томим;

Я вас любил так искренно, так нежно,

Как дай вам бог любимой быть другим.

(А.С.Пушкин)

ငါမင်းကိုချစ်ခဲ့တယ်: အချစ်က..ဖြစ်ချင်ဖြစ်နေလိမ့်မယ်

ငါ့နှလုံးသားထဲက လုံးဝပျောက်ကွယ်မသွားတော့တာမျိုးလေ

ဒါပေမယ့်..

မင်းကိုထပ်ပြီး မနာကျင်စေရပါဘူး..

ငါက ဘာအတွက်နဲ့မှ မင်းကို စိတ်ဆင်းရဲစေချင်ခဲ့တာမှမဟုတ်ပဲကွယ်….။

ငါကမင်းကို….

မျှော်လင့်ချက်မဲ့စွာနဲ့ တိတ်တဆိတ် ချစ်ခဲ့တာပါ…

မ၀ံ့ရဲတဲ့စိတ်နဲ့ သ၀န်တိုစိတ်တွေက လောင်မြှိုက်စေတယ်

ငါကတော့မင့်ကို နူးညံ့ရိုးသားစွာ ချစ်ခဲ့တာပါ

ဘုရားသခင်အလိုကျ မင်းအချစ်ဆုံးကတော့ တခြားတစ်ယောက်ဖြစ်ခဲ့တယ်။

(ပွတ်ရ်ှကင်)

ဒဏ်ရာတစ်ချို့ကို သတိရမိလို့ပါ။ ရသမပေါ်ဘူးဆိုရင်တော့ ကျွန်တော့်ရဲ့ ညံ့ဖျင်းမှုပါ။ အမှားရှိရင်လည်းထောက်ပြကြပါ။ ရက်ရက်စက်စက်
ဝေဖန်တာကို ထက်ထက်မြက်မြက်ဖြစ်ဖို့ အခွင့်အရေးလို့ မှတ်ပါ့မယ်။ တကယ်တော့ ကျွန်တော့် ရုရှားစကားအဆင့်အတန်းက မူလတန်းသာသာပဲရှိပါတယ်။ အများကြီးလိုပါသေးတယ်။ ခုဟာက ဖတ်မိရင်း ဒဏ်ရာဟောင်းလေးတွေ ပေါ်လာလို့ တင်ဖြစ်သွားတာပါ။


အလွမ်းပြေ..





ဒီနေ့ အပြင်သွားရင်းနဲ့ ရှားရှားပါးပါး သရက်သီးတွေတွေ့လို့ ၀ယ်လာခဲ့တယ်။ နှစ်လုံးထဲပါ။ မြန်မာငွေနဲ့တွက်ရင်တော့ တစ်လုံးကို ၁၆၀၀ လောက်ကျမယ်နဲ့တူတယ်။ အိမ်မှာ သရက်သီးပေါ်ချိန်ဆို အမုန်းစားနေရတာ။ ဒီရောက်မှပဲ ဒီဈေးပေးပြီး စားရတယ်။ ဒါတောင်ဒီကထွက်တဲ့အသီးမဟုတ်ဘူး။
တခြားနိုင်ငံက ပို့တဲ့အသီးတွေ။ ပြီးတော့ ဈေးကြီးလို့ ကောင်းလားဆိုတော့လည်း အဲလောက်ကြီးကောင်းတာမဟုတ်ဘူး။ ရေနံသီးလိုလို ဘာလိုလိုနဲ့။ ဒါပေမယ့် မစားရတာပဲ နှစ်နှစ်လောက်ရှိပြီဆိုတော့ အလွမ်းပြေပေါ့။ အားလုံးလည်း အလွမ်းပြေပေါ့နော...။ကြည့်ကြပါဦး။ (တကယ်ကတော့ ကြွားတာ..ဟီး)




စောင်းလျားသီးလည်းတွေ့တယ်။ ဒါပေမယ့် မြန်မာငွေနဲ့ တစ်လုံးကို ၃၆၀၀ လောက်ဆိုတော့ မစားတော့ဘူးလို့ ..ဟီး ချွေတာရေးလေ။ ဟုတ်တယ် မြန်မာနိုင်ငံမှာဆို ရောင်းရင် ဘယ်သူမှ သိပ်ဝယ်စားတာမဟုတ်တဲ့ဟာကို
ဒီမှာ သုံးထောင့်ခြောက်ရာဆိုတော့ တော်ပြီ။ တကယ်အံဩတာ။ ဘယ်ကသွင်းလည်းတော့မသိဘူး။ ဒီကတော့ မဟုတ်တာ သေချာတယ်။ ဒီရောက်မှာ ပန်းသီးက ဖောဖောသီသီ စားနေရတယ်။ နွေရာသီဆို ၀ယ်စားစရာတောင်မလိုဘူး။ ဆရာမတွေက သူတို့ အပင်ကရတာတွေကို လာလာပေးနေတာ။ မြန်မာနိုင်ငံမှာတုန်းက ပန်းသီးကို ဈေးကြီးပေးစားရတယ်။ ခုတော့ ပြောင်းပြန်။ စောင်းလျားသီးကို ဒီဈေးမျိုးနဲ့တွေ့ရလိမ့်မယ် မထင်မိဘူး။



ဒီကောင်က မင်းကွတ်သီး။ ဈေးကသိပ်မရှိပါဘူး။ သောင်းခြောက်ထောင်လောက်ပါ။ မြန်မာငွေနဲ့လေ။ ၀ယ်လာတယ်ထင်လို့လား။ ဟင့်အင်း ကိုင်ယုံပဲကိုင်ကြည့်လာတယ်။ ၀ယ်မစားတော့ဘူး။ မြန်မာနိုင်ငံရောက်မှပဲစားတော့မယ်။ ဈေးနှုန်းကို စိတ်နာတယ်။
ချွေတာရေးလေ။ အဲလောက်ထိမချမ်းသာသေးဘူး။ :)

Friday, November 27, 2009

တွေးတတ်ပါ့...


> : လက်ထပ်ခွင့်ပန်ပြီးတဲ့အချိန်-
>
>
>
အမျိုးသား- အင်း နောက်ဆုံးတော့လည်း အကြာကြီးစောင့်ရကျိုးနပ်ပါတယ်
>
အမျိုးသမီး- ဟင်းနော်....ထားသွားလိုက်ရမလား?
>
အမျိုးသား- အမယ်လေး စိတ်ကူးထဲတောင် မထည့်လိုက်ပါနဲ့
>
အမျိုးသမီး-- တကယ် ချစ်ရဲ့ လားဟင်?
>
အမျိုးသား- ဒါပေါ့ ဒီထက်တောင်ပိုသေးတယ်
>
အမျိုးသမီး- ကျွန်မကို အရူးလုပ်မှာလား
>
အမျိုးသား- ဘုရားစူးရစေရဲ ဒီမေးခွန်းမျိုး မေးတောင်မမေးပါနဲ့လား
>
အမျိုးသမီး- ကျွန်မကို နမ်းချင်သလား ဟင်?
>
အမျိုးသား- အချိန်မရွေးပဲ
>
အမျိုးသမီး- နှိပ် ကော နှိပ်စက်မှာလား?
>
အမျိုးသား- မင်းရူးများရူးနေလားကွာ
>
အမျိုးသမီး- ကျွန်မ မောင့်ကို စိတ်ချရပါတယ်နော်?
>
အမျိုးသား- အင်း
>
အမျိုးသမီး- မောင်ရယ်...
>
>
လက်ထပ်ပြီးတဲ့အခါ....
>
အပေါ်က စကားလေးတွေကို အောက်ကနေသာ ပြန်စဖတ်လိုက်ပါ

သဘောကျလို့တင်လိုက်တာပါ။ ရေးတဲ့လူကတော်တော်ကို တွေးတတ်တဲ့လူပဲ။ အဖွင့်အပိတ်ကို ညီအောင်တွေးတတ်တယ်။ ဘယ်သူရေးမှန်းတော့မသိဘူး။ ဒီလိုပဲလျှောက်ပတ်မွှေရင် တွေ့ထားတာလေ။

Thursday, November 26, 2009

We say!

ကျွန်တော်တို့ပြောကြတယ်…. "မင်းရှိနေပေးလို့ကျေးဇူးပါပဲ" တဲ့။ "မင်းကိုချစ်တယ်"လို့ မပြောနိုင်တဲ့အခါမျိုးမှာပေါ့။

ကျွန်တော်တို့ပြောကြတယ်…. "ဘာအတွက်ဆက်လက်ရှင်သန်ရမှာလဲ" တဲ့။ တစ်ယောက်ယောက်ရဲ့

ဖျောင်းဖြမှုကို လိုချင်တဲ့ အခါမျိုးမှာပေါ့။

ကျွန်တော်တို့ပြောကြတယ်…. "အေးလိုက်တာ" တဲ့။ တစ်စုံတစ်ယောက်ရဲ့ ထွေးပိုက်မှုကို လိုချင်တဲ့အခါမှာပေါ့။

ကျွန်တော်တို့ပြောကြတယ်…. "ငါမအားလို့ဖုန်းမကိုင်မိတာ" တဲ့။ အဲဒီဖုန်းသံဟာ

ပျော်ရွှင်ခြင်းတွေ သယ်လာမယ့်ဖုန်းသံ မဟုတ်ဘူးဆိုတာ ၀န်ခံရမှာ မျက်နှာပူတဲ့

အခါမျိုးမှာပေါ့။

ကျွန်တော်တို့ပြောကြတယ်…. "ငါ့ကို ဘယ်သူမှမလိုအပ်ကြဘူး" တဲ့။ တကယ့်တကယ် ဘယ်သူတစ်ဦး တစ်ယောက်ကမှ ငါတို့ကို မလိုအပ်တော့တဲ့ အခါမှာပေါ့။

ကျွန်တော်တို့ပြောကြတယ်…." ငါလုပ်နိုင်ပါတယ်" တဲ့။ အကူအညီတောင်းဖို့ ခက်ခဲနေတဲ့အချိန်မှာပေါ့။

ကျွန်တော်တို့ပြောကြတယ်…. "မင်းဟာငါ့ရဲ့ သူငယ်ချင်းကောင်း တစ်ယောက်ပါ"တဲ့။ အဲဒီစကားပြောတဲ့အခါမှာတော့ "ဒါပေမယ့် သူငယ်ချင်းထက်ပိုလာမှာမဟုတ်ဘူး"ဆိုတာကိုတော့ ပြောဖို့မေ့နေတတ်ကြတယ်။

ကျွန်တော်တို့ပြောကြတယ်…. "အဲဒါက အရေးမကြီးပါဘူး" တဲ့။ အဆင်ပြေနိုင်ဖို့ ရွေးချယ်စရာ မရှိတော့ဘူးဆိုတာ သိလိုက်တဲ့အချိန်မှာပေါ့။

Wednesday, November 25, 2009

သိပ်ချစ်တယ်...

ကျွန်တော်လည်း ချစ်တာပေါ့

ဒါပေမယ့်..

သူ့ဆန်စား“ရဲ” ရမယ်တဲ့

မရဲသော်လည်းပြေးခဲစေ

မျှော်လင့်ချက်တွေသေခဲ့ပြီ

ကောင်းကင်အသေရဲ့ ကြယ်အသေ

ငါကလူရည်ချွန်နိုင်ပါ့မလား..?

တောင့်တပေမယ့်မရခဲ့တဲ့

ရင်ဘတ်ထဲကကြယ်

နှလုံးသားထောင့်လေးမှာ ပြာဖုံးနေတယ်

ချစ်တာတောင် ရဲရဲမချစ်ရဲနိုင်တဲ့ငါ့ကို ...နားလည်ပါ။

ပြုံးနေပေမယ့်

(ငါလည်း)

အမုန်းမခံချင်ပါဘူး..

စာပန်းချီ....


copy from here.



Monday, November 23, 2009

ငါ့ဘ၀

ဂျစ်ပစီတစ်ယောက်မှာ အိမ်မရှိဘူး

ငါ့အိမ်ကပြန်ရောက်ဖို့ရာ အဝေးမှာ..

နောက်ကိုလှည့်ကြည့်တော့ "အတိတ်"

အနာဂတ်အကြောင်းတွေးတိုင်း အတိတ်ကအနာပေါ်လာတယ်။

အချို့ဒဏ်ရာတွေက ဘယ်တော့မှမကျက်ဘူးကွယ်……

ထိတိုင်းနာတယ်။ ။

လက်မြောက်ပြီးထွက်သွားဖို့အရေး ငါ့လက်တွေလေးခဲ့ဖူးတယ်

ခုချိန်ထိ ငါ့ကိုယ်ငါ အပြစ်တင်မဆုံးရှိဆဲပဲ…..

တကယ်တော့ အံစာတစ်တုံးလို ကျရာပွင့်ပြခဲ့ရတာပဲလေ

Sunday, November 22, 2009

စိတ်ညစ်တယ်..

တစ်ခါတစ်လေတော့လည်း ငါစဉ်းစားမိတယ်။ နင့်အချစ်ကို ရဖို့ကြိုးစားနေမိတဲ့ငါဟာ သံလိုက်တစ်ချောင်းရဲ့ တောင်ဝင်ရိုးစွန်းနဲ့ မြောက်ဝင်ရိုးစွန်းကို သပ်သပ်စီခွဲထုတ်ဖို့ ကြိုးစားသူလို ဖြစ်နေပြီလားလို့။ တကယ်တော့လည်း အချစ်ဆိုတာ ဘာမှမဟုတ်ရပါလားကွယ်။ မိန်းမတစ်ယောက်ရဲ့ ရင်ခုန်သံကို ခန့်မှန်းဖို့က အဲလောက်ခက်ခဲမှန်း မသိခဲ့ရပါလား။

တကယ်တော့ ငါက ချစ်နေတာမဟုတ်ဘူး စွဲလမ်းနေတာပါ။ ငါဘာကိုများ စွဲလမ်းနေမိပါလိမ့်?

ကြင်နာတတ်တဲ့ အပြုအမူတွေကိုလား? ဒါမှမဟုတ် ချိုသာတဲ့စကားသံကိုလား? နူးညံ့လှပတဲ့ လက်ချောင်လေးတွေရဲ့ အထိအတွေ့ကိုလား?

ဟင့်အင်း! လို့ ငါငြင်းတယ်။ ငါဘာကိုမှမစွဲလမ်းချင်လို့ပါ။ ဘုရားစူးရစေ့ ငါအိပ်ချင်နေတယ်။ တကယ်တော့ အရာအားလုံး အသစ်ကပြန်စတယ်ဆိုတာ စိတ်ကူးနဲ့တောင် မဖြစ်နိုင်ပါဘူး။

ဘယ်မြစ်ထဲကိုများ မင်းကနှစ်ခါဆင်းချင်သေးတာလဲ?

တကယ်တော့ ငါကရူးမိုက်စွာ အတ္တကြီးချင်တာပဲ။ မလုပ်နဲ့နော်။ မင်းလုပ်သင့်တာတွေ အများကြီးရှိပါသေးတယ်ကွယ်။ လောကကြီးမှာ မေးခွန်းတွေ သိပ်များလွန်းတယ်။

ဘယ်သူများအောင်မှတ်ရခဲ့ကြသလဲ..?

ရှုံးမယ်မှန်းသိရဲ့နဲ့တိုက်ရတာ တစ်ခါတစ်လေတော့လည်း ရင်နာစရာကောင်းတယ်ကွယ်….။ ဘ၀မှာတစ်ချို့တိုက်ပွဲတွေက ရှောင်လွှဲခွင့်မရှိဘူးလေ။ တိုက်ပွဲထဲမှာ အရှုံးကို ရွေးပြီးတိုက်ရတာတွေကိုလည်း ရင်နာနာနဲ့ ကြုံဖူးတယ်။

ကောင်မလေးရေ…

ငါကတော့ နင့်ကိုချစ်မိကတည်းက ရူးသွပ်နေတာဖြစ်ပြီး..

နင်ကတော့ ငါ့ကို ပြန်မချစ်ကတည်းက ရူးသွပ်သွားတာဖြစ်တယ်။

ငါတို့နှစ်ယောက်များ ချစ်သွားကြရင် ဘာများဖြစ်လာမှာပါလိမ့်..?

မချိပြုံး..




နောက်တစ်ရက်၊ နောက်တစ်မနက်နဲ့

ဘယ်ထိဆက်ပြီး မိုက်တွင်းနက်ရဦးမှာလဲ...?

ဘ၀ဆိုတာက လက်ရာကြမ်းတဲ့ ပန်းတစ်ပွင့်ပဲလေ....

အထဲကရနံ့ကို ဘယ်သူများသိမှာလဲ...?

ပြုံးလိုက်စမ်းပါ..!

ဟင့်အင်း.....မလုပ်ပါနဲ့

“မချိပြုံး”ဆိုတာ ဘယ်တုန်းကမှ မလှခဲ့ဘူးလေ။ ။

ပဲ့တင်သံ



သစ်ရွက်ဖျားက ဆင်းချလာစဉ်ကတော့.........

ပေါ့ပေါ့ပါးပါးပါပဲ။ ။

အဓိပ္ပာယ်တွေ အပိုင်းပိုင်းပြတ်တဲ့နေရာမှာ

ဘယ်အကိုင်းမှာ နားရမှာတဲ့လဲ...?

ငါက ပျောက်သွားတဲ့ပဲ့တင်သံကိုမှ

လိုက်ရှာမိသူလို....!

နိုးလာတဲ့အိပ်မက်ကိုမှ

“ဆက်ရန်”စာတန်းထိုးချင်သူလို

နင့်အချစ်ကိုမှ ရချင်ခဲ့မိတယ်။ ။

ကောင်မလေးရယ်........

နင်က.....ငါ့အတွက်တော့

ပဲ့တင်သံမထွက်တဲ့ တောင်နံရံတစ်ခုပဲ...............

အမှား......



ဘယ်သူသိလို့လဲ...?

နောက်ပစ်ထားတဲ့လက်ထဲမှာ ပန်းတစ်ပွင့်ပါတာ။

မထင်မှတ်ပဲ...

နင့်ရင်မှာစိုက်နေတဲ့ ဓါးက

ငါ့ပယောဂကင်းခဲ့ပါတယ်.........။

Friday, November 20, 2009

ဘာတွေလဲ...?

၁။ ဆုံးရှုံးသွားတဲ့အချိန်မှ မိမိပိုင်ဆိုင်ခဲ့တာကို သိတယ်။

၂။ မှတ်သားသင့်တာကိုမှတ်သားပြီး မေ့သင့်တာကိုမေ့ရမယ်။ ပြောင်းလဲနိုင်တာကို ပြောင်းလဲပြီး မပြောင်းလဲနိုင်တာကို သင်လက်ခံနိုင်ရမယ်။

၃။ မျက်ရည်စက်တွေဟာ ၀မ်းနည်းမှုကို မှတ်မှတ်ရရဖြစ်စေတယ်။

၎။ သူ့အတွက်နဲ့မျက်ရည်မကျသင့်ဘူး။ သူသင့်ကိုချစ်တာမှန်ရင် သူ့အတွက်နဲ့မျက်ရည်ကျတော့မယ်ဆိုရင် သူကသင့်ရဲ့ မျက်ရည်ကို ကျခွင့်ပေးမှာမဟုတ်ဘူး။

၅။ ကြည်နူးနေတဲ့ ချစ်သူတွေရဲ့ နှုတ်ခမ်းလေးဟာ နွေးထွေးတဲ့ အနမ်းတွေအတွက်ဖြစ်တယ်။
ရန်ဖြစ်တဲ့ ချစ်သူတွေရဲ့ နှုတ်ခမ်းကနေ ထွက်လာတာကတော့ တယောက်ကို တယောက်နာကျင်စေတဲ့ စကားတွေပါပဲ။

၆။ ပျော်ရွှင်မှုဆိုတာ တစ်ခုခုပျောက်သွားလို့ လိုက်ရှာနေသလိုပဲ ဘယ်လိုရှာရှာမတွေ့ဘူး။ ဒါပေမဲ့ မေ့သွားတဲ့အချိန်မှာု ပြန်တွေ့သလိုပေါ့။ ပျော်ရွှင်မှုဟာသင့်နံဘေးမှာပါ။

၇။ မျက်ရည်စက်ရဲ့ အပူချိန်ဟာ ၅၃၀℃ ဖြစ်တယ်။ အပြင်လောကရဲ့အေးစက်မှုကြောင့် မျက်ရည်စက်ကျချိန်မှာ ၅၃℃ သာကျန်တော့တယ်။

၈။ ချစ်ခြင်းနဲ့ အလိုလိုက်ခြင်းဟာ မတူပါဘူး။ အလိုလိုက်ရင် ဘာမှမပြောလဲရတယ်။ ဒါပေမဲ့ အချစ်မှာ အဲလိုလုပ်လို့မရဘူး။

၉။ လူ့ဘ၀မှာ ပညာရေး၊ စီးပွားရေး၊ အချစ်ရေး၊ အိမ်ထောင်ရေးဆိုပြီး စာမေးပွဲကြီးလေးခုမှာ ပျမ်းမျှအောင်မှသာ အောင်မြင်မှာပါ။ တစ်ခုထဲမှာ အာရုံစူးစိုက်နေလို့လဲ ဒီလူ့ဘ၀ မှာ အောင်မြင်မှာမဟုတ်ပါဘူး။

၁၀။ ငါးလေးကပြောတယ် သင်ငါ့ရဲ့မျက်ဝန်းထဲက မျက်ရည်တွေကို တွေရမှာမဟုတ်ဘူး။ ငါးလေးက ရေထဲမှာနေလို့ပါ။
ရေကပြောတယ် ငါးရဲ့မျက်ရည်ကို ရေကခံစားရတယ်တဲ့ ငါးလေးကရေရဲ့ ရင်ထဲမှာရှိလို့တဲ့။

၁၁။ လူ့ဘ၀ဆိုတာ လှပတဲ့ ပန်းလေးအသွင်နဲ့ သင့်ဘေးမှာရှိတဲ့သူတွေကို မွေးရနံ့နဲ့ သင်းစေရမယ်။

၁၂။ တစ်မိနစ်အတွင်းမှာ လူတစ်ယောက်ကို သိနိုင်တယ်။ တစ်နာရီအတွင်း လူတစ်ယောက်ကို နှစ်သက်နိုင်တယ်။ တစ်ရက်အတွင်းမှာ သင်သူ့ကို ချစ်နိုင်တယ်။
ဒါပေမဲ့ တသက်လုံးအချိန်တွေကုန်သွားပေမဲ့ သင်သူ့ကို မေ့နိုင်မှာမဟုတ်ဘူး။

၁၃။ သင်ဦးတည်ရာရှိနေရင် သင်ဟာဘယ်နေရာရောက်နေတယ်ဆိုတာအရေးမကြီးပါဘူး။

၁၄။ ဘယ်အရာမဆို အဘက်ဘက်သောရှုထောင့်မှကြည့်ရတယ်။

၁၅။ ဘ၀ခရီးလမ်းဆိုတာ ယုံကြည်ချက်ရှိတဲ့သူအတွက် ခင်းထားပေးပါတယ်။

၁၆။ ပျောရွှင်မှုကို ဝေမျှလိုက်ရင် ပျော်ရွှင်မှုဟာ နှစ်ဆပါ။ Sorrw share is sorrow half, Joy share is Joy double.

၁၇။ အမြင့်ဆုံးကိုမှန်း အကောင်းဆုံးကိုကြိုးစားပြီး အဆိုးဆုံးအတွက်ပြင်ဆင်ထားပါ။

၁၈။ လုပ်ချင်တဲ့အလုပ်ကို အချိန်နဲ့အခွင့်အရေး ကိုရှာပါ။
မလုပ်ချင်တဲ့အလုပ်အတွက် ဆင်ခြေကိုတော့ ရှာပါ။

၁၉။ သိရက်နဲ့ ရူးမူးနေတာ အရက်အပြင် အချစ်ပါ။

၂၀။ ငါတို့တွေ အခွင့်အရေးမရှိတာမဟုတ်ဘူး။ အခွင့်အရေးကမျက်စိရှေ့မှာပါ။ ပြန်စဖို့ သတ္တိမရှိတာပါ။

ဘယ်ကရတယ်တော့မမှတ်မိတော့ဘူး။ ဒါပေမယ့် တစ်နေရာရာက ရတာတော့သေချာတယ်။ ကိုယ်တိုင်ရေးတာတော့မဟုတ်ဘူး။ ဘယ်သူရေးတယ်ဆိုတာ မဖော်ပြနိုင်လို့ခွင့်လွတ်ပါ။

Wednesday, November 18, 2009

မျက်ဖြေလင်္ကာ..


သူတည်းတစ်ယောက်၊ ကောင်းဖို့ရောက်မူ၊ သူတစ်ယောက်မှာ၊
ပျက်လင့်ကာသာ ဓမ္မတာတည်း။

ရွှေအိမ်နန်းနှင့်၊ ကြငှန်းလည်းခံ၊ မတ်ပေါင်းရံလျက်၊
ပျော်စံရိပ်ငြိမ်၊ စည်းစိမ်မကွာ၊ မင်းချမ်းသာကား၊
သမုဒ္ဒရာ၊ ရေမျက်နှာထက်၊ ခဏ တက်သည်၊
ရေပွက်ပမာ တစ်သက်လျာတည်း။

ကြင်နာသနား၊ ငါ့အားမသတ်၊ ယခုလွှတ်လည်း၊
မလွတ်ကြမ္မာ၊ လူတကာတို့၊ ခန္ဓာခိုင်ကျည်၊
အတည်မမြဲ၊ ဖောက်လွှဲတတ်သည်၊
မချွတ်စသာ သတ္တဝါတည်း။

ရှိခိုးကော်ရော်၊ ပူဇော်အကျွန်၊ ပန်ခဲ့တုံ၏။
ခိုက်ကြုံဝိပါက်၊ သံသာစက်၌၊ ကြိုက်လတ်ထွန်မူ၊
တုံ့မယူလို၊ ကြည်ညိုစိတ်သန်၊ သခင်မွန်ကို၊
ချန်ဘိစင်စစ်၊ အပြစ်မဲ့ရေး၊ ခွင့်လျှင်ပေး၏။
သွေးသည်အနိစ္စာ ငါ့ခန္ဓာတည်း။

ဒီကဗျာလေးကတော့ ကြိုက်လို့ မှတ်တမ်းမှတ်ရာ သဘောမျိုးတင်လိုက်တာ။


လက်ဖက်စားပြီးရင် ကားမောင်းလို့ရလား...?

blog လေးမရေးဖြစ်ခင်တုန်းကလည်း မရေးဖြစ်လို့။ ခုရေးဖြစ်ပြန်တော့လည်း စရေးပြီး ဘယ်လောက်မှမကြာဘူး လူက ဖျားပြန်ရော။ စိတ်မကောင်းပေမယ့်လည်း လူက ခေါင်းမထူနိုင်လောက်အောင် ဖြစ်နေတာဆိုတော့ ဘယ်လိုမှမတတ်နိုင်ပြန်ဘူး။ ခုတော့ ဆေးတန်ခိုးလေးနဲ့ နဲနဲထူထူထောင်ထောင်ရှိတုန်း ၀င်ရေးလိုက်ပါတယ်။

------------------------------------------------------------------------------------------------------------------------------------------------------------------------

ဒီတစ်ခုကလည်း မှတ်မှတ်ရရ ပါပဲ။ ကျွန်တော်တို့ အဖွဲ့ထဲက သူငယ်ချင်းတစ်ယောက်ကို အိမ်ကပါဆယ်ထုတ်ပို့လိုက်တာ။ ကျွန်တော်တို့ မြန်မာအစားအသောက်တွေနဲ့ဝေးနေတော့ သူ့အိမ်က လက်ဖက်တွေထည့်ပေးလိုက်တယ်။ ဒီကကောင်တွေကလည်း ငါတို့မြန်မာအစားအစာတွေဘယ်လောက်ကောင်းတယ် သိရစေ့မယ်ပေါ့။ လက်ဖက်လေးနဲ့ အကြော်ဆံလေးနဲ့ ထည့်ပြီး (မှတ်မှတ်ရရ အဲဒီတုန်းက ကျွန်တော်တို့ကို သင်တဲ့ ဆရာဆရာမတွေထဲမှာ ဆရာဆိုလို့ သင်္ချာသင်တဲ့ မာရတ် ဆိုတဲ့ဆရာတစ်ယောက်ပဲရှိတာ။ )
ဆရာကို သွားကျွေးကြတယ်။ ပြီးတော့ အဲဒါအရမ်းကောင်းတယ်ပေါ့ ဆရာ တို့ဆီမှာ မရှိဘူးပေါ့ ဒီကကောင်တွေက ၀ိုင်းချီးမွမ်းခန်း ဖွင့်လိုက်တော့ တော်တော်စိတ်ဝင်စားသွားတယ်နဲ့တူပါတယ်။ ယူစားတယ်။ သုံးလေးဇွန်းစားပြီးတော့ စာဆက်သင်ကြတယ်။ အဲဒီမှာ စာသင်ရင်းက ဘယ်ကနေဘယ်လို အတွေးပေါက်ပြီး မေးတယ်မဆိုနိုင်ဘူး။ မင်းတို့ဟာစားပြီးရင် ကားမောင်းလို့ရလားတဲ့။ ငါဒီက ပြန်ရင် စိုက်ခင်းသွားမှာမို့လို့ ကားမောင်းရမှာတဲ့။ ပထမတော့ ကျွန်တော်တို့လည်း ကြောင်သွားတယ်။ ဘာလဲဟပေါ့။ လက်ဖက်စားတာနဲ့ ကားမောင်းတာနဲ့ ဘာဆိုင်လို့လဲပေါ့။ ကျွန်တော်တို့လည်း ၀ိုင်းပြီးပြောကြတယ်။ ဘာမှမဖြစ်ဘူးပေါ့။ သူ့ရုပ်ကတော့ ကြောက်နေတဲ့ရုပ်နဲ့။ တစ်ချိန်ဖြုတ်တဲ့ အခါထပ်ကျွေးတော့လည်း မစားတော့ဘူး။ ဘာကိုတွေးပြီးကြောက်သွားတယ်တော့ မဆိုနိုင်ဘူး။ ဘယ့်နှယ် မြန်မာစာကောင်းတယ်လို့ ချီးမွမ်းခံရမလားလို့ အောက်မေ့ပါတယ်။ ကားမောင်းလို့ရလားဆိုတဲ့လူနဲ့လာတွေ့နေတယ်.....။


Thursday, November 12, 2009

ကျွန်တော့် “ပရိုမီးသီးယပ်စ်”

ကောင်မလေးရေ..

“စည်းဆိုတာ မသားလည်းထင်တဲ့အရာဆိုတာ ငါမသိခဲ့ဘူးကွယ်...

အကန်းတွေမမြင်ပေမယ့် အလင်းရောင်ဟာ အလင်းရောင်ပါပဲ”တဲ့

အချစ်ကရော ငါမမြင်တဲ့ အလင်းတန်းတစ်ခုလား?

နတ်သမီးရယ်...

ငါ့ကို အလင်းရောင်တို့ပေးသနားပါတော့

ငါ့ရဲ့ ပရိုမီးသီးယပ်စ်ဟာ မင်းသာဖြစ်တယ်လေ.........။

သံသယ…….

ဘယ်လိုသံသယမျိုးတွေကို လက်သင့်ခံနေရဦးမှာလည်း။ အစကတည်းကရှုံးခဲ့ပြီးမှတော့ နှစ်သိမ့်အပြုံးတွေက ဘာလုပ်ရမှာလဲ? နှစ်သိမ့်တယ်ဆိုတာ စော်ကားခြင်း တစ်မျိုးသာဖြစ်တယ်လေ။နှစ်သိမ့်ပြုံးထက်စာရင် အမုန်းကမှ ငါ့အတွက်လှလိမ့်ဦးမယ်။ ကျိန်စာဆိုးတွေစိုးမိုးတဲ့ငါ့ဘ၀ထဲကိုမှ နင်ကအလွမ်းမိုးတွေ ရွာရက်တယ်။ နှလုံးသားတစ်ခုနဲ့တစ်ခုက နှစ်ခုမဟုတ်တော့လည်းခက်တယ်။ အပြုံးတောင်အတုလုပ်ကြတဲ့လောကကြီးမှာ ဘာကများ စစ်မှန်ဦးမှာလဲ? စက်ရုံထုတ်(ဖောဖောသီသီ) နှလုံးသားတွေနဲ့ ငါ့လာမချစ်စမ်းနဲ့ဟာ။ နံတယ်။ extra date တတ်ထားတဲ့ အချစ်တွေနဲ့ လာလာမနှောင့်ယှက်စမ်းနဲ့။ date လွန်လာရင်လည်း ကိုယ့်ကိုယ်ကို အမှိုက်ပုံးထဲ သွန်ပစ်လိုက်။ ဘာတဲ့ဆိုရင် ငါ့နှလုံးသားကိုပဲ လာလာခလုတ်မတိုက်စမ်းနဲ့။ စိတ်ရှုပ်လွန်းလို့။ ငါ့ဟာငါ တစ်ယောက်တည်း ကိုယ့်အသည်းကိုယ် ဖြည်းဖြည်းချင်းခွဲနေရတာကမှ ကဗျာဆန်လမ့်ဦးမယ်။ ဓါးတစ်ချောင်းလို ကိုယ့်ကိုယ်ကို ဓါးအိမ်ထဲထည့်ပိတ်ထားလို့ရရင် ဘယ်လောက်ကောင်းမလဲ။ အနာဂတ်ကို တောင်မလွမ်းတာ အတိတ်ကို ဘာလုပ်ရမှာလဲ။ ငါနောက်မဆုတ်ချင်ဘူးဟာ။ ကျေးဇူးပြုပြီး ငါ့ကိုနောင်တတွေမပေးပါနဲ့။

ဘယ်အချိန်ထိရှိမလဲ ငါ့နောင်တတွေ။ နောက်ဆုတ်ဖို့မစဉ်းစားပဲချစ်ခဲ့ပေမယ့် တစ်ခါတစ်လေ နောက်တွန့်မိတာကပဲ ငါ့ညံ့ဖျင်းမှုဖြစ်ခဲ့လား။ နင့်သံသယတွေက ငါ့ကိုတွန့်ဆုတ်စေတာတော့လည်း အမှန်ပဲလေ။ ငါကြောက်တယ်။ ဟုတ်တယ်လေ။ နင့်ကိုယ်နင်တောင် သံသယဖြစ်နေတဲ့အချစ်ကို ငါက ဘယ်လိုသတ္တိနဲ့ ယုံကြည်ရမှာတဲ့လဲ..? ကြိုးထုံးကိုဖြည်ချင်ရင် ကြိုးထုံးတဲ့သူကို ရှာရမယ်တဲ့။ ဒါပေမယ့် အချစ်က နင်မဖြည်နိုင်တဲ့ ကြိုးတစ်ထုံးဖြစ်ခဲ့ရင်ကော….? နင်မဖြေနိုင်တော့ဘူးမဟုတ်လား။

တကယ်တော့ နင့်သံသယဆိုတာက ငါ့အပေါ်ဖြစ်နေတာမဟုတ်ပါဘူး။ နင်မညာပါနဲ့။ နင့်ကိုယ်နင်သံသယဖြစ်နေတာပါ။ လူဆိုတာ ကိုယ့်ကိုယ်ကို ကာကွယ်တတ်တဲ့ သတ္တ၀ါဆိုတာ မေ့မထားနဲ့လေ။

ငါက နင့်ဆီမှာဘာရှိလဲဆိုတာမကြည့်ပဲ နင်ဘာလိုသလဲဆိုတာပဲ ကြည့်ခဲ့တဲ့ကောင်ပါလေ။ လိုတာတွေကြည့်ရင်းနဲ့ပဲ ပိုတာတွေ တွေ့လာရတဲ့အခါမှာ နင့်ဘ၀မှာ ငါဆိုတာ အစကတည်းက မရှိတာသိလာခဲ့ရတယ်။ တကယ်တော့ငါက ကြိုးတပ်ခံရတဲ့ပစ်တိုင်းထောင်ရုပ်သာပါ။

တကယ်တော့ နင်ရောငါပါ မမှားခဲ့ပါဘူးလေ။ ကံကြမ္မာက ပုစ္ဆာကူးမှားခဲ့တာပါ။ ငါညံ့ခဲ့တာပါ။ နဲ့ ပေါင်းတာ မဖြစ်ပဲ ဖြစ်နေတယ်ဆိုကတည်းက ငါရိပ်မိခဲ့ဖို့ကောင်းတာ။ ငါက ၁ မှမဟုတ်ခဲ့ပဲ! ငါကသုညပဲလေ။

ငါ့အပြစ်တွေပါလေ။ မေ့လျော့နေတဲ့ နှလုံးသားနှစ်ခုကို ထိပ်ပုတ်ခေါင်းပုတ် လှုပ်နိုးခဲ့တာ ငါပါ……………..

Wednesday, November 11, 2009

ဖြစ်တတ်တယ်....

ဘာလိုလိုနဲ့ ဒီရောက်တာတောင် တစ်နှစ်ပြည့်ခဲ့ပြီ။ မှတ်မိပါသေးတယ်။ မနှစ်က ဒီလိုအချိန်ပဲ ဒီရောက်တာ။ ရောက်ခါစ စကားကလည်းတစ်လုံးမှမတတ်။ ရောက်ပြီး တစိပတ်လောက်ပဲရှိမယ်နဲ့တူပါတယ်။ ဆေးစစ်ရမယ်ပေါ့။ ဆေးခန်းကိုလွတ်တယ်။ ရောက်ကာစအဖွဲ့လည်းဖြစ်၊ အရင်စီနီယာကလည်းမရှိတော့ လာအိုက 2nd year တစ်ယောက်ကို ထည့်ပေးလိုက်တယ်။ (ထည့်ပေးလိုက်တာက စကားပြန်သဘောမျိုးနဲ့၊ ကျွန်တော်တို့နဲ့လာအိုက အိမ်နီးချင်းလည်းဖြစ်၊ သူတို့အမြင်မှာ ကျွန်တော်တို့က ရုပ်ချင်းလည်းဆင်တာကိုး၊ တစ်ယောက်နဲ့တစ်ယောက်စကားပေါက်မယ်ထင်နေတာ။) ကျွန်တော်တို့က မသိဘူး သူနဲ့လိုက်သွားဆိုတော့ လိုက်သွားလိုက်တာပဲ ဘာလုပ်ရမယ်မှန်းလည်းမသိသေးဘူး။ အဲဒီမှာဆေးခန်းရောက်တော့ ဆရာဝန်မနဲ့တွေ့တယ်။ (ငယ်ငယ်ချောချောလေး...ဟီး)။ အဲဒီမှာ ဆရာဝန်မကမေးပါလေရော။ နားမလည်ဘူး။ ပြောရင်းပြောရင်းနဲ့ နားမလည်မှန်း သိသွားတယ်နဲ့တူပါတယ်။ ဘေးကပါလာတဲ့ လာအိုကို ပြောတယ်။( သူကတော့ ရောက်တာသုံးနှစ်တောင်ရှိပြီဆိုတော့ နားလည်တာကိုး) သူကလည်းနားထောင်..နားထောင်၊ ပြီးတော့ ကျွန်တော်တို့ကို ပြန်ပြောတယ်။ ရုရှားလိုတဲ့ဗျာ...။ နားမလည်ပါဘူးဆိုမှ။ ခက်ပြီပေါ့။ အင်္ဂလိပ်လိုပြောပေါ့ ကျွန်တော်တို့ကလည်း။ အဲဒီကျတော့ သူကလည်း အင်္ဂလိပ်လိုမတတ်ဘူးတဲ့ဗျာ..ကောင်းရော (ဒီကကောင်ကလည်းတတ်လို့တော့မဟုတ်ပါဘူး၊ဒါပေမယ့် အင်္ဂလိပ်လိုဆိုရင်တော့ နည်းနည်းပါးပါးတီးမိခေါက်မိသေးတာပေါ့။)
ဒါနဲ့ခက်ပြီပေါ့။ ဒါနဲ့နောက်တော့ လက်ဟန်ခြေဟန်နဲ့ အဆင်ပြေသွားတယ်။( international နဲ့ မရတော့ universal သုံးရတော့တာပေါ့လေ။) အဲဒီလိုလက်ဟန်ခြေဟန်နဲ့ပြောတော့ ဩော်.. အရပ်ဘယ်လောက်လဲ မေးတာပဲပေါ့။ ငါးပေ၈လက်မ ဆိုတဲ့သဘောနဲ့ လက်၅ချောင်းတစ်ခါ၊ ၈ချောင်းတစ်ခါ ထောင်ပြလိုက်တယ်။ ဆရာဝန်မမျက်လုံးပြူးသွားတယ်။ မဟုတ်ဘူးဆိုတဲ့ သဘောနဲ့ခေါင်းခါပြီး ထပ်မေးတယ်။ ကျွန်တော်ကလည်း ဟုတ်ပါတယ်ပေါ့။ နောက်မှသဘောပေါက်တယ်။ သူတို့ဆီမှာက စင်တီမီတာ သုံးတာကိုး။ သိမှမသိတာနော့်....။ အဲ..ခက်ပြီပေါ့။ ကိုယ့်မြန်မာက တစ်သက်လုံး လက်မနဲ့ ပေ သုံးလာတာဆိုတော့ စင်တီမီတာနဲ့ ဘယ်သိမှာတုန်း။ နောက်မထူးပါဘူးဆိုပြီး ပါလာတဲ့ လာအိုနဲ့ တိုင်းပြီး ခန့်မန်းခြေထည့်လိုက်ရတယ်။ အဲဒီမှာ တစ်ခုတော့ အဆင်ပြေသွားတယ်။ နောက်တစ်ခုထပ်မေးတယ်။ လက်ဟန်ခြေဟန်နဲ့ ပြောပြီး ကိုယ်အလေးချိန်ကိုမေးတာပဲပေါ့။ ပြောလိုက်တယ် ၁၃၀ ပေါ့။ ဆရာဝန်မ နောက်တစ်ကြိမ်မျက်လုံးပြူးပြန်ရော။ သူတို့ဆီမှာက ကီလိုသုံးတာကိုး။ နောက်သူလည်း မထူးပါဘူးသဘောနဲ့ သူ့ဟာနဲ့သူ မှန်းဖြည့်လိုက်တယ်။ နောက်တစ်ခုက မွေးနေ့မေးတာ။အဲဒီမှာပြဿနာတက်တာပဲ။ မွေးနေ့ဆိုတော့ လက်ဟန်ခြေဟန်နဲ့ လည်း သူဘယ်လိုပြရမလဲ စဉ်းစားမရဘူးထင်ပါရဲ့ တော်ကြီးစဉ်းစားနေတာ ပြီးတော့မှထအော်တယ်။ Happy birthday to you! တဲ့ သီချင်းကောက်ဆိုတယ်။ အော်..date of birth လို့ပြောဖို့ကို သီချင်းဆိုပြရတယ် သူ့ခမျာ..။
မှတ်မှတ်ရရပါပဲ....။ ဒီမှာ အင်္ဂလိပ်စကားသုံးမရပါလားဆိုတဲ့ ပထမဆုံး သင်ခန်းစာပေါ့..။

Monday, November 9, 2009

သူတို့အပြော ကျွန်တော့်အကြိုက်....

စစ်မှန်သောဘာသာရေး တစ်ခုတည်းသာရှိတယ်၊ သို့သော် ယုံကြည်မှုပုံစံများ များစွာရှိတယ်။ (အီမန်နဲယူဝဲကန့်)

He who lives only for himself is truly dead to others.
မိမိတစ်ဦးတည်းအတွက်သာ အသက်ရှင်နေထိုင်သူသည် တစ်ပါးသူတို့အတွက် အမှန်တကယ်သေသူသာဖြစ်၏။ (ပျူဘလစ်လီးယပ်စ်သိုင်းရပ်)

ကြောက်ရွံ့ခြင်းက မသိနားမလည်မှုက အမြဲပေါက်ဖွားတယ်။ (ရပ်ဝယ်ဒိုအီမာဆန်)

အယူသီးခြင်းဟာ ပျော့ညံ့သော စိတ်ရှိသူများ၏ ကိုးကွယ်ရာ ဘာသာတရားဖြစ်တယ်။ (အီမန်ဘတ်ခ်)

ကျွန်ုပ်၏ဆန္ဒများကို ပြည့်ဝအောင် အကောင်အထည်ဖော်ရန် ကြိုးစားခြင်းထက် ဆန္ဒများကို ကန့်သတ်ခြင်းဖြင့် ကျွန်ုပ်သည် ပျော်ရွှင်ချမ်းမြေ့မှုကို ရှာဖွေခဲ့တယ်။ (ဂျွန်စတူးဝပ်မီး)

“I would rather be a poor man in a garret with plenty of books than a king who did not love reading.” စာဖတ်ဝါသနာမပါတဲ့ ဘုရင်တစ်ပါးဖြစ်ရမှာထက် ထပ်ခိုးပေါ်မှာ စာအုပ်တွေ အများကြီးရှိတဲ့ ဆင်းရဲသားလေးပဲ ဖြစ်ချင်ပါတယ်" (Macaulay)

ဘ၀ဆိုတာပုံပြင်တစ်ပုဒ်ပါ၊ ဘယ်လောက်ရှည်တယ်ဆိုတာ အရေးမကြီးဘူး၊ ဘယ်လောက်ကောင်းသလဲ ဆိုတာသာ အရေးကြီးပါတယ်။ (Seneca)

Not he who has little but he who wishes for more is poor.
နည်းနည်းပဲရှိတဲ့သူက ဆင်းရဲတာမဟုတ်ဘူး၊ နောက်ထပ်လိုချင်တဲ့သူကလည်း ဆင်းရဲတာပါပဲ။ (Seneca)


“ဆရာကြီးပလေတိုကို ကျွန်ုပ်ချစ်ခင်လေးစားပါသည်၊ သို့သော် ကျွန်ုပ်သည် အမှန်တရား(သစ္စာ)ကိုကား ဆရာကြီးကိုချစ်သည်ထက် အဆတစ်ရာမက ပိုမိုချစ်မြတ်နိုးပါသည်” (အရစ္စတိုတယ်)

Both optimists and pessimists contribute to our society. The optimist invents the airplane and the pessimist the parachute.
“အကောင်းမြင်သမားရော၊ အဆိုးမြင်သမားရော လောကကြီးကို အကျိုးပြုပါတယ်၊ အကောင်းမြင်သမားက လေယာဉ်ကိုထီထွင်တယ်၊ အဆိုးမြင်သမားက လေထီးကိုတီထွင်တယ်” (Gil Stern)

If you would not be forgotten as soon as you are dead, either write things worth reading or do things worth writing.
သင်ကွယ်လွန်လျင်ကွယ်လွန်ခြင်း သင့်ကိုမမေ့စေလိုလျင် ဖတ်ထိုက်တဲ့စာတွေ ရေးချင်ရေး၊ ရေးထိုက်တဲ့အလုပ်တွေ လုပ်ချင်လုပ်ပါ။ (ဘင်ဂျမင်ဖရင်ကလင်)

လူ....လူ...လူ...လူဆိုတာ ရယ်မောခြင်းနဲ့ မျက်ရည်ကြားက ချိန်သီးတစ်လုံးဖြစ်တယ်။ Lord Byron

Sunday, November 8, 2009

မိသားစုကောင်းကင်..

မုန်တိုင်းစဲပြီးတဲ့ တစ်နေ့ပေါ့
ချစ်ခြင်းအတ္တတွေထဲ နှစ်မြုပ်နေတဲ့
ကျွန်တော်ရဲ့ စိတ်ကလေးကို ဆွဲနှုတ်လို့
ကျွန်တော် အိမ်ပြန်ခဲ့ပါတယ်
နွေးထွေးမှုတွေရှိရာ…
အမေ့ရဲ့ မနက်ခင်းများရှိရာ ကိုပေါ့…

အဖေပေးတဲ့ ၀က်ခ်ကင်းရှုးလေးက
ကျွန်တော့်လမ်းတစ်လျှောက် ခြေရာတွေကို ညင်သာစေခဲ့ပါတယ်
အခုတစ်လောတော့
အမေရဲ့ ဆူဟောက်ညီးထွားသံမှ မကြားရရင်
ကျွန်တော့်မှာ
ညဘက်, ညဘက် အိပ်ပျော်အောင် မနည်း ကြိုးစားနေရတယ်
ကျွန်တော်က လိမ္မာတဲ့ သားဆိုးပါ အမေ …

အဖေအမေတို့ရဲ့ ‘မိသားစုမိုး’ လေးမှာ
ကျွန်တော်လည်း တက်ညီလက်ညီ ရွာချင်ပါတယ်
အဖေဆာလောင်တဲ့ ထမင်းဝိုင်းလေးကို
ကျွန်တော်လည်း ဆာလောင်တာပေါ့ အမေရယ်
ကျွန်တော်လည်း ကျွန်တော် တတ်သလောက်မှတ်သလောက်တော့ ရွာနိုင်မှာပါ

ဒီည အိပ်မက်ထဲမှာ
ကျွန်တော် ငှက်ကလေးဖြစ်သွားလိမ့်မယ်
မိသားစုကောင်းကင်မှာ ပျံဖို့ …။ ။
s-spot

ဒီဆိုဒ် လေးကကူးထားတာပါ။အရမ်းကြိုက်လို့။ ရေးတဲ့သူကတော့
s-sport တဲ့။ အိမ်လွမ်းသူတွေခံစားဖို့ပါ။

ကျွန်တော်=

ငါ ဆိုတာ ပျံသန်းချင်တဲ့

ငှက်တစ်ကောင်ပေါ့

ငါ့ခြေမှာ မြေမှုန်တွေပေနေရုံနဲ့တော့

ကောင်းကင်ကို ပိတ်မထားပါနဲ့

ရောင်နီမ၀င့်ခင် ပွင့်ခဲ့ရတဲ့ပန်းမို့

နွမ်းချင်လည်း နွမ်းနေလိမ့်မယ်

သေချာတာကတော့.........

နေ၀င်ချိန်ထိ

ငါ့ရနံ့တွေကို ထုတ်လွှတ်သွားမယ် ဆိုတာပဲ............။

နေ့စဉ်..........ဘ၀

နံနက်ခင်းနေရောင်က မျက်နှာပေါ်လာထိုးတယ်။

အဲဒီကစ..နေ့စဉ်အတိုင်း

စာအုပ်တွေကိုင်ပြီးတက်သွားတယ်..

စာအုပ်တွေကိုင်ပြီးဆင်းလာတယ်...

ခေါင်းလောင်းသံတစ်ခုနဲ့တစ်ခုကြား

တဟားဟား ရယ်မယ်

နောက်...တနင်္ဂနွေကိုမျှော်တယ်...

တနင်္ဂနွေတစ်ခုနဲ့တစ်ခုကြား ချစ်သူကိုလွမ်းတယ်....

မချစ်မနှစ်သက်သူဆီ ပျံသန်းဖို့တောင်ပံ

ဘယ်လိုတန်ခိုးရှင်မျိုးက တတ်နိုင်မှာတဲ့လဲ..

ချစ်သူရဲ့ မျက်လုံးစိမ်းစိမ်းဆိုတာ ကြောက်မက်ဖွယ်ရာကွဲ့××××

နောက်ဆုံးက စ ရင်တောင် ပထမ မဖြစ်ခဲ့ဖူးပါဘူး

ဒီလိုနဲ့စိတ်ကူးနဲ့ပဲ ရူးတတ်ခဲ့တာလည်း ကြာပြီ............။

ရေမပါတဲ့အိပ်မက်တွေကိုပဲ သောက်ခဲ့ရတော့

နှလုံးသားက ကန္တာရဖြစ်နေတာလည်း ကြာပြီ.......။

အစသိပြီး အဆုံးမရှိသေးတဲ့

ဒီလမ်းကို လျှောက်ခဲ့ရတာလည်းကြာပြီ........။

လျှောက်တိုင်းမရောက်ပေမယ့်

ရပ်မရခဲ့တာလည်း ကြာပြီ..............။

ကဗျာရွတ်သူများ.............

တစ်ဆက်တည်းပြောလိုက်သည်။

“ဒီလိုနေ့မျိုးပဲဗျ သူ့ကိုကျွန်တော်စတွေ့တာ။ ခုလောက်တော့ဆိုင်ထဲမှာလူမရှိဘူးပေါ့လေ။”

ဘေးနားရှိ ၀ိုင်းတစ်ဝိုင်းမှ ရယ်သံတစ်ချို့ ဖိတ်လျှံလွင့်စင်လာသည်။ သူက စီးကရက်အစီခံကို မီးခြစ်ကိုယ်နဲ့ တတောက်တောက်ခေါက်ရင်း စကားကိုဆက်လိုက်သည်။

သောက်လက်စ လက်ဖက်ရည်ခွက်ကို စားပွဲပေါ်အသာအယာချလိုက်သည်။ ပြီးနောက် သူ့ရှေ့ကလူကို

“အဲဒီညက နတ်သမီးက ဘီလူးနက္ခတ်နဲ့ ၀င်လာခဲ့တာ။ ဒီစားပွဲမှာပဲ ပန်းတစ်ပွင့်ကြွေကျခဲ့ တာပေါ့။ အဲဒီနတ်သမီးကပြောခဲ့တယ်။ လောကကြီးက ကျဉ်းကျဉ်းလေးပါတဲ့။ မရှာဘဲနဲ့တောင် တွေ့တတ်လွန်းလို့တဲ့။ ပန်းတစ်ပွင့်ရဲ့အလှအပကြောင့်ရော ၊ ဘာမှန်းမသိတဲ့အကြောင်း အရာတွေကို ရုတ်တရက်သိလိုက်ရခြင်းကြောင့်ပါ ကျွန်တော် ဆွံ့အနေခဲ့မိတယ်။ ပြီးတော့ နတ်သမီးက ကဗျာတစ်ပုဒ်ရွတ်ပြသွားတယ်။”

“အားလုံး…အားလုံးအတွက်
ငါမင်းကိုကျေးဇူးတင်ခဲ့ပါတယ်
ခပ်ခါးခါးမျက်ရည်တွေရယ်
အဆိပ်ပြွမ်းတဲ့အနမ်းတချို့နဲ့အတူ
တိတ်ဆိတ်ပြင်းထန်တဲ့ နာကျင်မှုတွေအတွက်
တစ်လျှောက်လုံး မင်းလှည့်စားခဲ့တာတွေအတွက်
ကျေးဇူးပါပဲ……....။”
(Anna)

နှုတ်ခမ်းထက်မှ စီးကရက်တိုကို လွင့်ပစ်လိုက်သည်။ စားပွဲပေါ်မှ အေးစက်နေပြီဖြစ်သော လက်ဖက်ရည်
ကိုတစ်ကျိုက်မျှသောက်လိုက်သည်။ ထိုအခိုက်အတန့်လေးမှာပင် သူ့ရှေ့မှလူ သက်ပြင်းချတာ သုံးခါတိတိရှိပြီဖြစ်ကြောင်း သူသတိထားမိလိုက်သည်။ သူတို့စကားဝိုင်းလေးက ခဏတဖြုတ်တော့ တိတ်ဆိတ်သွားသည်။ အတန်ကြာမှ သူ့ရှေ့မှလူက စကားစသည်။

“ဖြစ်နိုင်ရင် ဒီအကြောင်းကိုပြန်မပြောချင်ဘူးဗျာ။ ဒါပေမယ့် မျိုသိပ်ထားဖို့ကလည်း အချိန်မရွေး
ပေါက်ကွဲနိုင်တဲ့ ဗုံးတစ်လုံးကို ရင်ဘတ်ထဲထည့်ထားရသလိုပဲ။ ပင်ပန်းလွန်းတယ်ဗျ။
တကယ်တော့ အဲဒီညက ဓားတစ်လက်ရဲ့ကျိန်စာတွေ ဖြိုးဖြိုးဖျောက်ဖျောက် ရွာသွန်းတဲ့ ညပါပဲလေ။ သူ့ကိုစတွေ့တွေ့ချင်းပဲ ဓားတစ်လက်ရဲ့ အေးစက်မှုနဲ့ တည်ငြိမ်မှုတွေ ဖြာထွက် နေတာ သတိထာမိခဲ့တယ်။ သူကပြောတယ်“ ဒီမှာမိတ်ဆွေ ကျွန်တော်က နဂါးမှန်းသိအောင်
အမောက်ကြီးတထောင်ထောင်နဲ့ မနေတတ်ဘူးဗျ။ ဒါပေမယ့် လိုအပ်လာရင်လဲ မျက်စောင်းထိုး
ဖို့ ၀န်မလေးတတ်ဘူး။ ထားလိုက်ပါတော့လေ။ ပြီးတာတွေလဲ ပြီးသွားပါပြီ။ ဒါပေမယ့် ကဗျာတစ် ပုဒ်လောက်ရွတ်ပြချင်တယ်။ အဲဒီကဗျာဆုံးသွားရင်တော့ ခင်ဗျားကျွန်တော့ကို နားလည်သွား မှာပါ ”

အတောင်ပါတာချင်းအတူတူ
ပျံမရတာက ငါ့ညံ့ဖျင်းမှုတဲ့လား
ကျားသနားမှ နွားချမ်းသာရမယ်ဆိုရင်တော့
စားသာစားလိုက်ပါတော့ကွယ်...
ငါက..သနားစဖွယ်မဟုတ်ပေဘူး
တွေးမိတိုင်းရင်နာတယ်ပြောရင်
မတွေးဘဲနေပါလားလို့ ပြောကြလိမ့်ဦးမယ်..
မင်းတို့ပဲ….နေကြည့်
ဂျစ်ပစီတစ်ယောက်ရဲ့ရင်ခုန်သံဟာ
နည်းနည်းတော့ အရိုင်းဆန်လိမ့်မယ်
ဘ၀တစ်လျှောက်လုံး
သွားတွေက အောက်နှုတ်ခမ်းတွေကို
လွတ်ခဲ့ရတယ်လို့မှမရှိပဲ..
မြင်းကောင်းတောင် ခွာလိပ်သေးတာပဲ
ငါကနဂိုကတည်းကအကျိုး
ရနိုးနိုးနဲ့ ပျိုးမိသူ……...

“ကျေးဇူးပဲဗျာ။ ဟန်ဆောင်ပြီးတော့ ၀မ်းသာပါတယ်လို့မပြောနိုင်ပေမယ့်ပေါ့လေ။ သူ့ကို ကောင်းကောင်းစောင့်ရှောက်လိုက်ပါလို့လဲ မပြောတော့ပါဘူး။ ခင်ဗျားကို ကျွန်တော်ယုံတယ်။”

စကားဆုံးသွားတော့ သူ့ရှေ့ကလူက သက်ပြင်းတစ်ချက်ကို ခပ်လေးလေးချသည်။ ထို့နောက် ဆက်ပြောသည်။

“ပြောရင်ယုံမလား တော့မသိဘူး။ ခင်ဗျားလိုပဲ ကျွန်တော်လည်း သူ့ကိုမသိဘူး။ သူဘာတွေပြော သွားမှန်းလည်း ကျွန်တော် မသိဘူးဗျ။ ဒီလိုနဲ့ပဲ ကျွန်တော်လည်းဒီဇာတ်လမ်းထဲ ပါလာခဲ့တာ။ ကဲ..ကျွန်တော့်တာဝန်လည်းပြီးပြီ။ ခွင့်ပြုပါဦး။”

သူ့ရှေ့ကလူထွက်သွားသည်ကို သူငေးကြည့်နေမိသည်။ တကယ်တော့ အဲဒီလူစောင့်နေသူမှာ သူမဟုတ်သလို သူစောင့်နေသူမှာလည်းထိုလူမဟုတ်ပေ။သူ့ရင်ထဲမှာတော့ ရှင်းမပြတတ်သော ပုစ္ဆာတွေ
တသီကြီးကျန်ခဲ့သည်။ ထိုစဉ် သူမျှော်လင့်နေသော အသံကိုကြားလိုက်ရသည်။

“မောင်…စောင့်ရတာကြာလို့ပျင်းနေပြီလား”
“ဟင့်အင်း.. မပျင်းပါဘူး”
“ဒါနဲ့ စောနက မောင်နဲ့အတူထိုင်နေတာ ဘယ်သူလဲဟင်”
“အမှန်အတိုင်းပြောရင် ကိုယ်လည်းအဲဒါပဲ သိချင်နေတာ”
“မောင့်ဟာက ဘယ့်နှယ်ကြီးလဲ”
“ထားလိုက်ပါကွာ။ လာခဏလောက်ထိုင်ဦး။ ကဗျာတစ်ပုဒ်ရွတ်ပြစရာရှိတယ်။”

“ဘ၀မှာ…
မျက်နှာချင်းဆိုင်ရလွန်းတော့လည်း
လူချင်းမှားပြီး
နှုတ်ဆက်မိတာတွေများလွန်းတယ်။
ကောင်မလေးရေ...
“မင်္ဂလာပါ”
မင်းကိုငါ လူမှားခဲ့ပါသလား”

သူငယ်ချင်းလို့ပြောတာပဲ.........

ကျွန်တော့်တွင် သူငယ်ချင်းကောင်မလေးတစ်ယောက် ရှိခဲ့ဖူးသည်။
သူမ၏ အမည်မှာ သုံးလုံးဖြစ်၍ စနေနံနှင့်စပြီး အင်္ဂါနံနှင့်ဆုံးပါသည်။ ကျွန်တော်တို့ တွယ်တာခဲ့ကြသည်။
တစ်ယောက်ကိုတစ်ယောက် ဖတ်ရှုခဲ့ကြသည်။ ရင်ချင်းနီးခဲ့ကြသည်။

မြို့လေးတစ်မြို့နှင့် ရင်းနှီးခဲ့ဖူးသည်။ ထိုမြို့လေး၏ အမည်မှာမူ နှစ်လုံးတည်း သာဖြစ်၍ ဗုဒ္ဗဟူးနံနှင့်စ၍ သောကြာနံနှင့်ဆုံးပါသည်။ထိုမြို့လေးတွင် ပေါ့ပါးခဲ့ကြသည်။ နာကျင်ခဲ့ကြသည်။ ယစ်မူးခဲ့ကြသည်။

ထိုမြို့လေး၏ လမ်းသွယ်လေးတစ်ခုတွင် သူမနေထိုင်ခဲ့သောအိမ်လေးရှိသည်။
ကျွန်တော်တို့နှစ်ယောက် ကျောင်းသွားသောအခါတိုင်း အိမ်လေးကပြုံး၍ ကြည့်နေတတ်သည်။
တစ်ခါတစ်လေတော့လည်း သူ့ရှေ့မှ ဆိတ်ဖလူးပန်းတို့ကို ချွေ၍ နှုတ်ဆက်တတ်သည်။

သောကြာနေ့ညနေခင်းတစ်ချို့ ပိုင်ဆိုင်ခဲ့ဖူးသည်။ ထိုညနေခင်းတို့ကို ယခုချိန်ထိ မေ့မရခဲ့ပေ။
ဗိုလ်ချုပ်ခေါင်းသီးဟုသူပြောသော အပွင့်ဝါပွင့်သည့်အပင်တစ်ပင်မှအသီးအကြောင်း အပါအ၀င် (ကျွန်တော်ကိုယ်တိုင်ကတော့ ထိုအသီးများသည် မျောက်တစ်ကောင်၏ ဦးခေါင်းနှင့် သာတူသည် ဟုထင်သည်။) ကလေးငယ်ဘ၀၏ အထင်ကြီးစဖွယ် ဗဟုသုတများကို သိခွင့်ရခဲ့ဖူးသည်။

နံနက်ခင်းတစ်ခု လက်ဆောင်ရဖူးသည်။
နေ့စဉ်လိုလို တိုဟူးနွေးစားမည်ဟု ပြော၍ အိမ်မှပိုက်ဆံတောင်းခဲ့သော်လည်း သူရှိသော ထိုနံနက်ခင်းမှသာ
ထိုဆိုင်သို့ဝင်ဖူးခဲ့သည်။ သူ့ဘေးဝင်ထိုင်ခဲ့သော်လည်း သူက နှုတ်ဆက်ခြင်းမရှိသလို ကျွန်တော်ကလည်း နှုတ်မဆက်ခဲ့ပေ။ သို့သော်ထိုနေ့မှာပင် တူမကိုင်တတ်သော ကျွန်တော့်ကို စိတ်ရှည်လက်ရှည် သင်ပေးခဲ့သည်။
ထိုမည်သောမိန်းမသည် လက်ဦးဆရာလည်းဖြစ်၏။

လူမမည်တတ်သေးသော နွေရာသီတစ်ခုတွင် သူမက ကျွန်တော့်ကိုကော သူ့အိမ်လေးနှင့် မြို့လေးကိုပါ
ထားပြီးထွက်သွားခဲ့သည်။ ကျွန်တော်ဝမ်းနည်းသွားသည်။ ကျွန်တော့်ကိုကြည့်ပြီး မြို့လေးက ‘ဒီလိုပါပဲကွာ’ တဲ့။ (အမှန်တကယ်တော့ ထိုစကားသံကို ကျွန်တော်မကြိုက်ပါ။)အိမ်လေးကတော့ မျက်နှာလွဲနေခဲ့သည်။ သူ,မရှိသော မြို့လေးက ကျွန်တော့်ကို အထီးကျန်စွာဆက်ဆံ ပါသည်။ သူ့အိမ်လေးကတော့ မျက်နှာလွှဲမြဲလွှဲလျက်။ တစ်ခါတစ်လေတော့ ဆိတ်ဖလူးနံ့တို့ဖြင့် နှုတ်ဆက် တတ်သည်။
ထိုအချိန်မှစ၍ ကျွန်တော့် ဘ၀တွင် ‘အလွမ်း’ ဆိုသောဇာတ်ကောင်တစ်ကောင်တိုး လာပါသည်။


“သတ္တိရှိလွန်းလို့လွမ်းခဲ့တာမဟုတ်ပါဘူး ကောင်မလေးရယ်...
ခြေလှမ်းတွေအယွင်းယွင်းနဲ့....နင်းခဲ့တာပါ
သံခြေကျင်းနဲ့ အလွမ်းတွေကို
မင်းကော လိုချင်ပါသလား
လျှောက်တော့မေးရမှာပဲ..
အချစ်ဆိုတာ အရှုံးတစ်မျိုးတည်းလားလို့...........”

လမ်းလျှောက်တတ်ကာစ နွေရာသီတစ်ခုတွင် သူခဏပြန်လာပါသည်။ ကျွန်တော်ပျော်သွားသည်။ ကျွန်တော့်ကိုကြည့်ပြီး မြို့လေးက ‘ ဒီလိုပါပဲကွာ’ တဲ့။ (ထိုအသံကို ကျွန်တော်မကြိုက်သော်လည်း)
ကျွန်တော်ရယ်နေခဲ့သည်။ အိမ်လေးကတော့ ပြုံး၍နှုတ်ဆက်သည်။ မှတ်မှတ်ရရ ထိုနှစ်သင်္ကြန်က
မိုးတော်တော်ရွာသည်။
နောက်နှစ်မှာ ကျွန်တော်မြို့လေးကနေ ထွက်ခွါရမယ့် အလှည့်ရောက်လာခဲ့တယ်။ အိမ်လေးကတော့ ပြောပါတယ်‘ တစ်နည်းတော့လည်းကောင်းပါတယ်’ တဲ့။ မြို့လေးကတော့ ‘ ဒီလိုပါပဲကွာ’တဲ့။
ကျွန်တော်ခပ်တင်းတင်း ပြန်ကြည့်ပစ်လိုက်သည်။ “ မြို့ကလေးရေ …အခုတော့ မင်းနဲ့ငါ နှစ်ယောက်တည်း
ဆွေးရတော့မှာပေါ့” တဲ့ သူတို့နှစ်ယောက်၏ အသံကို ကျွန်တော်ကျောခိုင်းပြီး ထွက်လာခဲ့သည်။

နှစ်နှစ်ကြာတော့ ကျွန်တော် မြို့လေးကိုပြန်ရောက်ခဲ့သည်။ ထိုမြို့လေးမှာပင် ရင်ခုန်သံတစ်ချို့ကို ဘာသာပြန်ဖြစ်ခဲ့သည်။ ထိုရင်ခုန်သံအသစ် အချစ်ဖြစ်၏ တဲ။့


ထိုနှစ်မှာပင် သူမနှင့်ပြန်လည်ဆုံဆည်းဖြစ်ခဲ့သည်။(ကျွန်တော်က ဆုံဆည်းရန်ကြိုးစားခဲ့ခြင်း ဖြစ်သည်။)
ရုတ်တရက်တွေ့ချိန်မှာ သူမက ချက်ချင်းပင် မမှတ်မိ။ ထားပါတော့လေ ကျွန်တော်ကိုယ်တိုင်က အပြောင်း
အလဲတွေနဲ့ ထုသားပေသား ကျခဲ့တာဖြစ်နိုင်သည်။ နောက်မှာ ကျွန်တော်သိလာခဲ့ရတယ်။ (အလန့်တကြားပေါ့) ကျွန်တော်တို့ နှစ်ယောက်ဟာ ကြားမှာ သူငယ်ချင်းဆိုတဲ့ အရာကတောင် ခပ်ပါးပါးအလွှာတစ်ခုအနေနဲ့ပဲ ရှိတော့တယ်ဆိုတာကိုပေါ့။ ကျွန်တော်တို့နှစ်ယောက် ၀တ်ကျေတမ်းကျေ မိတ်ဆွေတွေလောက်တောင် စကားမဆိုဖြစ်ခဲ့ကြဘူး။ ဘယ်သူများသိပါသလဲ သူမနှင့်ကျွန်တော့်ကြား တားဆီးထားသော ထိုအရာ?


အချိန်တွေပြောင်းသွားပြီဆိုတာ
ကိုယ် မေ့သွားတယ်ကွယ်။
ဒါကြောင့်ကိုယ်လာခဲ့မိတာပါ။
ကိုယ့်နှလုံးသားကို ဖွင့်ပြလေတိုင်း
မင်းဟာ မျက်နှာလွှဲလွှဲသွားခဲ့တဲ့အတွက်
ကိုယ်ရှက်ခဲ့ရတယ်ဆိုတာ
ကိုယ်မေ့သွားခဲ့တယ်....
(တဂိုး)

မိုးနှောင်းကာလတစ်ခု၏ ညချမ်းတစ်ခုမှာ ကျွန်တော်သူ့ဆီ phone ဆက်ခဲ့သည်။ သူ phone လာကိုင် ခဲ့ပါသည်။ ကျွန်တော် သူ့ကိုဖွင့်ပြောခဲ့သည်။ သူက ချက်ချင်းပဲ phone ချသွားခဲ့သည်။ ရိုးရိုးလေးပါပဲ။ ခပ်ပေါပေါ ဇာတ်လမ်းတွေထဲကလို romatic မဆန်ခဲ့ပါဘူး။ ဆိုင်းမပါ ဗုံမဆင့်ပါပဲ ရင်ခုန်သံတွေရင့်လာ ခဲ့တာ။ သူမက ကျွန်တော့်အတွက် ရင်ခုန်သံများနှင့်ထုဆစ်ထားသော ပန်းတစ်ပွင့်သာဖြစ်သည်။

ငါ့သံယောဇဉ်တို့ ဘီလူးစားခံရတဲ့ည
ငါအခုထိ အမှတ်ရနေတုန်းပဲ
အဲဒီညက မိုးမရွာဘူး..
ဒါပေမယ့်
ငါ့ရင်တစ်ခွင်လုံး ရွှံ့အလူးလူးနဲ့ စံပယ်တို့ခူးခဲ့တယ်

ဒီကြားထဲမှာ ကျွန်တော်သူ့ကို မကြာမကြာ phone ဆက်တယ်။ မကြာမကြာလည်း သူ့ဆီက ဥပေက္ခာတွေ ခံယူရရှိခဲ့ပါတယ်။ ဒီလိုနဲ့ ဥပေက္ခာနဲ့ စိမ်းကားမှုကို စားသုံးရင်း ကျွန်တော့်အချစ်တွေကြီးပြင်းလာခဲ့ရတယ်။
ကျွန်တော်သူ့ကိုphone ဆက်ပြီးလို့ phone ချလိုက်တဲ့အခါတိုင်း တစ်ခုမဟုတ်တစ်ခုကျန်ခဲ့သည်သာ ဖြစ်၏။ နာကျင်မှု၊ တွေဝေယစ်မှူးမှု သို့တည်းမဟုတ် အထီးကျန်ဆန်မှု.......။ ကျွန်တော်သူ့ကို Phone ဆက်တဲ့အခါတိုင်း ကိုယ့်ကိုယ်ကို ဖြည်းဖြည်းချင်း သတ်ဖြတ်နေသည့်နှယ် ခံစားရသည်။ တကယ်တော့ ကျွန်တော်က ဘီလူးပတ်ပျိုးနဲ့ ညှိုးချတဲ့မိုးသံကိုမှ ကြားချင်သူလို သူမအသံကို ကြားချင်ခဲ့သည်လေ။
သူမကို သိပ်ချစ်တယ်ဆိုတာကတော့ သေချာသည်ထက် သေချာခဲ့သည်လေ။

ရဲရဲကြီးနင်းချလိုက်စမ်းပါ ချစ်သူရယ်
ငါ့ရင်ဘတ်မှာ
နင့်အတွက်ထောင်ချောက်တွေ မရှိပါဘူး….

နောက်နှစ် အဲဒီအချိန်မှာပဲ ကျွန်တော်သူနေတဲ့မြို့ကို ရောက်ခဲ့ပြန်တယ်။ ကံမကောင်းစွာနဲ့ပဲ အကြောင်းအမျိုးမျိုးကြောင့် သူရှိရာကိုကျွန်တော်သွားလို့မရခဲ့ဘူး။ ထူးတော့လည်းမထူးပါဘူးလေ နှလုံးသားချင်းဝေးနေသူနှစ်ယောက်အဖို့ နေရာချင်းနီးနေတာက။ ကျွန်တော်သူနဲ့ phone ပြောတယ်။
Email လိပ်စာတောင်းတော့ ပေါက်ကရတွေလျှောက်မပို့နဲ့တဲ့။ ကျွန်တော့်အချစ်တွေက ပေါက်ရတွေတဲ့လား။
ကျွန်တော်က သူနဲ့မခွဲချင်ဘူးလို့ပြောတော့ “နင်ကစိတ်ပျော့တာကိုး” တဲ့ ။ ချစ်မိသူဆိုတာ မတိုက်ခင်က ရှုံးနိမ့်သူဆိုတာ သူမသိခဲ့ဘူးတဲ့လား?( ရှုံးမယ်မှန်းသိရဲ့နဲ့ တိုက်ခဲ့သော ကျွန်တော့်အပြစ်လည်း ဖြစ်နိုင်သည်လေ။)


ကျွန်တော်အဲဒီရက်ပိုင်းမှာ သူငယ်ချင်းတွေနဲ့ phone တော်တော်ပြောဖြစ်တယ်။
သူငယ်ချင်းတစ်ယောက်ကပြောတယ်။ သူလာမတွေ့ဘူးလားတဲ့။ကျွန်တော်ကမတွေ့ဘူးပြောတော့
ငါပြောပေးရမလားတဲ့။သူလာတော့တွေ့သင့်တာပေါ့တဲ့။ ပြာပြာသလဲပဲ ကျွန်တော်တားလိုက်သည်။
တွေ့ချင်သည်မှန်သော်လည်း ကျွန်တော်သူများတကာကို လျှောက်ပြောခိုင်းသည်ဟု ထင်မည်စိုးပါသည်။
အဲဒီလောက်ထိ မမျှော်လင့်တော့ပါ။ သူမနဲ့ပတ်သက်လာလျှင် အရာရာကို ရောင့်ရဲတတ်ဖို့ ကိုယ့်ကိုယ်ကို အကြိမ်ကြိမ်သင်ကြားခဲ့ပြီးဖြစ်သည်လေ။

နောက်နေ့မှာသူနဲ့ phone ပြောတော့ သူလာခဲ့မယ်ဟုပြောသည်။ ကျွန်တော် gate ပေါက်မှာလာစောင့် နေမယ်ဟုပြောလိုက်သည်။ .. .. .. .. ..လုပ်ရက်လိုက်တာ ကံကြမ္မာရယ်လို့ပဲ ကျွန်တော်ပြောခဲ့ရပါတယ်။ တောင်းပန်ပါတယ် ချစ်သူ။ ငါ့ရဲ့လွဲချော်တတ်တဲ့ ကံကြမ္မာအတွက်ပေါ့။ အဲဒီလို ကျွန်တော့ဘ၀မှာ မရှူမလှ
ပျော်ခဲ့ရသည်လေ။ သူနဲ့တွေ့ချိန်မှာ စပယ်လည်းမပွင့်ပါဘူး၊ ကြယ်လည်းမလွင့်ပါဘူး။ ပတ်ဝန်းကျင်ကလည်း ကျေးငှက်တို့
တေးသံနဲ့ ချိုမြမနေခဲ့ပါဘူး။ ဒါပေမယ်.. .. .. .. ဒါပေမယ့်ပေါ့လေ။

ကျွန်တော်လည်းလူပဲဗျာ။ ညနေခင်းတစ်ချို့ ကိုချစ်သူနဲ့ ဖြုန်းတီးချင်တာပေါ့။ ညနေခင်းဆိုတာ ချစ်သူနဲ့လမ်းလျှောက်ဖို့မဟုတ်ရင် အရက်သောက်ဖို့ပဲလေ။ ချစ်သူကို ကိုယ်တိုင်ခူးတဲ့ ခရေနဲ့ မွှေးမြစေချင်တာပေါ့။ ချစ်သူကို ချစ်တဲ့အကြောင်း မှုန်နေအောင် စာလုံးပေါင်းပြချင်တယ်။ ချစ်သူလက်ကို ကိုင်ထားရတဲ့အချိန်ဟာ နတ်စစ်သည်တွေဝန်းရံထားတာထက် လုံခြုံမှုရှိတယ်လေ။


ဒီလိုနဲ့ကျွန်တော်ကားပေါ်ပြေးတက်ခဲ့သည်။ ခွဲခွာချိန်ကလည်း ကြေကွဲဖွယ်ကောင်းလောက်အောင် ကဗျာမဆန်ခဲ့တာသေချာပါသည်။

လူတစ်ယောက်ဟာသူ့တစ်သက်မှာ တစ်ခါတော့မှားမှာပဲ ဟုဆိုလျှင် ကျွန်တော်သူမကို ချစ်မိခြင်း
မှာထိုအမှားမဖြစ်ချင်ပါ။ တောင်းပန်ပါတယ် မင်းကိုတို့မချစ်နိုင်တာ ခွင့်လွတ်ပါ ဟုပြောလာသော ကောင်မလေးကို, တောင်းပန်တာကို ခွင့်လွတ်တယ်။ ဒါပေမယ့် မချစ်တာကိုတော့ ခွင့်မလွတ်ဘူးဟု ပြောပေးပါ။ ကျွန်တော်က ကောင်းကင်နဲ့မြေကြီးကြား အသက်ရှူမှားနေတဲ့လူလေ...
တစ်ခါတစ်လေတော့လည်း ပေးတာကိုမယူသော သူမအပြစ်လား မလိုချင်တာကိုအတင်းပေးသော ကျွန်တော့်အပြစ်လားဟု တွေးမိသည်။ ပြက္ခဒိန်ထဲကရက်များအားလုံး ပြဿဒါးဟု ယုံကြည်ချိန်မှာ လူတွေက ကျွန်တော့်ကိုရက်ရာဇာဟု မြင်ကြသည်။ သူတို့ကိုလည်း အပြစ်မဆိုသာပါ တကယ်တော့ ကျွန်တော်က သာမန်ရုံးပိတ်ရက်တစ်ရက်သာ ဖြစ်ပါသည်။
မင့်ကိုစဉ်းစားဖို့ပြောနေတာမဟုတ်ပါဘူး ချစ်သူ ခံစားဖို့ပြောနေတာပါ..။
မင်းဟာ ငါ့အတွက် ဘုရားသခင်ရဲ့လက်ဆောင်ဆိုလည်း ဟုတ်တယ်၊ မာရ်နတ်ရဲ့ပန်းသီးတစ်လုံးဆိုလည်း
ဟုတ်တယ်။ ဘာကြောင့်လည်းဆိုတော့ မင်းဟာ ငါ့ဆီကို အချစ်တွေသယ်လာပေးတယ်။ ဒါပေမယ့် အဲဒီ
အချစ်တွေမှာ ချိုမြိန်ခြင်းကင်းမဲ့နေလို့....။အချစ်ရဲ့လောင်မြိုက်မှုကို ငါဘယ်လောက်ထိ ခံနိုင်မယ်လို့ မင်းထင်လဲ? ရေမှုတ်တစ်ဖက် မီးစတစ်ဖက်နဲ့ မင်းရက်စက်ဦးမယ်ပေါ့
မဟုတ်ဘူး..မင်းက တကယ်တော့ မီးစပဲကိုင်ထားခဲ့တာ......
ခေတ်ဟောင်းရုပ်ရှင်တွေထဲကလိုပဲ မီးခိုးငွေ့တလူလူနဲ့ ခုတ်မောင်းခဲ့တာပါ
ဒါပေမယ့် ငါရပ်ချင်တဲ့ဘူတာရုံမှာ မီးအိမ်နီတစ်လုံး လှုပ်ရမ်းမနေခဲ့ဘူး...


(သူမနဲ့ ကျွန်တော်ကြား ဘာများမှားခဲ့ ပါသလဲ။)


လွမ်းတယ်..,,,
မီးခိုးငွေ့တလူလူနဲ့ ….လွမ်းတယ်
ဆံနွယ်တွေကြဲဖြန့်တဲ့ ရာဇ၀င်မှာ
(သူ့အတွက်ဆို) အကြိမ်ကြိမ်လည်း ပွင့်ရဲခဲ့တယ်...
တကယ်တော့..ငါက
ငါ့ကိုယ်ငါမျှားနေတဲ့လူတစ်ယောက်
နောက်ဆုံးငါးစာက မျှော်လင့်ချက်သာဖြစ်တယ်။
လေစိမ်း မြေစိမ်း ရေစိမ်း
ခံယူချက်စိမ်းစိမ်းနဲ့ ငါ့အတွက်
သံယောဇဉ်ကတောင် စိမ်းလို့
ဖြစ်နိုင်ရင်..
ဘီလူးတွေခင်းတဲ့ အလွမ်းဇာတ်လမ်း
လူကြမ်းအဖြစ်ဝင်ကချင်တယ်...
ချစ်သူကိုလွမ်းတဲ့အခါများ
ကမ္ဘာကြီးတောင် တန့်ရပ်လို့
အလင်းနဲ့အမှောင်က တစ်ပြိုင်နက်တည်းတောက်ပ
မိုးပျပျအုံ့တယ်..
ခေါင်းငုံ့လိုက်တိုင်း ကိုယ့်နှလုံးခုန်သံ ကိုယ်ပြန်မြင်ရလွန်းတော့........။။။

( ကျွန်တော်ဖိုရမ်တစ်ခုထဲမှာ ရေးခဲ့တာလေး ပြန်တင်ပေးလိုက်တာပါ...)